radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ވައުވުން
މ (1) ގުނަވަނެއް ނުވަތަ އެތައް ގުނަވަނެއްގެ ބާރުމުޅިންނެތި ދިއުމާއެކު ހިމަވާގޮތްވުން. (2) ބޭނުމެއްނެތް ގަސްތައް ގިނަވެ ކުނި ގިނަވުން. (3) ގަސް ދަޑިފަދަ އެއްޗެހި ތެދަށް ހުންނަހައި ވަރު ނެތުމުގެ ސަބަބުން ލެނބޭގޮތްވުން
ވައުވެއްދުން
މ މަޖާޒު: (1) މަގުއޮޅުވައިލުން (2) ވައު ވަންނާނޭގޮތްހެދުން (3) ހެޔޮނުބައި އޮޅުވައިލުން
ވައުމަކުނު
ނ ވައުފުރާ ޒާތުގެ މަކުނު މިއީ ފައިދިގުމަކުނަށްވުރެ ކުޑަ ރަންމަކުނު ކަހަލަގޮތަކަށް ވާފުރައިގެން އުޅޭ މަކުނެކެވެ
ވައުފަށް
ނ (1) ރޯނު، ވަކަ، އުއިފަދަ އެއްޗެހީގެ ފަށް (2) އެލިފައި ހުންނަ ފަށް (3) އުނދޯލި އެލުވާން ޖަހައިފައި ހުންނަ ވައު (4) މަޖާޒު: ގުޅުން
ވައުދެމުން
މ (1) އޮލަ ނުވަތަ ތަތް އެއްޗެހިން ވަކިކޮށްލާބައި މެދުނުކެނޑި ފަށެއްހެން ހިމަވަމުން ދިއުން (2) ވަލެއްގެ ދެކޮޅުގައި ދެމީހަކު ނުވަތަ ބަޔަކު ހިފައިގެން ތިމާހުރި ކޮޅަށް ގެންނާން ބާރުލުން މިއީ ވާދަޔަށް ކުޅޭ ކުޅިވަރެކެވެ (3) މަޖާޒު: ކުރާން އުޅޭ ކަމެއްނުވެ ލަސްވަމުން ދިއުން
ވައް
ނ (1) ގަސްގަހުގައި ގަންނަ މޭވާ ފަދަ ތަކެތި. މީގެ ތެރޭގައި ކާތަކެއްޗާއި ކައިނޫޅޭ ތަކެތި ހިމެނިގެންވެއެވެ. (2) އިހާގޮނޑީން ފަޅައިފައި ހުންނަ ތަންތަން. ގޮބޮޅިއާއި އެތުމައު ގެންފައި ހުންނާނީ މީގައެވެ. (3) އޮޑިދޯނި ފަހަރުގެ ފަށަނުން މައްޗަށް ދެފަރާތަށް ވާނޭހެން ދެކަތްޕަށް ހުންނަ ވައް. )ބުޑުވައް( (4) އޮޑިދޯނި ފަހަރުގެ ވަތްވަތުގައި މަޑޫތައް ހިފެހެއްޓުމަށް އެތެރެ ފަރާތުން ބަނޑު ފިލާގައި އަޅާވައް. )ފައިވައް( (5) ބައެއް ވެޔޮވެލާއި ބައެއް ގަސްގަހުގައި ދެފައިކައްޓަށް ހެދިފައި ހުންނަ ގޮފި މޫފަދަ އެއްޗެހި
ވައްބަހުންޖެހުން
މ މީހަކު ކުރާ ކަމަކާއިމެދު އެހެން މީހުންނަށް އެކަމެއް އޮޅުން ނުފިލާނޭ ގޮތަކަށް އެމީހާއާއި ދިމާއަށް އެއްޗެއް ބުނުން މިހެން ގިނައިން ބުނަނީ އެމީހާ އާއި ދިމާޔަށް ބުނިއެއްޗެއް ނޫންކަމަށް ހަދައިފައެވެ
ވައްބިމެލުން
މ )ޏ ( އުދަލިން ނުވަތަ އޮޑަލުން ފަސްގަނޑު ޖެހުން
ވައްކަޅި
ނ (1) ސިއްރުކަޅި (2) ވަގުކަޅި (3) ނުސީދާކޮށް ބަލާ ބެލުން
ވައްކަޅިންބެލުން
މ (1) ލޯސީދާނުކޮށް އެހެން މީހުންނަށް ބަލާކަން ނާންގައި ކަޅިއެއް ފަރާތަށް ގެންގޮސް ގެންބެލުން (2) ލޮލުގެ ކުޑަކޮޅުން ބެލުން
ވައްއެޅުން
މ އޮޑިދޯނިފަހަރު ބަނުމުގައި އޭގެ މަޑޫތައް ގަދައަށް އެއްކޮށް ހިފިހުރުމަށް އެތެރެ ވަތުން އަޅާ އެތަކެއް ވާލު އެޅުން
ވައްތަރުކުރުން
މ (1) ސިފައިގައި އެއްގޮތްކުރުން ފާޑުގެނައުން ފާޑުކުރުން (2) ޢަލާމާތް ފެނުން
ވައްތިރި
ނ )ޏ.( (1) އަންހެނުންގެ ހެދުމުގެ ފަތިނުޖަހާ ވަށްކޮށް ހުންނާނެހެން ކަނޑައިފައި ހުންނަ ތިރި (2) )ޏ( ވައްތިޔަރަ
ވައްލަހިފަމުންދިއުން
މ މަޖާޒު: ބަޔަކު މީހުނާ އެކުގައި ކަމެއްކުރާން އުޅެފައި އެހެން މީހުނަށް ތިމާ ދަނީކަން ނޭގޭގޮތަށް ދުރުދުރުގައި އުޅެމުން ފިލަފިލައިގެން ގޮސް އެތަނުން ނުމެގެން ދިއުން
ވައްގަނޑު
ނ (1) އިހާގޮނޑީން ފަޅައިފައި ހުންނަ ތަންތަން. ގޮބޮޅިޔާއި އެތުމައުގެންފައި ހުންނަނީ މީގައެވެ. (2) ފުރާދުއްވާ ތަކެތީގެ ދެ ބަނޑުފިލާ އެއްކުރާން އަޅާ ދެފައިކައްޓަށް ހުންނަ އެއްޗެހި އެއީ މިގޮތަށް ދެފައިކައްޓަށް ހަރުކުރާން ހުންނަ ކޮންމެ އެއްޗެކެވެ (3) އުރަމަތީގެ ކުރީގައި ހުންނަ ކިރު ނުކުންނަ ތަންކޮޅު (4) ކިރު ހުންނަ ޖަނަވާރުގެ ކިރު ހުންނަ ގުނަވަން (5) ކުރާ ފަދަ އެއްޗެހީގައި ފެން އޮހޭން ހުންނަ ތަން (6) ބިލެތު ދާމުލުން ފަޅައިފައި ހުންނަގޮފި
ވަވަތް
ނ އޮޑި ދޯނި ފަހަރު ބަންނައިރު ފަށަނުގެ މައްޗަށް ފުރަތަމަ ޖަހާ މަޑޫ ނުވަތަ ވަކަރު
ވަފަށް
ނ )ސ.( ޅަފަށް ތަކެތި ހަނުލާ އިރު މިޔައަށް އަރާކުރަކި ކަމެއް
ވަފަޓެ
ނ )ގ ( (1) ޅަފަށް ތަކެތި ހަނުލާ އިރު މިޔައަށް އަރާ ކުރަކި ކަމެއް (2) ކެއްސާލާއިރު ކަރުތެރޭގައި ހުންނަ ކުރަކިކަން
ވަފުދު
ނ ޖަމާޢަތަކުން ނުވަތަ ވެރިކަމެއްގެ ފަރާތުން އަދި ނުވަތަ އިމްތިޔާޒެއް ލިބިގެންވާ މީހެއްގެ ފަރާތުން ތަނަކަށް ފޮނުވާ ބައެއް
ވަދު
ނ (1) ބުޅީގައި އެންމަހުގެ ސިފައަށް ބަންނަ ނުވަތަ ހަރު ކުރާ ފަތްބޮނޑި ނުވަތަ އެފަދަ އެއްޗެއް (2) ފައިވާން ނުވަތަ މަރަވަޅީގައި ފައިތިލަ ލެއްވުމަށް ހަރުކުރާ ފަށް