radheef.info
ރަދީފު


ހަކުރާ
ނއ ހަކުރާކަން މިބަހުގެ ނަންއިތުރު
ކުއްލާބުތެލި
ނ އިހުގައި ރޯދަމަހު ކޮންމެ ދުވަހަކު އިރު އޮއްސޭއިރަށް ގަނޑުވަރުތެރޭ ކުއްލާބުގެއަށް ފޮނުވާ ކަލިޔާ ބިރިންޖީތެލި. މިތެލީގައި ވިހިނާޅި ހަނޑުލުގެ ބަތާއި އެޔާވާނެ ގުޅަމަހާއި ހަކުރާއި ލޮނުލުނބޯ ހުންނާނެއެވެ. މިއީ އަތޮޅު އަތޮޅު ދެއްވައިފައި ތިއްބަވާ ބޭކަލުންނާއި ބޮޑެތި ފަޅު ރަށްރަށް ދެއްވައިފައި ތިއްބަވާ ބޭކަލުން ފޮނުވަންޖެހޭ ކެއުމެކެވެ. މިފޮނުވާނީ އެކިދުވަހު އެކި ބޭކަލުންނެވެ. މިއީ ގަނޑުވަރުތެރޭގައި އުޅޭ މީހުންނަށް ދޭ ކެއުމެކެވެ މިކެއުން ގެންދާއިރު ލިބުނު އެންމެ ބޮޑު ކުރުނބާ އިހަލެއް ގެންދާނެއެވެ މިކުރުނބާއިހާ ދަނޑި މާރުލައިގެން ގެންދަނިކޮށް ފަގީރުކުދިން މިއިހާ ކަނޑައިލައިގެން ބަހައިލުމީ ހުއްދަކަމަކަށްވާތީ ވަރަށް މަދު އިހަލެއްނޫނީ ގަނޑުވަރުތެރެޔަށް ގެންދެވޭ ކަމަކަށް ނުވެއެވެ
ކުސަ
ނ (1) ދެގަނޑެއްޗެއް އެއްކުރާން ރޯނުން ނުވަތަ ނަނުން ފުރާ ބައިން. މިގޮތަށް ހުންނަ ކޮންމެ ބައިނެއް. (2) ފުށާއި ހުންޏާއި ހަކުރާ އަޅައިގެން ހިލާ ކާ އެއްޗެއް. (3) މަޖާޒު: އެއްޗަކަށްނުވާހެން ކުރާކަންތައް ނުވަތަ ހަދާ އެއްޗެއްނޫނީ ދައްކާ ވާހަކަ
ކޭކު
ނ ފުށާއި ހަކުރާއި ބަޓަރާއި ބިހާއި އެއްކޮށްގެން ފުފޭގޮތަށް ފިހާ ފޮނިކާއެއްޗެއް މި އެކިވަރުވަރަށް އެކި ސިފަސިފައަށް ހަދައެވެ
ކޮލީނަން
ނ ކޮލިލައިގެން ދައުލަތުގެ ފަރާތުން މީހުންނަށް ދީއުޅުނު ލަޤަބު މިސާލު: )ހ( ފާށަނާ )ށ( ހަކުރާ )ނ( މޭނާ
އަސާ
ނ (1) ދޮށިމޭނާ ވެލާނާ ހަކުރާ ފާމުދޭރި މާފަތް ދަހަރާ މިބޭބޭކަލުންނާއި ފަނޑިޔާރުކަމާއި މީރުބަޙުރުކަމާއި ރަނަހަމާންތިކަމާއި ފުރަމާލޭގެ ދެޚަޠީބުކަމާއި މިކަންކަން ޙަވާލުކުރައްވާ ބޭބޭކަލުންނަށް ދެއްވާދަނޑި މިހުންނަނީ ކުރަހައި ލާފެންކޮށްފައެވެ (2) ހިފައިގެން ހިނގާ ލަޓިގަނޑު
އަސްކަރު
ނ އައްސުލްޠާނުލް ޣާޒީ މުޙައްމަދު ތަކުރުފާނުލް އަޢުޒަމް ސިރީސަވާދީއްތަ މަހާރަދުން ރާއްޖެ އިސްލާމު ކުރެއްވުމަށްފަހު ބައެއް ރަށްރަށު މީހުން ނުކިޔަމަންތެރިވެގެން އެކަން ހަމަޖައްސަވާން ހަވަރުގެ ތެރެއިން އެކިބައިމީހުން އެކިރަށްރަށް ފޮނުއްވިއިރު އުތުރުގެ ރަށްރަށަށް ފޮނުއްވި މީހުންެ. އެމީހުން ދިޔަ ރަށްރަށް އެމީހުންނަށް ދެއްވީއެވެ. އަސްކަރުންގެ އޮންނަނީ ދޮށިމޭނާގެ ހަކުރާގެ މާފަތްގެ ވެލާނާގެ ދަހަރާގެ މިފަސްގެއެވެ ފަސްގެ އެކުގައިނަމަ ކިޔަނީ "ފަހޮޅި" އެވެ ވަކިވަކީންނަމަ "ގެ" އެވެ އެހެނިހެން އޮޅިމެދެކޭ އެއްފަދައިން އަސްކަރުންނަށްވެސް މާލޭގައި ކުރަންޖެހޭ ވަކިވަކި ކަންތައްތައް ހުރެއެވެ
އިރުވައިބަތް
ނ އިހުގައި ދެއްވާ ރަސްމީ ބޮނޑިބަތެއް. މިކަން އޮންނަނީ އިރުވައި ފެށުނީމައެވެ. މިކަން ކުރާނީ ފުރަތަމަ ރޭ އިސްދެވަރަށް ދޮށިމޭނާ ބޭކަލަކު ދެވަނަ ރޭ ހަކުރާދެވަރަށް ހަކުރާ ބޭކަލަކު ތިންވަނަރޭ ވެލާނާ ދެވަރަށް ވެލާނާ ބޭކަލަކު ހަތަރުވަނަރޭ އިސްދެވަރަށް މާފަތް ބޭކަލަކު ފަސްވަނަ ރޭ ހަކުރާ ދެވަރަށް ފާމުދޭރި ބޭކަލަކު ހަވަނަރޭ ވެލާނާ ދެވަރަށް ދަހަރާ ބޭކަލަކު މިޤަވާއިދުންނެވެ. ބަތެއްގައި ހުންނާނީ ނުވަ ގައު ބައެވެ. ހުންނާނީ ހަތަރުމަލާފަތުގައި މަލާފަތެއްގައި ފަންސަވީސް ބަތެވެ. ބަތް ބަލާދާ ކަލާސީއަކަށް ބަތެއް ބުރުޒު ބަނޑޭރިއަކަށް ދެބަތް އޮންނާނެއެވެ. އެގެންދާ ބަތުގެ ތެރެއިން އެކިއެކި ބޭފުޅުންނަށާއި ދައުލަތުގެ މަތީ މަޤާމުތަކުގައި ތިއްބަވާ ބޭބޭކަލުންނަށް ފޮނުވާނެއެވެ. މިބަތް ކައްކާނީ ބޮޑު ބޭކަލުންގެ ގޭގޭގައެވެ. ބޮޑުބޭކަލަކު ނެތްނަމަ ބަނޑޭރިގޭގައެވެ. އަދި މިބަތް ކައްކާނީ ވަރަށް މޮޅަށް ކިރާ ހަނޑުލުގައި ފޮނިތޮށި ކާފޫރުތޮޅި އަޅައިގެންނެވެ
އޮމާއޮޅި
ނ އަސްކަރުންގެ އޮޅިއެއް މިއީ ހަކުރާބޭކަލެއްގެ ވެރިކަމުގެ ދަށުގައިވާ އޮޅިއެކެވެ
ވެހުން ގަނޑު
ނ (1) ގަބުޅި ހުނީގައި ދިވެހިހަކުރު އަޅައިގެން ހިލައި އެތެރެއަށް ހަނޑުލު ފުށާއި ހަކުރާ އެއްކޮށް ހިލައިގެން ވަށައިފައި ހުންނަ ގުޅަތަކެއް އަޅައި ބޭރުގައި ފަތްލައި ވެހައިފައި ހުންނަ ކާ އެއްޗެއް މިގުޅަތައް އެތެރެއަށް ނާޅާވެސް ހަދައެވެ ގިނައިން މިހަދަނީ ދެކުނު މީހުންނެވެ (2) އެއްޗެއް ވެހާން ބަނދެފައިވާ ބަނުން
މަލިކުބޮނޑި
ނ ހަނޑުލުފުށާ ހަކުރާ ހުންޏާ ބޭނުންކޮށްގެން ހަދާ ހެދިކާ އެއްޗެއް
މަސްފޯ
ނ )ރ.( ފެނާއި ރޯމަހާއި ފުށާއިހަކުރާ އެއްކޮށްގެން ކައްކާ އެއްޗެއް. )މިއީ ޚާއްޞަކޮށް ދަތުރުވެރީންނާއި މަސްވެރިން ދޯނިމަތީގައި ކައްކާ އެއްޗެކެވެ
މޭސޫ
ނ ކުކުޅު ބިހާއި ގިތެލާއި ހަކުރާ ގެރިކިރާ އެއްކޮށްގެން ހަދާ ހަލުވާކަހަލަ އެ އަށްވުރެން ތަންކޮޅެއް ހަރުކޮށް ހުންނަ ކާއެއްޗެއް
އޮމައިއޮޅި( ފަހޮޅި
ނ (1) އަސްކަރުންގެ ފަސްއޮޅި. )ދޮށިމޭނާގެ ހަކުރާގެ މާފަތްގެ ވެލާނާގެ ދަހަރާގެ( އަށް އެކުގައިނަމަ ކިޔާގޮތް. (2) ފަސްއޮޅި )ކުޑައޮޅި އަގުރަންނަ އޮޅި މުސްކުޅިންގެ އޮޅި ކިލެގެއޮޅި
ފަޅޯފެން
ނ )ޏ ސ ( ފަޅޯ ގާނައިގެން ހަކުރާއި އަސޭމިރުސް އަޅައިގެން ކައްކާ ފަނި
ފަސްއަށި
ނ ގަނޑުވަރުތެރޭގައި ހުންނަ ހަނގުބޭކަލުން ދަމަށް ދުރުވާ ފަސްއަށި )ހ( ފުޅިދޮށު އަށި )ށ( އިސްވަރު އަށި )ނ( ވެލާނާވަރު އަށި )ރ( ހަކުރާވަރު އަށި )ބ( ބޭރުބޮޑު އަށި
ފަޑައްކު
ނ (1) ހަނޑުލާއި ބިންބިފަދަ ގޮވާމުގެ ބާވަތްތައް ގެންގުޅޭ ތަންތަނަށް އެޅިފައި ހުންނަ އޮށްޓަރު. (2) ބަސްތާފެޅިގެން އެޅިފައި ހުންނަ ހަކުރާއި ފުށާއި ސިމެންތި ފަދަ ތަކެތި
ފަޑައްކުތެޅުން
މ (1) ހަނޑުލާއި ބިންބި ފަދަ ގޮވާމުގެ ބާވަތްތައް ގެންގުޅޭ ތަންތަނަށް އެޅިފައި ހުންނަ އޮށްޓަރުތައް ނަގައި ސާފުކުރުން. (2) ބަސްތާ ފެޅިގެން އެޅިފައި ހުންނަ ހަކުރާއި ފުށާއި ސިމެންތި ފަދަ ތަކެތި ނަގައި ސާފުކުރުން
ފުށްބޮނޑިބަތް
ނ ހުންޏާ ހަކުރާ އަޅައިގެން ގޮދަން ފުށުގައި ކައްކާ ފޮނިކާ އެއްޗެއް
)ހިކިކިރު( ފުށްކިރު
ނ (1) ހަކުރާ ކިރާ އަޅައިގެން ފުށުގައި ކައްކާ ފޮނިކާއެއްޗެއް (2) ފުށްގޮތަށް ހަދައިފައި ހުންނަ ކިރު
ފުށްސައި
ނ ފުށާ ހަކުރާ އެއްކުރުމަށްފަހު ޖޯޑުގެ ތެރެއަށް ކެކި ކެކިހުރި ސައިފަތުފެން ނުވަތަ ހޫނުފެން އަޅައިގެން ތައްޔާރުކުރެވޭ ސައެއް )މިގޮތަށް ސައި ހަދާއިރު ބައެއް ފަހަރު ބޯކިރުވެސް އަޅައެވެ ( )ހ( ދިޔާކޮށް ކައްކައިފައި ހުންނަފުށް