radheef.info
ރަދީފު


ދަނޑި
ނ (1) ގަސްގަހުގައި ލަކުޑިޔަށްވުރެ ހިމަކޮށް ދިގުކޮށް ހެދިފައި ހުންނަ ގޮފި (2) އެއްތަނޑިޔަށް ހެދިފައި ހުންނަ ވަކިފަލަމިނެއްގެ ގަހެއްގެ މައިގަނޑަށް ބިމުން ވަކިކޮށްލީމާ ކިޔާގޮތް (3) ލަކުޑިން ވައްކޮށް ހިމަދިގުކޮށް މަށައިފައި ހުންނަ އެއްޗެހި (4) އިރު ހިނގާ މަގު މިސާލު: އުތުރުދަނޑި (5) މަޖާޒު: ހިމަދިގުކޮށް ހަރުކޮށް ހުންނަ އެއްޗެހި
ފިލިދަނޑި
ނ )ޅ ( ބޯދި ނަގާއިރު މެދުރީގެ ތުންފަތުގައި ބަނދެފައި އޮންނަ ދަނޑި
ފީއްސުން
މ )ހ ( (1) ފަންވަތުން އިލޮށި ވަކިކުރުން (2) ދަނޑިން ވަކަ ވަކިކުރުން
ފުނަ
ނ (1) މީރުވަހެއްދުވާ ހުދުމަލެއް އަޅާ ބިޔަކޮށް ހެދޭ ލަކުޑި މޮޅުގަހެއް. (2) ފުނަގަހުގައި އަޅާ އޮށް. (3) ރާގުގެ ހަމައިގެ އިތުރަށް ލެވޭ ދަނޑިވަޅެއް. (4) ބަސް ބުނާއިރު މާނަ ބަދަލުވާގޮތަށް ވައްދާ އިތުރު ބަސް ނުވަތަ އަކުރު. މިސާލު: ލަވަ ފައްލަވަ ކާރު ބޭކާރު
ފުނަޖެހުން
މ (1) ބެރާއި ތާރަ ފަދަ އެއްޗެހި ޖަހާއިރު މާނައިގެ ތެރެއަށް ދަނޑިވަޅެއް އިތުރުކުރުން. (2) ވާހަކަ ދައްކާއިރު ބަހުގެ ކުރިއަށް އަކުރެއް ދެއަކުރެއް އިތުރުކޮށްގެން ބަސް ބަދަލުކޮށްލުން. މިސާލު: ކާރު މައްކާރު ލަވަ ފައްލަވަ
ފުރާޅުބަނުން
މ (1) ފަންލާން ފުރާޅުހެދުން )ގެތުން( (2) މަޖާޒު: ކުޅިޖަހާއިރު ހަލާދަނޑިން ފުރާޅެއްގެ ގޮތްދެއްކުން
ފުރާޅުދުނބުރި
މ ފުރާޅުގަތަން ބޭނުންކުރާ ދުނބުރި ދަނޑި
ފުރުޞަތު
ނ (1) ދަނޑިވަޅު (2) ހިނދުކޮޅު (3) ތަންވަޅު (4) ވަގުތު
ފުކުރޮދި
ނ )ޏ ސ ( ފޫޅު ދަނޑި
ފުކުރޮދިގަނޑަ
ނ )ސ ( ފޫޅު ދަނޑި
ފޫ
ނ (1) ބައެއް ކަހަލަ ކާއެއްޗެހި ގިނަ ދުވަސްވެ ހަލާކުވެގެން ނުވަތަ ވައި ބަންދުވެ ދުވަސްވެގެން އޭގައިޖަހާ ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް. މިއީ ދިރުން ހުންނަ ހުދުކުލައަކަށްދާ އެއްޗެކެވެ. ދުވަސް ވީވީހެން ކުލަ ބަދަލުވަމުންގޮސް ކަޅުކުލައަށް ބަދަލުވެއެވެ. (2) ދާ ހިއްލާ ހިކުނީމާ ގައިގަޔާއި ފޭރާމުގައި ހުންނަ ހިކިފައިވާ ލޮނު. (3) ޖަންބާއި ޖަނބުރޯލުފަދަ ތަކެތީގެ މަލުގެ ފިޔަ ވެރުނީމާ މޭވާއަކަށްވުމުގެ ކުރީގައި ހުންނަބައި. (4) އެއްޗެހި ހަރުލާގޮތަށް ހުންނަ ކޮންމެ އެއްޗެއްގެ އަޑީގެ ދެފަރާތް. މިސާލު: ތެލި ވަޅު ތާނގީ ދަޅުފަދަ އެއްޗެހީގެ ފޫ (5) މަސްއަރީގެ ނިމޭކޮޅު (6) ދަނޑި ނުވަތަ ރިތް ފަދަ ތަކެތީގެ ފަލަކޮޅު (7) ފިނދުމަސްގަނޑު (8) މޭވާއާއި ތަރުކާރީފަދަ ތަކެތީގެ ތަނޑު ހުންނަކޮޅު ނޫން އަނެއް ކޮޅު
ފޫޅު
ނ (1) އިންސާނުންގެ ބަނޑުގެ މެދުގައި އަޑިވެލާފައި ހުންނަތަން މިއީ ބަނޑުގައި އޮންނައިރު މަހުގެ ފޫޅުދަނޑި ގުޅިފައިވާ ތަނެވެ (2) ވިހާއިރު އޮންނަފޫޅު ދަނޑި ކަނޑާލީމާ އޮންނަ ތަންކޮޅު (3) މަޖާޒު: ބަލިކަށި (4) ވާދަކޮށްގެންވާ ދެރަ
ފޫޅުހިކުން
މ ކުއްޖާ ދުނިޔެއަށް އުފަންވާއިރު މަހާ ފޫޅާ ގުޅިފައިވާ ފޫޅުދަނޑިން މަސް ވަކިކޮށްލާއިރު ބާކީ ބާއްވާ ތަންކޮޅު )ފޫޅާ ގުޅިފައިވާ ތަންކޮޅު( ހިކުން
ފޫޅުކެނޑުން
މ (1) ކުއްޖަކު ދުނިޔެއަށް އުފަންވާއިރު އެކުއްޖާއާއި ގުޅިފައި އޮންނަ ފޫޅު ދަނޑި ވަކި ހިސާބަކުން ބުރިކޮށްލުން (2) މަޖާޒު : ނުދަނެހުރި މީހަކާ ކަމެއް މަތިކުރުން
ފޫޅުދަނޑިތެޔޮ
ނ ފޫޅުދަނޑިވަޔަށް ހަދާ ތެޔޮ
ފެހުރުގުންޑާ
ނ އިރުވައިގައި އެއްލާގުޑިއެއް މިއީ ތެލަނގަޔާ ވައްތަރުގޮތަކަށް ބޮޑެތިކޮށް ދިއްގާދަނޑިން ހަދައި ފަރަންޖީ ކަރުދާސް ހިއްޕައިފައި ނަގޫލައިގެން އެއްލާ އެއްޗެކެވެ
ފެންބަތްމަތާ
ނ )ރ ( ރިޔާ ދޯނިފަހަރުގެ އެންމެ ދިރުނބާކޮޅުން ނަގާ ޖީބުރިޔާ ނެގުމަށް ދޯނީގެ ކުރިޔަށް ނެރެފައި އޮންނަ ދަސްތޫރަޔަށް ގަދަކުރުމަށް ޓަކައި ދޯނީގައި އެއްކޮޅުން ވިއްދައި އަނެއްކޮޅު ވަލުގައި ވިއްދައިފައި ހުންނަ ދަނޑިގަނޑު
ފެންދަނޑިގަނޑަ
ނ )ސ ( ފެންދަނޑިގަނޑު
ފޮރޯދަނޑި
ނ )ސ ( ފުރޯދަނޑި
ފޯލި
ނ (1) ގަތާފައިގައި އެއްޗެހި ގެތުމަށްޓަކައި ރޮދިއަޅަން ގެންގުޅޭ އެތި. މިހުންނާނީ އެއްކޮޅަށް ފަލަކޮށް އަނެއް ކޮޅަށް ހިމަކޮށް ބޮލެއް ލައިފައެވެ. (2) މަންޑި ކުއްލިފަދަ އެއްޗެހި ކުޅޭ އިރު ގެންގުޅޭ ދަނޑި ބުރިތައް (3) ބަށިކުޅޭ އިރު މައްޗަށް ބޯޅައެއްލައިފައި ފިލާގަނޑުން ނުވަތަ އަތުން ޖަހާ ކޮންމެ ފަހަރެއް (4) ވިޔަފިލާގަނޑުގައި ލިއަން ގެންގުޅޭ ހިމަދިގު އެއްޗެއް
ފޯލިޖެހުން
މ (1) މަންޑިކުޅޭއިރު ފޯލިދުރަށް ފޮނުވައިލުމަށްޓަކައި ދަނޑިގަނޑުން ފޯލީގައި ޖެހުން. (2) ބައްޓާއި ކުއްލި ފަދަ ކުޅިވަރުތަކުގައި ބޯޅަ ނުވަތަ ދަނޑިކޮޅު މައްޗަށް އެއްލައި އެކަމަށް ޚާއްސަ ކުރެވިފައިވާ އެއްޗަކުން އޭގައި ޖެހުން