radheef.info
ރަދީފު


މި
ނ ކައިރީގައިވާ އެއްޗަކަށް އިޝާރާތްކޮށް ބުނާ އިޝާރާތުގެ ނަމެއް މިސާލު: )ހ( މިފޮތް )ށ( މިކަންނެޔޮ
ހިމަނަގުލާމަސް
ނ ހަލުވިމަސް މިއީ ހަނދިމަހުގެ ބާވަތެކެވެ
ހިމަބިހި
ނ ހުންއައިސްފައި ގައިގެ ހަމުން ނުލާހިކު ގިނައިން ކުދިކުދި ބިހިތަކެއް ނަގާ ބައްޔެއް މިއީ ވަރަށް ފަސޭހައިން އެކަކުގައިން އަނެކަކު ގަޔަށް އަރާ ބައްޔެކެވެ މިބަލި ގިނައިން ޖެހެނީ ކުޑަކުދީންނަށެވެ
ހިމަބޯދު
ނ ބޯދީގެ އާއިލާގެ ބާވަތެއް މިއީ އެހެނިހެން ބޯދީގެ ބާވަތްތަކަށްވުރެ ހިމަ އެއްޗެކެވެ މީގެ ބަނޑުދޮށް ފަރާތުން ކަރުތާފަތާ ދިމާ ތިރީގައި ހުންނަ ކޮތަރިބައި ބޮލުގެ ދިގުމިނުގެ ދެބައިކުޅަ އެއްބައިހާ ދިގެވެ މަހުގެ ކުލައަކީ މަޑު ފިޔާތޮށި ކުލައެވެ މަހުގެ ތުނބުން ފެށިގެން ލޯހުރަސްކޮށް މަހުގެ ކަރުތާފަތްގަނޑުގެ ކޮޅަށް ގަދަމުށި ކުލައިގެ ރޮނގެއް ދެމިފައި ހުރެއެވެ
ހިމަކަން
ނއނ (1) ފަލަމިނުގެ އުނިކަން (2) ކަމީނާކަން (3) މަޖާޒު: ދެރަކަން
ހިމަކުރުން
މ (1) ފަލަމިނުން އުނިކުރުން (2) ކަމީނާކުރުން (3) މަޖާޒު: ދެރަކުރުން
ހިމަވުން
މ (1) ފަލަމިނުން އުނިވުން (2) ކަމީނާވުން (3) މަޖާޒު: ދެރަވުން
ހިމަގޮދަން
ނ ބާރްލީ މިއީ މަޝްހޫރު ގޮވާމެކެވެ
ހިމާރިޔަން
ނ (1) ސަމުގާގެ މިޞްރާބެއް (2) ގަލްބުގެ ދެކުނު މިޞްރާބު
ހިމާރު
ނ ތަކެތި އުފުލުމަށާއި ސަވާރުވުމަށް ބޭނުންކުރާ މަޝްހޫރު ޖަނަވާރެއް މިއީ އެންމެ ގަބު އެންމެ އަޑުހުތުރު ޖަނަވާރެވެ
ހިމުން
ނއ (1) ފުށްކުދި (2) ފުއްބޮޑުކަމުގެ އިދިކޮޅު (3) ރާޅުކަމުގެ އިދިކޮޅު (4) ދެގަނޑެއްޗެއް ޖެހިފައި ހުންނަލެއްގާތް (5) )މ ( އެދޭގޮތަށްވުން މިސާލު: އޭނާކުރާ ކަންތައް އަހަންނަށް ވަރަށް ހިމެއެވެ
ހިމުންވުން
މ (1) ފުއްކުދިވުން (2) ރާޅުކަންކުޑަވުން (3) ދެއެއްޗެއްގެ ފައްތަރު ގާތްކޮށް ޖެހުން (4) ހިންމިގާތްވުން
ހިމެނުން
މ (1) އަދަދުބެލުން (2) އަދަދުކުރުން (3) ބައިވެރިކުރުން މިސާލު: އެވަފުދުގައި އިތުރު މެންބަރަކު ހިމަނަން ޖެހެއެވެ
ހިމޭނުން
ކއ (1) މަޑުމައިތިރިކޮށް (2) އެގޮތްމިގޮތަށްނޫޅެ (3) ހިމޭންކަމުގައި
ހިފިހުރުން
މ (1) ތަތްވެފައި ހުރުން (2) އެގޮތް މިގޮތަށްނުވެ ހަރުލާ ހުރުން (3) ކިޔަމަންތެރިވެފައި ހުރުން (4) ބަންދުވެފައި ހުރުން މިސާލު: )ހ( ލޭހިފި ހުރުން )ށ( ދިޔަހިފި ހުރުން
ހިތަންމޭރެ
ނ )ގ ( ހިތަމިޔަރު
ހިތަމިޔަރު
ނ )އ ( ކަޅުތިކިތަކެއް ހުންނަ ރީނދޫ ކުލައިގެ މިޔަރެއް
ހިތާ
ނ (1) ހިތްޤަބޫލު (2) ހިތްރުހޭ (3) "ހިތުން" މިބަހުގެ ވާކަން (4) "ހިތުން" މިބަހުގެ އަމުރު
ހިތާވުން
މ (1) މީހެއްގެ ނުވަތަ އެއްޗެއްގެ މައްޗަށް ހިތް ލެނބުން (2) ހިތްޖެހުން މިބަސް ގިނައިން ބުނެއުޅެނީ އިންސާނުންގެ ދެޖިންސުގެ ދެމެދުގައި ހިންގާ ލޯތްބަށެވެ (3) ޤަބޫލުވުން
ހިތި
ނ (1) ހަބަރުގައި ހުންނަރަހަ. (2) ބާވަތެއްގެ ފަތްކުދި ބޮޑުގަހެއް. (3) ހިތިގަހުގެ އޮށް. (4) ބަތާލައިގެން ކާން ފުނޑި ހަވާދުނުލާ ކައްކާ ދޮންރީނދޫ ކުލައިގެ ދިޔައެއް. މީގެ ތެރެއަށް ހިތި ދަމުއިލުމީ ކޮންމެހެން ބޭނުން ކަމެކެވެ. (5) ހިޔާނުކޮށް ހުންނަ ފެންގަނޑުގައި އުފެދޭ ދޮން ފެހި ކުލައިގެ ކުދިކުދި ދިރޭއެއްޗެއް. މީގެ ބޮޑުމިންވާނީ ގެރެވިފުކެއް ވަރެވެ. އެކަމަކު އޭގެ ސަބަބުން މުޅި ފެންގަނޑު އޮންނާނީ އޮލަވެފައެވެ. (6) ބަބުކޭލުގެ ތެރޭގައި ހެދިފައި ހުއްޓާ ފެންނަ ފެހިކުލައިގެ ބައްޔެއް. (7) ރަމަޟާންމަހުގެ 22، 24، 26، 28 މިދުވަސް ދުވަހާއި މިދުވަސްދުވަހާއި ވިދިގެން އަންނަރޭރޭ ކޮށްއުޅުނު ރަސްމީ ކަންތައްތަކެއް (8) ނއ ރަހައާއި ގުޅޭ ގޮތުން ބޭނުންކުރާ ނަންއިތުރެއް މިސާލު: ހިތިބޭހެއް (9) މަޖާޒު: ކަމަކުންނުކުންނަ ދެރަނަތީޖާ: މިސާލު ހިތިނަތީޖާ (10) ހިތަށްކުރާ ވޭނީ އަސަރު މިސާލު: ހިތިހިތާމަ (11) "ހިތުން" މިބަހުގެ ނިމިނިމުނުކަން
ހިތިބަދަން
ނ ބޭހަށް ބޭނުންކުރާ އެއްޗެއް މީގެ ތޮށިގަނޑު ހަރުވެފައި ތޮށިގަނޑުގެ ކުލަ ހުންނާނީ ފެހިކުލައެއްގައެވެ މިއީ ކާފޫރުތޮޅިއަށްވުރެ ކުޑަކޮށް އެކަހަލަ ސިފައަކަށް ހުންނަ އެއްޗެކެވެ ބޭހަށް ބޭނުންކުރަނީ އެތެރޭގެ މަދެވެ