radheef.info
ރަދީފު


އާ
ނއ (1) ބާކަމުގެ އިދިކޮޅު (2) އެއްފަހަރުވެސް ބޭނުންނުކުރާ (3) ގިނަދުވަސްނުވާ (4) ކުރީން އުފެދިފައިނެތް ނުވަތަ ފެނިފައިނުވާ
ބިލެތްމުރާކި
ނ މުރާކީގެ ބާވަތެއް އާދައިގެ މުރާތްކަށްވުރެ ފަތްބޮޑެތި ފަތުގެ ތުނޑު ތޫނުކޮށްހުންނަ ގަހެއްގައި އަޅާ އެއްޗެކެވެ
ބިސް
ނ (1) ބައެއް ބާވަތުގެ މަސްމަހާ މެއްސާއި ދޫނި ސޫފާ ސޫފީގެ ދަރި ގަރުބަގަތުމަށްފަހު މައިއެތީގެ ހަށިގަނޑުން ބޭރުގައި އޮވެގެން އޭގެ އަމިއްލަ ޒާތުގައި ނޭވާލައި އުޅެވޭ ވަރުވަންދެން އެއެއްޗެއްގެ ތެރޭގައި އޮންނަ އެތި. ޢާންމު ގޮތެއްގައި މިއީ ތޮށްޓެއްގެ ތެރޭގައި އޮންނަ ލޮނދިގަނޑަކާއި ގޮބޮޅިޔެއްގެ މައްޗަށް އެކުލެވިގެންވާ އެއްޗެކެވެ (2) އަންހެނާގެ ނުވަތަ އަންހެންއެތީގެ ހަށިގަނޑުގެ އެތެރޭގައި އުފެދޭ ދަރިމައިވުމުގެ ސެލް (3) ބައެއް ކަހަލަ މޭވާއާއި ދިވެހި ހަކުރު ނުބައިވެގެން އުފެދޭ ކުދިކުދި ފުއްފުއް
ބިސްވަޅު
ނ (1) ވެލާއާއި ކަހަނބު ފަދަ ތަކެތި ބިސްއަޅައިފައި ހުންނަ ތަންތަން (2) މަޖާޒު: ފަރުޖު
ބީހުން
މ (1) އަތްލުން. މިސާލު: ޤުރްއާން ފޮތުގައި ބީހުން. (2) ގައިގައިޖެހިލުން. މިސާލު: އެކަކު އަނެކަކުގެ ގައިގައި ބީހުން. (3) ފުރާދުއްވާ އުޅަނދެއް ރަށެއްގެ ވެލިގަނޑުގައި ނުވަތަ ގޮނޑު އާނުގާޖެހުން ނުވަތަ ތޮށީގައި ނުވަތަ ފަޅުގެ އަޑީގައިޖެހުން މަޖާޒު: (4) ކަރުގައި އަޅައިގަތުން (5) ވައިރޯޅި އެއްޗެއްގައި ޖެހިލުން (6) ރަށެއްގެ ގޮނޑުދޮށަށް ރާޅު އައިސްނިމުން
ބީރަށްވެހި
ނއ (1) ތަނުގެ ވަޒަންވެރިންނަށް ނުވާ (2) ތަނުގެ އާދަކާދައާއި ޚަބަރު ނޭނގޭ
ބީފާނު
ނ އާދައިގެ އަންހެނުން ނަށްވުރެ ތަންކޮޅެއް މޮޅު އަންހެނުންނަށް ކިޔާ އުޅުނު ވަނަމެއް
ބުންނަރު
ނ މިއުޒިކު ކުޅެން ބޭނުންކުރާ ނަރުފުރާފައި ހުންނަ ބައެއް އާލާތުގެ އެންމެ ފަލަނަރު
ބުރަފަތިލަފުޒުގެ އަރަތް
ނ ހުދުގޮޅިއާއި ކަޅުގޮޅި ޖަހައިފައި ހުންނަކުރެހުމެއް. މިއީ ދީފައި އޮންނަ ތަޢާރަފަކާ އެއްގޮތަށް ހުދުގޮޅިތަކުގައި މަތިންތިރިއަށާއި ހުރަހަށާއި ކަނުން ކަނަށް އަކުރުލިޔެގެން ބަސްބަސް ހަމަޖައްސާގޮތަށް އޮންނަ އަރަތެކެވެ
ބުރާޤުފުޅު
ނ ރަސޫލުﷲގެފާނު އިސްރާއާއި މިޢުރާޖުގެރޭ ދަތުރުކުރެއްވި ސަވާރީ
ބުރިކަށި
ނ (1) މީހާގެ ފުރަގަހުން ކަނދުރާއާ އުނަގަނޑާ ދެމެދު (2) ކަށިފޮތި
ބުރިމެކުނު
ނ ޅަމެކުނު )މިއީ ހަތަރުއިންޗިއާއި ހައިންޗިއާ ދެމެދުގެ ސައިޒުގެ މެކުނެވެ
ބުރިތައްޓު
ނ ކަމަރާގޭބިތާ ބޯރުދުއާ ދޭތެރޭގެ ފަންގިފިލާ
ބުރީވައި
ނ (1) ފުރަގަސް ފަރާތުބަލީގެ ބާވަތެއް މިބަލިޖެހުނީމާ އުނގަނޑުގައާއި ފުރަގަސްފަރާތުގައިވެސް ރިއްސާނެއެވެ އަދި ވައިބޭރުވުން ގިނަވާނެއެވެ (2) ދުރަނުވައި
ބުރުނީ ރައިވަރު
ނ ރައިވަރު ބައިން ކިޔައިފައި އޮންނަ ދޮން ހިޔަލައާއި އަލިފުޅުގެ ވާހަކަ
ބުރުނު
ނ (1) އަށާވީސް ނަކަތުގެ ތެރެއިން ދެވަނަ ނަކަތް (2) އައްސިދައާއި ކެއްޗާ ދެމެދުގެ ނަކަތް )ހުޅަނގު މޫސުމުގެ ދެވަނަ ނަކަތް(
ބުރުމާ
ނ ކަރަންޓުން ނުވަތަ އަތުން އަނބުރައިގެން ތޮރުފާން ގެންގުޅޭ އާލާތެއް މިހަދައިފައި ހުންނަނީ އެކިވަރުވަރުގެ ކަށިން ތޮރުފޭގޮތަށެވެ
ބުރުދާވަކަރު
ނ އުސްކޮށްހެދޭ ގަހެއްގެ ލަކުޑި. މިގަހުގެ ފަތުގެ ތަނޑިދިގުވާނެއެވެ ފަތް ހުންނަނީ ތުނޑުތުނޑުލައިފައެވެ މިއީ ހުދުކުލައިގެ މަލެއްއަޅާ ގޮފިބަލިގަހެކެވެ މިގަހުގެ އާރު ހުންނަނީ ދޮންމުށިކުލައެއްގައެވެ އާރުގައި މާޒާން ކުރެހުންހުރެއެވެ އާރުގެ ބޭރުއޮޅުފަށްހުންނަނީ ދޮންހުދުކުލައެއްގައެވެ ލަކުޑިގަނޑު މަށައިލުމުން މީރުވަހެއް ދުވާނެއެވެ
ބުރެކިރަބަރު
ނ އާންމުކޮށް ބައިސްކަލުގައި ބުރަކިޖެއްސުމަށް ބައިސްކަލްގެ ފުރޮޅުގެ ވޮށީގައި ޖެހެން ހުންނަ ރަބަރު
ބުޅަލުދޫ
ނ އާދަކޮށް ހަދާ ވަރަށްވުރެ ކުދިކޮށް ހަދައިފައި ހުންނަ ހުނިހަކުރު ފަތަފޮޅި
ބުޅިފޮށި
ނ މަސްބާނާ ބުޅިއާއި މިޔަވާއްޔާއި ކިރިލި ފަދަތަކެތި އަޅަން މަސްފިލާގަނޑުގައި ކަނޑައި ފައްތައިފައި ހުންނަ ފޮށި