radheef.info
ރަދީފު


ބަ
އ އައްބަ
ފިނިހައް
ނ ތެތްފިނި ތަންތާނގައި އުޅޭ އެނބުރިފައިވާ ތޮށިގަނޑެއްގެ ތެރޭގައި އޮންނަ މަޑުން ދުވާ ސޫތްޕެއް މިއެތި ދުވަނީ އެތެރޭގައި އޮންނަ މަސްގަނޑުން ބައެއް ބޭރަށް ނެރެގެންނެވެ
ފިނިހިއްޕެވުން
ނ ބައްދަލުވުންތަކުގައި ދެވޭ ފިނި ފޮނި ބުއިމަށް މާތްބަހުން ބުނާގޮތް
ފިނިބަތްޕެން
ނ ރޭހުރި ބަތްޕެން
ފިނިމޫސުން
ނ (1) އަހަރުގެ ތެރޭގައި އަންނަ ފިނިދުވަސްވަރު. (2) އަހަރުގެ މަސްތައް ތަފާތު ހަތަރު މޫސުމަކަށް ބަދަލުވާ ތަންތަނުގައި ޚަރީފާއި ރަބީޢާ ދެމެދަށް އަންނަ މޫސުން ދުނިޔޭގެ އުތުރުގެތަން ތަނަށް މިމޫސުން އަންނަނީ ޑިސެމްބަރުން މާރިޗަށެވެ
ފިނިމޮޑުން
ނ ޅަކުދިން އަވަހަށް ހިންގުވުމަށްޓަކައި ފަތިހު ފިނިފައިބައިފައި ހުންނަ ވެލި ކުއްޖާގެ ފައިގައި މޮޑުން
ފިނިފެން
ނ (1) ރަހަމީރުކުރަން ބައެއްކަހަލަ ފޮނިއެއްޗިއްސަށް އަޅާށާއި ބޭހަށް ބޭނުންކުރަން ތައްޔާރުކޮށް ފުޅީގައި ބަންދުކޮށްފައި ހުންނަ ފެނެއް (2) ފިނިކޮށް ހުންނަ ފެން
ފިނިފެންމާ
ނ (1) ވާކޮށް ހެދޭ ކަށި ހުންނަ ގަހެއްގައި އަޅާ ފަސްފިޔައިގެ ފިޔަބަރި ތަކެއް ހުންނަމަލެއް )މީގެ އެންމެ ޢާއްމު ވައްތަރަކީ މަޑު ފިޔާތޮށި ކުލައެވެ މިކުލައިގެ މަލުގައި މަޑުމަޑު މީރުވަހެއް ހުރެއެވެ ( (2) ފިނިފެންމަލާ އެއްގޮތަށް ހަދައިފައި ހުންނަމާ
ފިނިފެންޖެހުން
މ މާލޫދު ދެބައިކުރަން ތެދުވީމާ ހުވަނދުދީފައި ގުލާބުދާނުން މީރުވަސް ދުއްވައިފައި ހުންނަފެން ވިއްސުން އެކިއެކި ކުޅިވަރުތައް ކުޅޭ އިރުވެސް މިގޮތަށް ފެންވިއްސައެވެ
ފިނެއިންފުރިގޮތަށްހުރުން
މަޖާޒު: ހައި ބަނޑާ ހުންނަ ހުރުމަށް ބުނާ ބަހެއް
ފިނޭންފުރިގޮތަށް
)މިސާލުބަހެއް( ހައިބަނޑާ ހުރުމަށް ބުނެއުޅޭ ބަހެއް
ފިންމޫދުއޮއި
ނ )ސ.( އެތެރެ ވަރީގައި ރޭގަނޑު އަޅާ އޮޔެއް. ކަނޑު އޮޅިތަކުން އެތެރެވަރިއަށް މިއޮއި ވަނުމުން ފެންމަތި އޮމާންވެ އަނދިރިވެފައި ލޮނުގަނޑުގެ އަޑިން ރެދަން ފެނެއެވެ މިއޮއި އެޅުމުން އެތެރެވަރީގެ މަސްވެރިކަން ނުބައިވެއެވެ
ފިންދަނޑި
ނ ރާބަދީގެ އެތެރެ ދޮންނަން ގެންގުޅޭ ފިހިގަނޑު
ފިންދުނި ކާއްތާލައިފައި ދިއުން
މ މަޖާޒު: )މިސާލުބަހެއް( މުސީބާތެއް ނުވަތަ ނުރައްކަލެއްގެ ތެރެއަށް ކިރިޔަ ކިރިޔާ ނުވެއްޓި ސަލާމަތް ވުން
ފިރާވަރު
ނ )ބދ ( ގިނަ ބައިވަރު
ފިރާލުން
މ (1) ރިޔާ އަނެއްފަރާތަށް ލުން (2) ހުރިގޮތުން އެހެންގޮތަކަށް ބަދަލުވުން
ފިރިހެންދުޅާ
ނއ ފިރިހެންވެގެން އުޅޭ އަންހެނުންނަށް ބުނެ އުޅޭބަހެއް
ފިރިބިނދެބަލައި
މ )ބދ ( ފިކުރުކޮށް ބަލައި
ފިރިކަލުން
ނ ފިރިމީހާ މިބަހުގެ މާތްގޮތް
ފިރިފުރާ
ނއ (1) ބާލިޣުވެފައިވާ (2) މީހަކާ އިންނަވަރުވެފައިވާ މިބަސް ބޭނުންކުރަނީ އަންހެނުންނާ ބެހޭ ގޮތުންނެވެ
ފިރިފުރާވަރަށްއެރުން
މ (1) ބާލިޣުވާ ޢުމުރަށް އެޅުން (2) ބޮޑުވާ ޢުމުރަށް އެޅުން މިބަސް ބޭނުން ކުރަނީ އަންހެނުންނާ ބެހޭގޮތުންނެވެ