radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
މާމާފުޅު
ނ މާމައަށާ ފޫޅުމާމައަށް އެންމެ މާތްކޮށް ކިޔާގޮތް މިބަސް ބޭނުން ކުރަނީ ގަނޑުވަރު ތެރޭ ބޭފުޅުންނާ ގުޅޭގޮތުންނެވެ
މާމުކަނިޖެހުން
މ )ސ.( ބަތް ބޮނޑިބަތްފަދަ ތަކެތި ކައްކާއިރު ވަގުތުގައި ހިފައިގެންގޮސް ބޭނުން ނުކުރެވޭ ވަރަށް އެނދުން
މާމުއި
ނ (1) މާމުއި ކުޅަނދުރު ޖަމާކުރާ ހަކުރު. (2) ކެއުމަށާއި ބޭހަށް ބޭނުންކޮށް އުޅޭ އޮލަފޮނި އެއްޗެއް
މާމުގުރުމޫދަށްލުން
މ އޮޑިދޯނިފަހަރު ބަންނައިރު މަތިކަން އަޅާ ނިމުނީމާ ފަށްގަނޑު ނުޖަހަނީސް ރަށުގެ އަންހެނުންގެ ބަޔަކު ނުކުމެ މުގުރުގެންގޮސް މޫދަށް އެއްލާފައި އިރުކޮޅަކަށްފަހު ގެނެސް ދޮވެ އަތަރު ލައްވައިގެން ގެންގޮސް ހަރުގޭގައި ބޭއްވުން މިދޮވުމަށް ކިޔަނީ ފެންވެރުވުމެވެ މިއީ އިހުގައި ކުރާ ކަމެކެވެ
މާމޫލު
ނ ރާއްޖެއަށް އެތެރެކުރާ މުދަލުން ސަރުކާރަށް ނަގާ ބައި ނުވަތަ މިފަދަ މުދަލުން ސަރުކާރަށް ނަގާ ފައިސާ
މާމޫލުނެގުން
މ ރާއްޖެއަށް އެތެރެ ކުރާ މުދަލުން ސަރުކާރަށް ނަގާބައި ނުވަތަ ނަގާ ފައިސާ ނެގުން
މާފަންނުމީހުންކަނޑުނުބައިކުރުން
މ )މިސާލުބަހެއް( ކަމެއް ނުކުރެވުނީމާ ނުވަތަ ކަމެއް ކުރަން ނޭނގުނީމާ ތިމާގެ ހުރި އުނިކަން ޤަބޫލުނުކޮށް އެކަމާބެހޭ އެއްޗެހީގައި ހުރި ކުށެއް ކަމުގައި ހެދީމާ ބުނެއުޅޭ ބަހެއް
މާފަތި
ނ މާތަކަކުން ހަދާފައި ނުވަތަ ގަތާފައި ނުވަތަ އަމުނާފައި އޮންނަފަތި
މާފަތޭރި
ނ މާބޮޑަށް ބަރާކޮށް ދަތުރުކުރާއިރު އޮޑިދޯނިފަހަރުގެ ފަށް ގަނޑުގެ އެތެރޭން އޭގެމައްޗަށް ހުންނަގޮތަށް ފަނުންޖަހާ ފަށްގަނޑު މިއޮންނާނީ އެއްފަށްގަނޑު ޖައްސާ ވަރަށް ގަދަޔަށް ހަރުކުރެވިފައެވެ މިފަށްގަނޑު ޖެހުމުގެ ބޭނުމަކީ ރާޅު އެރިޔަނުދިނުމެވެ
މާފަތްކަން
ނ (1) ކޮލިލެވޭ ދަރަޖައެއްގެ ނަން މިކޮލިލެއްވީމާ މަނިކު ކިޔާ މީހެއްނަމަ ކިޔާނީ މިދަރަޖައިގެ ފަހަތަށް ތަކުރުފާނު އިތުރުކޮށްގެންނެވެ ފުޅު ނުވަތަ އެއަށްވުރެ ދަށްމީހެއްނަމަ ކަލޭގެފާނު އިތުރުކޮށް ގެންނެވެ (2) ބޮޑުމުސްކުޅިން
މާފިލާ
ނ ބޭހަށާއި ކެއުމަށް ބޭނުންކުރާ ފަތްޕިލާވެއްޔެއް މިއީ ގެދައާއި ވައްތަރު އެއްޗެކެވެ ގިނައިން ހެދެނީ ރަށްރަށުގެ ހޭޅީގައެވެ ފަތްތަންކޮޅެއް ބޯކޮށް ހުންނަ އެއްޗެކެވެ ފަތުގައިދޭނީ ލޮނުރަހައެވެ
މާފު
ނ (1) އަނެކަކު ބުނާ ބަހެއްގެ ނުވަތަ ކުރާ ކަމެއްގެ ސަބަބުން ތިމާގެ ހިތުގައި އުފެދުނު ނުރުހުން ފުހެލާ ފުހެލުން (2) އަދަބެއްގައި ހުއްޓާ މިނިވަންކުރުމުން އޭނާގެ އަދަބުން މިންޖުވާ މިންޖުވުން (3) ދައްކަންޖެހިފައި އޮތް ފައިސާއެއް ނުދެއްކިޔަސް އެންމެ ރަގަޅުކަމަށް ހަމަޖެހޭ ހަމަޖެހުން (4) ކުށެއްކުރުމުން އަދަބަކާ ހަމައަށް ނުގެންގޮސް ދޫކޮށްލުމުން އެކުށަށް ލިބެންވާ އަދަބުން ސަލާމަތްވާ ސަލާމަތްވުން
މާފުށް
ނ (1) ބިންބި މާލައްވައިގެން ނުވަތަ މާޖައްސައިގެން މުގުރާފައި ހުންނަ ފުށް (2) މިފުށުގައި ލޮނުކޮންނާއި ފޮނިކޮށް މޮޑެފައި ހުންނަ ކާއެއްޗެއް
މާފުނަވެރިރުއް
ނ (1) މާއަވަސް އަވަހަށް އިހާގަންނަރުއް (2) ވަރުނުލައިގަންނަރުއް
މާފުކުރުން
މ (1) އަނެކަކު ބުނާބަހެއް. ނުވަތަ ކުރިކަމެއްގެ ސަބަބުން ތިމާގެ ހިތުގައި އުފެދުނު ނުރުހުމެއް ފެހެލުން. (2) އަދަބެއްގައި ހުއްޓާ މިނިވަންކޮށް އަދަބުން ސަލާމަތްކުރުން. (3) ދައްކަން ޖެހިފައިއޮތް ފައިސާއެއް ނުދެއްކިއަސް އެންމެރަގަޅު ކަމަށް ހަމަޖެއްސުން. (4) ކުރެވުނު ކުށަކަށް އަދަބަކާ ހަމައަށް ނުގެންގޮސް ސަލާމަތްކަން ދިނުން
މާފޮޅުވާ އިބާރާތް
ނ (1) ފަށުއި ބަސްތައް ބޭނުންކޮށްގެން ލިޔެފައި ހުންނަ ލިޔުން (2) ފަށުއި ބަސްތައް ބޭނުންކޮށްގެން ދައްކާ ވާހަކަ
މާދަރީބަސް
ނ (1) ތަނެއްގެ އަހުލުވެރިން ވާހަކަ ދައްކާ އުޅޭބަސް (2) ކާބަފައިންގެ ޒަމާނުއްސުރެ ވާހަކަ ދައްކަމުން އަންނަބަސް
މާދާ
ނ އޮޑިދޯނި ފަހަރުގައި ހުންގާނު އެޅުވުމަށް ހުންގާނާއި މައްޔަލުގައި ލޮއިން ހަދައި ހަރުކޮށްފައި ހުންނަ ބައި
މާދާނަރު
ނ އޮޑިދޯނި ފަހަރުގެ ހުންގާނުގައި ވާދަލުގެ ވިދަށް އަމުނަން ހުންނަ ކަށި
މާދާއެޅުން
މ އޮޑިދޯނި ފަހަރުގެ ހުންގާނު ހަރުކުރުމަށްޓަކައި ހުންގާނު ނުވަތަ މައްޔަލުގެ ނަރު މާދާއަށް ފެއްތުން