radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ބަރިދިއްވުން
މ )ސ ( (1) ކުޑަކުއްޖަކު ކަމަކާމެދު ދެރަވެގެން ނުވަތަ ހިތުގައި ޖެހިގެން ރޮއިގަތުމަށް ތުންފަތް ހަރަކާތް ކުރުން (2) ބަރިއެޅުން
ބަރިޖެހުން
މ އެއްޗެހިތަކެއް މަތި މައްޗަށް ނުވަތަ ފަތި ފައްޗަށް ބަހައްޓަމުން ގެންދިއުން
ބަކަރިބައިކުރުން
މ ހަތަރުބިތަށް ބޮލި އަތުރައިގެން ކުޅޭ ހިކްމަތްތެރި ކުޅިވަރެއް މީގައި ކޮންމެ ބިތެއްގައި ނުވަފުއް ބަހައްޓައިގެން ޖުމުލައިން މަދުކޮށް ގިނަކޮށް ހަދައެވެ
ބައިއެޅުން
މ އެއްޗެއްބަހާއިރު މީހަކަށް ނުވަތަ ކަމަކަށް ބައެއް ޚާއްސަ ކުރުން
ބައިތިއްބުން
މ (1) ބަޔަކު ތަނެއްގައި އިށީނދެ ނުވަތަ އޮށޯވެ ނުވަތަ ކޮޅަށްތިބޭނެގޮތް ހެދުން (2) ތަނެއްގައި ވަގުތީގޮތުން ބަޔަކަށް އުޅޭވޭ ގޮތަށް ހަމަޖައްސައި އެތަނަކަށް އެމީހުންގެންދިއުން (3) ތަޙްޤީޤަށްޓަކައި ރަށެއްގައި ނުވަތަ ތަނެއްގައި އެހެންތަނަކަށް ނުދެވޭ ގޮތަށް ވަގުތީ ގޮތުން ބަންދުކުރުން
ބައިތުބާޒީ
ދެމީހެއްގެ ނުވަތަ ދެބައެއްގެ ދެމެދުގައި ވާދައަށް ޅެންބައިތު ކިއާކިއުން. އެކަން ކުރާ ގޮތަކީ އެއްކޮޅުން އެކަކު ޅެންބައިތެއް ކިއުމުން އެބައިތު ހުއްޓުނު އަކުރަކުން އަނެއްކޮޅުން އަނެކަކު ޅެންބައިތެއް ފަށައިގެން ކިޔަނީއެވެ
ބައިތުބާޒީކުރުން
މ ދެމީހެއްގެ ނުވަތަ ދެބައެއްގެ ދެމެދުގައި ވާދައަށް ޅެންބައިތުކިޔުން
ބައިޢަތު
ނ މީހަކާ ނުވަތަ ބަޔަކާ ތަބާވުމަށް ވާ ޢަހުދު
ބައިޢަތު ހިފުން
މ (1) ތަބާވުން (2) މީހަކާ ނުވަތަ ބަޔަކާ ތަބާވުމަށް އަހުދުވުން (3) މީހެއްގެ ވެރިކަން ގަބޫލުކުރުން
ބައެއް
ނ (1) ޖަމާޢަތެއް (2) ހިއްސާއެއް (3) އެއްޗެއްގެ އެތިކޮޅެއް (4) އެއްޗެހި ތަކަކުން އެކަތި ނުވަތަ އެއިގެތެރޭން އެތައް އެއްޗެއް (5) ނއ މަދުމަދުން މިސާލު: )ހ( ބައެއް ފަހަރު )ށ( ބައެއް މީހުން (6) އެއްބައި މިސާލު: )ހ( ބައެއް ގޮތުގައި )ށ( ބައެއްތަކެތި
ބައްޅިޖެހުން
ނ ބިތުގައި ފަންދަމައިފައި ނުވަތަ ފުޅަފުގައި ފަންޖަހައިފައި ބޭރުން އަސްޖެހުން
ބައްކުރުން
މ (1) ހަމަނަހަމަ ނުބަލާ މުދައު އެއްކުރުން (2) އަތުލުމަށް ނުވަތަ އެއްކުރުމަށް ހިތާ ނުވެގެން ބުނާގޮތް
ބައްފެޅުން
މ ކަނޑުގެ އަޑިޔަށް ނުވަތަ ފެންގަނޑަކަށް ފީނައިގެން ގޮސް ނޭވާ ހުސްވުމުން ނޭފަތުން ނުވަތަ ކަންފަތުން ލޭ އައުން
ބައްދާކުނޑި
ނ ރަންރިހީގެ ތަކެތި ބެއްދުމަށް ބޭނުންކުރާ ކުނޑިއެއް. މިއީ ރަނާއި ރިހީގެ ގަހަނާ ހަދާއިރު ދެއެއްޗެއް ނުވަތަ ބޮޅު ފަދަ ތަކެތި ބެއްދުމަށް ބޭނުންކުރާ ކުނޑިއެކެވެ. މީގެ ދެ ބާވަތެއް ހުރެއެވެ. އެއީ ރަން ބައްދާކުނޑި އާއި ރިހި ބައްދާކުނޑިއެވެ
ބައްސައިލުން
މ (1) ކަނޑުމައްޗަށް އޮޔާލާ ދޫކޮށްލުން (2) އިހާނެތިކޮށް ހިތުމުގެ ގޮތުން ފޮނުވައިލުން
ބަވާސީ
ނ ފުރަގަސް ފަރާތުގެ ބައްޔެއް. )މިބަލިޖެހޭގޮތަކީ ފުރަގަސް ފަރާތުގެ ދޮރު ކައިރީގައި ހުންނަ އިސްތަށި ތަކުން އިސްތަށިބުޑެއް ދުޅަވެ ދޮސް ގަނެގެން ނުވަތަ ފުރަގަސް ފަރާތު ދޮރުގެ ކައިރިފަށުގައި ބިއްސެއްޖަހައި ދުޅަވެ މުލިއްސަކަށްވެ ދޮސް ގަނެގެން ފުރަގަސް ފަރާތު ދޮރުތެރެ އުމަގުވުމެވެ
ބަފައެކޭ ހަމަކުރުން
މ އަނބިމީހާ ފިރިމީހާޔާ ދިމާޔަށް "ތިޔައީ ތިމަންގެ ބަފައޭ" ނުވަތަ "ކަލޭ ތިމަންގެ ބަފައެކޭ އެއްފަދައޭ" ބުނުން
ބަފާކަލޭގެ
ނ (1) ބަފާބޭ (2) އިނދެގެން އުޅޭ ނުވަތަ އުޅުނު މީހާގެ ބައްޕަ
ބަދަލުކުރުން
މ (1) އެއްޗަކަށް އަނެކައްޗެއް ދިނުން (2) އޮތްގޮތް ނުވަތަ ހުރިގޮތް ނޫން އެހެން ގޮތެއް ހެދުން (3) އެއްޗެއްގެ ބަދަލުގައި އަނެކައްޗެއް ބޭނުންކުރުން
ބަދަލުދިނުން
މ ކަމެއްގެ ނުވަތަ އެއްޗެއްގެ ބަދަލު ގައި ކަމެއްކުރުން ނުވަތަ އެއްޗެއްދިނުން