radheef.info
ރަދީފު


ރޯދަ
ނ ފަޖުރުލީއްސުރެ އިރުއޮއްސިއްޖައުމަށް ދާންދެން އޭގެ ޝަރުޠުތައް ފުރިހަމަ ކުރުމާއެކު ނުކައި ހުންނަ ހުރުން މިއީ އިސްލާމްދީނުގެ ރުކުނެކެވެ
ރޯދަހިފުން
މ ރޯދައަށްހުރުން
ރޯދަކުރުކުރުން
މ ރޯދަމަހު ދުވާލު ފޫހިފިލުވުން
ރޯދަކުރުވުން
މ ރޯދައިގެ ވަރުބަލިކަމަކާއި ފޫހިކަމެއް ނުލިބި ދުވަސް ވޭތުވެދިއުން
ރޯދަކެނޑުން
މ ރޯދަވީއްލުން
ރޯދަކޮށުން
މ ބައެއް މީހުން ރޯދައަށް ތިބޭއިރު ފޫހިފިލުވުމަށް ދަނޑިދަނޑިކޮޅު މަށައި އެއިން އޭތިމީތި ހަދައި އުޅުން
ރޯދައަށްހުރުން
މ ރޯދަހިފުމަށް ނިޔަތްގަނެ ފަޖުރުލީއްސުރެ އިރުއޮއްސޭންދެން ރޯދަ ގެއްލޭ އެންމެހައި ކަންތަކުން ދުރުވެގެން ހުރުން
ރޯދަވީއްލުން
މ އިރުއޮއްސުމުން ރޯދަ ދޫކޮށްލުން
ރޯދަމަސް
ނ (1) ރަމަޟާންމަސް (2) ރޯދަހިފުން ފަރުޟު މަސް (3) ހިޖުރީކަލަންޑަރުގެ ނުވަވަނަ މަސް
ރޯދަގެއްލުން
މ (1) ރޯދަބާޠިލުވުން (2) ރޯދަ ކަމުނުދާ ފަދަ ގޮތެއްވުން
ރޯދަޖަބޮ
ނ ރޯދަވިއްލުމަށް އަމިއްލައަށް ހޯދާ ނުވަތަ މީހަކު ހަދިޔާކުރާ މޭވާއާއި ކުރުނބާ ފަދަތަކެތި
ރޯދާބޯފޮޅި
ނ ރޯދަބޯފޮޅި
ރޯދާފޮއިހަނޑޫ
ނ ރޯދަމަހަށް ހަނގުބޭކަލުންނަށްދީ އުޅުނު ހަނޑޫ މިހަނޑޫ ދީއުޅުނީ ހަނާޅިއާއެކު 03 ނާޅި މަގުންނެވެ
ބޮނޑިމަސްކާށި
ނ ރޯދަޔަށް ހަނދުބަލާރޭ ފައިންޕުޅު ހިފައި ނިމޭއިރަށް ދާލަބޮޑުއަށި ކައިރީގައި ހަނގުބޭކަލުންނަށް ތައްޔާރުކޮށްފައި ހުންނަ މާހެފުން މީގައި ހުންނާނީ ބޮނޑިއާއި އާރޮހާއި މަހާއި ކާއްޓެވެ
ބޮޑުޢީދު
ނ (1) އަޟުހާ ޢީދު (2) ދިހަރޯދަ ޢީދު މިއީ ހައްޖުގެ އަޅުކަމާ ވިދިގެން އަންނަ ޢީދެވެ
ކައްފާރަ
ނ ބައެއްކަހަލަ ފާފަކުރެވުނީމާ ހިފަންޖެހޭރޯދަ ނުވަތަ ދޭންޖެހޭ ޞަދަޤާތް
ކައްފާރަދިނުން
މ ބައެއްކަހަލަ ފާފަ ކުރެވުނީމާ ހިފަންޖެހޭރޯދަ ހިފުން ނުވަތަ ދޭންޖެހޭ ޞަދަޤާތް ދިނުން
ކިރުރިހަބަތް
ނ އިހު ޒަމާނުގައި މުލަ ރޯދަ ދުވަހު ޣާޒީ ބަންޑާރައިންގެ އަހަރުމަތިފުޅަށް ކައްކައިއުޅުނު ކޭމެއް މިކޭމުގައި ހުންނަނީ ބަރަބޮލު ރިހައާ ބަތާއި ކިރެވެ
ކުއްލާބުތެލި
ނ އިހުގައި ރޯދަމަހު ކޮންމެ ދުވަހަކު އިރު އޮއްސޭއިރަށް ގަނޑުވަރުތެރޭ ކުއްލާބުގެއަށް ފޮނުވާ ކަލިޔާ ބިރިންޖީތެލި. މިތެލީގައި ވިހިނާޅި ހަނޑުލުގެ ބަތާއި އެޔާވާނެ ގުޅަމަހާއި ހަކުރާއި ލޮނުލުނބޯ ހުންނާނެއެވެ. މިއީ އަތޮޅު އަތޮޅު ދެއްވައިފައި ތިއްބަވާ ބޭކަލުންނާއި ބޮޑެތި ފަޅު ރަށްރަށް ދެއްވައިފައި ތިއްބަވާ ބޭކަލުން ފޮނުވަންޖެހޭ ކެއުމެކެވެ. މިފޮނުވާނީ އެކިދުވަހު އެކި ބޭކަލުންނެވެ. މިއީ ގަނޑުވަރުތެރޭގައި އުޅޭ މީހުންނަށް ދޭ ކެއުމެކެވެ މިކެއުން ގެންދާއިރު ލިބުނު އެންމެ ބޮޑު ކުރުނބާ އިހަލެއް ގެންދާނެއެވެ މިކުރުނބާއިހާ ދަނޑި މާރުލައިގެން ގެންދަނިކޮށް ފަގީރުކުދިން މިއިހާ ކަނޑައިލައިގެން ބަހައިލުމީ ހުއްދަކަމަކަށްވާތީ ވަރަށް މަދު އިހަލެއްނޫނީ ގަނޑުވަރުތެރެޔަށް ގެންދެވޭ ކަމަކަށް ނުވެއެވެ
ކުޑަޢީދު
ނ (1) މާރޯދަ ޢީދު (2) ފިޠުރު ޢީދު
ކެލާޖެހުން
މ (1) ފަންޑިތަވެރިކަމުގެ ގޮތުން ކެލާ ގާނައިގެން އެކިގޮތްގޮތަށް ގައިގައްޔާއި އެއްޗެހީގެ ތަންތަންކޮޅުގައި ހޭކުން (2) ކިޔަވާ ފިލާ ދޮވެ މަށިލުމަށްފަހު އެ ފިލައިގެ ތަންތަންކޮޅުގައި ކެލާ އުނގުޅުން މިއީ އީދާ ނުވަތަ ރޯދަޔާ ދިމާކޮށް އާދަކާދައިގެ ގޮތުން ކުރާ ކަމެކެވެ