radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ކުރު
ނއ (1) ދިގުގެ އިދިކޮޅު. (2) ދިގުމިނުންމަދު. (3) ނ. މަސްކަނޑުގައި އުޅޭ ކުޑަ ކަޅު ދޫންޏެއް މީގެ ފިނދު ފަތުގައި ހުދުކުލައިގެ ބަންދެއް ހުރެއެވެ
ކުރުނބާ
ނ (1) ދިވެހި ރުކުގެ ކިހާކާއި ގަބުޅިޔާއި ދެމެދުގެ ވައް. މިއީ އޭގެ ފެން އެންމެ މީރު ކަމަށްވާ ވަރެވެ (2) )ޏ ސ ( ކުރުބާ
ކުރުނބާފުޅާދިއުން
މ ދޮށުން ތިބި ޒަމާނުގައި ރަމަޞާންމަހު ކޮންމެ ދުވަހަކު ހަވީރު ގަނޑު ވަރުތެރޭގެ ބޭފުޅުން ތިއްބަވާ ތަންތަނަށް ކުރުނބާފުޅު ހިފައިގެން އެމީހުން ރަސްމީ ހެދުމުގައި ދިއުން މިއީ ދައުލަތުގެ ފަރާތުން އެ ބޭފުޅުންނަށް ކަނޑައަޅައިފައިވާ ކަންތަކުގެ ތެރެއިންކަމެކެވެ
ކުރުނީސް
ނ (1) މާތް މީހުންނަށް ސަލާމް ކުރުމުގެ ބާވަތެއް އެއީ ދެއަތްމޭގައި އަޅައިފައި ކަނާއަތް އުފުލައި ބޮލުގައި ޖައްސައިލައިފައި މެޔަށް ގެނައުމެވެ (2) ބޮލާ ހަމަޔަށް އަތްނަގައި ކުރާ ސަލާމް
ކުރުކަނި
ނ ފަތްފޮށީ ވަކަރު މައްޗަށް އިންދައިފައި ހުންނަ ކުރުވަކަރު ބުރިއެއް
ކުރުކުރު
ނ ފަލަމަޑީގެ ބާވަތެއް މިއީ މަތިވައް ފަތްހެން ފަތްހުންނަ ވެލެއްގެ ގޮނޑިއެކެވެ މީގެ ބޭރުހުންނަނީ ކަޅު މުށިކުލައެއްގައެވެ ތޮށިގަނޑުގައި ނަރުވާތަކެއް ފަޅައިފައިހުރެއެވެ މިވެލުގައި އަޅާ އެއްޗެއްސަށް ކިޔައި އުޅެނީ ކުރުކުރުކައްޓަލައެވެ އެ ހުންނަނީ ކުދި ކޮންނެވެ
ކުރުއޮޅި
ނ (1) ދޯނިފަހަރުގައި އެންމެ ދިރުނބަލަށް ހުރަހަށް އަޅާ އޮޅި (2) ކަނދު އޮޅި
ކުރުއްޕި
ނ ކޮށިކޮށީގެ ބަޑިޖަހާ މީހުން ލައި އުޅުނު ލިބާހެއް މިލިބާސް ހުންނާނީ ބަނޑު ފަޅައިލައިފައި ކޯޓެއްގެ ސިފައިގައެވެ
ކުރުވުން
މ (1) ދިގުމިނުން މަދުވުން (2) މީހަކު ނުވަތަ ބަޔަކުލައްވާ ކަމެއް ކުރުވުން ނުވަތަ އެއްޗެއް ހެއްދުން
ކުރުވެލި
ނ ދުފާ އެއްޗެހި އަޅާން ފަނުން ވިޔެގެން ގެންގުޅޭ ދަބަހެއް ކަހަލަ އެއްޗެއް
ކުރުމަގު ހިނގުން
މ އެއްތާކު ދެކޮޅަށް ދެކޮޅަށް ހިނގުން
ކުރުމަސް
ނ (1) ދިގުމަސް (2) ފަރުމަހުގެ ބާވަތެއް މިއީ ބޮނޑިމަސްކޮށް ހުންނަ ހިމަދިގު މަހެކެވެ މަހުގެ ކުލައަކީ ގަދަނޫކުލައަކަށްދާ ފެހިކުލައެކެވެ މަހުގެ ދެފަރާތުގައި ހުރަހަށް ކަޅުކުލައިގެ ރޮނގުތަކެއް ހުރެއެވެ މިއީ އެއްބަރިއަކަށް ދަތްތައް ހުންނަ އަނގަބޮޑު މަހެކެވެ
ކުރުފަލި
ނ މެއްކާ ނުލައި އަތްމަތިން ޖަހާ ތަންޑު ކުރު ކުޑަފައްޔެއް. މިއީ ކުޅިވަރެއްގެ ގޮތުގަޔާއި ބައެއް ކަހަލަ ކަން ކަމުގައި ޝަރަފުވެރި ގޮތެއްގައި ޖަހަން ބޭނުންކުރާ ފައްޔެކެވެ.
ކުރުދަނޑި
ނ )ސ ( މަސްބާނަން ގެންގުޅޭ އެންމެ ކުރުދޮށި
ކުރުދޮށި
ނ (1) ދަހި އައިނުގައި އެންމެ ފަސޭހަކޮށް ހަލުއިކޮށް މަސްބާނަން ބޭނުންކުރާ ދޮށި (2) މުޑަން
ކުރުގެޅުން
ނ (1) ޖެހުނު ޖެހުމަކުން ނުވަތަ ފިތުނު ފިތުމަކުން އެއްޗެއް ހުންނަންވީ ވަރަށް ވުރެން ކުރުވުން (2) ޢިށީނދެ އިނުމުގައްޔާއި އޮށޯވެ އޮތުމުގައި ކުރުޖެހުން (3) މަޖާޒު: ދެރަވުން (4) ފިނޑިވުން (5) ކެވުނުލެއް ގިނަކަމުން ހިންދަމައި ނުލެވުން
ކުރެހިހިމެރި
ނ ހިމެރީގެ ބާވަތެއް މީގެ އޮށުގައި ހުންނާނީ ކުރެހުން އެޅިފައެވެ
ކުރެހިބޯމުގުރާން
ނ މުގުރާމުގެ ބާވަތެއް މިބާވަތުގެ މުގުރާމުގެ ބޮލުގައި ރަންކުލައަކަށްދާ ކުރެހުމެއް ހުންނާނެއެވެ
ކުރެހިބޯލަނޑާ
ނ ލަނޑާގެ ބާވަތެއް. މިއީ ބޮލުގައި މުށިކުލައިގެ ރޮނގު ކުރެހުމެއް ހުންނަ ފެހިކުލައިގެ ލަނޑައެކެވެ
ކުރެހިތޮޅި
ނ ކުރެހުން އަޅައިފައި ހުންނަ ދިގުތޮޅިއެއް މިއީ ހިމެރީގެ ބާވަތެކެވެ