radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ވަށަބުޅި
ނ މަސްބާނަން ގެންގުޅޭ ބުޅިއެއް މިއޮންނާނީ ކަނިފަށްނުލާ އާދައިގެ ބުޅިއަށްވުރެ ވަށްކޮށެވެ
ވަށައިހިނގުން
މ އެއްޗެއްގެ ނުވަތަ ތަނެއްގެ ބޭރުން ވަށައިގެން ހިނގުން
ވަށައިބުރުޖެހުން
މ ތަނެއްގެ ނުވަތަ އެއްޗެއްގެ ވަށައިގެން ބުރުއެޅުން
ވަށައިއެނބުރުން
މ (1) އެއްޗެއް މެދަށް ލައިގެން ވަށައިގެން ބާރަށް ހިނގުން ނުވަތަ ދުވުން (2) މަޖާޒު: އެއްތަނަކުން އިރުއިރުކޮޅުން ފެނުން
ވަށައިފާރު
ނ ތަނެއް ނުވަތަ ރަށެއްގެ ވަށައިގެން ލެވިފައިވާ ފާރު
ވަށައިދެމި
ނ (1) މަސާރީ )ނިދާތަނުގެ ނިވަލަކަށް ވަށައިގެންދަމާ ފޮތިގަނޑު( (2) ކިޔަވާގެ މައުލޫދުހަރުގެ ފަދަތަންތާގެ ވަށައިގެންދަމާ ފޮތި
ވަށަފަރު މީހުން އުނބަށްޖެހުން
މ )މިސާލުބަހެއް( ބޭނުން ނެތިގެން ދޫކޮށްލި އެއްޗެއް ފަހުން ބޭނުން ކުރުމުން ބުނާބަހެއް
ވަށި
ނ ފަން ރުކުފަތި އެއްތެޔޮ ފަދަ ތަކެތީން ވިޔެފައި ހުންނަ އެއްޗެއް މިއީ ތަކެތި އަޅާން ބޭނުންކުރާ އެއްޗެކެވެ
ވަށިބޭލުން
މ (1) ދަތުރުވެރިއެއްގެ ގޮތުގައި އުޅޭއިރު އަންނައުނުލާން ގެންގުޅޭ ވަށިފޮށި ގެއެއްގައި ބަހައްޓައިގެން އުޅުން (2) މަޖާޒު: އިހަށްވަދެ ނޫޅޭތަނަކަށް ވަދެ ގަދަކޮށްލައިގެން އުޅުން
ވަށިވަށީންދިނުން
މ (1) އެންއުކާއިރު ދޭތެރެ އަވަސްކުރުމާއި ގިނަކުރުމަށް ގިނައެން ވަށިވަށީން ނަގަނަގައިފައި އުކުން (2) މަޖާޒު: ކަމަކާ ހިތާނުވެގެން މީހަކާ ދިމާއަށް މާގިނައިން އެއްޗެތި ގޮވުން
ވަށޮފަތް
ނ )ޏ ( ގޮބޮޅީގެ ތާފަތުގެ އެތިކޮޅެއް )އެތުމަލުގެ ބޭރުގެ ފިޔަ( މިފިޔަ ގޮބޮޅި ނުކުތުމުން ވަނީ ތާފަތަށެވެ
ވަށްރޮނގު
ނ (1) ވަށްކޮށް އަޅައިފައި އޮންނަ ރޮނގު (2) ދެބަޔަކަށް ބެހިގެން އެއްބަޔަކު ވަށްރޮނގެއްގެ ތެރޭގައި އަނެއްބަޔަކު ބޭރުގައި ތިބެގެން ކުޅޭ ކުޅިވަރެއް މިއީ ދިވެހި ފިރިހެނުންގެ ކުޅިވަރެކެވެ
ވަށްބަގިޔާ
ނ ދިވެހި އަންހެނުންގެ ބޯވަޅުއެޅި ލިބާހުގެ ބޯވަޅުގެ ތިރީ ކައިރީގެ ތިރީގައި ދެފަށަށްއަޅާ ރިހި ކަސަބުގެ ދެ ހިރު
ވަށްބޮޅު
ނ (1) ބުރުހަމަކޮށް އޮންނަ ފަށް (2) ދެކޮޅު ވަށާލެވިފައިވާ ވަށްއެތި (3) ވަށްކޮން ހުންނަ ޓިނބުލި (4) ޗޭނެއްގެ ނުވަތަ އެފަދަ ފަށްވަރެއްގެ ލާމެހުމަށް އޮންނަ ވަށް އެތިކޮޅު
ވަށްކަންފަތި
ނ ބޭހަށްބޭނުންކުރާ ފަތްޕިލާވެއްޔެއް
ވަށްކޮށްލުން
މ (1) ވަށައިގެން ބުރުހަމަކޮށްލުން. (2) ބަޔަކުމީހުން މީހެއް ނުވަތަ އެއްޗެއް ވަށައިގެން ބައްދައިލުން (3) ވަށްކުރުމަށް ލުއިކޮށްބުނާގޮތް
ވަށްފުފުޅި
ނ ބޭހަށް ބޭނުންކުރާ ފަތްޕިލާވެއްޔެއް މީގެ ފަތް ހުންނާނީ ވަށްކޮށެވެ މާ ހުންނާނީ ފެހިކުލައިގައި ގޮނިކޮންނެވެ މާ ނުކުންނާނީ ފަތުބުޑުންނެވެ
ވަށްތުޅު
ނ ކިރައި ވަޒަން ކުރުމުގައި ބޭނުންކުރާ ތުޅުގެ ވައްތަރެއް މިތުޅު ހުންނަނީ ގަޑީގެ މޫނުމަތީގައި ޢަދަދު ހުންނަހެން ޢަދަދު ޖަހައިފައެވެ ކަށި އެކިވަޒަނަށް ދަތުރުކުރާ ގޮތަށެވެ
ވަނދު
ނއ (1) މޭވާ ފަދަ އެއްޗިއްސަށް ލިބޭ ގެއްލުމަކުން އެ އެއްޗެއް ހަރުވެ ފުރިހަމަ ނުވާންވާގޮތް ވަނދު ވީމާ ވާގޮތަކީ ދޮންވެ ފައްކާ ނުވެ ގަސްދޮށަށް ވެއްޓެނީއެވެ (2) މަޖާޒު: ކަމެއްގައި ހުންނަންވީ ފުރިހަމަ ކަން ނެތުމުން ވާގޮތެއް
ވަނދުވުން
މ (1) މޭވާ ފަދަ ތަކެތި ލިބޭ ކޮންމެވެސް ގެއްލުމަކުން ހަރުވެ ފުރިހަމަނުވާގޮތްވުން (2) މަޖާޒު: ކަމެއްގައި ހުންނަންވީ ފުރިހަމަކަން ނެތުން