radheef.info
ރަދީފު


މޫ
ނ (1) ގަސްގަހާ ގެއްސާއި ވެޔޮވެލާވެލީގެ ބުޑުން ފަޅައިގެން ބިމުގެ ތެރެއަށް ދެމިފައިން ހުންނަ ބައި. (2) ގަހަށް ކާނާ ހޯދައިދިނުމާއި ގަސް ބިމުގައި ހިފިހުރުމުގެ ބާރެއްކަމުގައި ހިމެނޭ ބައި (3) ހަށިގަނޑުގައި އުފެދޭ ބަލިބަލީގައި މަސްގަނޑުގެ ތެރެއަށް ފެތުރެމުން ހެދެމުންދާ ރޮދިފަށްތަކެއްހެން ހުންނަބައި
މޫނުއެޑުން
މ )ޏ ސ ( މޫނު އެޅުން
މޫނުމަތި
ނ (1) މޫނަށްވީ ހިސާބު. (2) މޫނުގެ ސިފަ ބަދަލުކުރުމަށްޓަކައި އަލަށް ހަދައިފައި ހުންނަ އެއްޗެހި (3) ފީނާއިރު ލޯރައްކާތެރި ކުރުމުގެ ގޮތުންނާއި ފަސޭހައިން ތަންތަން ބެލުމަށްޓަކައި މޫނުގައި އަޅަން ހަދައިފައި ހުންނަ އެއްޗެހި (4) ގަޑިއާއި ސަމުގާ ފަދަ އެއްޗެހީގެ އަކުރުތައް ޖަހައިފައި ހުންނަފަރާތް (5) ކުރިމަތި
މޫނުމަތިމިލުން
މ (1) ދެރަވުމުގެ އަސަރު މޫނުމަތިން ފާޅުވުން (2) މޫނުމަތީގެ ތާޒާކަން ނެތުން
މޫނުމަތިތަޅާލުން
މ މޫނުމަތިން ތަނެއް ހަލާކުވުން ނުވަތަ ހަލާކު ކޮށްލުން
މޫނުދެކެންދިއުން
މ މައްޔިތާ ކަފުންކޮށް މޫނު އެޅުމުގެ ކުރިން އެމީހެއްގެ ގާތަށް ދިއުން
މޫނުދޮންނަތަށި
ނ މޫނު ދޮވުން ފަދަ ކަންތަކަށް ބޭނުން ކުރަން ހުންނަ ތަށި )ޢާއްމުކޮށް މިތަށި ހުންނާނީ ފާޚާނާގައެވެ
މޫނުޖެހުން
މ މަޖާޒު: މޫނު ކެނޑިފައި ތިބި ދެމީހުން ނުވަތަ ބަޔަކު އަލުން ގުޅުން
މޫކެނޑުން
މ (1) މަސްދޯނީގައި މަސައްކަތެއް ކުރެވޭ ވަރު ނުވާތީ މަސްބައެއް ދީފައި ރަށުގައި ބަހައްޓައިގެން އެމީހާލައްވާ އަހިމޫ ކެނޑުވުން މިއީ ދަލުގައި ކުލަޖައްސަން ކުރާކަމެކެވެ (2) މަޖާޒު: ކުރާވަކި ކަމެއްނެތި ރަށުގައި ގިނަވެގެންއުޅޭ އުޅުމަށް ވެސް މިހެން ކިޔައެވެ
މޫމިޔާ
ނ ބޭހަށް ބޭނުން ކުރާ އެއްޗެއް. މިފެން ފޮދަކަށްލީމާ އޭތިކޮޅު މަތީގައި އޮވެފައި އަޑިޔަށް މޫތަކެއްހެން ކުލަ ފައިބާނެއެވެ
މޫދަ
ނ )ލ ( މޫދު
މޫދަށްއެރުން
މ މޫދަށް ފޭބުން
މޫދު ކަކުނި
ނ މޫދުގައި އުޅޭ ކަކުނި
މޫދުބުޅާ
ނ ރަންގުބާޅު )މިއީ މޫދުގައި އުޅޭ ހުއިފިލަނޑާ ފާޑުގެ އެއްޗެކެވެ މީގެ އެތެރެ ހަށިން ދަނބުރަންގު ކުލައިގެ އެއްޗެހިތަކެއް ދުއްވާހަދައެވެ
މޫދުކައްޓަލަ
ނ މޫދު ކައްޗޭ. )މުޅި ގައިގައި ކަށިފަޅައިފައި މޫނުމަތި މާގަނޑެއްގެ ސިފައިގައި ހުންނަ ކަޅުކުލައިގެ ދިރޭ އެއްޗެއް( މިއުޅޭނީ މޫދުގައެވެ
މޫދުއެޅުން
މ (1) ފޭރާން ފަދަތަކެތި ދާފިލުވަން ފަސޭހަޔަކަށް މޫދަށްލައި ފައްތިޔަލުގައި އެޅުން (2) ދަނޑި ދޮށި ލަކުޑި ފަދަތަކެތި އޮއިކުރުން
މޫދުމައު
ނ މޫދުގެ ވެލިގަނޑު ތެރޭން ފަޅައިގެންހެދޭ މަލެއްގެ ސިފައިގައިހުންނަ އެއްޗެއް
މޫދުމަސް
ނ މޫދާއި ކަނޑުގައި އުޅޭމަސް
މޫދުމެހި
ނ މޫދުމަކުނު
މޫދުފައްޓަރު
ނ ގަޅިކަނޑާފައި ހުންނަ ވެންފާޑުގެ އެއްޗެއް. މިއަށް ކައްޗަލަ ނުވަތަ މޫދުކައްޗޭވެސް ކިޔައެވެ
)މުސްކުޅިބަހެއް( ކޮންމެ މީހަކަށްވެސް އިންނާނެ މީހަކު ނުވެ ނުދާނެކަން ޔަޤީންކޮށް ދިނުމުގެ ގޮތުން ބުނެއުޅޭ ހިތްވަރުގެ ބަހެއް މޫދުގަލަކަށްމަހެއްވެއެވެ