radheef.info
ރަދީފު


ރިޔަ
ނ ރާޒުވާގެ ކުޅިބައިގެ ކުޅިއެއް
ހިންގުންތެރި
ނއ (1) ކަމެއް ނުވަތަ އެއްޗެއް ހިމޭން ވިއަނުދީ ޙަރަކާތްތެރި ކުރުވުމުގެ ސިފަ ލިބިހުރި (2) ގިނަކަންތައްތަކެއް ފުރިހަމައަށް ކުރިޔަށް ގެންދިއުމުގެ ކުޅަދާނަކަށް ލިބިހުރި
ހިންގުންތެރިން
ނ (1) ކަމެއް ނުވަތަ އެއްޗެއް ހިމޭންވިއަނުދީ ޙަރަކާތް ތެރިކުރުމުގެ ސިފަލިބިފައިވާ މީހުން (2) ގިނަކަންތައްތަކެއް ފުރިހަމައަށް ކުރިޔަށް ގެންދިޔުމުގެ ކުޅަދާނަކަށް ލިބިފައިވާ މީހުން
ހިންގުންތެރިކަން
ނއނ (1) ކަމެއް ނުވަތަ އެއްޗެއް ހިމޭންވިޔަނުދީ ޙަރަކާތްތެރި ކުރުވުމުގެ ސިފަލިބިގެންވާކަން (2) ގިނަކަންތައްތަކެއް ފުރިހަމައަށް ކުރިޔަށްގެންދިއުމުގެ ކުލަދާނަކަން ލިބިގެންވާކަން މިސާލު: އެއީ ވަރަށް ހިންގުންތެރި ވެރިއެކެވެ
ހިރިހަމައިދިކަން
ނ ކަންގަތި ކޮލީގެ ނަމެއް. މިކޮލި ލެވިފައިވާ މީހުންގެ ކަމަކީ ދަޢުލަތުގެ އެންމެ އިސް ވެރިޔަކަށް ހުންނަ މީހަކަށް ލަފާދިނުމާއި ބޮޑެތި ޢިއްޒަތުގެ ރަސްމިއްޔާތުތައް ފުރިހަމަކުރުމުގެ ގޮތުން ބައިވެރިވުމެވެ
ހިރިލުން
މ (1) ކިރިޔަކިރިޔާ ހެލިލުން ނުވަތަ ގުޑިލުން (2) ވަރަށްކުޑަކޮށް ޙަރަކާތްކޮށްލުން
ހިކަރިވުން
މ )ސ ( (1) ތެމިފޯވުން (2) އޮށްވަޅު ކުޅޭއިރު ކުޅުންތެރިޔަކަށް ވަޅަކަށް ލާންޖެހޭ ވަރަށް ފުއް ނުލިބި ބަލިވުން
ހިތާނުވަޅު
ނ އިހުގައި ދިވެހިގޮތަށް އަޅައިފައި ހުންނަ ގޭގޭގައި މައިދޮރާ އެންމެ ކައިރިޔަށް ބޮޑުއަށީގައި އިށީނދެވެން ހުންނަ ތަން
ހިތިގަސް
ނ އުސްކޮށް ބޮޑުތާނގައި ފެތުރިގެންހެދޭ ލަކުޑިމޮޅުގަހެއް. މިގަހުގެ ލަކުޑި ހުންނާނީ މަޑުމުށިކުލައިގައެވެ. މިގަހުގެ ދަނޑިޔާއި ފަތަކީ އެކިކަންކަމަށް ފައިދާހުރިބޭހެކެވެ. ފަތްހުންނާނީ ކުރިޔަށް ހިމަކޮށް ބުޑުދޮށަށް ފަލަކޮށް އަރިޔަށް ލެނބިލައިފައެވެ ފަތުގެކައިރިފަށް ހުންނާނީ ތުނޑުތުނޑުލައިފައެވެ ފަތުގައި ވަރަށް ގިނަ ގަދަ ހިތިރަހައެއް ހުންނާނެއެވެ
ހިލަވާލި
ނ )މ ( ވާލީގެ ބާވަތެއް މިމަހުގެ ބޯކޮޅު އޮންނަނީ ވަށްކޮށެވެ މިމަސް ދިރިދިރި އޮންނައިރު ބޯކޮޅުން ފެށިގެން ބަނޑުދަށް ފަރާތުން މެދަށްވުރެ ތިރިޔަށް ރަންކުލަޔަށްދާ ކުލަޔެއް ހުންނާނެއެވެ ދެފަރާތުގައި ހުންނަ ދެކޮތަރި ހަނދީގެ ކޮތަރިއަށްވުރެ ދިގުވެފައި ކަންފަތުން ބުރިކައްޓާ ގުޅިފައި ހުންނަބައިގެ އެތެރޭގައި ހިލައެއްހެން އޮންނަ ކަށިކޮޅެއް ހުންނާނެއެވެ
ހުރަސް
ނ (1) ހަނިދިގު އެއްޗެހީގެ ފުޅާމިން (2) ގޭގެ މަތިވަޑާން ގަނޑުގައި ހުރަހަށް އަޅާ ވަކަރު (3) ދަނޑިކޮށީ ކުޅިޖެހުމުގައި ޖަހާއެތިފަހަރެއް (4) ކުރިޔަށް ދާދިއުން މަނާކުރާ ކޮންމެ އެއްޗެއް (5) ފެންނަ ފެނުން މަނާކުރާއެތި (6) ދެއެއްޗެއް ޖެހުނަ ނުދިނުމަށް އެދެމެދަށްވަންނަދާފަރާ (7) ސުންނި އުރަ
ހުއްދަބަލައިދިއުން
މ ގަނޑުވަރުތެރޭ ބޭފުޅުންނާއި ދައުލަތުގެ ކުރިޔަށް ތިއްބެވި ބޭފުޅުން ތިއްބަވާ ތަންތާނގެ ކައިރީގައި ތިބޭމީހުން އެބޭފުޅުން ތިއްބަވާ ތަންތާނގެ އެތެރެފެންނަވަރުގެ އުސްތާކަށް އަރަން ޖެހިއްޖިއްޔާ އެކަމުގެ އިޒުނަ ހޯދަން އެތަންތަނަށް ދިއުން
ހުއްސަރިބައި
ނއ (1) ހުސްހަށިބައި (2) އަނތްބަކު ނުވަތަ ފިރިޔަކު ނެތް
ހުއްސަރިބައިވުން
(1) ހުސްހަށިބައިވުން (2) އަނތްބަކު ނުވަތަ ފިރިޔަކު ނެތުން
ހުސްހަށިބައިކަން
ނއނ (1) އަނތްބަކު ނުވަތަ ފިރިޔަކުނެތްކަން (2) ހުއްސަރިބައިކަން
ހެއްޓި
ނ (1) ތަޅާކުރެވި (2) )މަލިކު( ރިޔަލުގެ ކުރެވި
ހެޔޮރޯޅި
ނ ބޮޑުރިޔަލަށް ފުރިހަމައަށް ވައިލިބޭވަރަށް ޖެހޭ ރޯޅި
ހޭ
ނ (1) ވާނުވާ އެނގުމުގެ ބާރު. (2) ބުއްދި. (3) ދެވަނަ ފަހަރަށް ސުވާލު ކުރުމުގެ ޖުމްލައިގެ ފަހަތަށް ގެންނަ އަކުރު. މިސާލު: މިބުނި އެއްޗެއް ވިސްނިއްޖެހޭ. (4) މީހަކު ތިމާޔާ ކުޅަ ސުވާލެއް އަނެކާގާތު ބުނާއިރު ޖުމްލައިގެ ފަހަތަށް ގެންނަ އަކުރު މިސާލު: އަބްދުﷲ އަހަރެން ކުރެން އެއްސޭ އިބްރާހީމް ނާދޭހޭ (5) ހުޅަނގު މޫސުމުގެ ނަކަތްތަކުގެ ތެރެއިން ފަނަރަވަނަ ނަކަތް (6) ކަނޑުގެ އަޑި ކިރިޔަކިރިޔާ ފެންނަ (7) )ޏ ސ ( ދުރުން ކިރިޔަކިރިޔާ ފެންނަ ފެނުން (8) " އޭތް" މިބަސް އަންހެނުންނަށް ގޮވުމަށް ބޭނުންކުރާގޮތް
ހޮނު
ނ ގުގުރުމުގެ އަޑާއެކު ތިރިޔަށް ފައިބާ އަލިފާން
ރަނގަވާޅު
ނ ކަކުލަށްވުރެ ތަންކޮޅެއް ތިރިޔަށް ދިގުމިން ހުންނަ ފައިކުރިފުޅާ ހަރުވާޅެއް
ރާއްދެމަޑި
ނ )ސ ( (1) އެންމަޑީ މިއިީ ފުންކަނޑުގާ އުޅޭ މަޑިއެކެވެ (2) މަޖާޒު: ގޮވިޔަސް ފަހަތަށް ނޭނބުރި ކުރިޔަށްދާ މީހާ