radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
މަގުބެއްދުން
މ (1) އެއްވެސް އެއްޗަކަށް ނުވަތަ މީހަކަށް ނުދެވޭ ގޮތަށް މަގު ބަންދުކުރުން (2) މަޖާޒު: ކުރިއަށް ދިއުމަށް ހުރަސް އެޅުން
މަގުއަމާންވުން
މ (1) މަގުމަތީގައި އެއްވެސް ނުރައްކަލެއް ނެތުން (2) މަޖާޒު: ކުރަން އުޅޭ ކަންތަކަށް އެޅިފައި ހުންނަ ބައެއްޒާތުގެ ހުރަސްތައް ފިލުން
މަގުއޮޅުން
މ (1) ހިގުމުގައި ނުވަތަ ދަތުރުކުރުމުގައި ދާންވީގޮތް އޮޅުން (2) ދެވޭނުދެވޭތަނެއް ނޭނގުން (3) މަޖާޒު: ތިމާގެ މަޤާމު ތިމާއަށް އޮޅުން (4) ހެޔޮކަމަކަށް ނުބައިކަމެކޭ ހީވުން ނުވަތަ ނުބައި ކަމަކަށް ހެޔޮކަމެކޭ ހީވުން
މަގުފަހިކޮށްދިނުން
މ ކަމެއްވެވޭނެގޮތް ތަނަވަސްކޮށް ދިނުން
މަގުފަރިއޯޅޮ
ނ )ޏ ( އިހުގައި ރަށުގެ ބޮޑެތި މަގުތަކުން ވިނަނޮޅާދުވަސްދުވަހު ރަށުގެ އަންހެނުންދޭ ފަރިވަޅެއް
މަގުފުރެއްދުން
މ (1) ތެދުމަގުން އެއްކިބާ ކުރުވުން (2) މަޖާޒު: މީހަކަށް ނުބައި ނަޞޭޙަތާއި ވަސްވާސް ދީގެން ހެއްލުންތެރިކުރުވުން
މަގުފުރެދުން
މ (1) ތެދުމަގުން އެއްކިބާވުން (2) މަޖާޒު: މީހެއްގެ ނުބައި ނަޞޭޙަތަށް ހެއްލުންތެރިވުން
މަގުފޭރުން
މ މަހުހިނގާފައިދާ މީހެއް ނުވަތަ ބައެއްގެ އަތުން ނުވަތަ އެއްގަމު ދަތުރުކޮށްފައި ދާ މީހެއް ނުވަތަ ބައެއްގެ އަތުން ގަދަކަމުން ނުވަތަ ބިރުދައްކައިގެން ތަކެތި އަތުލުން
މަގުފޭރޭމީހުން
ނ މަގު ހިނގާފައިދާ މީހެއްގެ އަތުން ނުވަތަ އެއްގަމުގައި ދަތުރުކޮށްފައިދާ މީހެއްގެ ނުވަތަ ބައެއްގެ އަތުން ގަދަކަމުން ނުވަތަ ބިރުދައްކައިގެން ތަކެތި އަތުލާ މީހުން
މަގުދެއްކުން
މ (1) އުޅެންވީ ރަނގަޅުގޮތް ބުނެދިނުން (2) ނަޞޭޙަތްތެރިވުން (3) ތަނަކަށް ދާންވީގޮތް ޗާޓަކުން ނުވަތަ އެނޫންވެސް ގޮތަކުން އޮޅުން ފިލުވައި ދިނުން (4) އަނެކަކަށް ކުރާނޭގޮތް ނުވަތަ އުޅޭނޭގޮތް އަންގައިދިނުން
މަގުތަނަވަސްކުރުން
މ މަޖާޒު: (1) ކަމެއްވެވޭނެގޮތް ހެދުން (2) ބަޔަކު ނުވަތަ މީހަކު ކުރާ ނުވަތަ ކުރަން އުޅޭ ކަމަކަށް ހުރަހެއް ނޭޅޭނެގޮތް ހަދައިދިނުން
މަގުލަސް
ނ ނަނު ރޯނު ފަދަތަކެތިން ދެމަޅިލައްވައިގެން ޖަހާގޮށެއް
މަގުގެއްލިފައިވުން
މ (1) ދާނެމަގެއް ނޭނގިފައިވުން (2) މަޖާޒު: އެއްކައުވަންތަކަން ޤަބޫލުނުކުރުން (3) ކަލަކު ވޮޑިގެންވާކަން ޤަބޫލުނުކުރުން
މަގޫ
ނ ދަރާއި ދަނޑިއަށް ބޭނުންކުރެވޭ ބިޔަނޫންގަހެއް. މިއީ ފަތްތައް ވަރަށް ބޯކޮށް ހުންނަ ގަދައަށްހެދޭ ގަހެކެވެ މަގޫގަސް އެންމެ ގިނައިން ހުންނަނީ ހޭޅީގައެވެ
މަގޫލޮނުމޫ
ނ ބޭހަށް ބޭނުންކުރާ އެއްޗެއް މިއީ ގޮނޑު ދޮށުގައި ހެދޭ މަގޫ ގަހުގެ މުލެވެ މިމުލުގައި ލާނީ ލޮނު ރަހައެވެ
މަގެއްފެނުން
މ ނުކުރެވިފައި އޮތްކަމެއް ކުރެވޭނެގޮތެއް މެދުވެރިވުން
މަސައްކަތު ހުއްދަ
ނ ތަނުގެ އަހުލުވެރިން ނޫން މީހުން އެތަނެއްގައި ވަޒީފާ އަދާކުރުމަށް ސަރުކާރުގެ ކަމާބެހޭ ދާއިރާއަކުން ދީފައިވާ ހުއްދަ
މަސައްކަތްކުރުން
މ (1) ނަތީޖާއެއް ނެރުމަށް ނުވަތަ ހޯދުމަށް ބުރަ އުފުލުން (2) ޢަމަލުކުރުން (3) އާމްދަނީއެއް ލިބޭނެކަމެއް ކުރުން
މަސަލަސް
ނ (1) މަސްލަޙަތު. (2) ކުޑަކުއްޖަކު ރުއިން ހުއްޓިގެންވާ މައިތިރި. (3) ބެރުފަށާ ލަވަބައިގެ ފުރަތަމަ ލަވަ ނުވަތަ ބެރުހުއްޓާ ލަވައިގެ ހަތަރުވަނަ ލަވަ އަދި ކުއްލާބުގޭގައި ބެރުކޮޅު ޖައްސަވާއިރު ފައްޓާލަވަ ނުވަތަ ކުޅިހުއްޓޭރޭވެސް ޖަހާލަވަ އެކަމަކު އެރޭގެ މަސަލަސް ތަފާތު ވާނެއެވެ (4) ކުޅިހުއްޓޭރޭ ބަންޑާރަ ކޮށީ މީހުން ޖަހާކުޅިއެއް
މަސާހިބު
ނ (1) އަޅުގަނޑުގެ މާތްވެރިޔާ (2) ރަސްކަލެއްގެ އަރިހުގައި އާދޭހާ ދެންނެވުމުގެ ގޮތުން ބޭނުންކުރާ އާދެ ސާހިބު މިބަސްކުރުކޮށްލައިފައި ކިޔާގޮތެއް