radheef.info
ރަދީފު


ތަންކޮޅު
ނ ތަނުގެ ކުޑަކަން ބަޔާންކުރުމަށް ބުނެއުޅޭ ބަހެއް
ކެލާޖެހުން
މ (1) ފަންޑިތަވެރިކަމުގެ ގޮތުން ކެލާ ގާނައިގެން އެކިގޮތްގޮތަށް ގައިގައްޔާއި އެއްޗެހީގެ ތަންތަންކޮޅުގައި ހޭކުން (2) ކިޔަވާ ފިލާ ދޮވެ މަށިލުމަށްފަހު އެ ފިލައިގެ ތަންތަންކޮޅުގައި ކެލާ އުނގުޅުން މިއީ އީދާ ނުވަތަ ރޯދަޔާ ދިމާކޮށް އާދަކާދައިގެ ގޮތުން ކުރާ ކަމެކެވެ
ކެޔޮފޮތި
ނ ހާލުގެ ބޮލުގައި ތުނޑުތުނޑުލައިފައި ރަތްކުލައިގައި މަޑުކޮށް ހުންނަ ތަންކޮޅު
ކޭލި
ނ (1) ދެކާށި ގުޅުވާން ބޮބިގަނޑުން ހިއްލާތަންކޮޅު (2) ފަންގެ ވިންނައިރު އިލި ޖަހައިފައި ފަންވަތުން ނަގާ ތަންކޮޅު (3) ވައްތަރަކުން ދޭތި
ކޮޅަލި
ނ (1) ދެގަނޑެއްޗެއް ގުޅުވުމަށްޓަކައި ކަނޑާ ކެނޑުން ވަޅަށް ފައްތާން ބޭނުންވާ އެތިގަނޑުގެކޮޅުން ކަނޑަމުންގޮސް ކެންޑުންވަޅަށް ފައްތައި ހަރުލެއްވުމަށްޓަކައި ނުކަނޑައި ބާއްވާ ތަންކޮޅު (2) )ޅ ( އައްޕަތް
ކޮއި
ނ (1) ދަރިންނަށް ނުވަތަ ކުދިންނަށް ކިޔާ ނަމެއް (2) ލޮލުގެ ކަޅުކަޅީގެ މެދުގައި ވަށްކޮށް ހުންނަ ތަންކޮޅު ލޮލަށް އަލިވަންނަނީ މިތަނުގެ ތެރެއިންނެވެ މިބައި އަލިގަދަވާ ވަރަކަށް ކުޑަވެ އަނދިރިވާ ވަރަކަށް ބޮޑުވެއެވެ
އަނދިރިގަނޑު
ނ ބޮޑަށް އަނދިރިވެފައި އޮންނަ ތަންކޮޅު
އަޑި
ނ (1) ހަމައަށްހުރި އެއްޗެއްގައި ހުންނަ ވަޅުކޮޅު. (2) ފުންކޮށް ހުންނަ އެއްޗެއްގެ ނުވަތަ ތަނެއްގެ އެތެރޭގެ ތިރީބައި. މިސާލު: (ހ) ފޮށީގެ އަޑި (ށ) ވަޅުގެ އަޑި (ނ) ކަދާ އަޑި (ރ) ރުނބާ ގޯނި ފަދަ އެއްޗެތީގެ އަޑި (3) ފޯއްކިބައެއް ކޮށަމުން ގޮސް ފުލުގައި އޮންނަ ތަންކޮޅު (4) ބިމުގެ ސަޠުޙުން ތިރި (5) މަޖާޒު: ކަންކަމުގެ ފޮރުވިފައިވާ ޙަޤީޤަތް
އުށް
ނ (1) ކޮންމެވެސް ތެޔޮމާއްދާއަކުން ގަނޑުގަންނަވައި ގެންހަދާއެއްޗެއް މިއީ ދިއްލާށާއި އެއްޗެތި ތެޔޮކުރާން ބޭނުންކުރާ އެއްޗެކެވެ (2) ބޭސްއުށް (3) ބައެއް އެއްޗެތީގެ މަތިގަނޑުގެ މެދުގައި ހިފާށާއި ރީއްޗަކަށް ޖަހައިފައި ހުންނަ ކުޑަގޮބު ނުވަތަ އުސްތަންކޮޅު (4) މަރުވަޅީގައި ފައިގެ ދެއިނގިލި ދޭތެރެއިން ހިފާން ހުންނަ ކުޑަގޮބު
ވައްގަނޑު
ނ (1) އިހާގޮނޑީން ފަޅައިފައި ހުންނަ ތަންތަން. ގޮބޮޅިޔާއި އެތުމައުގެންފައި ހުންނަނީ މީގައެވެ. (2) ފުރާދުއްވާ ތަކެތީގެ ދެ ބަނޑުފިލާ އެއްކުރާން އަޅާ ދެފައިކައްޓަށް ހުންނަ އެއްޗެހި އެއީ މިގޮތަށް ދެފައިކައްޓަށް ހަރުކުރާން ހުންނަ ކޮންމެ އެއްޗެކެވެ (3) އުރަމަތީގެ ކުރީގައި ހުންނަ ކިރު ނުކުންނަ ތަންކޮޅު (4) ކިރު ހުންނަ ޖަނަވާރުގެ ކިރު ހުންނަ ގުނަވަން (5) ކުރާ ފަދަ އެއްޗެހީގައި ފެން އޮހޭން ހުންނަ ތަން (6) ބިލެތު ދާމުލުން ފަޅައިފައި ހުންނަގޮފި
މަހުފޫ
ނ ކަނޑުމަހުގެ ހިކިމަސްގަނޑެއްގެ ނަގޫކޮޅުން ބުރިކޮށްލައިފައި އޮންނަ ތަންކޮޅު މިއީ ބައެއް ދިވެހިބޭހަށް ބޭނުންކުރާ އެއްޗެކެވެ
މަލައެކުލެވުން
މ (1) ދުރުން ފެންނަ ތަނެއްގެ މަލަ ވަކިވަކި ތަންތަންކޮޅުހެން ފެންނަން ހުރުމަށްފަހު އެކުލަވާފެނުން (2) ލޮލަށް ނުވަތަ ބޮލަށްވާގޮތަކުން ތަންތަން އެކުލަވާފެނުން
މިއައެރުވުން
މ މިޔަހުންނަ އެއްޗެހީގެ މިޔަވެއްޓިފައިވާ ތަންތަންކޮޅު އަރާ ވަރަށް ހަނުލުން
މުތުނި
ނ (1) ކުރުކުރުގެ މަތީގައި ގަސްފަޅައިފައި ހުންނަތަން. (2) ކާށިގާނާއިރު ނާށީގެ ފުލުގައި ނުގޭނި އޮންނަ ތަންކޮޅު (3) ކަޅުބިލަމަހުގެ ސިކުނޑި (4) )ސ ( އޮށްޓަރެއް )ކުދިބަތް އޮށަށްވުރެ ބޮޑެތި ގަދައޮފެއް ހުންނަ އޮށްޓަރެއް
މުލިހިނެގުން
މ މަސްގަނޑުގެ އަޑިން ގޮނޑިލައިގެން ބިއްސަށްވުރެ ބޮޑެތިކޮށް ތަންތަންކޮޅު އުފުލުން
މޫވަޅު
ނ (1) ބިމަށްފައިބާ އެއްޗެތީގައި މުލުގެ އަސަރު ހުންނަ ތަންތަންކޮޅު (2) )ޏ ( ހުވަނި
މޫޓު
ނ (1) ވާއައްސަން ހަރުކޮށްފައި ހުންނަ ލަކުޑި ނުވަތަ ލޯ ނުވަތަ ދަގަނޑު އެއްޗެއް (2) އިލެކްޓްރިކް ހޮޅިގަނޑުގެ ދެކޮޅުގައި ހުންނަ ތަންކޮޅު (3) އެއްޗެއްގެ ކޮޅުހިފެހެއްޓުމަށް ތަނެއްގައި ހަރުކޮށްފައި ހުންނަ އެއްޗެއް މިސާލު: ބައިސްކަލް ހުންގާނުގައި ބުރަކި ނަރުހިފަހައްޓާމޫޓު
މެދު
ނ (1) ދިމާމެދު (2) ވައްބުރެއްގެ އެތެރެއިން ފެށިގެން ބޭރުރޮނގާ ހަމަޔަށް ދަމާލެވޭ ހުރިހާ ރޮނގުތަކެއް އެއްވަރުވާ ނުކުތާ (3) އެއްޗެއް އޫކޮށް ހުރިއެއްޗެއްގެ މަތީގައި ބާއްވައިފިނަމަ އެއެއްޗެއް ހުރިހާ ފަރާތަކަށް އެއްވަރުވާ ނުކުތާ (4) އެއްޗެއް ދެބައިކޮށްލާއިރު ދެފަރާތަށް އެއްވަރުވާ ނުކުތާ (5) ކަމެއްގެ ފެށުމާއި ނިމުމާ ދޭތެރެ (6) ބެހޭ މިސާލު: އެފޮތާމެދު (7) ފުޅަފުގައި ނުވަތަ ފުރާޅުގައި ފަންލާއިރު ނުވަތަ ދަމާއިރު ފަންގަނޑު އެއްވަރަށް ބެހެއްޓުމަށްޓަކައި ތަންތަންކޮޅުން އައްސާއެތިފަށް
މެދުލުން
މ ފަންލާއިރު ނުވަތަ ދަމާއިރު ފަންގަނޑު އެއްވަރަށް ބެހެއްޓުމަށްޓަކައި ތަންތަންކޮޅުން އެއްސުން
މޮޑުން
މ (1) އެއްޗެއް ނުވަތަ ތަފާތު އެއްޗެހިތަކެއް އަތުން ފިތައި އެއްކުރުން (2) ގައިގެ ތަންތަން ނުވަތަ އެއްތަންކޮޅު އަތުން ފިތައިހެދުން
ފަރުމާނުތަންނި
ނ ހަތަރެސްކަން ރިޔަލުގެ ފަރުމާނުގެ ދަށުގައި އެއްކޮޅުން އަނެއްކޮޅަށް އޮންނަވާ މި ވާ އޮންނާނީ ތަންތަންކޮޅުން ފަރުމާނަށް އައްސާފައެވެ މިއީ ފަރުމާނުގައި ހިފައިގެން ހިނގުމަށްޓަކައި ފައިއަޅަން އޮންނަ ވަލެކެވެ