radheef.info
ރަދީފު


އުން
ނ (1) ގަދަމަސައްކަތް ކުރާއިރު ބާރުލާން އިއްވާއަޑެއް (2) ލިބޭވޭނަކުން ކުކުރުމުގައި އިއްވޭއަޑެއް (3) ރުޅިވެރިކަމާއެކު ނުރުހުން ފައުޅުކުރާން އިއްވޭ އަޑެއް މިއީ ކަމެއްގެ ނަމެކެވެ
ވަރުއައުން
މ އެއްޗެއްގައި ހުންނާންވީ ފުރިހަމަގޮތް އައުން މިބަސް ގިނައިން ބޭނުންކުރަނީ ދިޔާ ނުވަތަ އޮލަ އެއްޗިއްސާ މެދުގައެވެ
ވަރުއެރުން
މ (1) މަޖާޒު: ހުންނަންވީވަރަށްވުރެ ހޫނުގަދަވެގަތުން (2) ޖޯޝްއައުން (3) ފޯރިގަދަވެގަތުން (4) މޭވާ ފަދަ ތަކެތި އެންމެ ބޮޑަށް ފައްކާވުން (5) އަލިފާނުގެ ހުޅުގަނޑު ބޮޑުވުން (6) ޒަކަރަށް ބާރުއެރުން
ފަތާދިއުން
މ މަޖާޒު: ދައުލަތުގެ އަމުރަކައިގެން ދިއުން
ފަތިންދިއުން
މ ފަހައިފައި ހުންނަ ފައްޗެއް ކޮށިގެން ނުވަތަ މޮހިގެން ދިއުން
ފަތިވަރުއެމުނުން
މ ކަމަކާ ދޭތެރޭގައި ނުރުހިގެން ހުއްޓައި ނުލައި އެއްޗެހިކިއުން
ހައްމަތަކުރުން
މ ހަމައިންނެއްޓިގެން އުޅޭ ބަޔަކު ނުވަތަ ކަމެއް ބާރުގެ ދަށަށްގެނައުން
ހައްދަށް އެރުން
މ ކަމެއްދާންއޮތް އެންމެމަތީ ދަރަޖައަށް ދިއުން
ހައްދުންނެއްޓުން
މ ހައްދު ފަހަނަޅައި ދިއުން
ހައްދުފަހަނަޅައި ދިއުން
މ (1) ދާންވީ ހިސާބަށްވުރެ މާއިތުރަށް ދިއުން (2) ނުބައިކަމުގެ ކޮޅެއްނެތުން
ހަވީރުވުން
މ ހަވީރުގެ ވަގުތު އައުން
ހަމަނޭވާލުން
މ (1) ނޭވާ ދަތިވެގެން އުޅެފައިނޭވާ ހަމަޔަށްލުން މަޖާޒު: (2) ހަމަނުޖެހޭ އުޅުމަކަށްފަހު ހަމަޖެހޭ އުޅުމަކަށް އައުން (3) އަވަދިނެތި އުޅެފައިތަންވަޅު ލިބުން
ހަމަބިމަށްފޭބުން
މ (1) މަތީ މަޤާމަކަށް ދެވުމުން ބޮޑާވެ ކިބުރުވެރިވެފައި ހުރި މީހަކު ދަށް މަޤާމަކަށް ބަދަލުވުން (2) ކުއްލިއަކަށް ދިމާވާ ކަމެއްގެ ސަބަބުން އައިސްފައި ހުންނަ ރުޅިގަނޑު ފިލައިގެން ދިއުން
ހަމަފައިޖެހުން
މ (1) އިސްކޮޅު ނުކާތާކުން ފައިޖެހޭ ހިސާބަށް އާދެވުން (2) މަޖާޒު: ހަމަނުޖެހޭ އުޅުމަކަށްފަހު ހަމަޖެހޭ އުޅުމަކަށް އައުން
ހަތްހާއްޔަށްލުން
މ (1) ބަފާބުޅަލަށް ފޮރުވާން މައިއެތި ޅަ ބުޅާތައް އެއް ތަނުން އަނެއް ތަނަށް ގެންދިއުން (2) މަޖާޒު: މާބޮޑަށް ފޮރުވުން
ހާޒިރުވުން
މ އައުން
ހާޖިވެރިކަމު ދިޔުން
މ ކުޑަކަމު ނުވަތަ ބޮޑުކަމު ދިއުން
ހާޖިތަށްދިއުން
މ ހާޖިވެރިކަމު ދިއުން
ހިނގާލަންދިއުން
މ ވައިޖައްސައިލަން ނުވަތަ ހިތްފަސޭކޮށްލަން ކޮންމެވެސް ހިސާބަކަށް ދިއުން
ހިނގުން
މ (1) ދިރޭތަކެތީގެ ތެރެއިން ހަތަރެސްފައި ހުންނަ ޖަނަވާރާއި ދެފައި ހުންނަ ތަކެތި ފައިގެބޭނުންކޮށްގެން ކޮންމެވެސް ކޮޅަކަށް ދިއުން (2) އިރުހަނދާއި ތަރިތަކާއި ފަލަކުތައް އެނބުރުން (3) މެޝިނާއި އިންޖީނުގެސޯބުތައް އެނބުރި އެނބުރިހުރުން (4) ދުނިޔޭގެ ކަންތައް ވޭވެހުރުން (5) ހެލިހެލި ހުރުން މިސާލަކަށް: ގަޑީގެ ބަރު ހިނގުން (6) ޖައްވީ އުޅަނދުން ބޭރުގައި ހަވާގެ ތެރޭގައި އިންސާނުން އެއްތަނުން އަނެއްތަނަށް ދިޔުން (7) ލެޔާއި ފެންފަދަ ތަކެތި ހޮޅިހޮޅީގައި ނުވަތަ ނާރުތަކުގެ ތެރޭގައި ދައުރު ކުރުން (8) ފެންފެންގަނޑާއި ކޯރުކޯރާއި ކަނޑުގައި ފެނާއި އޮއި ދަތުރު ކުރުން (9) ޢާންމުކޮށް ގަބޫލުކުރުން )01( ހަލުއިކޮށް ވިކުން
ހިނެއިން
ނ (1) ޝަރުޢީ ފެންވެރުން (2) ބޮޑު ޙަދަޘު އެރެގަތުން (3) ހިނެއުން