radheef.info
ރަދީފު


އަދި
އ ވަކިވަރަކަށްވުރެ އިތުރަށް މިސާލު: )ހ( އަދިއަންނާނުހޭ )ށ( އަދި ދޭށޭ
ހުއިފަތުފިލޮޅު
ނ ފިލޮޅުގެ ބާވަތެއް މިމަހުގެ ތުން ދިގުވެފައި މަހުގެ ހަށިގަނޑުގައި ހުންނަ ހުޅުބުތައް ހަރުވެފައި ބޮޑެއްޗެވެ މަހުގެ ބޮލުގެ މަތީބަޔާއި ކަރުތާފަތް އަދިކަންފަތްގަނޑުގެ ބުޑުދޮށުގައި ހުޅުނބެއްނުހުރެއެވެ މިމަހުގެ ކުލައަކީ މުށިކުލައެވެ
ހުދުލައްފާނަ
ނ ފާނައިގެބާވަތެއް މިމަހުގެބޮލުގެ ދިގުމިން ހަށިގަނޑު ގެއެންމެ ފުޅާ ހިސާބަށްވުރެ ދިގުވާނެއެވެ މަހުގެ ބޮލުމަތިންދެ ލޮލުގެ ދޭތެރެ ހުންނަނީ އެއްވަރަކަށް ފަތާ ކޮށެވެ މަހުގެ ކަރުތާފަތުގެ ކޮޅުހުންނާނީ ކޮޅަށް އޫކޮށެވެ އަދި ކަރުތާފަތުގެ މަތީބައި ހުންނަނީ ވަރަށް ތެދަށެވެ މިމަހުގެ ކުލައަކީ ކަޅުކުލައަކަށް ދާ ގަދަމުށިކުލައެވެ މަހުގެ ބޮލުގައްޔާއި ހަށިގަނޑުގައި ހުދުކުލައިގެ ލައްތަކެއް ވަރަށްފާޅުކޮށް ފެންނަން ހުރެއެވެ
ހޮނޑުމިޔަރު
ނ މިޔަރުގެ ބާވަތެއް މިއީ ހިމަތޮޅި ދިގުކޮށް ހުންނަ މިރަށެވެ ބުރިކަށިމަތީގައި ދެއުރަހަ ހުރެއެވެ އަދި ބަނޑުދަށް ފަރާތުގައިވެސް ދެއުރަހަހުރެއެވެ މި މިޔަރުގެ ނިގޫ ކުރުވެފައި ކޮޅަށް ފުޅާ ވާނެއެވެ
ނިރުދު
ނ )ގ ( ފިލާވެއްޔެއް މިއީ ހިރުނދާ ވަރަށް އެއްވައްތަރަށް އެކަމަކު ހަލަވެލި ގަހަށްވުރެ ބޮޑުނުވާ ގަހެކެވެ މީގައި އަޅާ ހިރުނދުފާޑުގެ އެއްޗެތީގެ ކިރު ދަދުގައާ ފެތުރީގައި އަދި ފުންނާބު ފަޅައިގެންދާ މީހުންގެ ފުންނާބުގައި އުނގުޅައެވެ
ރަނގަބީ
ނ ރަނގަބީ ފުޓްބޯޅަ މިއީ ދެޓީމުގެ ދެމެދުގައި ދަނޑުގައި ކުޅޭ ކުޅިވަރެކެވެ ގެންގުޅޭ ބޯޅައަކީ ކުކުޅުބިސްބުރަށް އޮންނަ ބޯޅައެކެވެ މިބޯޅައިގައި ފައިންވެސް ޖެހެއެވެ އަތުން ހިފައިގެންވެސް ގެންދެވިދާނެއެވެ އަދި އެކަކު އަނެކަކުގެ އަތަށް ދެމުން ގެންދެވެއެވެ
ރާތާގާބަރި
ނ (1) ތިލަފަތުން ކިރައި އުޅުނު ވަޒަންތައް މިއީ 4 ރާތަލުން ފެށިގެން ކުޅަނދަކާހަމައަށް ކިރާން ދަގަނޑުން ހަދައިފައި ހުންނަ ވަޒަންތަކުގެ ސެޓެވެ. މީގައި ހިމެނެނީ 4 ރާތާ 2 ރާތާ 1 ރާތާ 2 ގައު 1 ގައު 2/1 ގައު 5 ކުޅަނދު އަދި 1 ކުޅަނދެވެ (2) މަޖާޒު: މީހަކަށް ގާތްގާތުގައި ލިބިފައިތިބި ކުދިންތަކެއް
ހޯ
އ (1) ހުއްޓާލާ! (2) ނުކުރޭ! (3) ފުދިއްޖެ މިބަސް ގަދަކުރުމަށް ފަށް ކޮށް ބުނެއެވެ މިސާލު: ހޯހޯ އަދި މިބަހަށް ބައެއް މީހުން " ހޮ" ވެސް ކިޔައެވެ (4) )ހ ( އާނއެކެވެ
ހޯސާ
ނ ކަނޑުމަހުގެ މަސްވެރިކަމުގައި ބޭނުންކުރާ އެމެއް. މިއީ ހިމަދިގުކޮށް ހުންނަ އޭގެ ބުރަކަށިމަތި ފެހިކުލައިގާ ބަނޑުދޮށް ރިހިކުލައިގައި ހުންނަ އެމެކެވެ އޭގެ ދެއަރިމަތީގައި ރީނދޫކުލައިގެ ފުޅާރޮނގެއް ހުރެއެވެ އަދި ތުނިކުދި ކުދި ހުޅުނބުތަކެއް ހުރެއެވެ
ނަނު
ނ އުޔާއި ސުތުލިފަދަ ތަކެތީން ދެއުޅިޔަށްވުރެ ގިނަ އުޅިލައިގެން އަނބުރައިފައި ހުންނަ ރޮއްޖަށްވުރެފަލަ އަދި ދިގުފަށެއް މިސާލު: )ހ( ފުޅަގިނަނު )ށ( ކަންނެލިނަނު
ނަރުދޭވާނި
ނ )ޅ ( ލަކުޑީގައި އަޅާ ފަންޏެއް މިއީ ފައި ގިނަ ކަޅުރަތްކުލައިގެ ފަންޏެކެވެ މިފަނީގައި ކޮއްޓާލުމުން ބަޅުވެ ދެކޮޅުޖެހޭ ވަރަށް އޮޅިގަނެއެވެ އަދި އޮޅިފައިވާ ވަގުތު ވަރަށް ހަރުކަށި ވާނެއެވެ
ނަދުރަށް ސަލާންޖެހުން
މ އެތައްގެއަކަށް ސަލާންޖަހާން ނަދުރުބުނެގެން ކޮންމެގެއެއްގެ ދޮރުމައްޗަށް އަރައިފައި "އައްސަލާމް ޢަލައިކުމް ނަދުރަކަށް" މިހެންބުނުން މިގޮތަށް ސަލާންޖަހާއިރު ގެއަކުން އެއްޗެއް ދޭކަށް ނުޖެހޭނެއެވެ އަދި އެއްޗެއް ދިނަސް އެއެއްޗެއްގައެއް ނުހިފާނެއެވެ
ނާށިލުން
މ (1) އޮއްޓަރު ފަދަތަކެތީގެ ބޭރުގައި އޮންނަ ޅަތޮށި ހަރުވުން (2) ފާރުގަނޑުގެ ވަށައިކައިރި ބޭރުން އަސަރު ނުކުރާހައި ހަރުވުން (3) ފޭރާއި އަދިވެސް ބައެއް މޭވާ ގަހުގައި ހުންނައިރު ވާލާއި މީދަލުން ރައްކައުތެރި ކުރުމަށްޓަކައި މޭވާގެ ބޭރުން ދެނާށި ލައިމޭވާ ފޮރުވުން (4) މަޖާޒު: މީހަކު އެއްކަމެއްކުރާތާ ގިނަދުވަސް ވެގެން އެކަމަކަށް ހޭނުން (5) މިންވަރަށް ވުރެން ހަރުމީހަކަށް ހެދިގެން އުޅުން
ނޫރީ
ނ (1) ގުރާފާޑުގެ ދޫންޏެއް މީގެފަތްތައް އެއްކުލައިގައިވެސް އަދި އެކި ކުލަކުލައިގައިވެސް ހުރެއެވެ މިދޫނީގެ ބޮލުގައި ކުޑަ ހުޅިޔެއް ހުރެއެވެ
ރަކަ
ނ )ހ ( ބޯދީގެ ތެރޭގައި ހުންނަ އެމެއް މިއެން ބޯއްޖަށްވުރެ ތަންކޮޅެއް ބޮޑުވާނެއެވެ މިހުންނަނީ އަނގަ ބޮޑުކޮށް ރަތްކުލައެއްގައެވެ އަދި ކަޅުރަތްކުލައެއްގެ ރޮނގެއް ހުރެއެވެ
ރަސްކޮކާމަސް
ނ ކޮކާ މަހުގެ ބާވަތެއް ރަސްކޮކާލުގެ ޅަމަހާއި ބޮޑެތި މަހުގެ ކުލަ ތަފާތެވެ ޅަމަހުގެ ކުލައަކީ ނޫކުލައެވެ އަދި މަހުގައި ކޮޅު ވައްކޮށް ގުޅިފައިވާ ހުދުކުލައިގެ ރޮނގުތަކެއް ފާޅުކޮށް ހުރެއެވެ ބޮޑެތި މަހުގެ ފަހަތުބައިގާ ނިގޫފަތާއެކު ހުންނަނީ ރީނދޫކުލައިގައެވެ ދެއަރިމަތި ހުންނަނީ ގަދަނޫކުލައިގައެވެ އަދި ރީނދޫ ކުލައިގެ ރޮނގުތަކެއް ދެއަރިމަތީގައި ހުރެއެވެ
ރާނބާ
ނ ގަހެއްގެ ނަން މިގަހުގެ ސިފަވައްތަރުވާނީ ކަށިނެތް ކަށިމާ ގަހަކާއެވެ މިގަހުގެ ފަތުގައި މީރުވަހެއް ދުވައެވެ އަދި މިގަހުގެ ފަތް ތަކެތީގައި މީރުވަސް ދުއްވުމަށާއި ކާތަކެތީގައި މީރު ރަހަލެއްވުމަށް ބޭނުންކުރެއެވެ
ރިހި
ނ ހުދުކުލައިގެ މަޢުދަނެއް މިއިން ގަހަނާ ހަދައެވެ އަދި ފައިސާގެ ގޮތުގައިވެސް ބޭނުން ކުރެއެވެ
ރީނދޫހުން
ނ ހުމުގެ ބާވަތެއް މިހުންޖެހުނީމާ ލޮލާ ނިޔަފަތިތަކާ ހުދުހަމާ ކުޑަކަމުދާ އެއްޗެހި ރީނދޫ ވާނެއެވެ މިއީ ނުރައްކާތެރި އަދިގައިން ގަޔަށްއަރާ ބައްޔެކެވެ ބައެއްފަހަރު މޭގަނޑާ ސިކުޑިޔަށް ގެއްލުން ލިބިދާފަދަ ބައްޔެކެވެ މިބަލިޖެހެނީ ބަލިޖައްސާފަނީގެ ސަބަބުންނެވެ
ރެފުރީ
ނ ފުޓްބޯޅައާއި ރަގްބީއާއި އަދިވެސް މިފަދަ ބައެއް ކުޅިވަރުގައި އިންސާފު ކުރަން ހުންނަ މީހާ
ރެދަން
ނ (1) ރެދަން ފަންޏާއި އަލިފާންކޮކާލާއި އަދި ކަރުގޮހޮރު ފަދަ އެއްޗިހީން އަނދިރީގައިވާ އަލި (2) ރޭގަނޑު ކަނޑުގައި ނުވަތަ ފަޅުގައި ދިއްލިފައި ހުންނަ ދިއްލުން