radheef.info
ރަދީފު


އާ
ނއ (1) ބާކަމުގެ އިދިކޮޅު (2) އެއްފަހަރުވެސް ބޭނުންނުކުރާ (3) ގިނަދުވަސްނުވާ (4) ކުރީން އުފެދިފައިނެތް ނުވަތަ ފެނިފައިނުވާ
ބުއިން
މ (1) ބޯންގެންގުޅޭ ދިޔާ އެއްޗިހި. (2) ދިޔާތަކެތި ދިރުވުން. (3) ލޮވުން. (4) ފަންޏާއި މާބުރުފަދަ ތަކެތި ލަކުޑިއާއި ހިކިތަކެތި އެތެރޭގައި ހޮއިހެދޭ ގޮތަށް ކެއުން. (5) އޮށްވަޅު ކުޅުމުގައި ހިނދޭވަޅާ ދިމާވާގޮތަށް އަނެއްފަރާތު ވަޅުގައި ހުންނަ ފުއްތައް ނެގުން. (6) ދިޔާ އެއްޗެއް ހިކި އެއްޗެއްގެ ތެރެއަށް ދެމުން. (7) ބިޑި ސުއްޓާ ސިގިރެޓް ގުޑުގުޑާ ފަދަ ތަކެތިން ދުން އަނގަޔަށް ދެމުން (8) އެއްޗެއްގައި ނުވަތަ ތަނެއްގައި އަނގަ ޖަހައިގެން އެތެރެއަށް ދެމުން (9) އެއްޗެއްގާ ހުރި ހިމަލޯވަޅަކުން އޭގެ ތެރެއަށް ފެންވަނުން )01( ލަކުޑިގަނޑެއް ހުޅުރޯނުވެ ވަކިގޮތަކަށް އަނދަމުން ދިއުން
ބުދުހާލި
ނ ނަވުގެ ދެފަރާތު ކަންކަށީން މައްޔަލުގެކޮޅާ ސަބުދެރިޔާއާ އެއްކޮށް ހަރުކޮށްފައި އޮންނަ ދެފިލާ ނުވަތަ ދެގަނޑުޖާލި
ބުލެކްމޭލުކުރުން
މ މީހުން ސިއްރުން ކޮށްފައިހުންނަ ކުށްތަކާ އަބުރާ އިއްޒަތަށްޓަކާ ނުވަތަ ލިބިދާނެ ގެއްލުމަކަށްޓަކައި ވަންހަނާކޮށްފައި ހުންނަ ކަންތައްތަކުގައި މަޢުލޫމާތު ލިބިފައިވާކަމުގެ ބިރުދައްކައިގެން ފައިސާއާ ތަކެތި ހޯދުން
ބޫޓު
ނ ފައިތިލަ އެކީ ނިވައިވާ ގޮތަށް ހަދައިފައި ހުންނަ ފައިވާނެއް މިއީ އާއްމުގޮތެއްގައި ހަމުން ނުވަތަ ރަބަރުން ހަދައިފައި ހުންނަ އެއްޗެކެވެ
ބެރު
ނ (1) މިއުޒިކުގެ އާލަތެއް މިއީ އޮނިގަނޑެއްގެ އެއްކޮޅުގައި ނުވަތަ ދެކޮޅުގައި ހަން ނުވަތަ އެފާޑުގެ އެހެން އެއްޗެއް އަޅައިގެން ހަދާ އެއްޗެކެވެ މީގެ އަޑު ނެރެނީ ޖަހައިގެންނެވެ (2) މިޔުޒިކުގެ ހަމަޔާ ގުޅޭގޮތަށް ވަކި ތަރުތީބަކުން ޖަހާ އަޑު (3) ކަރަންޓު ބޭނުންކޮށްގެން ނުވަތަ އެނޫންވެސް ގޮތަކުން ބެރުގެ އަޑު ނެރެން ހަދައިފައިވާ އެތި
ބެރުދުންމާރިތާޅަފިލި
ނ އިހުގައި ރަސްކަލުން ތަންތަނަށް ވަޑައިގެންނެވުމުގެ ރަސްމީ ޢިއްޒަތުގައި ބެރުގައި ޖަހާހަރުބިޔާ އެޔާއެކު ފުމޭ ދުންމާރިއާއި ތާޅަފިލި
ބެރުލަވަ
ނ (1) ސަމާތާރާގައި ޖަހާއާދައިގެ ލަވައެއް (2) ބެރުގައިޖަހާ ރާގު
ބެރެބެދިރައިވެރިމަސް
ނ ރައިވެރިމަހުގެ ބާވަތެއް މިމަހުގެ ކުލައަކީ ރަތްކުލައާއި ރިހިކުލަ ގުޅިގެން ފެންނަ ރަތްކުލައެކެވެ މަހުގެ ދެއަރިމަތީގައި ގަދަރަތްކުލައިގެ )ބެރެބެދިމަލުގެ ކުލައިގެ( ރޮނގުތަކެއް މަހުގެ ދިގަށް ހުންނާތީ މިމަހަށް ބެރެބެދި ރައިވެރިމަސް ކިޔަނީއެވެ
ބެރެބެދިދަންބޮޑު
ނ ދަންބޮޑުގެބާވަތެއް މިއީ ބެރެބެދިކުލައާއި އެއްފަދަ ރަތްކުލައެއް ހުންނަ ކުޑަވަރެއްގެ މަހެކެވެ ހުޅުނބުތަކުގެ ކައިރިފަށައި ކަރުތާފަތުގެ މަތީ ކައިރިފަށް ގަދަމުށިކުލައެއްގައި ހުރުމާއެކު ނިގޫފަތް ހުންނަނީ ހުދުކުލައިގައެވެ
ބެދުން
މ (1) ދިޔާއެއްޗެހި އޮލަވެ ގަނޑުގަތުން މިސާލު: ހަލުވިދާއާއި ކަސްޓަޑު ފަދަތަކެތި ކައްކައިފައި ބެހެއްޓީމާ ބެދެއެވެ (2) ދިޔަވަރު ހިކެމުންގޮސް ފަޅުމަތީގެ ބިންގަނޑު ހިކުން މިސާލު: ދިޔަވަރުހިކި ފަޅުމަތި އޮތީ ބެދިފައެވެ (3) މީހާގެ ކިބައިން ވެފައި އޮތްކުށެއް ސާބިތުވުން މިސާލު: އޭނާވަނީ އެކުށުގައި ބެދިފައެވެ (4) ކުރިޔަށް ދެވޭނެ ގޮތެއް ނެތުން މިސާލު: އޭނާކުރި ކުށެއްގެ ސަބަބުން ކުރިޔަށް ދިއުމުގެ މަގުއޮތީ ބެދިފައެވެ (5) ދެއެއްޗެއް ތަތްވެ އެކަތި ގަނޑަކަށްވުން މިސާލު: އޭނާގެ އަތުގެ މުލައް ދަނޑިން ވަކިވި ކަށިގަނޑު ކުރިފަރުވާއެއްގެ ސަބަބުން މިހާރު ބެދިއްޖެއެވެ (6) ހިންމިޔާއި ލޯވަޅު ފަދަތަންތަން ބަންދުވުން މިސާލު: ދޯނީގެ ހިންމިތައްވަނީ ކޮޅައި މަދަން އަޅައިގެން ބެދިފައެވެ (7) އަނގަބެދުން ވާހަކައެއް ދައްކައިގެން ކުރިނުލިބުން މިސާލު: އަހަރެންދެއްކި ވާހަކައިން އޭނާގެއަނގަބެދިއްޖެއެވެ (8) މަޅިޔެއް ނުވަތަ ގޮށެއްފަދަ އެއްޗެއް ބާރުވުން މިސާލު: ފިނދަނަ މަޅިފަތީގައި ބެދިއްޖެއެވެ (9) ކަޑައްތުވުން މިސާލު: މާލެއަތޮޅުން ބ އަތޮޅަށް ދެވޭނީ ކާށިދޫ ކަނޑު ބައްދައިގެންނެވެ )01( ކުރިޔަށްނުދެވޭ ގޮތްވުން މިސާލު: އޭނާ ހިނގަމުން ދަނިކޮށް މަގުމަތީގައި ދުއްވާ އެއްޗިހީގެ ސަބަބުން މަގު ބެދިއްޖެއެވެ
ބޭނޑު
ނ ކަނޑުމަތީ ދޫންޏެއް. މިއީ ފިޔަގަނޑު ވަރަށް ތޫރިކޮށް ހުންނަ ދޫންޏެކެވެ. މިދޫނީގެ ފިޔައިގެ މަތީ ފަރާތާއި ބޮލާއި ކަނދުރާ މަތީގައި ހުންނާނީ ކަޅުކުލައާއި ގާތް ގަދަ މުށިކުލައެވެ. ބަނޑުދޮށް ހުންނާނީ ހުދުކުލައިގައެވެ. ފަޔާއި ތުނބުގައި ހުންނަނީ ކަޅުކުލައެވެ. މިދޫނީގެ ބޮޑުމިނަކީ ގާތްގަނޑަކަށް ފަނަރަ ނުވަތަ ސަތާރަ އިންޗިއެވެ
ބޭރަށް ހިންގުން
ނ އާދަޔާ ޚިލާފަށް ގިނައިން ބޮޑުކަމުދާންވާ ބައްޔެއް
ބޭރަށްލުން
މ (1) ތަނަކުން ނެރެލުން (2) ނޯކިރީކަމުން ވަކިކުރުން (3) ވިހައިގެން ހަތްދުވަސްވާ ދުވަހު އާދަކާދައިގެ މަތިން މައިމީހާޔާ ދަރިފުޅު ގޭތެރެއިން ބޭރަށް ނެރުން
ބޭރުމަތި
ނ (1) ތޮށީބޭރުން ވަތްހޭލާ ހިސާބު (2) އެއްބައްރެއްގައި ހިމެނޭ ވަކިވަކި ރަށްރަށުގެ އާބާދީއާ ދުރުހިސާބު
ބޭފަރާ ދަތުރު
ނ ފިލާއަޅާއިރު ގަޑިޔާއަޅައި ހިސާބުކޮށްގެން ކުރާދަތުރު. ނިޔަމިކަމުގައި ބޭނުންކުރާ ގަޑިޔަކީ ކަރުނާ މާޓަރެވެ. މިގަޑި ހަމަކޮށް ފާހުންނާނީ ޖީ އެމް ޓީ އާއެވެ
ބޭފުޅުން
ނ ވާހަކަ ދެއްކުމުގައި އާދެވަޑައިގަންނަވަން ކިޔާވަރުގެ މޮޅުމީހުން
ބޭލާ
ނ މިޔުޒިކުގެ އާލާތެއް މީގެ މައިގަނޑު ބައިތަކަކީ ބަޓަން ލައިގެން ހަދައިފައިވާ ފޮއްޓަކާއި އެފޮއްޓަށް ހަރުކޮށްފައި އޮންނަ ދަނޑިއެކެވެ މީގައި އާންމުކޮށް ހުންނާނީ ހަރުނަރު ފުރައިފައެވެ މީގެއަޑު ނެރޭނީ މިނަރުތައް އޭތީގެ ދަނޑިޔާލައި އިނގިލި އޮބައި ކެހެރި ނުވަތަ އެފަދަ އެއްޗެހިވާންކޮށް ފުރައިފައި އޮންނަ ދަނޑިއެއް ނަރުތަކުގައި ކާއްތައިގެންނެވެ
ބޭސް
ނ (1) ބަލި ފަސޭހަކުރުމަށް ނުވަތަ ލުއިކުރުމަށް އެތެރޭން ނުވަތަ ބޭރުން ބޭނުންކުރާ ތަކެތި (2) ބަޑިބޭސް (3) ރޭޑިޔޯއާއި ޓޯޗު ފަދަ އެއްޗަށްސައްލައްވާ ބެޓެރީ
ބޮނޑަންއިލޮލި
ނ ގޮނޑު ދޮށު ދޫނީގެ ބާވަތެއް. މިއީ ބޮނޑަނައާއި ވައްތަރު ދޫންޏެކެވެ. މީގެ ތުން ދިގުވެފައި ތުނބުގެކުރީކޮޅު ހުންނަނީ ތިރިއަށް ލެނބި ލައިފައެވެ. ތުނބުގެކުލައަކީ ކަޅުދަނބުކުލައެވެ ދޫނީގެ ބުރަކަށިމަތީގައި ހުންނަނީ އަޅި މުށި ކުލައެވެ ބަނޑުދޮށް ހުންނަނީ ހުދުކުލައެއްގައެވެ ފިޔައިގެ ކުރުފަތްބައިގެމަތީ ކައިރި ހުންނަނީ ހުދުކުލައިގައެވެ
ބޮނޑިމަސްކާށި
ނ ރޯދަޔަށް ހަނދުބަލާރޭ ފައިންޕުޅު ހިފައި ނިމޭއިރަށް ދާލަބޮޑުއަށި ކައިރީގައި ހަނގުބޭކަލުންނަށް ތައްޔާރުކޮށްފައި ހުންނަ މާހެފުން މީގައި ހުންނާނީ ބޮނޑިއާއި އާރޮހާއި މަހާއި ކާއްޓެވެ