radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ނަރުވާ
ނ (1) ބުޅަލާއި މީދާފަދަ ތަކެތީގެ މިޔަކަން ކައިރީގައި ފަލަކޮށް ދިގުކޮށް ހުންނަ ކެހެރި. (2) ކުރަފި ގާހުލި ފަދަ ތަކެތީގެ މޫނުމަތީގައި މާދިގުކޮށް ހުންނަ ދެނަރު (3) މަތިމަހުގެ ދެކޮޅު
ނަރުވާ ހަނދި
ނ ހަނދީގެ ބާވަތެއް ނަރުވާ ހަނދި ބޮޑުވެގެން ދުވަސްވީމާ އެނަރުތައް ނެތިދެއެވެ މިހަނދީގެ ކުލައަކީ ރިހިކުލައެވެ ބުރަކަށިމަތި ހުންނަނީ ގަދަ ނޫކުލައިގައެވެ މިއީ ވަރަށް މަސްމީރު މަހެކެވެ
ނަރުގަނޑުފާނޫޒު
ނ (1) ދުންހޮޅިއެއް ޖަހައިފައި ހުންނަ ކަރާސީނު ބައްތިއެއް. މީގައި ހިފުމަށާއި އެލުވުމަށް ނަރުގަނޑެއް ހުރެއެވެ. (2) ފާނޫޒުބަލާ!
ނަރުސް
ނ ޑަކްޓަރުންގެ އިރުޝާދުގެ މަތިން ބަލިމީހުންގެ ކަންތައް ބަލަހައްޓަންތިބޭ މީހުން
ނަބީ
ނ މީސްތަކުންނަށް ތެދުމަގު ދެއްކެވުމަށް މާތްﷲ އިންސާނުންގެ ތެރެއިން ފޮނުއްވާ ޚާއްސަ ބޭކަލެއް
ނަކަތްތެރިޔާ
ނ (1) ނަކަތުގެ ޢިލްމު ދަންނަމީހާ (2) އިރުވަރު ބަލާމީހާ
ނަކަތްޗާ
ނ (1) އިރުވަރުބަލާމީހާ (2) ނަކަތްތެރިކަން ބަލާމީހާ
ނަކަސްތެޅުން
މ ޖިމާޢުވުމުގައި ފިރިހެންމީހާއަށް އެދުންފުދުމަށްފަހުގައިވެސް ޖިމާޢުވުމުގެ ހަރަކާތް ހުއްޓާނުލައި ކުރިޔަށް ގެންދިއުމަށް މަސައްކަތްކުރުން ތިޔަކުރަނީ ތާކުންތާކު ނުޖެހޭ ކަންތަކޭ ބުނަންވެސް މިހެން ބުނެއުޅެއެވެ
ނަކުވާ
ނ ބުންބާ ބޯޓްގެ ނެވިމީހާ
ނައިރު
ނ (1) ކުއްލިއަކަށް ރުޅިއަންނަ މީހާ (2) ނޭއްދާރުކަން ހުންނަމީހާ
ނައިބު
ނ (1) ވެރިއެއްގެ ބަދަލުގައި ކަންހިންގާން ހުންނަމީހާ (2) ރާއްޖެތެރޭގެ ރަށްރަށުގައި ޝަރީޢަތް ކުރަން ހުންނަމީހާ (3) ފުށުން ހަދާފައި ހުންނަ ފޮނިހެދިކާއެއް މިބޮޑަށް ވައްތަރުވާނީ ފޮނިރޮށްޓާއެވެ
ނައިބުކަން
ނ (1) ރަށްރަށުގައި ޝަރީޢަތް ކުރުމުގެ އަމުރުވެރިކަން (2) ވެރިޔާގެ ބަދަލުގައި ނުވަތަ އޭނާގެދަށުން ކަންހިންގާން ހުންނަ މީހާގެ މަގާމު
ނައިބުކަމާ ހިނގުން
މ ރަޖަބުމަހު ހަވަނަދުވަހު ދައުލަތުން ބޮޑު ރަސްމީ ޖަމާއަތެއް ފޮނުވައިގެން ހަތަރުއަވަށު މައިޒާންގޭދޮށުގައި ދީނުގެ އަމުރު މަޢުރޫފު ކުރުން. މި ޖަމާއަތް އެކުލެވިގެންވަނީ ބޮޑުބޭކަލުން ޚަތީބު ބޭކަލުން ފަނޑިޔާރުގޭ ނާއިބު ބޭކަލުން މަލިން ބޭކަލުން އަސްކަރު މުސްކުޅިން މަޖިލީހަށް އަރާބޭކަލުން މުދިން ބޭކަލުން ދޭވާނީން މިބޭބޭކަލުންގެ މައްޗަށެވެ
ނައިބުފަތް
ނ (1) ނާއިބުކަން ރަށްރަށުގެ މީހުނާ ހަވާލުކުރާއިރު މަހުކަމަތުއް ޝަރުޢިއްޔާއިން ދޭފަތް މިފަތް އެރަށްރަށުގެ ރައްޔިތުންނަށް ކިޔައިދިނުމީ ލާޒިމް ކަމެކެވެ (2) އިހުގައި ކޮންމެ އަހަރެއްގެ ރަޖަބުމަހު 6 ވަނަ ދުވަހު ފަޑިޔާރު މަނިކުފާނުގެ ފަރާތްޕުޅުން ދީނީ އަމުރު މަޢްރޫފު ހިންގުމަށް އަންގަވާ އެންގެވުން ލިޔެފައިވާ ކަރުދާސް
ނައިބޮލިކަނޑާހަނު
ނ ނައިބޮލިކަނޑާން ވަކިގޮތަކަށް ހަދާފައި ހުންނަހަނު މިގިނައިން ހުންނަނީ އެއްދަނޑީގައި ދެބުރު ލާފައެވެ މީގެ އެއްބުރުން ނައިބޮލި ކަނޑައި އަނެއް ބުރުން ކަރުނަގަނީއެވެ
ނައްދު
ނ ބޮކަރުދުންދަނޑި ބޮަކަރާއި މާވަހަރާއި ގޮމަކަސްތޫރި ފަދަ ތަކެތި އެއްކޮށްގެން ހަދާ މީރުވަސްދުވާ ދުމެއް ނުވަތަ ދުންދަނޑިއެއް
ނައްޓައިލުން
މ (1) "ނެއްޓުން" މިބަހުގެ ލުއިގޮތް (2) މަތީގައި ހުރިއެއްޗެއް ނުވަތަ މީހެއް ވެއްޓޭގޮތަށް އެހުރިތަނަކުން ވަކިވުން (3) ތަނެއްގައި ތަތްވެފައިހުރި އެއްޗެއް ވަކިކޮށްލުން (4) އުޅަނދެއް ދަތުރަށް ފެށުން (5) މިސްރާބުން ކަސިޔާރުވުން
ނަވަށްކުރާބާރު އެނގޭނީ ކެނބަށެވެ.
(މުސްކުޅިބަހެއް) ހިނގާ ޚަރަދާއި ހޭދަވާ ފައިސާ އެނގޭނީ އެކަމާ ހަވާލުވެގެން ހުންނަ މީހަކަށްކަން ދޭހަކޮށްދޭން ބުނެއުޅޭ ބަހެއް
ނަވަގެއްލުން
މ (1) މީޒާނަށް އެރުވުން (2) ގުނަހެޔޮތޯ ބަލާން ގުނަކުރީމާ ލިބުނުބަޔާއި އެއްކުރީމާ ލިބުނުބަޔާ ދެބައިވަކީން ނުވަޔަކުން ކަނޑައިގެން ޢަދަދު ނެރުން
ނަމާދުކުރަ
ނ ނަމާދުކުރާ މީހުންގެ ނިތުގައިލާ ކުރަ