radheef.info
ރަދީފު


އާ
ނއ (1) ބާކަމުގެ އިދިކޮޅު (2) އެއްފަހަރުވެސް ބޭނުންނުކުރާ (3) ގިނަދުވަސްނުވާ (4) ކުރީން އުފެދިފައިނެތް ނުވަތަ ފެނިފައިނުވާ
ބޮޑުވިއްސާރަ
ނ (1) މާލެއާއި މާލޭ ކައިރީގައިވާ ރަށްތަކަށް ދެދުވަސްވަންދެން ކުރި ވިއްސާރައެއް މިވިއްސާރަ ފެށުނީ 2431 ޖުމާދިލްއައްވަލު 71 ބުދަ )3291 ޑިސެމްބަރު 62 ( ވަނަ ދުވަހުއެވެ މިވިއްސާރަ އެންމެ ބޮޑަށް ކުރީ މާލެއަށެވެ އެންމެ ގަދަވީ ބުދަ ދުވަހުއެވެ އެދުވަހު ނަގޫ ރޯޅީގެ ހަތަރުރޯޅީގެ ގަދަވައިގައި ބޮޑެތި ގަސްތައް ވެއްޓުނެވެ ގަދަވަޔާ އެކުގައި އައި ކޮޅިތަކުން މުޅި ރަށުގައި ފެންބޮޑުވިއެވެ ކައްކާ ނުކެވުނު ގެތައް ބައެއް ބޯޓު ވަރަށް ގިނައެވެ ބަނދަރުގައި ހުރި ބޯޓު ފަހަރުގެ ތެރޭން އެކި ރަށްރަށުގެ ފަރަށް އަރައި ހަލާކުވިއެވެ އެއްބޯޓް ކަނޑުގެ އަޑިއަށް ފެތިގެން ދިޔައެވެ އެކަކު ގެއްލުނެވެ (2) މަޖާޒު: އައްސުލްތާނު މުހައްމަދު މުޢީނުއްދީނު )ކުޑަބަންޑާރައިން( ގެ ރަސްކަމުގައި ހިނގި ސިޔާސީ ބޮޑު ގަޑުބަޑު
ބޮޑުމަތާދަތި
ނ ވަޑާމުގެ މަސައްކަތުގައި އިލިޖެހުމަށްޓަކައި ދެލަކުޑިގަނޑު ކައިރިކޮށް ޖައްސައި ހިމުން ކުރުމަށް ތިއްބާ އާލާތް މިއީ ކިއްސަރު ވަޑާމުގައި ބޭނުންކުރާ އާލާތެކެވެ
ބޮޑުމުރާކި
ނ މުރާކީގެ ބާވަތެއް މި މުރާކި އާދައިގެ މުރާތްކަށްވުރެ ބޮޑެތިވެފައި ފޮނިވާނެއެވެ
ބޮޑުފަތް
ނ މިއީ ދިގުކޮށް އުނިކޮށް ހުންނަ ފަތެކެވެ މިފަތުގެ ރަހަ މަޑުވާނެއެވެ މި އާއްމުގޮތެއްގައި ބޭނުން ކުރާނީ ދުފުމަށެވެ
ބޮޑުފާގަ
ނ ފާގައިގެ ބޮޑެތި ވައްތަރު މިހުންނާނީ އާދައިގެ ފާގަޔަށްވުރެ އުންތައް ތަންކޮޅެއް ފަތާކޮށެވެ ބޮޑުމިން އާދައިގެ ތޮރަޔާ ގާތްކުރާނެއެވެ
ބޮޑުފިނިހައް
ނ ފިނިހަކުގެ ބާވަތެއް. މިހުންނަނީ ފޫއެނބުރި ފާޑަށް އެއަށްވުރެ ފަލަކޮށްނެވެ. މިއީ ގަސްގަހަށް ގެއްލުންދޭ އެއްޗެކެވެ. މިފިނިހަކައަކީ ވަރަށް އަވަހަށް ގިނަވާ ވިހަ އެއްޗެކެވެ މީގެ ތޮށިގަނޑު އާދައިގެ ފިނިހަކުގެ ތޮށިގަނޑަށްވުރެ ތުނިވާނެއެވެ މިފިނިކަމުގެ ތޮށިގަނޑުގައި ހުންނަނީ ގަދަމުށިކުލައެވެ ތޮށިގަނޑުގައި ފަނޑު މާޒާން ކުރެހުމެއް ހުރެއެވެ
ބޮޑުފޭލި
ނ ފިރިހެނުން އަނދެއުޅުނު ފޭއްޔެއް މި ފޭލި އާދައިގެ ފޭއްޔަށްވުރެ ބޮޑެތިވާނެއެވެ މިއީ ރަސްމީ ކަންކަމުގައި އަނދެ އުޅުނު ފޭއްޔެކެވެ
ބޮޑުދުންދޭ ޒިޔާރަތް
ނ ބޮޑުދުމާދާއިރު ދުޢާވެރިކަން ކިއަވަން މަޑުކުރާ ފަންސަވީސް ޒިޔާރަތް، އެއީ (1) އަބުލް ބަރަކާތުލް ބަރުބަރީ ޒިޔާރަތް (2) ސައްޔިދު ރަސްގެފާނުގެ ޒިޔާރަތް (3) އައްސައްޔިދު ސާމީ އަލްމުރުތަޟާ ޒިޔާރަތް (4) އައްސުލްޠާނުލްޣާޒީ މުޙައްމަދު ޝަމްސުއްދީނު ޒިޔާރަތް (5) އިސްކަންދަރު މަހާރަދުންގެ ޒިޔާރަތް (6) ޙަސަން ޢިއްޒުއްދީނު ރަދުންގެ ޒިޔާރަތް (7) މުޙުޔިއްދީނު ރަދުންގެ ޒިޔާރަތް (8) މުޙައްމަދު ޢިމާދުއްދީނު ދިޔަމިގިލީ ރަދުންގެ ޒިޔާރަތް (9) އިބުރާހިމު ރަސްގެފާނުގެ ޒިޔާރަތް (10) ދަންނަ މުޙައްމަދު ރަސްގެފާނުގެ ޒިޔާރަތް (11) ދަރުމަވަންތަ ރަސްގެފާނުގެ މިސްކިތް (12) ޙަބުޝީގެފާނުގެ މަޤާމް (13) ފަޤީހުމޫސާގެ ޒިޔާރަތް (14) ފަތާލީސީދީގެ ޒިޔާރަތް (15) ބޮޑުރަސްގެފާނު ޒިޔާރަތް (16) ޙާޖީ އެދުރުކަލޭފާނުގެ ޒިޔާރަތް (17) އިބުރާހީމު ރަސްގެފާނު (އަލްހިލާލީ) ގެ ޒިޔާރަތް (18) ފަޤީހުސުލައިމާނުގެ ޒިޔާރަތް (19) މާފަންނު އާމިސްކިތްތެރޭ ޒިޔާރަތް (20) ޤާޟީ ޢީސަލްޔަމަނީގެ ޒިޔާރަތް (21) ޢަލީ ރަސްގެފާނުގެ ޒިޔާރަތް (22) ޢުމަރުމާފަތް ކަލޭފާނުގެ ޒިޔާރަތް (23) ދޮނަކުޅީޝައިޚުކަލޭފާނުގެ ޒިޔާރަތް (24) ދޮންބުޅާފާށަނޢގެ ޒިޔާރަތް (25) ދެބޭރަނިންގެ ޒިޔާރަތް
ބޮޑުތަކުރުފާނު ވާހަކަ
ނ ޣާޒީ ބަންޑާރައިންގެ ހަޔާތާއި އެރަދުން އަނދިރި އަނދިރީންގެ ކިބައިން ރާއްޖެ ސަލާމަތްކުރެއްވި ވާހަކަ މިވާހަކަ އާބަކުރު ރަސްގެފާނުން ފެށިގެން ކަލާފާނާ ހަމައަށް ވެސް ކިޔައެވެ އަދި ކޮއިމަލާއިން ފެށިގެން އައްސުލްޠާނު މުހައްމަދު މުޢީނުއްދީނުލް އައްވަލާ ހަމަޔަށްވެސް ކިޔައެވެ
ބޮޑުގުންބާ
ނ ބޮޑުކަމުބޭރަށް ދެވޭނެގޮތް ހެދުމަށާއި އެހެނިހެން ބޭނުމަށްޓަކައި ފުރަގަސްފަރާތުން ދިޔާތަކެތި ފޮނުވާން ގެންގުޅޭ އާލަތެއް
ބޮޑެފާނު
ނ )ގ.( ކުޅިކުޅިއާއި މޫދުގައި އޮއިނުދެމޭ ތަންތާނގައި ހެދިފައިވާ ކިސަނޑުގަނޑުގައި އުޅޭ ރަތްކުލައިގެ ބޮޑު ފަންޏެއް. މިއީ ފަރުމަސް ބޭނުމަށް އެމަށް ބޭނުންކުރާ އެއްޗެކެވެ
ބޯ
ނ (1) އިންސާނުންނާއި ޙައިވާނުންގެ ދެކަންފަތުންމަތި. (2) ކަނދުރާއިންމަތި. (3) ބައެއްތަކެތީގެ ކުރި. (4) މަތީކޮޅު. (5) ބިލެތްކަފާއިރު ކައިރިންނެގޭބައި. (6) ހަކުރު ހޫނުކޮށް ދިޔާކޮށްގެން ބޯ ކުރަންވީ އެއްޗެއްއަޅައި ކައްކައިގެން ކުރާއޮލަ. (7) ފަގުޑިއާއި ކައްޗާ ފަދަ ތަކެތި އޮޅާން ބަހައްޓާ ލަކުޑިން ހަދައިފައި ހުންނަ އެއްޗެތި. (8) ގަތާފައިގެ މަތީގައި ބާއްވާން ފޮތީން ފަހައި އެތެރެއަށް އެއްޗެތި ލައިގެން ހަދައިފައި އޮންނަ ވަށްބޯޅަ (9) ދިގުކޮށް ހުންނައެއްޗެއްގެ ބައްޓަމަށްވުރެ ފަލަކޮށް ބޮޑުކޮށް ކޮޅުގައި ހުންނަބައި މިބައި ޢާއްމުކޮށް ހުންނަނީ ވަށްކޮށެވެ މިސާލު: މޮހޮރުބޯ ނއ )01( ތުނީގެ އިދިކޮޅު (11) ފަތި މިނުން އިތުރު (21) ގިނަ )31( ބުއިން މިބަހުގެ ނަން އިތުރު މިސާލު: ބޯފެން )41( މަޖާޒު: ބުއްދިއާއި ފިކުރު
ބޯށި
ނ (1) ފަތް ކެޔޮގަހުން ނުކުންނަ މާގަނޑު. މިނޫނަސް ބައެއްގަސްގަހުން އަންނަ މާގަނޑަށްވެސް މިނަންކިޔައެވެ. މިސާލު: ކަރަންކާބޯށި. ކަފުރުތޮޅިގަހުބޯށި (2) ކަނޑޫ. ރަނޑޫފަދަ ތަކެތީގެ ތާފަތް. (3) ބޯށިގަސް )މިއީ އާންމުކޮށް ހޭޅީގައި ހެދޭ ބޯކޮށް ފަތްހުންނަ ގަހެކެވެ ( (4) ބޯށިގަހުގެ މާގަނޑު (5) ބޯށި ގަހުގެ އޮށް (6) ބައެއް ޒާތުގެ ކުރެހުމުގައި ކަންކަނުގައި ޖަހާމަލެއް (7) ފައްތަރުލައި ކަފާބިލެތުގެ ހުނގުލުކޮޅުގައިލާ ވަނާއެއް (8) )ހ ( އޮށްނާޅާ ހުކުރަދި
ބޯނށިފިއަ
ނ )ޏ ( ހިބަރުގައި ހުންނަ ތަނެއް މިތަން ހުންނާނީ ފޫޅާއި ނިގުލާއި ގާތު ހުންނަ އުރަހައާއި ދެމެދު- ބަނޑައިދުލުގެ މިސާލުގައެވެ މަހުގެ މިތާނގައި ތެޔޮގިނަވުމުގެ ސަބަބުން ބައެއް މީހުނަށް އެހެންތަންތަނަށްވުރެ މީރެވެ
ބޯބޮޑުއާނި
ނ އެއްއިންޗި ނުވަތަ އިންޗިއެއްގެ 4/3 ބައިހުންނަވަރުގެ އާންޏެއް. މީގެ ބޯހުންނާނީ ފަތާކޮށެވެ. ޢާއްމުކޮށް މި ބޭނުންކުރަނީ ލަކުޑި ބޯޓު ފަހަރުގެ ފެނުންތިރިޔަށް ހުންނަބައިގާ ލޮއިޖެހުމަށެވެ
ބޯކޮށާދަތި
ނ ބޯކޮށަން ބޭނުންކުރާ ދަތްގަނޑުލީ އާލަތެއް
(4) )ޅ( ބޯވަޅުގައި އަޅާއެއްޗެހި ބޯވަޅު
ނ (1) އަންހެނުންގެ އާދައިގެ ދިވެހި ލިބާހު ކަރުވަޅުގެ ކައިރީގައި އަޅައިފައި ހުންނަ ހިރުތަކަކާއި ޖަހައިފައި ހުންނަ ބަގިޔާތައް މީގައި ކަސަބާއި ބާދަލަޔާއި ފަށުޔާއި އުއިބޭނުންކުރެއެވެ (2) އަންހެނުންގެ ހެދުމުގެ ކަރުގައި ވަށައިގެން ގޮތްގޮތަށް އަޅައިފައި ހުންނަ ފޮތިކޮޅު (3) ފޮތިބޯވަޅު
ބޯވިއްދާ
ނ ވަރުގަދަ އިންޖީނެއް ލައިފައި އޮންނަ ކުޑަ އާގުބޯޓެއް މީގެ މަސައްކަތަކީ ބޮޑެތި ބޯޓުފަހަރުގައި މައްޔާ ވިއްދައިގެން އަނބުރައިލުމާއި ބޮޑެތި އެއްޗެހި ކަފުޖަހައިގެން ގެންދިއުމެވެ
ބޯދި
ނ ރާއްޖޭގެ މަސްވެރިން ދިރޭ އެމުގެ ގޮތުގައި ގެންގުޅޭ ކުދި މަހެއް މީގެ ކުލައަކީ ރަންމުށިކުލައެވެ އާންމުކޮށް އުޅެނީ ފަރާއިފަޅު ފަޅުގެ ބޭރު ގުންޑޮޅިތަކާއި ހަތާތަކުގެ ނިވަލުގައާއި ވިލުވިލާއި ކަނޑުއޮޅިތަކުގައި ހުންނަ ބަދިތަކާއި ބޮޑެތިގައުގަލުގެ ނިވަލުގައެވެ އަދި ބޮޑެތި އައިން ހަދައިގެން ކަނޑުގައިވެސް އުޅެއެވެ
ބޯތަޅާލޯތަޅާހަދައިގެން
މަޖާޒު: އާދޭސްކުރުމާއި މަސައްކަތުގެ ބުރައުފުލި މިންވަރުގެ ބޮޑުކަން އަންގައި ދިނުމަށް ބޭނުންކުރާ ބަހެއް