radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ކަނުކަލޮޔަށް އިރުވާހުދު ދެއްކުން
)މިސާލުބަހެއް( ހަޤީޤަތާއި ޚިލާފުގޮތަކަށް އަނެކަކަށް އެއްޗެއް ތެދުކޮށްދިނުން
ކަނުއަނދިރި
ނ ނުލާހިކު އަނދިރި
ކަނުވުން
މ (1) ލޮލަށް ނޭނގޭ ގޮތްވުން (2) އާދައިގެ އޮށްވަޅު ކުޅޭއިރު ފުރަތަމަ ކުޅިގަނޑަށްފަހު އެމީހަކަށް ލިބޭ ފުއްތައް ވަޅުވަޅަށް އަޅަމުންދާއިރު ވަޅަށް ފުއް ހަމަނުވެގެން ވަޅުހުސްވުން (3) މަޖާޒު: ހިތަށް ނުވިސްނޭގޮތްވުން
ކަނުފަލި
ނ ދޯނީގެ އެންމެ ކޮޅުފަސްކޮޅަށް ހުންނަ ދެފަލި
ކަނުލައި އެހުން
މ (1) ކިޔާ އެއްޗެއް ނުވަތަ އިވޭއަޑެއް ފަރުވާ ބަހައްޓައިގެން އެހުން (2) ކަންދީ އެހުން
ކަނުލޯބި
ނ (1) އުނިސިފަތައް ނުފެންނަ ލޯބި (2) ދޮންފުތު ލޯބި
ކަންހިމެނުން
މ (1) ކަންހިމުން (2) ކަންތައްތަކެއްގެ ޢަދަދު ބެލުން
ކަންނެތްދެލޮނުމަސް
ނ ބަނބުކޭލުގައި ކައްކާ ހިކިކޮށްހުންނަ ލައިގެންކާ އެއްޗެއް
ކަންވަނުން
މ ނިޔަފަތީގެ ކަން އެއިނގިލީގެ މަސްގަނޑު ތެރެއަށް ހެރުން
ކަރަންޓީނު
ނ (1) ގައިންގަޔަށް އަރާ ނުރައްކާތެރި ބައްޔެއް އުޅޭ ރަށަކުން އަންނަ އުޅަނދު ފަހަރުގައި އެފަދަ ބައްޔެއްޖެހިފައި ހުރި މީހަކު ހުރިތޯބެލުމަށް އެ އުޅަނދަކަށް މީހުންއަރާ ފޭބިޔަނުދީ އެހެން އުޅަނދު ފަހަރާ ދުރުގައި ވަކިމުއްދަތެއް ވަންދެން ކުރާ ބަންދު (2) ބޭރު ރަށަކުން އަންނަ އުޅަނދެއްގައި ގައިން ގަޔަށް އަރާ ބައްޔެއް ޖެހިފައިވާ މީހަކު ހުރިނަމަ އެ އުޅަނދަކުން މީހުން އަރާ ފޭބިޔަނުދީއެހެން އުޅަނދު ފަހަރާ ދުރުގައި ވަކި މުއްދަތެއް ވަންދެން ކުރާ ބަންދު (3) ނުރައްކާތެރި ރޯގާއެއް އުޅޭ ރަށްރަށަށް މީހުންއަރާ ފޭބިޔަނުދީ ވަކިމުއްދަތެއް ވަންދެން އެރަށްރަށް ކުރާ ބަންދު
ކަރަންޓީނުކުރުން
މ (1) ގައިންގަޔަށް އަރާ ނުރައްކާތެރި ބައްޔެއް އުޅޭ ރަށަކުން އަންނަ އުޅަނދު ފަހަރުގައި އެފަދަ ބައްޔެއް ޖެހިފައި ހުރި މީހަކު ހުރިތޯ ބެލުމަށް އެ އުޅަނދަކަށް މީހުންއަރާ ފޭބިޔަނުދީ އެހެން އުޅަނދު ފަހަރާ ދުރުގައި ވަކި މުއްދަތެއް ވަންދެން ބަންދުކުރުން (2) ބޭރު ރަށަކުން އަންނަ އުޅަނދެއްގައި ގައިންގަޔަށް އަރާ ބައްޔެއް ޖެހިފައިވާ މީހަކު ހުރިނަމަ އެ އުޅަނދަކަށް މީހުން އަރާ ފޭބިޔަނުދީ އެހެން އުޅަނދުފަހަރާ ދުރުގައި ވަކިމުއްދަތެއް ވަންދެން ބަންދުކުރުން (3) ނުރައްކާތެރި ރޯގާއެއް އުޅޭ ރަށްރަށަށް މީހުން އަރާ ފޭބިޔަނުދީ ވަކި މުއްދަތެއް ވަންދެން އެރަށްރަށް ބަންދުކުރުން
ކަރަންޓީނުވުން
މ (1) ގައިންގަޔަށް އަރާ ނުރައްކާތެރި ބައްޔެއް އުޅޭ ރަށަކުން އަންނަ އުޅަނދު ފަހަރުގައި އެފަދަ ބައްޔެއް ޖެހިފައި ހުރި މީހަކު ހުރިތޯ ބެލުމަށް އެއުޅަނދަކަށް މީހުން އަރާ ފޭބިއަނުދީ އެހެން އުޅަނދު ފަހަރާ ދުރުގައި ވަކި މުއްދަތެއް ވަންދެން ބަންދުވުން (2) ބޭރު ރަށަކުން އަންނަ އުޅަނދެއްގައި ގައިން ގަޔަށް އަރާ ބައްޔެއް ޖެހިފައިވާ މީހަކު ހުރިނަމަ އެއުޅަނދަކުން މީހުން އަރާ ފޭބިޔަނުދީ އެހެން އުޅަނދުފަހަރާ ދުރުގައި ވަކި މުއްދަތެއް ނިމެންދެން ބަންދުވުން (3) ނުރައްކާތެރި ރޯގާއެއް އުޅޭ ރަށްރަށަށް މީހުންއަރައި ފޭބިޔަނުދީ ވަކި މުއްދަތެއް ވަންދެން އެރަށްރަށް ބަންދުވުން
ކަރަންޓީނުފިލުން
މ ކަރަންޓީނުގައި ތިބި ބަޔަކުގެ ބަންދު ފިލުން
ކަރަންޓީނުދިދަ
ނ ކަރަންޓީނުގައި ތިބޭއިރު އެއުޅަނދެއްގައި ނަގައިފައި ހުންނަ ޚާއްސަ ރީނދޫ ދިދަ
ކަޅިރަވަތޫނު
ނއ ލޮލުގެ ބުރުސޫރަ ރީތިކަމާއެކު އަސަރުގަދަ
ކަޅިރަވަތޫނުކަން
ނއނ ލޮލުގެ ބުރުސޫރަ ރީތިކަމާއެކު އަސަރުގަދަކަން
ކަޅުވާފާނު
ނ )ގ ( ހުއިފަތުނައި
ކަކައަޅައިހުނުން
މ މާބާރަށް އަޑުއިވޭނޭހެން ހީނގަތުން
ކައިފިއެއްޗަކާ ބޭރިވެސްނުމޮށޭނެ
)މުސްކުޅިބަހެއް( ކޭއެއްޗަކާދޭތެރޭ ވާހަކަދައްކާނެ ކަމެއްނެތޭ ބުނުމަށް ބުނެއުޅޭ ބަހެއް
ކައްފާރަދިނުން
މ ބައެއްކަހަލަ ފާފަ ކުރެވުނީމާ ހިފަންޖެހޭރޯދަ ހިފުން ނުވަތަ ދޭންޖެހޭ ޞަދަޤާތް ދިނުން