radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
އަޅަމެން
ނ އަޅުންގެ ގޮތުގައި ބަޔަކު ވާހަކަ ދައްކާއިރު އަހަރެމެންނޭ ބުނާބަސް މިބަސް ބޭނުންކުރަނީ ކަލާނގެ ކިބަޔަށް ދަންނަވާ އިރުގައެވެ
އަޅިބޮނޑި
ނ އަހިފަތަށް ނުވަތަ ޅޮސްފަތަށް ހޫނުއަޅި އަޅައިގެން ހަދާ ބޮނޑިއެއް މިއީ ބޭސްވެރިކަމުގެ ގޮތުން ގައިގެ ތަންތަން ހޫނުކުރުމަށްޓަކައި ގެންގުޅޭ ބޮނޑިއެކެވެ މިގެންގުޅެނީ ބޭރުން ފޮތިލައިގެންނެވެ
އަޅިތުޅައު
ނ އަޅިއުނދުޅި މިއީ އުނދުނުން އަޅިނަގާންގެން ގުޅޭ އުނދުޅިއެއް
އަޅުކަން
ނ (1) އެކަން ކުރުމުން ސަވާބުލިބޭކަންތައް (2) ކީރިތިﷲ ރުހި ވޮޑިގެންވާކަންތައް (3) ހެޔޮކަންތައް
އަޅުކަންކުރުން
މ އެކަން ތަކުން ސަވާބުލިބޭކަންތައްކުރުން. މިސާލު: ނަމާދުކުރުން ޞަދަޤާތްދިނުން ޤުރުއާން ކިޔެވުން
އަޅުވައިލުން
މ އެޅުވުމަށް ކިޔާލުއިގޮތް
އަޅުވެތި
ނއ (1) އަޅަކާ އެއްފަދަ (2) އަޅެއްގެ ގޮތްހުރި
އަޅުވެތިވުން
މ އަޅަކާ އެއްގޮތްވުން
އަޅޭ
އ (1) ބައެއްރަށްރަށު މީހުން ފިރިހެނުންނަށް ގޮވައިލާން ބުނާގޮތެއް (2) ޙައިރާންވެގެން ބުނާބަހެއް
އަޅޯ
ނ ބައެއްގަސްގަހުގެ ގަސްގަނޑުންނާއި ގޮފީން ނުކުންނަމުލެއް. މިސާލު: ކަށިކެއުއަޅޯ ނިކައަޅޯ
އަޅޯސާ
ނ ބޭސްހަދަން ގެންގުޅޭފަތެއް. މިފަތް ހުންނާނީ ދަތްކުރަނދު ފަތްހެން އެއަށްވުރެ ބޮޑެތި ކޮށެވެ މިއީ މޭގެ ބަލިބައްޔަށް ރަނގަޅު އެއްޗެކެވެ މީގެގަހަކީ މެދުމިނުގެ ގަހެކެވެ މިއަށް "އާޑައްތޮޑާ" ވެސް ކިޔައެވެ
އަކަ
ނ (1) ހަތަރެސްކަންގޮޅި (2) އެތައް ޢަދަދަކަށް ޖަހައިފައި ހުންނަ ހަތަރެސް ކަންގޮޅިތައް މިސާލު: ނުވަގެވަޅުއަކަ ސޯޅަގެވަޅުއަކަ (3) ނއ ހަތަރެސްކަން
އަކަރަކަރާ
ނ ބޭހެއްގެނަން މިހުންނާނީ ހިމަދަނޑިކޮޅުތަކެއް ހެނެވެ މިބިންދައިލައިފައި ކޮޅު ދުލުގައި ޖެއްސީމާ ކުޑަކޮށް ދޫތޮރުފާގޮތެއް ހުންނާނެއެވެ
އަކަކުރުން
މ (1) ހަތަރެސްކަންވާގޮތަށް ބައިކުރުން (2) ފަންޑިތަވެރީންގެ އިޞްޠިލާޙުގައި ޖުމްލައެއް ނުވަތަ ޢިބާރާތެއް (3) އަކައެއްގެ ގޮޅިގޮޅީގައި ޤަވާޢިދެއްގެ މަތީން އެކިއަކުރު ވަކިވަކީން ނުވަތަ އަބުޖަދުކޮށްގެން ލިޔުން
އަކަޖެހުން
މ (1) އަކަޔަށް ވާނޭހެން ރޮނގުދެމުން (2) ފަންޑިތަވެރީން ވަކި އަދަދަކަށް ހަތަރެސްކަން ގޮޅިތަކެއް ޖެހުން މީގައި ހުންނާނީ ޤަވާޢިދެއްގެ މަތީން އަކުރުތަކެއް ނުވަތަ ޢަޒީމާތަކެއް ޖަހައިފައެވެ
އަކިރި
ނ މަރުވެފައި ހުންނަ މުރަކައިގެ އެތިއެތިކޮޅު
އަކިރިގަނޑު
ނ އެއްތާކަށް އެއްވެފައި އޮންމަ އަކިރިތައް
އަކިރިގަނޑުފަނި
ނ (1) ހަކުރުހިލާން ރާވަރުކުރާއިރު އަޅާއަކިރިތައް ރާއެތި ވަރުވީމާ ނަގައި އެއަށްފެން އަޅައިގެން ގިރާފަނި
އަކު
އކ ޔަޤީންކޮށް ދިނުމަށް ނުވަތަ ނަކިރާ ކުރުމަށް ގެންނަ އަކުރެއް މިސާލު: )ހ( އޭނާ ރަށަކުނެތް )ށ( ތިޔަ ވާހަކައެއް ފޮތަކުނެތް )ނ( މީހަކު އަތުވެއްޖެ
އަކުނިވައި
ނ ލޭމަދުވުމުގެ ސަބަބުން ހެދޭ ހޫނުވަޔަކުން އަރާ ބާވަތެއްގެ ތަދެއް މިތަދު އެރީމާ އެތަނެއްގައި ހުންނަމަހާއި ނާރުތައް އެއްފަރާތަކަށް ދެމި ހަރުވާގޮތްވެއެވެ