radheef.info
ރަދީފު


ބާ
ނ (1) ތާނާއިގެ ފަސްވަނަ އަކުރަށް ކިޔާނަން. ނއ. (2) ބައު. (3) އާކަމުގެ އިދިކޮޅު. (4) ގިނަދުވަސްވެފައިވާ. (5) ގެންގުޅެފައިވާ. (6) ނ. ލަކުޑިއަށް ގެއްލުމެއް ލިބިގެން ހެދޭ ހޮއި ނުވަތަ ވާ ފީ. (7) އެއްޗަކަށް ގެއްލުމެއް ލިބިގެން ފޫގޮސްފައިވާ ލޯވަޅު. (8) އަންހެންލޯފިނދު. (9) ކުޑަކުދިންގެ ބަހުގައި ކީރިތި ޤުރުއާން ނުވަތަ ލިޔެފައި އޮންނަ ކޮންމެ އެއްޗެއް. )01( ބައެއް ސުއާލު ކުރާއިރު ފަހަތަށް ގެންނަ އަކުރެއް. މިސާލު: މިގޭގައި މީހަކުއުޅޭބާ ގަންނާނެއްބާ
ނާބަބޭލުން
މ ނާބަ ޖަހަންވާއިރަށް ނުޖެހުނުނަމަ ކުދިބޭކަލަކު ނާބަޖަހާބެރާ ދަނޑިގަނޑު ބާލައިގެން ދެގެދޭތެރެއަށް ގެންދިއުން )މިހެން ހަދައިފިނަމަ ދެން ނާބަޖެހޭނީ އަލުން އިޒުނަ ހޯދައިގެންނެވެ
ނާޅި
ނ (1) ގޮވާމުގެ ބާވަތްތައް މިނާން ގެންގުޅޭ ހަތަރު ލާހީގެ މިންވަރު ހުންނަ އެއްޗެއް (2) ހަތަރުލާހީގެ މިންވަރު އެއީ ގާތްގަޑަކަށް ދެރާތަލެވެ
ނިކަ
ނ (1) އަޅޯފައިބާ ބިޔަގަހެއް (2) ނިކަ ގަހުގެ މޭވާ މީގެ ރަތްކުލަޔާ ދޮންކުލަހުރެއެވެ
ނިކައަޅޯ
ނ ނިކަގަހުގެ އޮފިތަކުން ފައިބާމޫ މިމުލުގެ ޚާއްސަ ބޭނުމަކީ އޮޑިދޯނި ފަހަރުގެ ފަރުމާނު ހެދުމެވެ
ނިއުޅުންކުރުން
މ އެއްޗެއްގައި ހުންނަ މަޢުނަވީ ބަންދުކަމެއް މޮހައިލުމަށް ފަންޑިތަހެދުން ނުވަތަ ހަދާފައިވާ ފަންޑިތައިގެ ބާރު ކެނޑުވުމަށް ކަމެއް ކުރުން
ނިއުޅުންޖެހުން
މ ނިއުޅުންކޮށްފައި ކާށި ކުކުޅުބިސް ކިހަވައްފަދަ ތަކެތި ކޮންމެވެސް ތާކު ޖަހައި މުގުރައިލުން މިސާލު: މަސް ނުބޭވިގެން ދޯނި ބާލާއިރު ވަށާމަތި ކަންމަތީގައި ކާއްޓެއް ޖައްސަމުން ހިނގާފައި ދެން އެކާށި ތާކު ޖަހައި މުގުރައިލުން
ނިއްވުން
މ (1) އަލިފާން ހުޅާއި ދަރު އަލިފާނުން އަލިފާނުގެ އަސަރު ކެނޑުވުން (2) ރޭޑިޔޯ ޓީވީ އިންޖީނު ފަދަތަކެތި ހުއްޓައިލުން (3) ދިއްލައިފައި ހުންނަ ތަކެތި ދިއްލުމުގެ ބާރުކަނޑުވައިލުން (4) މަޖާޒު: ހިހޫފެނާ ހޫނުފެނާ އެއްކޮށްގެން ހޫނުކަން މަޑުކުރުން
ނިވަރަދަނޑި
ނ )ސ ( މަސްބާނަން ގެންގުލޭ މެދުމިނު ދޮށި
ނިދަންމިޔަރު
ނ މިޔަރުގެބާވަތެއް މިއީ ވަރުގަދަ ބޯހަންގަނޑެއް އޮންނަ ބަރުހެލި މިޔަރެކެވެ މިމިޔަރު ނިދައިފައި އޮންނައިރު އޮންނާނީ އެސޮރުގެބޯ ހަރުހަރަށް ވައްދައިގެންނެވެ މިޔަރުގެ ކުލައަކީ މުށިކުލައެވެ އުރަހަތައް ހުންނަނީ އަޅިކުލައެއްގައެވެ
ނިދިކުޅު
ނ ނިދީގެ ތެރޭގައި ފައިބާކުޅު
ނިތް
ނ ބުމައާއި ބޮލުގެ އިސްތަށިފެޅި ހިސާބާއިދެމެދު
ނިތްގަނޑު މިޔަރު
ނ )އ.( މެންދާ މިޔަރުގެ ބާވަތެއް . މިއީ އާދައިގެ މިޔަރަށްވުރެ ނިތްގަނޑު ބޮޑު އެހެން މިޔަރަށްވުރެ އުރަހަ ކުދިކޮށް ހުންނަ މިޔަރެކެވެ ހެލިފެލިވުމުގައި ތަންކޮޅެއް ހަރަކާތްލަސް މިޔަރެކެވެ
ނިލަމެހި
ނ އެމުގެ ބާވަތެއް މިއީ ރާއްޖޭގެ ފަޅުފަޅުގެ މުރަކަތަކާ ގާތަކުގައި ވަރަށް ގިނައިން އުޅޭ އެމެކެވެ މީގެ ކަންފަތްގަނޑު ބޮލަށްވުރެ ކުރުވާނެއެވެ މަހުގެ ނިގޫފަތުގެ ކޮޅު ހުންނަނީ ހިމަކޮށް އޫކޮށެވެ މަހުގެ ކުލައަކީ ފެހިނޫކުލައެކެވެ ދޮށީގެ މަސްވެރިކަމުގައި މިބާވަތުގެ އެން ވަރަށް ގިނައިން ބޭނުން ކުރަން ޖެހެއެވެ
ނިލަމެހިދައު
ނ އެންދަމާ ދަލުގެ ބާވަތެއް މިދައު އާދައިގައި ގެންގުޅޭ ދަލަށްވުރެ ގޮޅި ބޮޑެތިވެފައި ދާވެސް ތަންކޮޅެއް ކުޑަވާނެއެވެ
ނިގޫހުދުކޮކާމަސް
ނ ކޮކާ މަހުގެ ބާވަތެއް މަހުގެ ކުލައަކީ މުށިކުލައެވެ މިކުލައިގެ ތެރެއިން ނޫކުލައެއްވެސް ފާއްދާފައި ހުރެއެވެ ބަނޑުދަށް ފަރާތުގެ ކޮތަރިބައިގެ ކައިރިފަށާއި ކުޑަކޮތަރިބައިގެ ކައިރިފަށް ހުންނަނީ ނޫކުލައެއްގައެވެ ނިގޫފަތް ހުންނަނީ ދޮންކުލައިގައެވެ
ނިގޫދިގުހިކާ
ނ ހިކާގެ ބާވަތެއް މިމަހަކީ ހިމަދިގު ފެހިކުލައިގެ މަހެކެވެ މިފެހިކުލައިގެ ތެރެއިން ނޫކުލައެއް ފާއްދައިފައި ހުރެއެވެ ހުޅުނބުތަކުގެ ހުރަހަށް ރަތްކުލައިގެ ރޮނގެއް ފާޅުކޮށް ހުރެއެވެ މިމަހުގެ ބޮލުގައި ރަތްދަނބުކުލައިގެ ކުރެހުންތަކެއް ހުރެއެވެ ނިގޫފަތުގެ ދެފަރާތުކައިރި ނަރުވައެއްގެ ސިފައިގައި ދިގުކޮށް ހުރެއެވެ
ނިގޫދޮންނޫމަސް
ނ ފަރުމަހުގެ ބާވަތެއް. މިމަހުގައި ހުންނަނީ ނޫ ކުލައާއި ރީނދޫކުލައެވެ. މަތީ ކޮތަރިބަޔާއި ނިގޫފަތުގައި ހުންނަނީ ރީނދޫކުލައެވެ އެހެން ކޮތަރިތައް ހުންނަނީ ހުދުކުލައެއްގައެވެ ނިގޫފަތް ހުންނާނީ ވަރަށް ބޮޑަށް ކަފިވެފައެވެ
ނުރަމަދިރި
ނ )ހ ( މަދިރީގެ ބާވަތެއް:މިއީ ހުދުތިއްތިއް ޖަހައިފައި ހުންނަ މަދިރިޔެކެވެ
ނުކިޔަމަންތެރި
ނއ (1) ބޯނުލަނބާ (2) ބަސްނާހާ (3) ގޮތްދޫނުކުރާ
ނުކިޔަމަންތެރިން
ނ (1) ބޯނުލަނބާ މީހުން (2) ބަސްނާހާ މީހުން (3) ގޮތްދޫނުކުރާ މީހުން