radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
އޮތްއެމާދުއްވުން
(1) ކުރީދުވަހު ލަބަރީގައި އަޅާފާއޮތް އެންހިފައިގެން މަހާ ދުއްވުން (2) މަޖާޒު: މަޤްޞަދެއް ނުފުދޭ ގޮތުގައި ކަމަކާ އުޅުން
އޮލަނބުރޯނު
ނ ރާނާއިރު ފާރުތެދަށް ނެގުމަށްޓަކައި ފާރުގެ ދެކޮޅުގައި އޮލަނބުލައިފައި ޖަހާ ރޯނު
އޮލަނބުދަނޑި
ނ ތަނެއްރާނާއިރު އޮލަނބަށް ތެދުކޮށް ރޭނުމަށްޓަކައި ރޯނުދަމާން ޖަހާ ދަނޑި
އޮލަނބުޖެހުން
މ ރާނާން ދަމާރޯނު އައްސާތެދު ރޯނުއޮލަނބަށް އެއްސުން
އޮގަރުކަނޑިއައްޑަނަ
މ (1) ރަދުންގެ ޚާއްޞަ ކަނޑިކޮޅާއި އައްޑަނަކޮޅު (2) ޢިއްޒަތަށް ވަޑައިގަންނަވާއިރު އަރިހުގައި ގެންގޮސް އުޅުނު ކަނޑިކޮޅާއި އައްޑަނަކޮޅު މިހިފަނީ އެކަމަށް ޚާއްޞަކުރައްވައިފައިވާ މީހެކެވެ
އޮޑި
ނ ދިވެހިރާއްޖޭގައި ގެންގުޅޭ ރިޔާ ނަގައިގެން ދުއްވާ އެއްޗެއް. މީގެ ކޮޅުފަސްކޮޅު މައްޔަލާއި ހުންގާނާއި ދޭތީގެ ބައްޓަން އެންމެ ވައްތަރުވާނީ އިށީނދެގެންއިން ބުޅަލެއްގެ ބުރަކަށީގައި އޮންނަގުދާއެވެ. އަދިދިރުނބަލުން ފެށިގެން ކުނބާހަމައަށް ފަޑިއެއް ކުނބުން ފެށިގެން ކޮޅުފަސްކޮޅު ފިލާގަނޑާ ހަމައަށް ފަށްގަނޑެއް މަތިކަނުގެ މަތީގައި ހުންނާނެއެވެ
އޮޑިހަނު
ނ ބޭސްފަދަ އެއްޗެހި ގޭނުމަށްޓަކައި ކުރަދާއި ލާއިން އޮޑިބުރަށް ހަދައިފައި ހުންނަ ހަނެއް މިހަނު ވަށްކޮށްވެސް ހުރެއެވެ
އޮޑިބަންބޮނޑި
ނ މަޖާޒު: ރިހާކުރު ބޮނޑިއެއް މިބޮނޑިއަށްވާގޮތަކީ ފަޅަން އުޅެހަރުކަމުން އަތުން ނުފެޅިގެން ނުކައި ބާއްވަނީއެވެ ދެން އޮންނަ ކެއުމުގެ ވަގުތުގައިވެސް ހަމައެބޮނޑި ނަގާނެއެވެ ނަމަވެސް އެފަހަރުވެސް ނުކެވިގެން ބާއްވަނީއެވެ މިހެންގޮސް އެތައް ދުވަހެއް ވާއިރުވެސް )އޮޑި ބަނދެނިމޭ އިރުވެސް( ބޮނޑިއޮތް ގޮތަށް އޮންނަނީއެވެ
އޮޑިކަނޑައިގެންދިއުން
މ (1) އޮޑިކަނޑައިގެން ފުރައިގެން ދިއުމުން (2) އަޅާފައިއޮތް އޮޑިއެއް އަމިއްލައަށް ކެނޑިގެން ދިއުން )މިތަނުގައި އޮޑިއޭ ކިޔާފައި ވަނީ ފުރާދުއްވާ ހުރިހާ އެއްޗަކަށެވެ
އޮޑިކެނޑުން
މ ސިއްރުން ފުރައިގެން ދިއުން މިބަސް ބޮޑަށް ބޭނުން ކުރެވެނީ ސަރުކާރަށް ސިއްރުން ފުރައިގެން ދިއުމަށެވެ
އޮޑިއަށްލުން
މ އަރުވާލުމަށްޓަކައި ނުވަތަ ކުށްވެރި އެއްގޮތުގައި ފޮނުވާލުމަށްޓަކައި ފުރާދުއްވާ އެއްޗަކަށްލުން
އޮޑިވަރުދޯނގި
ނ ހުޅުހުޅު ދުޅަވާ ބައްޔެއް. މިބަލީގައި ބައެއް ފަހަރަށްމޫނު ފޮއްސިވުން ހުޅުހުޅުގައި ކުރަހެދުން ފަދަ ގޮތްވެސް ވެދާނެއެވެ
އޮޑިވަޅު
ނ (1) އޮޑިދޯނިފަހަރު ބަނުމަށްޓަކައި ބަހައްޓާތަން (2) އެފަދަ އެއްޗެތި އެހެލައިފައި ބަހައްޓާތަން
އޮޑިވެރިޔާ
ނ ފުރާ ދުއްވާ އެއްޗެއްގެ ވެރިމީހާ މިބަސް ޢާއްމުކޮށް ބޭނުންކުރަނީ ރިޔާނަގައިގެން ދުއްވާ އެއްޗިއްސާގުޅޭ ގޮތުންނެވެ
އޮޑިމަތި
ނ (1) އޮޑިދޯނިފަހަރުގެ ހަފޮޅުން އެތެރެ މިބަސް ބޭނުންކުރާނީ ދަތުރުކުރާއިރުއެވެ (2) ދަތުރުމަތި
އޮޑިމޯ
ނ (1) ވަޑާންކުރާއިރު ގެންގުޅޭ އާލާތެއް. މޮހޮރުނަގަން ބޭނުންކުރާ ތަނަކާއި މޮހޮރުޖަހަން ބޭނުންކުރާ ތަނަކާއި އެއްޗެތިފަޅަން ބޭނުންކުރާތަނެއް މީގައި ހުންނާނެއެވެ. މ. މަޖާޒު: (2) އެދުންވެރިކަމުގެގޮތުން ވަކިޖިންސަކަށް ބެލުމެއްނެތި ދެޖިންސާވެސް ގުޅުންބަހައްޓާ މީހުން
އޮޑިދޮށުންތިލަވުން
(1) މަސްއައިނެއް ނުވަތަ އެނޫންވެސް އެއްޗެއް އޮޑިކައިރިން ފެނުން މަޖާޒު: (2) ބޭނުންވެގެން އުޅޭ ކަމަކަށްޓަކައި މާބޮޑު މަސައްކަތެއްނުކޮށް ހުއްޓާ ކުއްލިއަކަށް އެކަންވާގޮތްވުން (3) ބޭނުންވެގެންއުޅޭ ކަމެއް ކުއްލިއަކަށް ކާމިޔާބުވާގޮތްވުން
އޮޑިދޮށުންޖަހާލުން
މ (1) އޮޑިއާއި ވަރަށް ކައިރިން މަސްފުމުން މަޖާޒު: (2) ބޭނުންވެގެން އުޅޭކަމެއް ކުއްލިއަކަށް ކާމިޔާބުވުން
އޮޑިދޮށްނުބައިވުން
މ އޮޑިދޮށުން ނުރައްކައުތެރިކަމެއް ފެނުން
އޮޑިތާންކަލޭގެ
ނ އިހުގައި އުޅުނުކަމަށް ބުނާމީހެއް. މީނާއަކީ ފަންޑިތަވެރިއެއްކަމަށާ ރައިވަރުހަދާ މީހެއްކަމަށް ބުނެއެވެ މީނާގެ ރައިވަރު ހުންނާނީ ބަނޑުވައް އަކުރުވެސް އަދި ނިމޭ އަކުރުވެސް ރައިވަރުގެ ޤަވާއިދުން އެއްގޮތް ނުވެއެވެ