radheef.info
ރަދީފު


ދެރަވުން
މ (1) ނިކަމެތިވުން (2) ފަޤީރުވުން (3) ހަކަތަ ބަލިވުން (4) ކަމަކުން ނާކާމިޔާބުވުން (5) ހިތުގައި ޖެހުން (6) ދަރަޖައިން ދަށްވުން (7) މޮޅުވުން މިބަހުގެ އިދިކޮޅު (8) މަސް މަރުވެ ގިނައިރުވުމުގެ ސަބަބުން ތާޒާކަން ކެނޑުން
އަނަރޫފަވުން
މ (1) ރޫފަދެރަވުން (2) ކަމީނާވުން (3) ހިކުން
އަގުފޭބުން
މ (1) އަގުދެރަވުން (2) ޤަދަރުކުޑަވުން
އަގުދަށްވުން
މ އަގުދެރަވުން
އާރުކާޓީފޭބުން
މ (1) މަޖާޒު: މުސްކުޅިވެ ބާރުދެރަވުން (2) މީހާގެ އައްޒާތީކަން ދިއުން (3) އަންހެނުންގެ ޒުވާންފުރާ ދިއުން މިބަސް ގިނައިން ބުނެއުޅެނީ އަންހެނުންނާއި މެދުގައެވެ
އުނުފޭރާން
ނ އަންނައުނު . މިބަސް ބޭނުންކުރަނީ އަންނައުނު ނެތުން ނުވަތަ ދެރަވުން ފަދަ ގޮތްގޮތަށް ބުނާއިރުގައެވެ
ވަޅޯވުން
މ (1) ރޯ އެއްޗެހި ތާޒާކަން ކެނޑި މިލާގޮތްވުން (2) މަޖާޒު: މީހާގެ ހިތްވަރު ދެރަވުން
ވާތާވުން
މ ހައިހޫނު ބޮޑުވެގެންގޮސް ޙާލު ދެރަވުން
ވާގިދެރަވުން
މ ބާރުދެރަވުން
ވެއްޓުން
މ (1) އެއްޗެއް ހަރުލާ ހުރުމުގެ ބާރު ނުވަތަ މައްޗަށް އާރާބާރު ހުސްވެގެން ތިރިއަށް އައުން މަޖާޒް: (2) މީހަކު ހުރި ދަރަޖައިން ދަށަށް ދިއުން (3) ވާދަކުރަމުންގޮސް ދެރަވުން (4) އެއްޗެއްގެ އަގު ދަށަށް ދިއުން
މެއްލޯއެޑުން
މ )ސ ( ވަރު ދެރަވުން
މޮޅިވުން
މ (1) ހިތާމަވުން (2) ހިތަށް އުނދަގޫލިބުން (3) ކަމަކާ ދެރަވުން
ފަނިތިކި ފެންތިކި ނުޖެހުން
މ މަޖާޒު: އެއްވެސް އެއްޗެއް ނުދިރޭވަރަށް މީހާގެ ހާލު ދެރަވުން
ފެންވުން
މ (1) އެއްޗެއް ވިރި ދިޔާވުން (2) މަޖާޒު: ކަމެއް މާދެރަވުން (3) އެއްޗަކަށް ނުވުން (4) ތަނެއް އަޑިޔަށް ދިއުން
ފިނޑިވުން
މ (1) ނުކެރުން (2) ހިތްވަރު ދެރަވުން (3) ކަންކަމާމެދު ޖެހިލުންވުން
ފޫޅުވުން
މ ވާދަކުރުމަކުން ނުވަތަ މުބާރާތަކުން ދެރަވުން
ފެނަށްބަލިވުން
މ ފެންބޮވައިގަނެގެންގޮސް ވަރުދެރަވުން
ފެންދެމުން
މ (1) ކޯރު ނަރުދަމާ ފަދަ ތަންތާގައި ފެންހިގުން (2) ތަނެއްގައި ނުވަތަ އެއްޗެއްގައި ހުންނަފެން ކޮންމެވެސް ވަސީލަތެއް ބޭނުންކޮށްގެން ވަކިކުރުން (3) ރޯގަސް ފަދަ އެއްޗަކުން ފެންހިކޭގޮތްވުން (4) ހަށިގަނޑުތަންކޮޅެއް ދެރަވުން
ފޭލުވުން
މ ކަމަކާ ކުރިމަތިލައިގެން ދެރަވުން
ދަށަށްދިއުން
މ (1) މީހާހުރި މަޤާމުން ދަށްވުން (2) ދަތުރުކުރާ އެއްޗެހިދާންވީ މިސްރާބަށްވުރެ ވައިދަށަށް ޖެހެމުން ދިއުން (3) ކަމަކުން ދެރަވުން
ދަށްވުން
މ (1) ތިމާހުރި މަޤާމަށްވުރެ ދަށްމަޤާމަކަށް ދިއުން (2) ފުރާދުއްވާ އެއްޗެއް ދާންވީ މިސްރާބަށްވުރެ ދަށަށް ދިއުން (3) ވާދަކޮށްގެން ދެރަވުން (4) ނިކަމެތިވުން (5) ބާރުދެރަވުން