radheef.info
ރަދީފު


ޅައި
ނ (1) މިނިކާ ސޫފި (2) ޖަނަވާރަކާ އެއްފަދަކުރުމަށް މީހުނާ ދިމާއަށް ބުނާބަހެއް (3) އޮޑިދޯނިފަހަރަށް އެއްޗެހި އަރުވާންވެގެން ވަތުތެރޭ ހުރަހަށް ބަހައްޓާ ލަކުޑިފަދަ އެއްޗެހި
ކިނާރި
ނ ކަސަބުންރީތި ދުޅައަޅައި ވިޔެފައި ހުންނަ ފީތާބާވަތުގެ އެއްޗެއް
ކިރިކެޓު
ނ ދަނޑުގައިކުޅޭ ކުޅިވަރެއް މިކުޅިވަރުގައި ބައިވެރިވާނީ ދެޓީމެވެ ޓީމެއްގައި 11 ކުޅުންތެރީންނެވެ އެއްބަޔަކު ބޯޅަ ހޮވަން ތިބޭއިރު އަނެއްބައިގެ ދެކުޅުންތެރީން ކުޅެން އަރާތިބެއެވެ ބިމަށް ޖަހާފައި ހުންނަ ތިންދަނޑީބުރީގެ ކުރިމަތީގައި ކުޅޭމީހާ އޮވެގެން ހޮވާޓީމުގެ މީހަކު އެއްލާބޯޅައިގައި ފިލާގަނޑަކުންޖަހައި ލަނޑު ހަދައެވެ ނުވަތަ ދުވެގެން ލަނޑު ހަދައެވެ ދަނޑިބުރިތައް ޖަހައިފައި ހުންނަނީ މެދުރިއަޅައިފައި އޮންނަ ތަނެއްގައި ދެކޮޅުގައެވެ
ކިރު
ނ (1) ބަނޑުއަޅާ ވިހާ ހައިވާނުގެ ދަރިންނަށްޓަކައި އުރަމައްޗަށް އެރޭހުދު ކުލައިގެ އޮލަދިޔަ (2) އުރަމަތި (3) ބައެއްގަސްގަހާއި މޭވާގެ ތެރޭން ނުކުންނަދިޔަ (4) ގޮދަނުންނެގޭ ތަތް މާއްދާއެއް (5) ކާއްޓާއި ބަދަންފަދަ ބައެއްތަކެތި ފެލީމާ ނުކުންނަ ހުދުކުލައިގެ ދިޔަ (6) ފުށާއި ހަކުރާއި ކާށިކިރާއި އަޅައިގެން ކައްކާ ފޮނިކާ އެއްޗެއް (7) ބައެއް މޭވާއާއި ތަރުކާރީގެ ތެރޭގައި ހުންނަ ތަތްލަވާ އޮލަމާއްދާއެއް
ކިރުބޯކިބާ
ނ ހަނޑުލު ފުށުގައި ނުވަތަ ގޮދަންފުށުގައި ކިރުއަޅައިގެން އަޅާ ފޮނިބޯކިބަލެއް
ކިރުކެޔޮ
ނ ފޮނިކާއެއްޗެއް މިކައްކަނީ މާޅޮސްކޭލާއި ކިރާއި ފުށާއި ހަކުރު އަޅައިގެންނެވެ
ކިރުއައްޕަން
ނ )ހ.( ގޮދަންފުށް ނުވަތަ ހަނޑުލު ފުށް ކިރާއި ފެން އަޅައިގެން އޮލަކޮށް ގިރައިގެން ބޯކޮށް ހުންނަ ވަރަށް ތަވަޔަށް އަޅައިގެން ފިހާ ކާއެއްޗެއް
ކިރުއިލޮށި
ނ ބަނބުކެޔޮކިރު ތަތްކޮށްގެން އެ އުނގުޅައިފައި ހުންނަ އިލޮށި މިއީ ދޫނި ހިފަން ކުރާކަމެކެވެ
ކިރުމަސްރިހަ
ނ ރޯމަސް ނުވަތަ ތެތްވަޅޯމަހުގައި ފެންކިރު އަޅައިގެން ކައްކާ ރިހަޔެއް މިއަށް އަޅަނީ ރޯމިރުހާ ބިލިމަގެވެ ދެން މައްޗަށް ރަތްކުރި ފިޔާކޮޅަކާއި ބޯކިރުފޮދެކެވެ
ކިރުގަރުދިޔަ
ނ ރީނދުލާއި މަހާއި ފިޔަޔާއި ރޯމިރުހާއި އަޅައިގެން ކާށިކިރުގައި ކައްކާ ލައިގެން ކާ އެއްޗެއް. މި މަހާއި ތަރުކާރީގައިވެސް ކައްކައި އުޅެއެވެ
ކިއްސައްދެވި
ނ މިއީ ގަބުރުސްތާނުގައި އުޅޭކަމަށް ބުނާ ދެތްވެކެވެ. މިދެވި މީހުންނަށް ބަލިޖައްސައި ކުލަ ރީނދޫކޮށް މާބަނޑު މީހުންގެ ބަނޑުގައި ރޮނގުއަޅައި އުޅޭކަމަށް ބުނެއުޅެއެވެ
ކިލާސް
ނ (1) މަދަރުސާގައި ކިޔަވައިދިނުމަށް އެއްކޮށް ތިބެން ކަނޑައަޅައިފައިވާ ކުދީންގެ ބައެއް (2) ފަސިންޖަރުން ދަތުރުކުރާ ރޭލާއި މަތިންދާ ބޯޓް ފަދަ އެއްޗެހީގައި ދަތުރުކުރެވެން ހުންނަ އެކި ފެންވަރުގެ ބައިބައި
ކިޔަވާގެ
ނ (1) ބޮޑުދެހިތީގައި ހިތީ ކިޔަވަންގެންދާ ފޮތް ފޮށިތައް ބެހެއްޓުމަށާއި ވިއްސާރަވެއްޖެނަމަ ކިޔަވަން ދާމީހުންތިބޭން ފަނުން އަޅާފައި ހުންނަ ގެއެއް (2) ކިޔެވެލިކިޔަވަން ފުއްޓަރު ފަރާތުގައި އަޅައިފައި ހުންނަގެ (3) އެދުރުގެ
ކީމަ
ނ ގަނޑުވަރުތެރޭ އަންހެން ބޭފުޅުން ދުވާލު ތަންތަނަށް ވަޑައިގަންނަވާން ވެދެވަޑައިގަންނަވާ ފޭލިގެ. މިހުންނަނީ ހުދާއި ރަތާއި ކަޅާއި މިތިންކުލައިން ބިހުރައަޅައި ކުރަހައިފައެވެ
ކީމިޔާ
ނ (1) މާއްދާއެއް އެކިގޮތްގޮތަށް ބަދަލުކޮށްގެން އޭގައިވާ ޚާއްޞަ ތަބީޢަތް ހޯދަން އެނގޭ ޢިލްމު (2) ހެދިކާގެބާވަތެއް މިއީ ފުށްގަނޑު މޮޑެ އެތެރެޔަށް މަސް އަޅައިގެން ތެލުލައިފައި ހުންނަ ކުޅި ހެދިކާ އެއްޗެކެވެ
ކީސާކުރުން
މ (1) މަޢުދަނީ ފައިސާ އާއި ޖަވާހިރުފަދަ ތަކެތި ކޮތަޅަށް އަޅައި ބަނދުކުރުން (2) މުދާ ވިއްކައިފައި ފައިސާއަށް ހެދުން
ކުނބުރު
ނ (1) ކަޅުރަތް ކުލައިގެ ފަތިކޮށް ވައްކޮށް ހުންނައޮށެއް. މީގެ މަދު ބޭހަށް ބޭނުންކުރެއެވެ. މިއީ ވެލެއްގައި އަޅާ އެއްޗެކެވެ. މިވެލުގެ ފަތް ހުންނަނީ ވަށްކޮށް ގޮނިކޮށެވެ. މިފަތް ބޯވާނެއެވެ. (2) ސިފައިންނާ މަގު ހިނގާމީހުން ފެން އަޅައިގެން ގެންގުޅޭ ވަށްކޮށް ފަތިކޮށް ހުންނަ ކަންވާރެއް (3) އިހުގައި ބަޑިބޭސް އަޅައިގެން ކަރައިން ގެންނަ ކަންވާރެއް (4) ފެންއަޅަން ގެންގުޅޭ ކަޅުމުށީގެ މުޑުކާ
ކުރަބެއްދުން
މ ފާރުގަނޑުގައި ބޭސްނާޅައި ހުރުމުގެ ސަބަބުން މަތީގައި ހެދޭ ދުއްޔަށް ވާންވުން
ކުރިޖެހިބަތް
ނ ޅަކޮށް ކައްކައިގެން ކެޔޮފަތު ހޮޅިޔަށް އަޅައިފައި ހުންނަ ބޮނޑިބަތް. މިހޮޅީގެ ދެކޮޅު ފަތްގަނޑު ހުންނާނީ ބޮނޑިބަތް ރޯލުގެ ކޮޅަށް ވައްދާ ލައިފައެވެ. މީގައި ހުންނާނީ އަށެއް ނުވައެއް އިންޗީގެ ދިގުމިނެވެ. ފަލަ މިނަކީ މެދުމިނު މީހެއްގެ އަތުކުރީގެ ފަލަމިނެވެ. މިއީ އޮލީފަދަ ރަސްމީ ކަންތަކުގައްޔާއި ރަށްރަށުގެ މައުލޫދުގައި ޅެންކިޔާ މީހުންނަށް ހުންނަ ބަތެކެވެ
ކުރުނބާފުޅާދިއުން
މ ދޮށުން ތިބި ޒަމާނުގައި ރަމަޞާންމަހު ކޮންމެ ދުވަހަކު ހަވީރު ގަނޑު ވަރުތެރޭގެ ބޭފުޅުން ތިއްބަވާ ތަންތަނަށް ކުރުނބާފުޅު ހިފައިގެން އެމީހުން ރަސްމީ ހެދުމުގައި ދިއުން މިއީ ދައުލަތުގެ ފަރާތުން އެ ބޭފުޅުންނަށް ކަނޑައަޅައިފައިވާ ކަންތަކުގެ ތެރެއިންކަމެކެވެ
ކުރުނީސް
ނ (1) މާތް މީހުންނަށް ސަލާމް ކުރުމުގެ ބާވަތެއް އެއީ ދެއަތްމޭގައި އަޅައިފައި ކަނާއަތް އުފުލައި ބޮލުގައި ޖައްސައިލައިފައި މެޔަށް ގެނައުމެވެ (2) ބޮލާ ހަމަޔަށް އަތްނަގައި ކުރާ ސަލާމް