radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ވެއު
ނ އަމިއްލަ ބާރުގައި ކޮޅަށް ނުހުންނަ ދިގުވަމުން ހެދޭ ގަސް
ވެއްކަނި
ނ )ސ.ޏ.( މިޔަރުމޭގެ ތެޔޮކުނޑި ނުވަތަ ތެލާ އެކުވެފައިވާ ކުނޑި
ވެއްދާލުން
މ )ގ.( ވަކައިންނާއި ރޯނުން ވައުއަޅާ އިރުގައި ފަށްތައް އަނބުރާ ހަރުކޮށްފައި ފަށުގައި ހުންނަ ފަލަ ތަންތަން އެއްވަރު ކުރުން
ވެއްދުން
މ (1) އެކައްޗެއްގެ ތެރެއަށް އަނެކައްޗެއް ބޭނުން. (2) އެއްޗެއްގެ ތެރެއަށް އެއްޗެއް ލެއްވުން. (3) މީހަކު ވަޒީފާއަކަށް ނުވަތަ ތަނަކަށް ލެއްވުން. (4) ތަނަކަށް އެއްޗެއް ވަންނާނެގޮތް ހެދުން. މިސާލު: އަލިވެއްދުން ގޮންޏަށް މަސްވެއްދުން
ވެއްޓުން
މ (1) އެއްޗެއް ހަރުލާ ހުރުމުގެ ބާރު ނުވަތަ މައްޗަށް އާރާބާރު ހުސްވެގެން ތިރިއަށް އައުން މަޖާޒް: (2) މީހަކު ހުރި ދަރަޖައިން ދަށަށް ދިއުން (3) ވާދަކުރަމުންގޮސް ދެރަވުން (4) އެއްޗެއްގެ އަގު ދަށަށް ދިއުން
)ބިންމަތިފަސޭހަވާ ބަލި( )ބޮޑު ތުރައު( ވެއްޓޭބަލި
ނ ބޮލުގެ ބައްޔެއް. މިބަލީގައިވާގޮތަކީ ކުއްލިއަކަށް މީހާ ހޭނެތިގެން ވެއްޓި އަތްފައިން ވައްތަރު ޖެއްސި އަގައިން ފޮނު ނުކުންނަނީއެވެ
ވެވެޅެޖެހުން
މ )ޏ ( ތޮށީގެ ބޭރު ކައިރިން ހަނދި ބޭނުމަށް ދޮށި އެޅުން
ވެދުންބަރުތީލަ
ނ އިހުގައި ރަށްރަށުގެ ވެރިންގެ ފަތްކޮޅާއި އަދި ބައެއް މަޤާމާއި ކަންކަމަށާއި ދޮށުންގެ ރަށްރަށް ލިޔެދިނުމުގެ މައްޗަށް ކުރާ ވެދުން
ވެދުންބޭލުން
މ ބޭރު ޤައުމަކުން ހަދިޔާގެ ގޮތުގައި ފޮނުވާ ތަކެއްޗާއި އެއާއެކުގައި ފޮނުވާ ފަތްކޮޅު ޚާއްޞަ ރަސްމިއްޔާތަކާއެކު މާލެ ބާލައި ރަދުންގެ އަރިއަހަށް ގެންދިއުން
ވެދުންކުރުން
މ (1) އިހުގައި ރަދުން ދެއްވާ ޢިއްޒަތަށް ނުވަތަ ބައެއް ޚާއްޞަ ވަޒީފާއަށްޓަކައި ރަދުންގެ ހިރިޔާ ފާތުރާ ދަށުން އެކަމެއް ހަމަޖެހުމާ ގުޅިގެން އެމީހަކު ރަސްމީގޮތުން ރަދުންގެ އަރިއަހަށް ހަދިޔާކުރުން (2) ރަސްކަމަށް ކޮލިލުން ފަދަ ކަންކަމާ ގުޅިގެންއެކިއެކި ޖަމާޢަތްތަކުންނާއި ފަރާތް ފަރާތުން ބަންޑާރައިންގެ އަރިއަހަށް ހަދިޔާކުރުން (3) ނާބަ އާއި ދަންބެރު ޖަހަންވާ ގަޑިއަށް ނުޖެހުމުން ކީރިތި މަހާރަދުންގެ ފަރާތްޕުޅުން ނާބަޖަހާ ބެރާއި ދަނޑިގަނޑު ދެގެ ދޭތެރެއަށް ގެނައުމުން އަލުން ބެރުޖެހުމަށްޓަކައި ދޭންޖެހޭ އާދަ ދިނުން
ވެދުންއެޅުން
މ (1) ހަދިޔާގެ ގޮތުން ރަސްރަސްކަލުންނަށް ގެންނަ އެއްޗެހި ކޮޅު އެރަސްކަލަކު ހުންނަވާ ތަނަކަށް ނުވަތަ އެންގެވި ތަނަކަށް ގެންދިއުން (2) ރާއްޖެއިން ބޭރަށް ގޮސްފައި އަންނަ ރާއްޖެތެރޭގެ އޮޑިފަހަރުން ސަރުކާރަށް ވެދުންކުރުން
ވެދުންފޭލި
ނ (1) އޮޅުދޫކަރައަށް ޖިޒީ ފޮނުވާ އުޅުނު ދުވަސްވަރު ދިވެހިރާއްޖޭގެ ރަދުން އެތާނގެ ގަވަރނަރ އަށްފޮނުއްވާން ރާއްޖޭގައި ވިއުއްވާ އަންނަ ފޭލި (2) ރަދުންގެ ފައިވާންފުޅު ދެކެންދާ މީހުން ކުރުނީސްކޮށް އަދަބުވެފައި އެމީހުންގެ އަތުން ރަސްގެފާނުގެ ފައިވާންފުޅު ދަށަށް ދޫކުރާ ފޭލި
ވެދުންފޮށި
ނ ޖިޒީ ދީގެން އުޅުނު ޒަމާނުގައި އޮޅުދޫ ކަރައިގެ ގަވަރުނަރަށް ދިވެހިރާއްޖޭގެ ރަދުން އަހަރީ ހަދިޔާ އަޅުއްވައިފައި ފޮނުއްވާ ފޮށި
ވެދުންފޮތި
ނ ޖިޒީ ދީގެން އުޅުނު ޒަމާނުގައި އޮޅުދޫ ކަރައިގެ ގަވަރުނަރ ދިވެހި ރަދުންނަށް ފޮނުއްވާ އަހަރީ ހަދިޔާގެ ތެރޭ ހިމެނޭ ފޭރާމުގެ ފޮތި
ވެދުމާދިއުން
މ އިހުގައި ތޮށިލުން ފަދަ ސަރުކާރުގެ ގަދަ މަސައްކަތެއް ކުރުމަށްފަހު ލަވަކިޔަމުން ނަށަމުން ރަސްގެފާނު ހުންނަވާ ގަނޑުވަރު ދޮށަށް ގޮސް ލަވަކިޔައި ނެށުން
ވެލިރަން
ނ ރަނުގެ ބާވަތެއް މިހުންނަނީ ރަންކުލައިގެ ވެލިފުއްތަކެއް ހެންނެވެ
ޒުވާރިގަސް ވެލިކަނޑި
ނ )ބދ.( ހަރުނުވާ ބާވަތުގެ ގަސް. މިސާލު: ދޮނަޅަ
ވެލިއާނު
ނ ވެލިން އުފެދިފައި އޮންނަ އާނުގަނޑު
ވެލިވަޅު
ނ ބިމުން ފެން ނެގުމަށް ކޮނެފައި ރޭނުން ފަދަ ކަމެއް ނުކޮށް ހުންނަ ވަޅު
ވެލިމަޑު
ނ ފެން ހިނގާ ތަންތަނުގައި އުފެދޭ ބާވަތެއްގެ ކިސަޑެއް