radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
މޫނުކަޅު
ނއ މަޖާޒު: (1) ޚަޞީލަތް ނުބައި (2) އެތެރެފުށް ނުބައި
މޫނުކަޅުވުން
މ މަޖާޒު: (1) ނުރުހުމާއި ފޫހިކަން މޫނުމަތިން ނުހަނު ބޮޑަށް ފާޅުވުން (2) ޚަޞީލަތް ނުބައިވުން (3) އެތެރެފުށް ނުބައިވުން
މޫނުކުނިކުރުން
މ މަޖާޒު: ނުރުހުމާއި ފޫހިކަން މޫނުމަތިން ފާޅުކުރުން
މޫނުއަނބުރާލުން
ނ މަޖާޒު: (1) ކަމަކާ ހިތްހަމަނުޖެހިގެން ނުވަތަ ލަދުން ފުރަގަސް ދިނުން (2) އަނެކެއްގެ ކަންތަކުގައި ބައިވެރިނުވެ އެއްކިބާވުން (3) އަޅާނުލުން
މޫނުއަލި
ނއ (1) މޫނު ސާފު (2) މޫނު އުޖާލާ (3) މޫނުމަތިން ފެންނަ ރުހުމުގެ އަސަރު (4) މަޖާޒު: ހިތްހެޔޮ (5) އޯގާވެރި
މޫނުއަލިކަން
ނއނ (1) މޫނުގެ ސާފުކަން (2) މޫނުގެ އުޖާލާކަން ނއ (3) މޫނުމަތިން ފެންނަ ރުހުމުގެ ކުލަވަރު
މޫނުއެޅުން
މ (1) ކަފުންކޮށް ނިމިގެން މައްޔިތާގެ މޫނުމަތީގައި ބޭއްވުމަށް ޚާއްޞަ ކުރެވިފައިވާ ކަފަގަނޑު މޫނުމަތީގައި ބޭއްވުން ނުވަތަ ކަފަގަނޑުން މޫނު ނިވާކުރުން (2) މަޖާޒު: ހިނގަހިނގާހުރި ކަމެއް ހުއްޓުން
މޫނުއެޑުން
މ )ޏ ސ ( މޫނު އެޅުން
މޫނުމަތި
ނ (1) މޫނަށްވީ ހިސާބު. (2) މޫނުގެ ސިފަ ބަދަލުކުރުމަށްޓަކައި އަލަށް ހަދައިފައި ހުންނަ އެއްޗެހި (3) ފީނާއިރު ލޯރައްކާތެރި ކުރުމުގެ ގޮތުންނާއި ފަސޭހައިން ތަންތަން ބެލުމަށްޓަކައި މޫނުގައި އަޅަން ހަދައިފައި ހުންނަ އެއްޗެހި (4) ގަޑިއާއި ސަމުގާ ފަދަ އެއްޗެހީގެ އަކުރުތައް ޖަހައިފައި ހުންނަފަރާތް (5) ކުރިމަތި
މޫނުމަތިމިލުން
މ (1) ދެރަވުމުގެ އަސަރު މޫނުމަތިން ފާޅުވުން (2) މޫނުމަތީގެ ތާޒާކަން ނެތުން
މޫނުމަތިތަޅާލުން
މ މޫނުމަތިން ތަނެއް ހަލާކުވުން ނުވަތަ ހަލާކު ކޮށްލުން
މޫނުމަތީގައިމޮށުން
މ ތިމާ އިޙްތިރާމް ކުރަންޖެހޭ މީހެއްގެ ކުރިމަތީގައި ދޫނުކޮށް ޒުވާބުކުރުން
މޫނުދެކެންދިއުން
މ މައްޔިތާ ކަފުންކޮށް މޫނު އެޅުމުގެ ކުރިން އެމީހެއްގެ ގާތަށް ދިއުން
މޫނުދޮންނަތަށި
ނ މޫނު ދޮވުން ފަދަ ކަންތަކަށް ބޭނުން ކުރަން ހުންނަ ތަށި )ޢާއްމުކޮށް މިތަށި ހުންނާނީ ފާޚާނާގައެވެ
މޫނުޖެހުން
މ މަޖާޒު: މޫނު ކެނޑިފައި ތިބި ދެމީހުން ނުވަތަ ބަޔަކު އަލުން ގުޅުން
މޫކެނޑުން
މ (1) މަސްދޯނީގައި މަސައްކަތެއް ކުރެވޭ ވަރު ނުވާތީ މަސްބައެއް ދީފައި ރަށުގައި ބަހައްޓައިގެން އެމީހާލައްވާ އަހިމޫ ކެނޑުވުން މިއީ ދަލުގައި ކުލަޖައްސަން ކުރާކަމެކެވެ (2) މަޖާޒު: ކުރާވަކި ކަމެއްނެތި ރަށުގައި ގިނަވެގެންއުޅޭ އުޅުމަށް ވެސް މިހެން ކިޔައެވެ
މޫމިޔާ
ނ ބޭހަށް ބޭނުން ކުރާ އެއްޗެއް. މިފެން ފޮދަކަށްލީމާ އޭތިކޮޅު މަތީގައި އޮވެފައި އަޑިޔަށް މޫތަކެއްހެން ކުލަ ފައިބާނެއެވެ
މޫދުކައްޓަލަ
ނ މޫދު ކައްޗޭ. )މުޅި ގައިގައި ކަށިފަޅައިފައި މޫނުމަތި މާގަނޑެއްގެ ސިފައިގައި ހުންނަ ކަޅުކުލައިގެ ދިރޭ އެއްޗެއް( މިއުޅޭނީ މޫދުގައެވެ
މޫދުމާގަނޑު
ނ ފަރުފަރުގެ ބޭރުމަތީގައްޔާއި ފަޅުފަޅުގައި މާގަނޑެއްހެން ހުންނަ މުރަކަ ޢާއިލާގެ އެއްޗެއް ޚައްޠު އިސްތަވާގެ ކަނޑުތަކުގައި ހުންނަ މިބާވަތުގެ ބޮޑެތި މާކަނޑުގައި މާގަނޑުމަސް ނުވަތަ ސައިބޯނިމަސް ދިރިއުޅެއެވެ
މޫދުމެހި
ނ މޫދުމަކުނު