radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
މާތާނު
ނއ (1) މާސިންގާ (2) ބޮޑުސިންގާ މިސާލު: އޭނާއަކީ މާތާނު މީހެކެވެ
މާތްބަސް
ނ ދިވެހިބަހުގެ އަދަބު ނިޔާކުރާގޮތުން މާތްކޮށް ވާހަކަދައްކަން ބޭނުންކުރާ ބަހުރުވައެއް
މާލަން
ގިނަބަޔަކު ޖަލްސާއެއް ކުރުމަށް ބައްދަލުވުމަށް ނުވަތަ ޝޯވް އެއް ބެލުމަށް ނުވަތަ ޕާރޓީއެއް ބޭއްވުމަށް ބޭނުންކުރާ ބޮޑު ކޮޓަރިއެއް ނުވަތަ ޢިމާރާތެއް
މާލީގުޅުން
ނ ފައިސާ ނުވަތަ މުދަލުގެ ގުޅުން
މާލީސްކުރުން
މ (1) ފެންވެރުމުގެ ބަދަލުގައި ތުވާލިފަދަ އެއްޗެއް ތެންމައިގެން ހަށިގަނޑު ސާފުކޮށްލުން (2) ހޫނުފެނުން ނުވަތަ ލޮނު ހޫނުކޮށްގެން ބޮނޑިތާންކުރުން (3) ފަރުވާއެއްގެ ގޮތުން ގައިގާ އެއްޗެއް އެޅުން
މާލުންކެނޑުން
މ އެމީހަކަށް ޙައްޤުވެގެންވާ ނުވަތަ ޙައްޤު ވެދާނެ މުދަލަކުން ވަކިވުން ނުވަތަ ވަކިކުރުން
މާލުދަހަ
ނ ދިވެހި އަންހެނުން ލިބާސްލައި އުޅުނު ފޮއްޗެއްގެނަން
މާލޯފާނު
ނ (1) ލޯމާފާނު (2) ރަދުންގެ އަމުރުފުޅުތަކާއި ތާރީޚީ ވާހަކަތައް ލިއުމަށް ލޮއިން ނުވަތަ އެނޫންވެސް ވިރިކެކޭ މަޢުދަނަކުން ހަދައިފައިހުންނަ ހަނިދިގު ފޮތިތަކެއް
މާގަނޑު
ނ (1) ރާނބާގަސް ކަނދޮޅުގަސް ފަދަގަސް ގަހުގައި އަންނަ މައު. (2) އިހުޒަމާނުގައި ބައެއް މީހުން ލައިއެޅުނު ހަރުވާޅުގެ ދާގަނޑުގެ ކޮޅުގައި ނުވަތަ މުންޑުގެމަތިން އައްސާ ރޮދިގަނޑުގެ ކޮޅުގައި ފަށުވިން ނުވަތަ އުއިން ނުވަތަ އެފަދަ އެހެން އެއްޗަކުން ވައްކޮށް ނުވަތަ އެހެންވެސް ސިފައަކަށް ހަދާހަރުކޮށްފައި އޮންނަ އެތި. (3) ފެން ވެރުމަށްޓަކައި ފެން އިސްކުރުދޫކޮށްލުމުން ފެންދޭ އެއްޗެހިން ފެންފައިބާގޮތަށް ފެން އަންނާނެހެން ހަދައި މަތީގައި ހަރުކޮށްފައި ހުންނަ އެއްޗެއް. (4) ގާއޮޑިލަވަ ލަނގިރި ދަނޑިޖެހުން ފަދަ ކުޅިވަރު ކުޅޭއިރު ގެންގުޅޭ ދަނޑީގެ ކޮޅުގައްޔާއި ދުންކުނި އަނބުރާ ދަނޑީގެ ކޮޅުގާ ފޮތިން ނުވަތަ އުއިން ނުވަތަ ކަރުދާހުން ވައްކޮށް ނުވަތަ އެހެންވެސް ސިފައަކަށް ހަދައި ހަރުކޮށްފައި އޮންނައެތި (5) މޫދުމާގަނޑު (6) ބައެއްމީހުން ރީއްޗަކަށް ބައިސްކަލުގެ ފުރޮޅުގެ ބޫސް ދަގަނޑަށް މަހާލައިގެން ބޭނުންކުރާ އެއްޗެއް މިހަދައިފައި އޮންނާނީ ވައްކޮށް ދެތިންކުލަ އެކުލެވޭ ގޮތަށެވެ
މާގައިވުން
މ )ސ.( ކަންދިމާވާގޮތަކުން އަންހެނުންގެ ކުރިމަތިފަރާތުގެ ދަރިދޮރު ބޮޑުވުން. )މަސައްކަތުގެ ތެރޭގައިވެސް އެކުރާކަމެއްގައި އެއްޗެއް މިންވަރު ކުރާތަނަކުން ދޫވެއްޖެނަމަ މީ މާގައި ވެފައިވާ އެއްޗެކޭ ބުނެއެވެ
މާގަމަ
ނ )ޏ.ސ.( (1) އިހުގައި އަންހެނުންނަށް ކިޔާނަމެއް (2) މާބަންޑު އަންހެނާ
މާގެރަ
ނ )ސ.( ބޭހަށް ބޭނުންކުރާ މަގުލުގެ ބާވަތެއް
މާގޯނި
ނ )ގ ( ކަށިވިދުރީގެ އެންމެ ނުބައިވައްތަރު
މާސްކުބިބީ
ނ މަހުގެ ތަލައިގައި ކޮޅަށްއޫކޮށް އުސްވެފައި އުފުލުމެއް ހުންނަ މަހެއް މިމަސް ދިވެހީން ކައެއް ނުއުޅެއެވެ
މާޓުކުރި
ނ މާއަޅައިފައި ނުވަތަ މާޖަހައިފައި ހުންނަ ޓުކުރި
މާޖަރީން
ނ ބަޓަރުގެ ބަދަލުގައި ކެއުމަށާއި ގިތެލުގެ ބަދަލުގައި ކެއްކުމަށް ބޭނުންކުރާ ބަޓަރު ކަހަލަ އެއްޗެއް
މާޖެއްސުން
މ ގޮވާމުގެ އޮށްޓަރު މަލެއްގެ ސިފައިގައި ފޮޅެންދެން އަލިފާނުން ނުވަތަ އެނޫންވެސް ގޮތަކުން ހޫނުކުރުން
މާޝައްލޯ
ނ (1) ކުއްލިއަކަށް ދިމާވާ ބޮޑުކަމަކާ ގުޅިގެން ތަނެއްގެ ވެރިކަން ހިންގުމުގެ ހުރިހައި ބާރެއް ސިފައިންގެ ވެރިޔާގެ އަތްމައްޗަށް ގެންނަގެނައުން (2) ސިފައިންގެ ޤާނޫނު
މިހިރަ
ނއ ގާތުގައިވާ މީހަކަށް ނުވަތަ އެއްޗަކަށް އިޝާރާތްކުރާ ބަހެއް
މިހިރީ
ނއ ގާތުގައިވާ މީހަކަށް ނުވަތަ އެއްޗަކަށް އިޝާރާތްކޮށް ދެއްކުމަށް ބުނާ ބަހެއް