radheef.info
ރަދީފު


ކެތި
ނ (1) ހުޅަނގުމޫސުމުގެ ތިންވަނަ ނަކަތް (2) ކައިރިކައިރިކޮށް އެކީގައި ލޮލަށްފެންނަން ހުންނަ ތަރިބޮނޑިއެއް
ވަޑާންކަށި
ނ (1) ވަޑާން ކުރުމުގައި ތަކެތި ކޮންނަން ބޭނުންކުރާ އާލަތެއް (2) މޫދުގައި އުޅޭ މަހެއް
ވަޑާންފޮށި
ނ ވަޑާމުގެ ތަކެތި އަޅާފައި ހުންނަ ފޮށި
ވަޑާންގޮނޑި
ނ ވަޑާންކުރާއިރު ތަކެތި މެށުމަށް ބޭނުންކުރާ ގޮނޑި
ވާން
ނ (1) ކެޔޮޅުކަމުގޮސް ތިބޭއިރު ދޯނި ފަރާތް ފަރާތަށް ދިޔަ ނުދިނުމަށްޓަކައި ވައުގަނޑެއްގައި އައްސައި ކަނޑަށް ދޫކޮށްފައި އޮންނަ ގައު. މިގައު އޮންނާނީ އަޑީގައި ޖެހޭވަރަށެވެ. (2) ބުޅާ ކުކުޅު މީދާ ފަދަ ތަކެތި ހިފާންޖަހައި ބާވަތެއްގެ ދަންތުރައެއް. މިހުންނާނީ ދަނޑިއެއްލަނބައި އޭގައި މަޅިއެއް ޖަހައިފައެވެ މިދަންތުރައިގައި ޖެހުނީމައި ދަނޑި ތެދުވެގެންގޮސް އެޖެހުނު އެތި ހުންނާނީ އެލިފައެވެ (3) ނއ ދޫކަމުގެ އިދިކޮޅު
ވާރުއޮޑި
ނ ވާރަށް ނެގޭ ތަކެތި މާލެ ގެންނަ އޮޑި މިއޮޑި ބަންނަނީ އަތޮޅު މީހުން އަތުން ތަކެތި ނަގައިގެންނެވެ މީގެ ޚަރަދު ނަގާނީ ހަތަރު އަހަރުން އެއް އަހަރުއެވެ
ވާރުއޮޑީމީހުން
ނ ވާރަށްނެގޭ ތަކެތި ހިފައިގެން ދަތުރުކުރާން ވާރުދޭ ދިހަބައި ހަރުންކުރެ ކޮންމެ ބައިހަރަކުން އަހަރަކު މީހެއްމަގުން ތިބޭންޖެހޭ މީހުން. މިމީހުންނަށް އޮންނާނީ މަހަކު ދެލާރިއާއި ކޮއްތެވެ. މިލާރިއަކީ އިހުގެ ދިގުލާރިއެވެ. ވާރުނުނެގޭ ރަށްރަށުން މީހުން ކުރާން ޖެހޭނީ އެކަމަށްޓަކައި އެރަށެއްގެ ވާރު މާފުވެވުނު ފަރާތެއްގެ މަސައްކަތެވެ ގޮއި އޮޑި ދުއްވާ ރަށްރަށުގައި މިމީހުން ތިބޭނީ ގޮއިއޮޑީ މީހުންކަމުގައެވެ
ވާރުއޮޑީދަތުރު
ނ ވާރަށް ނެގޭ ތަކެތި ހިފައިގެން ކުރަންޖެހޭ ދަތުރު. އެއީ އަހަރަކު ފަސް ދަތުރެވެ. އެމީހުންގެ ކޮއްތު އޮންނާނީ މާލޭފަޅަށް ވަންނާންދެން ވާރުގެއިން މާލޭ ފަޅަށްވަނީއްސުރެ ރަށަށް ދާންދެން ބޮޑު ބަނޑޭރި ގެއިންނެވެ
ވާރުގެ
ނ ވާރުވެރިޔާ ހުންނާން އަތޮޅުގެ ރައްޔިތުން އަތުން ވާރުގެ ޤަވައިދުން ޚަރަދުކޮށްގެން އަޅާގެ ވާރަށް ނެގޭ ތަކެތި ރައްކައުކޮށް އުޅުނީވެސް އެގޭގައެވެ
ވާރުގެ ތަކެތި
ނ (1) ބަންޑާރައަށް ނެގޭ ތަކެތި (2) ވާރުދޭ މީހުން އަތުން އިހުގައި ސަރުކާރަށް ނެގުނު އެއްޗެހި
ވާރޭފެނާވަށަނގުއްޔާ
މ މިސާލު: އޮއްޓަރާއި ދިޔަޔާ އެކުނުވާގޮތަށް ހުންނަ ރިހަފަދަ ތަކެތި
ވިހައޮށް
ނ މަސް ފަދަ ތަކެތި މެރުމަށް )ހިފުމަށް( ރާއްޖެއިން ބޭރުން ގެނައި ކުދި ވަރުގެ އޮށެއް. މި ހުންނާނީ ގުޅައެއްގެ ސިފައިގައެވެ. ކަކުނިފިލި ފަދަ އެއްޗަކާއި އެއްކޮށްފައި ފަރުމަސް އުޅޭ ތަންތަނަށް އުކުމުން އެކައިގެން މަސް ވަރު ދެރަ ވެގެން ފެން މައްޗަށް އަރައެވެ
ވިހުން
މ (1) ފަންކާއެއް ނަމަވެސް އެއްޗެއް ހޫރުވައިގެން ވައިދާނޭ ގޮތް ހެދުން (2) )ޏ ( ވެލި ފުންޏެއް ފަދަ އެއްޗެއް އަމިއްލައަށް ފެތުރުން (3) ކުއްޖާ މާބަނޑުން ނުކުތުން (4) ގަލާއި މުރަކަ ފަދަ ތަކެތި ހޫނުގެ ސަބަބުން ކުދި ކުދިވުން
ވިރިކެކޭތަކެތި
ނ ވިރުވައިގެން އެއްޗެތި ހަދައިއުޅޭ މަޢުދަނީ ތަކެތި. މިސާލު: ރަން ރިހި ލޮއި
ވިރުވައިއެޅުން
މ (1) މަޢުދަނީ ތަކެތި ވިރުވައިގެން ތައްގަޑެއް އެޅުން (2) މަޖާޒު: ރީތިކޮށް އެއްޗެހި ކިއުން
ވިރުވުން
މ (1) ތަކެތި ވިރޭނޭގޮތް ހެދުން (2) ވިރިކެކޭ ތަކެތި ފެންކުރުން
ވިރުދު
ނ (1) އެކިދުވަސް ދުވަހު ކިޔަވަމުން ގެންދަން ހަމަޖައްސާފައިވާ ކިޔެވެލީގެ ބައިބައި (2) ކޮންމެ ދުވަހަކު އާދަކޮށް ކިޔަވާތަކެތި
ވިޅިއަށި
ނ )ޏ.ސ.( ބަދިގޭގައި ހުންނަ އަށި. މިއަށި ހުންނާނީ ދަށުގައި ތަކެތި ރައްކާކުރެވޭހެން ބައްދައިފައެވެ
ވިޔަފާރިކަމުދިއުން
މ ވިޔަފާރިކުރާން ތަކެތި ހިފައިގެން އެއްރަށުން އަނެއްރަށަށް ދިއުން
ވިޔަފާރިކުރުން
މ ތަކެތި ގަނެގެން ނަފާލައިފައި ވިއްކުން
ވިޔަފާރިއެޅުން
މ (1) ތަކެތި ނެރެވައްދާ ރައްކާކޮށް ހަދާގޮތުގައި ތަނެއްގައި ވިޔަފާރި ހިންގުން (2) ވިޔަފާރި ކުރުމަށް ކަނޑަ އެޅިފައިވާ ފިހާރަ ފަދަ ތަންތަން ނޫން ތަނެއްގައި އެއްޗެތި އަތުރައިގެން ވިއްކަން ތިބުން