radheef.info
ރަދީފު


ނަ
އކ (1) ނަފީކުރަން ބޭނުންކުރާ އަކުރެއް މިއަކުރު އާއްމުކޮށް އަންނާނީ ބަހުގެ ކުރިޔަށެވެ މިސާލު ނަހަމަ (2) ނޫން
ހިއްކިބަތް
ނ ހިއްކައިފައި ހުންނަބަތް
ހިއްކިބިލިމަގު
ނ ހިއްކައިފައި ހުންނަ ބިލިމަގު ގިނައިން މިހިއްކަނީ ލޮނުއަޅައިގެން ފޮނު ފޮޅުވައިފައެވެ
ހިއްކިކަނޑޫ
ނ ހިއްކައިފައި ހުންނަ ކަނޑޫ
ހިއްކިކެޔޮ
ނ ތޮށިމަށައި ފަޅިކޮށް ފޮނުފޮޅުވައިގެން ނުވަތަ ފޮނު ނުފޮޅުވައި ހިއްކައިފައި ހުންނަ ބަބުކެޔޮ
ހިއްތަންވެން
ނ )މ ( (1) ތިއްތިއްޖަހައިފައި ހުންނަ ވެނެއް (2) ކިރުޅިއަވެން
ހިއްތަލަ
ނ ހިތިފިލުވައިގެން ކާގޮނޑިއެއް މިއީ ރާއްޖޭގައި ވަރަށް ގިނައިން ހެދޭ ކާނާއެކެވެ މިއެންމެ ވައްތަރުވާނީ ވިލާތު އަލުއްވާއެވެ
ހިއްލުން
މ (1) ނެގުން. (2) އުފުލުން. މިސާލު: )ހ( މިގާ ހިއްލާލަދީބަލަ! )ށ( ހެދުން ނުހިއްލާ! (3) ނޭވަޔަށް އުނދަގޫވުން. (4) ރިޔާނަގައިގެން ދުއްވާ އެއްޗެހި ވަޔަށް ނެގުން. (5) ވޮލީ ކުޅޭއިރު ސޮޓްޖެހުމަށް ބޯޅަ އުފުއްލައި ދިނުން. (6) ހުޅުވުން (7) މަޖާޒު: ކޮޅުވުން
ހިއްޗަށްވަޑައިގަތުން
މ (1) ރަމަޟާންމަހު 22، 24، 26، 28 މިދުވަސް ދުވަހު ހަވީރު ނުވަތަ މިދުވަސް ދުވަހާއި ވިދިގެން އަންނަ ރޭރޭ ކުރާރަސްމީ ކަންތައް އަދާ ކުރެއްވުމަށް ރަދުން ނުވަތަ ހަތްކޮޅު ނަގާ ބޭފުޅުން އެދުވަހަށް ޚާއްޞަ ވެގެންވާ ޒިޔާރަތެއްގެ ދޮށަށް ރަސްމީގޮތުގައި ވަޑައިގަތުން (2) "ހިތި" ބަލާ!
ހިއްޗިގޮނު
ނ )ސ ( ރޯދަމަހު އިރުއޮއްސޭ ވަގުތަށް ރޯދަވީއްލަން އަތިރިމައްޗަށް ގެންދާން ކާތަކެތި އަޅަން ފަނުން ވިޔެފައި ހުންނަގޮނު
ހިމަނައިލުން
މ (1) ޢަދަދު ބަލައިލުން (2) ގުނައިލުން (3) ބައިވެރިކޮށްލުން
ހިމަނަގޫމަޑި
ނ )ހ ( ނަރުނަގޫމަޑި
ހިމަބިހި
ނ ހުންއައިސްފައި ގައިގެ ހަމުން ނުލާހިކު ގިނައިން ކުދިކުދި ބިހިތަކެއް ނަގާ ބައްޔެއް މިއީ ވަރަށް ފަސޭހައިން އެކަކުގައިން އަނެކަކު ގަޔަށް އަރާ ބައްޔެކެވެ މިބަލި ގިނައިން ޖެހެނީ ކުޑަކުދީންނަށެވެ
ހިމަބޯދު
ނ ބޯދީގެ އާއިލާގެ ބާވަތެއް މިއީ އެހެނިހެން ބޯދީގެ ބާވަތްތަކަށްވުރެ ހިމަ އެއްޗެކެވެ މީގެ ބަނޑުދޮށް ފަރާތުން ކަރުތާފަތާ ދިމާ ތިރީގައި ހުންނަ ކޮތަރިބައި ބޮލުގެ ދިގުމިނުގެ ދެބައިކުޅަ އެއްބައިހާ ދިގެވެ މަހުގެ ކުލައަކީ މަޑު ފިޔާތޮށި ކުލައެވެ މަހުގެ ތުނބުން ފެށިގެން ލޯހުރަސްކޮށް މަހުގެ ކަރުތާފަތްގަނޑުގެ ކޮޅަށް ގަދަމުށި ކުލައިގެ ރޮނގެއް ދެމިފައި ހުރެއެވެ
ހިމަފުށް
ނ (1) އޮލަފުށް (2) ހިއްތަލަފުށް ހަދާއިރު އެންމެ ހިމުންކޮށް ނަގާބައި
ހިމަގޮހޮރު
ނ އިންސާނުންނާއި ޙައިވާނުންގެ ބަނޑު ތެރޭގައި ސަނގަލާ ޖެހިފައި އޮންނަ ގޮހޮރު
ހިމާރަށްގޮވުން
މ (1) ހިމާރަކަށް ގޮވާލުން (2) އިންސާނަކާ ދިމާއަށް ހިމާރެކޭ ބުނުން
ހިމާރު
ނ ތަކެތި އުފުލުމަށާއި ސަވާރުވުމަށް ބޭނުންކުރާ މަޝްހޫރު ޖަނަވާރެއް މިއީ އެންމެ ގަބު އެންމެ އަޑުހުތުރު ޖަނަވާރެވެ
ހިމުން
ނއ (1) ފުށްކުދި (2) ފުއްބޮޑުކަމުގެ އިދިކޮޅު (3) ރާޅުކަމުގެ އިދިކޮޅު (4) ދެގަނޑެއްޗެއް ޖެހިފައި ހުންނަލެއްގާތް (5) )މ ( އެދޭގޮތަށްވުން މިސާލު: އޭނާކުރާ ކަންތައް އަހަންނަށް ވަރަށް ހިމެއެވެ
ހިމުންކަން
ނއނ (1) ފުއްކުދިކަން (2) ދެގަނޑެއްޗެއް ޖެހިފައި ހުންނަލެއް ގާތްކަން
ހިމުންފުށް
ނ (1) ހިމުން ކޮށް ހުންނަފުށް (2) އޮލަފުށް