radheef.info
ރަދީފު


ނާ
ނ (1) ނައު. (2) ނަވު. (3) އކ. ސުވާލާ ދެކޮޅަށް ދޭޒުވާބު. ނުވަތަ ޒުވާބުގެ ކުރީގައި ބުނާ އަކުރެއް. މިސާލު: "ކަލޭނުކާނޫތަ؟" އެހީމާ "ނާ" ބުނެފިނަމަ އެބުނީ ކާނަމެވެ. މިއަކުރު ޒުވާބުގެ ކުރިއަށް ގެންނަ ގޮތަކީ "ކަލޭނުކާނޫތަ؟" އެހީމާ "ނާ" ކާނަންމިއެވެ. (4) ޗާނދާލައިފައި ހުންނަ ހަތަރެސްކަން ރިޔާ ނުވަތަ ގޯސީނަގައިގެން ދުއްވާތަކެތި. (5) ބައެއް ބަސް އެބަހުގެ އިދިކޮޅު މާނައިގައި ބޭނުންކުރާއިރު ބަހުގެ ކުރިއަށް ގެންނަ އަކުރެއް. މިސާލު: ނާއުންމީދު ނާތަހުޒީބު
ނާރުގޮށްޖެހުން
މ ރާއްޖެބަލިޖެހިގެން ނާރުތައް ކުރުގެޅުން
ނާރޯއްފަލުދަ
ނ )ސ ( ނާރުވަކުފަލިދަ
ނާބަ
ނ މަޣްރިބު ނަމާދަށް މާލޭ ހުކުރު މިސްކިތު މުންނާރުން ބަންގި ގޮވާ ނިމުމާއި ވިދިގެން ނާބުސްޚާނުން ޖަހައި އުޅުނު ބެރު. ރަސްމީ ބެރުޖެހުން އޮންނަރޭރެއަށް ނާބަ ޖަހައި އުޅުނީ އެބެރުގެ ފަހުގައެވެ. ބޮޑުދެހިތީގައި ޖަހާއުޅުނީ ހިތިގެދޮށުގައެވެ. ރަޖަބު ރަމްޟާން ޝައްވާލު މިމަސްމަހަށް ހަނދުބަލާރޭރޭ މިބެރުޖަހައި އުޅުނީ ބަޑިޖެހުމުގެ ފަހުގައި ނުވަތަ ހަނދު ފެނުނުކަން އެގުނީމައެވެ
ނާބަބަޑި
ނ (1) ރަމަޟާންމަހު އިރުއޮއްސިއްޖެކަން އެންގުމަށް ޖަހައި އުޅުނު ބަޑި ހަރޯދައިގެ ދުވަސްތަކުގައިވެސް މިބަޑި ޖަހައި އުޅުނެވެ (2) ބޮޑުދެހިތީގައި ނާބަ ފަށަންވީމާ ޖަހައި އުޅުނު ތިންބަޑި
ނާބަބޭލުން
މ ނާބަ ޖަހަންވާއިރަށް ނުޖެހުނުނަމަ ކުދިބޭކަލަކު ނާބަޖަހާބެރާ ދަނޑިގަނޑު ބާލައިގެން ދެގެދޭތެރެއަށް ގެންދިއުން )މިހެން ހަދައިފިނަމަ ދެން ނާބަޖެހޭނީ އަލުން އިޒުނަ ހޯދައިގެންނެވެ
ނާބަޖެހުން
މ "ނާބަ" ލަވަ ބެރުގައި ޖެހުން
ނާބުސްޚާނު
ނ ރަސްކަމުގެ ދުވަސްވަރު އާދަވެގެން ރަސްމީބެރުޖަހައި އުޅުނުތަން މިތަންހުރީ ހިތްތަން ދޮރޯށީގެ މަތީގައެވެ މިތަންހަދައިފައި ހުރީ ބޯކު ދޮރުތަކެއް ލައިފައި ހުންނަދިގު ކުޅިބަލާ ގެއެއް ހެންނެވެ މިތާގެ އިރުމަތީބަޔަށް ކިޔަނީ ނާބުސްޚާނެވެ
ނާޅި
ނ (1) ގޮވާމުގެ ބާވަތްތައް މިނާން ގެންގުޅޭ ހަތަރު ލާހީގެ މިންވަރު ހުންނަ އެއްޗެއް (2) ހަތަރުލާހީގެ މިންވަރު އެއީ ގާތްގަޑަކަށް ދެރާތަލެވެ
ނިކަން
އތ (1) ވަރަށް. މިސާލު: ނިކަން ރަނގަޅަށް ނިކަންނުބައި (2) އާދޭހުގެ ގޮތުންނާއި ރުޅިވެރިކަމުގެ ގޮތުންނާއި ބަސްގަދަކޮށްލުމުގެ ގޮތުން ބުނެއުޅޭ ބަހެއް މިސާލު: ނިކަން އައިސްބަލަ
ނިއަމާން
ނ )ސ ( ނާމާން
ނިއްވުން
މ (1) އަލިފާން ހުޅާއި ދަރު އަލިފާނުން އަލިފާނުގެ އަސަރު ކެނޑުވުން (2) ރޭޑިޔޯ ޓީވީ އިންޖީނު ފަދަތަކެތި ހުއްޓައިލުން (3) ދިއްލައިފައި ހުންނަ ތަކެތި ދިއްލުމުގެ ބާރުކަނޑުވައިލުން (4) މަޖާޒު: ހިހޫފެނާ ހޫނުފެނާ އެއްކޮށްގެން ހޫނުކަން މަޑުކުރުން
ނިވާލި
ނ އުންޑަނާޅައި ބޮޑުބަޑިޖަހާއިރު އުންޑައިގެ ބަދަލުގައި ލާބޮނޑި
ނިވާލުން
މ (1) އަލިފާން ނެއްތައިލުން (2) ހޫނު ފެނަށް ހިހޫ ފެންއަޅައިގެން ހޫނުކަން މަޑުކޮށްލުން (3) އިންޖީނާއި ރޭޑިޔޯއާއި ފަންކާ ފަދަ ހިނގަހިނގާ ހުންނަ ތަކެތީގެ ހިނގުން ހުއްޓައިލުން (4) އަވިމަޑުވެލުން ނުވަތަ ހަނދުވަރު ފަނޑުވެލުން
ނިމެއްކުހަރާމީ
ނ (1) ޚިޔާނާތްތެރިޔާ (2) ގެންގުޅޭ ސާހިބު މީހާޔަށް ޚިޔާނާތްތެރިވާ މީހާ (3) ހަރާންކޯރުވާ މީހާ
ނިފާޅަ
ނ )ޅ ( ފަތްޕިލާވެއްޔެއް މިއީ ބިލެތް އަރާހެން ރުއްރުކަށާ ގަސްގަހަށް އަރާ ވެލެކެވެ މިވެލުގެ ފަތްތައް ހުންނާނީ ބިލެތާ އެއްފާޑަކަށް އެއަށްވުރެ ބޮޑެތިކޮށެވެ މިއީ ވަރަށް ގިނައިން ދިވެހި ބޭހަށް ބޭނުންކުރާ ފަތެކެވެ
ނިފާސް
ނ ވިހެއުމާވިދިގެން އަންހެނާގެ މާބަނޑުން ނިކުންނަލެއި
ނިދަންމިޔަރު
ނ މިޔަރުގެބާވަތެއް މިއީ ވަރުގަދަ ބޯހަންގަނޑެއް އޮންނަ ބަރުހެލި މިޔަރެކެވެ މިމިޔަރު ނިދައިފައި އޮންނައިރު އޮންނާނީ އެސޮރުގެބޯ ހަރުހަރަށް ވައްދައިގެންނެވެ މިޔަރުގެ ކުލައަކީ މުށިކުލައެވެ އުރަހަތައް ހުންނަނީ އަޅިކުލައެއްގައެވެ
ނިދިޖެހިލުން
މ ނިދިޖެހުން ލުއިކޮށްބުނާގޮތް
ނިގާރަން
ނ (1) ކަނޑު ދަތުރުފަތުރުކުރާ ބައެއް އުޅަނދު ދުއްވުމަށްޓަކައި ކޮންމެހެން ބޭނުންވާބަރު މަޖާޒް: (2) ހެނދުނު ފުރަތަމަ ބަނޑައްލާ އެތިކޮޅު (3) މީހުންގައި ހުންނަ ހަރުދަނާކަން
ނިގާރަންފޮށި
ނ ދެއަތްގަނޑު ލައިފައި ހުންނަ ފޮއްޓެއް. މީގެ އެތައް ފޮއްޓެއް ހުރެއެވެ. މީގެ ތެރޭގައި ހުންނާނީ ކަޅުތިމަރަ ނޫނީ ހިލައަޅައިފައެވެ. މިފޮށި ބަހައްޓަނީ ނާފަހަރުގެ މެދުތެރޭގައެވެ. މިއީ ނާދުއްވާއިރު ރޯލުކުރިއަނުދިނުމަށް އަރުވާފޮށިތަކެކެވެ މިފޮށިތައް އަރުވަނީ ބަރުވާ ވަރަށް މުދާ ނުލިބި ދަތުރުކުރަން ޖެހުމުންނެވެ