radheef.info
ރަދީފު


ރަކަ
ނ )ހ ( ބޯދީގެ ތެރޭގައި ހުންނަ އެމެއް މިއެން ބޯއްޖަށްވުރެ ތަންކޮޅެއް ބޮޑުވާނެއެވެ މިހުންނަނީ އަނގަ ބޮޑުކޮށް ރަތްކުލައެއްގައެވެ އަދި ކަޅުރަތްކުލައެއްގެ ރޮނގެއް ހުރެއެވެ
ހިމަކަން
ނއނ (1) ފަލަމިނުގެ އުނިކަން (2) ކަމީނާކަން (3) މަޖާޒު: ދެރަކަން
ހިމާރަށްގޮވުން
މ (1) ހިމާރަކަށް ގޮވާލުން (2) އިންސާނަކާ ދިމާއަށް ހިމާރެކޭ ބުނުން
ހިތްހިތެކޯގޮވުން
މ (1) ހިތަށްއެރި ގޮތެއް ހަދާށޭގޮވައިލުން (2) ބޭނުންމީހަކު ބޭނުން ވަރަކަށް ގެންދާށޭ ގޮވައިލުން
ހީރަސްޖެހުން
މ ފޮތުގެ ގަނޑުތައް ނުވަތަ ގަނޑުތަކެއް އެއްކޮށް ހިފަހައްޓާން ބުރަކަށި ފަރާތުން ފެހުން ނުވަތަ ބަނުން ނުވަތަ ނަރުޖެހުން
ހުރަސްގަޅިލޮނދިމަސް
ނ ފަރުފަޅުގެ އުރަފަށުގައި ދިރިއުޅޭމަހެއް މީގެ ކުލައަކީ މަޑުރީނދޫކުލައެވެ މަހުގެ ބުރަކަށިމަތީގައި ކޮތަރިބައިގެ ކުރީކޮޅުން ފެށިގެން ލޯ ހުރަސްކޮށް ތިރިއަށް ގަދަމުށިކުލައިގެ ރޮނގެއް ހުރެއެވެ މިބާވަތުގެ މަހުގެ ބޭރު ހަމުގައި އާދަޔާ ޚިލާފު ވިހައެއް އެކުލެވޭ ލޮނދީގެ ފަށަލައެއް ހުރެއެވެ
ހުއިފަތުހިކާ
ނ ހިކާގެ ބާވަތެއް މިއީ ހަލުވި ޙަރަކާތްތަކެއްކުރާ ރީތި ހިކައެކެވެ މަހުގެ ކުލައަކީ ހުއިފަތުފެހި ކުލައެވެ ބުރަކަށިމަތިހުންނަނީ ފެހި ކުލައިގައެވެ މިފެހި ކުލައިގެ ތެރެއިން ރަތްކުލައެއް ފާއްދާފައި ހުރެއެވެ އަނގައިގެމަތިން ފެށިގެން ކަރުތާފަތުގެ ކުރީކޮޅާހަމައަށް ރިހިކުލައެއްގެ ރޮނގެއް ހުރެއެވެ
ހުދުރޮނޑު
ނ ރޮނޑުގެ ބާވަތެއް މިރޮނޑުގެ ހަށިގަނޑު ހުންނަނީ ހުދުކުލައިގައި ވަރަށް އޮފުގަދަކޮށެވެ ހަންގަނޑުގެ ކޮތަރިން ތިރިއަށްހުންނާނީ ހުދުކަލައެވެ ބޮލާހަށިގަނޑާ ގުޅުނު ހިސާބުގައި ހުރަހަށް ކަޅުކުލައިގެ 2 ރޮނގު ހުންނާނެއެވެ ބުރަކަށީގެ މަތީ ކޮތަރިބައި ފެށޭހިސާބުގައި ކަޅުކުލައިގެ ކައްޓެއް ހުންނާނެއެވެ
ހުދުލައްފާނަ
ނ ފާނައިގެބާވަތެއް މިމަހުގެބޮލުގެ ދިގުމިން ހަށިގަނޑު ގެއެންމެ ފުޅާ ހިސާބަށްވުރެ ދިގުވާނެއެވެ މަހުގެ ބޮލުމަތިންދެ ލޮލުގެ ދޭތެރެ ހުންނަނީ އެއްވަރަކަށް ފަތާ ކޮށެވެ މަހުގެ ކަރުތާފަތުގެ ކޮޅުހުންނާނީ ކޮޅަށް އޫކޮށެވެ އަދި ކަރުތާފަތުގެ މަތީބައި ހުންނަނީ ވަރަށް ތެދަށެވެ މިމަހުގެ ކުލައަކީ ކަޅުކުލައަކަށް ދާ ގަދަމުށިކުލައެވެ މަހުގެ ބޮލުގައްޔާއި ހަށިގަނޑުގައި ހުދުކުލައިގެ ލައްތަކެއް ވަރަށްފާޅުކޮށް ފެންނަން ހުރެއެވެ
ހުދެންމަސްދަރި
ނ )ހ.( އެމުގެ ބާވަތެއް. މިއީ ބުރަކަށި މަތީގެ ކޮތަރިބައި މަޑުނޫކުލައެއް ހުރެފައި ބަނޑުދައްފަރާތް ހުދުކުލައިގައި ހުންނަ 2 އިންޗިވަރުގެ ކުދިއެމެކެވެ. މިގިނައިން ހުންނަނީ އެންދަމާއިރު އެންތަކުގެ ތެރޭގައެވެ. މިގިނައިން ހުރެއްޖެނަމަ މަސްވެރިކަން ވަރަށް ރަނގަޅުވާނެއެވެ
ހެޔޮވަރުމީހާ
ނ ތަޢުރީފާއި މަލާމާތުގެ ގޮތުން ބުނެއުޅޭ ބަހެއް މިސާލު: ގިނަކަންތައްތައް ކުރާނޭގޮތް ދަންނަ ހުޝިޔާރު މީހެއްގެ ވާހަކަ ބުނުމުގައި "އޭނާއަކީ ހެޔޮވަރު މީހެކޭ" ބުނެއުޅެއެވެ މީހަކަށް ވެވުނު ދެރަކަމެއްގެ ވާހަކަ ބުނުމުގައި "އޭނާއަކީ ހެޔޮވަރު މީހެއްތާއޭ" ބުނެއުޅެއެވެ
ހޭވައްލާތައްޔާރު
އ އަމުރަކަށް އިޖާބަ ދިނުމުގެ ގޮތުން ފޯރިއާއެކު އެކަމަކަށް ތައްޔާރުގައި ވާކަން ދޭހަކޮށްދިނުމުގެ ގޮތުން ބުނާބަހެއް
ހޮން ބޮއް
ނ )ސ ( ކުޑަފަރުމަހެއް މިއީ މަޑު ރީނދޫ ކުލައިގެ މަހެކެވެ މިމަހުގެ ބޮލުން ފެށިގެން ނިގޫފަތާ ހަމައަށް ރީނދޫކުލައިގެ ފަސްރޮނގު ހުރެއެވެ ބުރަކަށިމަތީގެ ކޮތަރިބައި ނިމޭ ހިސާބުގައި ގަދަ ރީނދޫކުލައިގެ ލަފެއް ހުރެއެވެ
ރާއްޖެމައްޗަށްތިބުން
މ އިހުގައި ރާއްޖެއިން ބޭރަށް ދަތުރުކުރާ އުޅަނދުފަހަރު. ދަތުރު ކުރަމުން އައިސް ރާއްޖެއަށް ވަންނައިރު ފަރަކަށް އަރައި ދާނެތީ އެކަމަށް ހޭލައި ފަރުވާވެ ތިބުން
ކަރަވެރިމަސް
ނ ފަރުމަހުގެ ބާވަތެއް މިއީ އައިން ހަދައިގެން ދަތުރުކޮށް އުޅޭ މަހެކެވެ މިމަހުގެ ބުރަކަށި މަތީގެ ކުލައަކީ ނޫފެހިކުލައެވެ ދެއަރިމަތީގައި ހުންނަނީ ރަންރިހިކުލައެވެ މަހުގެ ނިގޫފަތާއި ކޮތަރިތަކުގައި ހުންނަނީ ރީނދޫކުލައެވެ މަހުގެ ކަންފަތް ކައިރީގައި ކަޅުކުލައިގެ ލަފެއް ހުރެއެވެ
ކަރަމަތި
ނ (1) ކަރަކަރައިގައި އިރުވައި މޫސުމުގެ ހަވީރަށް އާދަވެގެން އަންނަ ވިއްސާރަ (2) ކަރަ ގޮނޑުވަމުން އަންނައިރު ކަރަ މަތިން ބައެއް ދުވަހަށް ދައްކާ ވިއްސާރަ
ކަރަމަތިއައުން
މ (1) ކަރަކަރާގައި އިރުވައި މޫސުމުގެ ހަވީރަށް އާދަވެގެން ވިއްސާރަ އައުން (2) ކަރަގޮނޑުވަމުން އަންނައިރު ކަރަ މަތިން ބައެއް ދުވަހަށް ވިއްސާރަ އައުން
ކޯޑި
ނ (1) ރަށްފުށުގައި ކުޅޭ ކުޅިވަރެއް. މިއީ ބޮޑުޢީދުގެ ތެރޭގައި ކުޅެއުޅޭ ކުޅިވަރެކެވެ. (2) ކޯޑިކުޅޭއިރު ރުކެއްގައި ނުވަތަ ދަނޑިއެއްގައި އެލުވާއެތި މީގައި ހުންނަނީ ވަޅިފަންކޮށައިފައެވެ މިހާރަކަށް އައިސް ވައްތަރު ވައްތަރުގެ ރީތި ކަރުދާހުން އެއްޗެހި ހަދައި އެލުވާފައި ހުރެއެވެ
އަވަށުތަންޑުވަ
ނ އަވަށުތެރޭން ކޮންމެ ވަރަކުން ހަތަރުމީހުން މަގުން ތިބޭ ބަޔެއް. މިމީހުންގެ މަސައްކަތަކީ އެވަރަކަށް މަސައްކަތު ގޮވާން ވެއްޖެނަމަ ބުރުޒު ބަނޑޭރީން އެންގީމާ އެވަރެއްގެ ބޭކަލުންނަށް މަސައްކަތު ގޮވުމެވެ މިއިން މީހަކަށް އޮންނާނީ ފޭލި ދެއްވާ ދުވަހު އިތުރަށް ބަޔެކެވެ
ހޯސާ
ނ ކަނޑުމަހުގެ މަސްވެރިކަމުގައި ބޭނުންކުރާ އެމެއް. މިއީ ހިމަދިގުކޮށް ހުންނަ އޭގެ ބުރަކަށިމަތި ފެހިކުލައިގާ ބަނޑުދޮށް ރިހިކުލައިގައި ހުންނަ އެމެކެވެ އޭގެ ދެއަރިމަތީގައި ރީނދޫކުލައިގެ ފުޅާރޮނގެއް ހުރެއެވެ އަދި ތުނިކުދި ކުދި ހުޅުނބުތަކެއް ހުރެއެވެ
ނަށާމައު
ނ ކަނޑާއި މޫދާއި ފަޅުގައި ދިރިއުޅޭ އެއްޗެއް މީގައި ކައްޓެއް ނުހުންނާނެއެވެ މިއީ ވަރަށް މަޑު އެއްޗެކެވެ މިހުންނާނީ މުރަކަ ގައު ފަދަ ތަކެތީގައި ހިއްޕައިލައިގެންނެވެ މީގެ ބައެއް ވައްތަރުގައި ބާރުގަދަ ވިހައެއް ހުންނާނެއެވެ މީގެ މަތީގައި ފަށްތަކެއްހެން ހުންނަ ބައި އަބަދު ހުންނާނީ ހުޅުވިލެއްޕި ވާގޮތަށް ޙަރަކާތް ކޮށްކޮށެވެ