radheef.info
ރަދީފު


ޑ
ނ ތާނައިގެ އަށާރަވަނަ އަކުރު
ހަނދުބަޑި
ނ (1) އީދުރޯދައަށް ހަނދު ފެނުނީމާ ޖަހާ ބަޑި. (2) އިހުގައި ރަޖަބު ރަމަޟާން ޝައްވާލު މިތިންމަހުގެ ފުރަތަމަރޭ ޖަހައި އުޅުނު ރަސްމީބަޑި (3) މެދުވަރުގެ ހަރުމަތީބަޑި
ހަނދުކޭތަ
ނ އިރާއި ހަނދާއި ބިން އެއެއްޗެހީގެ ދަތުރުކުރާ މަގުގައި ދަތުރު ކުރަމުން ގޮސް އެއްދަނޑިއަކަށް ދިމާވާ ހިނދު ހަނދަށްއެޅޭ ބިމުގެ ހިޔަނި
ހަނދުވަންހަ
ނ އުތުރު އިންޑިޔާގައި ރަސްކަންކުރި ޢާއިލާއެއްގެ ނަން ރާއްޖެއިސްލާންވީ އިރު ރާއްޖޭގެ ތަޚުތުގައި އިންނެވީ މިދަރިކޮޅުގެ ބޭފުޅެކެވެ ދިވެހީން މިދަރިކޮޅަށް "ތީމުގޭ ދަރިކޮޅު" އަދި "މަލެއި" ދަރިކޮޅު މިހެންވެސް ކިޔައެވެ
ހަނދުވަރަސުރާ
ނ )ސ ( ހަނދުވަރު މޫސުމުގައި ބޮޑެތިކަން ނެލި ބޭނުމަށްކުރާ މަސްވެރިކަން
ހަނދުވަރީގަސް
ނ (1) ހުނިގޮނޑި ފިލާގަހުގެ ފަތްހުންނަގޮތަށް ފަތް ހުންނަގަހެއް މިގަސް ހެދެނީ ހީނާގަސް ހެދޭގޮތަށެވެ (2) ހަނދުވަރީމާ އަޅާގަސް
ހަނދުވަރު ކަކުނި
ނ ހަނދުވަރު ރީތި ރޭރެއަށް ގޮނޑުދޮށަށް ނުކުމެއުޅޭ ކަކުނިގަނޑު
ހަނދުމަސް
ނ (1) ހިޖުރީ ކަލަންޑަރުގެމަސް (2) މުޙައްރަމް މަހުން ފެށިގެން ޙައްޖުމަހަށް ނިމޭ އަހަރުގެ ކޮންމެ މަހެއް
ހަނދުފަޅި
ނ (1) ހުޅެވިހަނދުގެ ނަމޫނާ (2) ހަނދުފަޅީގެ ކުރެހުން އަޅައިފައި ހުންނަ ގުޑި
ހަނދުފަޅިބިބީ
ނ ރާއްޖޭގެ ފަރުފަރުގެ ބޭރުގައި އުޅޭ ރީނދޫ ކުލައިގެ މަހެއް މިމަހުގެ ލޮލުގެ ހުރަހަށް ވަރަށް ފަލަ ކަޅުކުލައިގެ ރޮނގެއް ހުރެއެވެ މިރޮނގުގެ ފަހަތުގައި ހަނދުފަޅިބުރަށް ހުންނަފުޅާ ހުދުކުލައިގެ ރޮނގެއް ހުރެއެވެ އަދި މިހަނދުފަޅީގެ ފަހަތުން މަހުގެ މައްޗަށް ވާގޮތަށް ކަޅުކުލައިގެ ފުޅާރޮނގެއް ހުރެއެވެ މަހުގެ ނިގޫފަތުގެ ބުޑުދޮށް ހުންނަނީ ކަޅުކުލައިގައެވެ
ހަނދުފަޅިއެޅުން
މ ގުޑީގައި ހަނދުފަޅި ކުރެހުން
ހަނގާ
ނ (1) ކުރާއުނދަގޫ (2) ތޮޅޭތޮޅުން (3) ޅަކުއްޖާ މީހަކާ އަޅާލައިގެން އެޖައްސާ ވައްތަރު (4) (ޏ) ބުޅާކުޅުވާ ފިހިގަނޑު
ހަނގުހަނޑޫ
ނ ހަނގުބޭކަލުންނަށް މުސާރައަށް ދެއްވާ ހަނޑޫ މިންވަރަކީ ފޯޔަކު ބާރަނާޅިއެވެ
ހަނގުންފަރާ
ނ ދިވެހިރާއްޖޭގެ ދަނޑުވެރީން އަތުން އިހުގައި ސަރުކާރަށް ނެގިބައެއް މިނެގި މިންވަރަކީ ދަނޑުކޮށި ކޮންމެ ރަށަކުން ދެގޮނެވެ މިކެނޑުނީ 1531 ހ ވަނަ އަހަރުގައެވެ
ހަނޑަހަ
ނ )ސ ( ހަނޑަސް
ހަނޑަސް
ނ (1) އަތްކަންކުރާމީހުން އެއްޗެތީގައި ހިފާންގެންގުޅޭ ދެފައިކަށިލީ ހަތިޔާރެއް (2) ގިފިލީގައި ހާޖިތަށް ދިއުމަށްޓަކައި ވަކިކޮށްފައިވާތަން (3) ކަކުނީގެ ދާނަ ދަތްގަޑު
ހަނޑަސްތުންވުން
(1) "ހަނޑަސްތުން" ބަލާ! (2) މަޖާޒު: ނުގަބޫލުވެގެން އަނގައިން ނުބުނުން
ހަނޑަސްގެކޮޅު
ނ )ބދ ( އަވަހާރަ ގަނޑުވަރުގެ ހަނޑަސްބުރި
ހަނޑުކަނޑާލަވަ
ނ ދަނޑި ބެރުގެ އަރުވައިބާލާ ލަވަތަކުގެ ތެރެއިން ލަވައެއް
ހަނޑުފޮޅާނާށިގަނޑު
ނ ހަނޑޫފޮޅާއިރު ކުރިޔަށްއަރާނީ ހަނޑޫ ނަގާށާއި ބަތްޕޮޅިޔަށް ހަނޑޫއެޅުމަށް ބޭނުންކުރާނާށިގަނޑު. މިއީ ބޮޑެތިކާށި ދިގަށްކީހައި ބޭރުމަށާއި އޮފުއަރުވައިފައި އޮންނަނާށިގަނޑެކެވެ
ހަނޑޫކަނޑާވަން
ނ ހަނޑުސާފުކުރާން ލަކުޑީން ހަދައިފައި ހުންނައެތި