radheef.info
ރަދީފު


ބައް
ނ ކަންފަތުގެ އިވުމަށް އަންނަ ބަންދުކަމެއް
ފޮޅު
ނ (1) އަވިން ނުވަތަ އަލިފާނުގެ ހޫނުކަން ލިބިގެން ގައިގެ ތަން ތަނުން ފެންއަރައި އުފުލިފައި ހުންނަތަންތަން (2) ބައެއް މަސައްކަތް ކުރީމާ ބުވަތަ ބާރު ފައިވާނަކަށް އެރީމާ ހަމުން ފެންއަރައި އުފުލިފައި ހުންނަ ތަންތަން (3) ދެ ފަށް ލާޖަހާއިރު ވަކި ވަރަކަށް ހޫނުގަދަވެގެން ލާބޮކިޖަހާ ވަރުވުމުން ފުއްޕާ ތަންތަން (4) ޖަންބު ފަތުގައި ހުންނަ އުން (5) ހަމުގެ ބައްޔެއް މި ބަލީގައި ގައިގެ ތަންތަން ކޮޅު ފުއްޕާފައި ފެންއެރި ފަހުން ދޮހަށްވެއެވެ
ފޯބޮޑުކުރުން
މ ބައްތި ދިއްލައިގެން އެތެރެވަރިއަށް މަހަށް ދިއުން
ފޯލިޖެހުން
މ (1) މަންޑިކުޅޭއިރު ފޯލިދުރަށް ފޮނުވައިލުމަށްޓަކައި ދަނޑިގަނޑުން ފޯލީގައި ޖެހުން. (2) ބައްޓާއި ކުއްލި ފަދަ ކުޅިވަރުތަކުގައި ބޯޅަ ނުވަތަ ދަނޑިކޮޅު މައްޗަށް އެއްލައި އެކަމަށް ޚާއްސަ ކުރެވިފައިވާ އެއްޗަކުން އޭގައި ޖެހުން
ފްލޭޝް
ނ (1) ފޮޓޯ ނަގާއިރު ކުއްލިއަކަށް ފޮނުވާލާ ގަދަ އަލި (2) މިއަލި ފޮނުވައިލާ ބައްތި
ދަންމާނު
ނ (1) ދަންމާނު ފޫޅުގަނޑުގައި ޖަހައިފައި ހުންނަވާ (2) ރިޔަލުގެ އޮޑިމަތީކުރަތްވާއި ތަޅާކުރަތްވާ ބެދުނު ތާނގައި ބައްދައިފައި ހުންނަ ވާ
ދަންފަޅި
ނ (1) އެއްކަމަކާ ބެހޭގޮތުން ބާްއްވާ ޖަލްސާތަކަކުން ޖަލްސާއެއް (2) ޝަރިއަތެއް ހިނގަމުންދާއިރު ބާއްވާ ކޮންމެ ބައްދަލުވުމެއް (3) ދުވާލަކު އިސްކޫލުގެ ކިޔެވުން އޮންނަ ގަޑިތައް (4) ފޯރިބަހައިގެން ތިބޭމީހުން ތިބެންޖެހޭ ގަޑިތައް (5) ދަން
ދަންޖެހުން
މ (1) މަރުވުމުގެ ނިޔަތުގައި ކަރުގައި މަޅިއެއްބައްދައި އެމަޅިއަށް ބާރުވާގޮތަށް އެލިގަތުން (2) މަޖާޒު: ކަމަކާމާބޮޑަށް އެދުންވެރިވެގެން އުޅުން
ދަންޖެއްސުން
މ މީހަކު މެރުމަށްޓަކައި އެމީހާގެ ކަރުގައި މަޅިއެއް ބައްދައި އެލުވައިލުން
ދަރާ
ނ (1) އޮޑިފަހަރާއި ބައްތެލިފަހަރުގެ މައިހަފޮޅުގެ ދަށުން ބަނޑުފިލާގެ ބަނޑުވައްތަކުގެ މަތީގައި ދިގަށް އަޅައިފައި ހުންނަ ފަތި (2) ދެރުން މިބަހުގެ ވާކަން
ދަބަރުބަލި
ނ ގަސްގަހަށްޖެހޭ ބައްޔެއް. އާއްމުގޮތެއްގައި މިބަލި ޖެހެނީ ލުނބޯގަހަށާއި ލުނބޯ އާއިލާގެ ގަސްގަހަށެވެ މިބަލިޖެހެނީ ގަހުގެމޭވާއާއި ގަހުގެ ފަތްތަކަށާއި ގަސްގަނޑަށެވެ މިބަލިހުންނަގޮތަކީ ކުޑަކޮށް އުފުލިފައި ދަބަރުކުލައިގައެވެ އަތް ހާކާލީމާ އަޅައި ގަންނަގޮތަށެވެ މިއީ ފިލުވަން ވަރަށް އުނދަގޫ ބައްޔެކެވެ
ދައްސޫރަ
ނ (1) އޮޑިދޯނިފަހަރުގެ ތުންމަތި ރިޔާނެގުމަށް ދިރުނބާކޮޅު މައްޔަލާ ދިމާއިން ބޭރަށް ނެރޭ ފަލަދަނޑިއެއް (2) ބައްތެލިދޯނީގެ ދިރުނބާކޮޅުމައްޔަލުގެ ބޭރަށް ނެރެފައި ހުންނައެތި މިހަދައިފައިހުންނަނީ ލޮއިންނުވަތަ ކުރެދިންނެވެ
ދަފި
ނ ބިލެތާއި ކުދި ހަދިޔާފަދަ ތަކެތި އެޅުމަށް ބައްޓަން ލައިފައި ފަތާކޮށް ލޮއިން ހަދައިފައި ހުންނަ ކަންވާރެއް
ދަދު
ނ ލައްލައް ގޮތަށް ހަމުންނަގާ ބައްޔެއް މިބަލިނަގައިފައި ހުންނަނީ އެކިބޮޑު މިނުގައެވެ ހުންނަނީ ރާޅުގޮތަކަށެވެ ކައިރިފަށް ބޯކޮށެވެ
ދަތުވާ
ނ ލޮތާރި ނުވަތަ ނަގިލިނަގަން ފަސޭހަކުރުމަށް އެތަކެތީގެ ދަތުގައިޖަހާވާ ދަތުވާ ޖަހާނީ ގާހުންނަ ތަންތަނަށް ލޮތާރި ނުވަތަ ނަގިލިލާއިރުއެވެ މިކަންކުރާ ގޮތަކީ ވަލެއްގެ އެއްކޮޅު ލޮތާރި ނުވަތަ ނަގިލީގެ ދަތުގައި ބައްދައިފައި އަނެއްކޮޅުގައި ފެންމައްޗަށް އަރާކަހަލަ ލަކުޑިގަނޑެއް ނުވަތަ ބޮޔެއް ހަރުކޮށްފައި ދޫކޮށްލަނީއެވެ
ދަތްވިދުރި
ނ ދަތަށްޖެހޭ ބައްޔެއް މިބަލި ޖެހުނީމާ ހިރުގަނޑު ގިރި ދޮސްގަނެ ދަތުގައި ރިއްސައި ދަތްތައްމުޅިން ހަލާކުވަނީއެވެ މިއީ ފަސޭހަކުރަން އުނދަގޫ ބައްޔެކެވެ
ދަތްގަނޑު އެތެރެއަށްލުން
މަޖާޒު: ވާހަކަ ދައްކަދައްކައި އިނދެފައި ކުއްލިއަކަށް ތައްބައްދައިގެން އިންނަން ފެށުމުން ބުނެއުޅޭ ބަހެއް
ދަލުބޭރުންޖެހުން
މ މަޖާޒު: (1) ތިމާޔާ ނުބައްސާ ކަމެއްގެ ތެރެއަށް ނުވަތަ ވާހަކައެއްގެ އެތެރެއަށް ވަދެގަތުން (2) މަތިންބައިން ޖެހިގެން މީހަކާ ހިތާވުން
ދިއްލައިއެޅުން
މ (1) ތަނެއްގައި ބައްތިއާއި ބޮކިފަދައެއްޗެހި މާގިނައިން ދިއްލައިފައި ބެހެއްޓުން (2) އަލިކޮށް ހުޅުދާންކޮށްފައިއޮތުން
ދިއްލުން
މ (1) އަލިކުރުމަށް ބޭނުންކުރާ ބައްތިއާއި ބޮކިފަދަ ތަކެތިން އަލިވާނެގޮތް ހެދުން މިސާލު: )ހ( ބައްތިދިއްލުން )ށ( ބޮކިދިއްލުން (2) އަލިކޮށްލުން
ދިމާ
ނ (1) ސީދާ (2) ކުރިމަތި (3) ބައްދަލު (4) ފަރާތް (5) ހާމަ