radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
މެކުހަށްޖެހުން
މ ދުއްވާ އެއްޗެހީގެ އިންޖީނުގެ ދުވެލި އެންމެ މައްޗަށް ޖެއްސުން
މެކުނި
ނ ވާފުރާ ކުދިމަކުނު
މެކުނު ފުމުނަކަސް ގާހަކަޔަކަށް ނުފުމެވޭނެ
)މުސްކުޅިބަހެއް( ކަމަކަށް އެކަށީގެންނުވާ މީހަކު އެކަމެއް ކުރަން އުޅުނީމާ ބުނާއެއްޗެއް
މެކްސީ
ނ އަންހެނުންލާ ދިގުހެދުމެއް
މެއިހަނދި
ނ )ޏ ( ހަނދިމަހުގެ ބާވަތެއް މެޔަ ހަނދި ނުވަތަ މޮޔަހަނދިވެސް މިއަށް ކިޔައެވެ
މެއިބިސްކުރަނޑި
ނ މަސްކެއުން ޙަލާލުތަކެތީގެ އެތެރެހަށިން ކެއުމަށް ބޭނުން ކުރުމަށް ނަގާ އެތެރެހަށީގެ ގުނަވަންތައް
މެއްކުވަޅު
ނ މެއްކުޖަހަން މަތިކަނުގައި ނުވަތަ ފަށްގަނޑުގައި ކޮނެފައި ހުންނަތަން
މެއްތުން
މ ވަކަ ދަނޑިން ވަކަގަނޑު ދަމާފައި ނުވަތަ ނުދަމާތޮށިބައި ވަކި ކުރުން
މެއްލަ
ނ މަތިވަޑާންގަނޑު ހިފެހެއްޓުމަށްޓަކައި ގައުފޮޅު މަތީގައި ނުވަތަ ގައުފޮޅުމަތީ ވަކަރަށް އިންދާފައި ހުންނަ މުޑި ނުވަތަ ވަކަރު
މެމްބަރު
ނ މެމްބަރު ކޮމެޓީއެއްގައި ނުވަތަ ޖަމާޢަތެއްގައި ހިމެނޭ މީހެއް
މެދު
ނ (1) ދިމާމެދު (2) ވައްބުރެއްގެ އެތެރެއިން ފެށިގެން ބޭރުރޮނގާ ހަމަޔަށް ދަމާލެވޭ ހުރިހާ ރޮނގުތަކެއް އެއްވަރުވާ ނުކުތާ (3) އެއްޗެއް އޫކޮށް ހުރިއެއްޗެއްގެ މަތީގައި ބާއްވައިފިނަމަ އެއެއްޗެއް ހުރިހާ ފަރާތަކަށް އެއްވަރުވާ ނުކުތާ (4) އެއްޗެއް ދެބައިކޮށްލާއިރު ދެފަރާތަށް އެއްވަރުވާ ނުކުތާ (5) ކަމެއްގެ ފެށުމާއި ނިމުމާ ދޭތެރެ (6) ބެހޭ މިސާލު: އެފޮތާމެދު (7) ފުޅަފުގައި ނުވަތަ ފުރާޅުގައި ފަންލާއިރު ނުވަތަ ދަމާއިރު ފަންގަނޑު އެއްވަރަށް ބެހެއްޓުމަށްޓަކައި ތަންތަންކޮޅުން އައްސާއެތިފަށް
މެދުރި
ނ ގޮޅިނުހުންނަހެން ބަދަހިކޮށް ރޯނުން ވިޔެފައި ހުންނަ ބޮޑެތި ދޫލަޒާތުގެ އެއްޗެހި
މެދުރިކުނާ
ނ (1) އިހުގައި ދޫލައިގެ ބަދަލުގައި ބޭނުންކުރާކުނާ (2) މެދުރިމަތީގައި އަޅާކުނާ
މެދުރިދައު
ނ ބޯދިނަގަން ގެންގުޅޭ ރޯނުދާ
މެދުރީމީހުން
ނ ގަނޑުވަރުތެރޭގެ ރަސްމީފަރީއްކޮޅުތަކާއި އަޑަފިކޮޅުގެކަންތަކާއި ތިނޯހު މަސައްކަތުގެ ކަންތައްކުރުމަށް ސަރުކާރުން ލައްވައިފައި ތިބޭބައެއް މިކަމަށް ތިބޭނީ އަންހެނުންނެވެ މިމީހުންގެ ވެރިޔަކަށްވެސް އިންނާނީ އަންހެނެކެވެ
މެދުރު
ނ )ހ ( އެންހިފަން ގެންގުޅޭ ރޯނުދައު
މެދުރޯނު
ނ (1) ހިމަރޯނާ ފަލަރޯނާ ދެމެދުގެ ރޯނު (2) ބިތް ފަންގަނޑުގެ ބޮލުރޯނާ ހުނގުލި ރޯނާ ދެމެދުގައި އޮންނަރޯނު
މެދުބިތް
ނ (1) އިހުގެ ގޭގޭގައި މެދުއެތެރެގެއާ ބޭރުގެއާ ދެމެދުގައި ހުންނަ ބިތް (2) ގޭގެ ކޮންމެ ދެބައެއް ވަކި ކުރުމަށްޓަކައި ހުންނަ ފާރު ނުވަތަ ބިތް
މެދުބޭންދުން
މ ދިމާވާ މުސީބާތަކާހުރެ މައުލޫދު ނުވަތަ ޞަލަވާތް ކިޔަން ނަދުރު ބުނެގެން އެކަންކުރާއިރު އެމުސީބާތެއް ޖެހުނުމީހަކު ނުވަތަ ކުއްޖަކު އެޖަމާޢަތުގެ މެދުގައި ބޭންދުން
މެދުކެނޑުން
މ (1) ވިދިވިދިގެން ހިނގަމުން އައިކަމެއް ނުވަތަ ކުރަމުން އައިކަމެއް ނުވެ ވަގުތުކޮޅެއް ނުވަތަ ދުވަސްކޮޅެއް ދިއުން (2) ވަކި އުޞޫލެއްގެ މަތިން ހިނގަމުން އަންނަކަމެއް އެއުޞޫލުން ލަސްވުން