radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ހަތަރު ޚަލީފާ
ނ (1) އަބޫބަކުރުގެފާނު (2) ޢުމަރުގެފާނު (3) ޢުޘްމާނުގެފާނު (4) ޢަލީގެފާނު
ހަތަރުބޯފޮޅި
ނ ބޯފޮޅި ފިހެގެން މައްޔިތުންގެ މައްޗަށް ފާތިޙާ ކިޔަވައި އުޅުނު 4 ދުވަސް (އަހަރެއްގައި އަންނަނީ މިބާވަތުގެ ހަތަރު ދުވަހެވެ.) އެއީ (1) ރަޖަބު ބޯފޮޅި، ޖުމާދަލްއާ ޚިރާމަހު 29 ވަނަދުވަސް، (2) ހިޔަރަކާތްބޯފޮޅި، ޝަޢުބާންމަހު 14 ވަނަދުވަސް، (3) ރޯދަބޯފޮޅި، ޝަޢުބާންމަހު 29 ވަނަދުވަސް، (4) ހައްޖުބޯފޮޅި ހައްޖުމަހުގެ 8 ވަނަދުވަސް. ). މިގޮތަށް ފިހާފޮޅި އެދުވަސް ދުވަހުގެ ހަވީރު މިސްކިތަށް ގެންގޮސްގެން ހުރިހާ މައްޔިތުންނަށް ފާތިހާ ކިޔަވައި ހަދައެވެ. އިހުގައި މި ރާއްޖޭގެ ކޮންމެ ގެއެއްގައިމެ މި ފޮޅިފިހެ ފާތިހާ ކިޔަވައެވެ.
ހަތަރުއަވަށް
ނ މާލޭގެހަތަރުބައި އެއީ ހެންވޭރު މާފަންނު ގަލޮޅު މައްޗަންގޮޅި
ހަތަރުއާރު
ނ ސައިޙޫނު ޖައިޙޫނު ފުރާތު ނީލް
ހަތަރުއުދަރެސްފެނުޖެހުން
މ (1) ހިކިފަސްތަނެއް ފެންނާންނެތުން (2) މަޖާޒު: ކަމަކާމެދު ފިކުރުކޮށްކޮށް ގޮތެއްނުފެނުން
ހަތަރުމަސްދިހަވުން
މ (1) މީހަކު މަރުވާތާ ހަތަރުމަހާ ދިހަދުވަސްވުން އެދުވަހަކީ މަރުވިމީހާގެ މައްޗަށް ފާތިހާ ކިޔަވާ ދުވަސްތަކުގެ ތެރޭން ބޮޑު ދުވަހެކެވެ (2) މަރުވިމީހާގެ އަނބިމީހާ ބަލިވެ އިންކަމުގައި ނުވާނަމަ ޢިއްދަ ހަމަވުން
ހަތަރުމުރިނގު
ނ (1) އަރާމުރިނގު (2) އޮއްސޭމުރިނގު (3) މުރިނގު އީރާން (4) މުރިނގު އަސްތަމާން ބަސްބޭނުންކުރާ މިސާލު: ކަލެއަކީ ހަތަރު މުރިނގުވެސް ނުދަންނަމީހެކެވެ
ހަތަރުފަށްއެއްތެޔޮ
ނ ސިޔާސީ ބޮޑެތި އަދަބު ދިނުމަށްޓަކައި ހަތަރު އެއްތެލުން ހަދައިފައި ހުންނަ ހަންމުށި މީގެ ކުރީކޮޅު ހުންނާނީ ހަތަރުފަށް ވަކީންނެވެ ފަހަތުގައި އެއްތެޔޮ އޮޅައި ހަތަރުފަށް އެއްކޮށްފައެވެ މިހަންމުށި އޮންނަނީ އެތެރެކޮއިލުގައެވެ
ހަތަރުފަރާތް
ނ (1) އުތުރު ދެކުނު އިރު ހުޅަނގު. (2) ކުރިމަތި ފުރަގަސް ކަނާތްފަރާތް ވާތްފަރާތް
ހަތަރުފަތިފޭލި
ނ އިހުގައި އަންހެނުން އަނދެއުޅުނު ފޭއްޔެއް. މިފޭލިވިޔެފައި ހުންނަނީ އެއްތަތުނުގައި ހަތަރުފޭލި އޮންނަ ވަރަށް ފުރައިގެންނެވެ. މި ތިންފަތި ފޭއްޔަށްވުރެ ދެރަވާނެއެވެ
ހަތަރުފަލުކުނާ
ނ ރާއްޖޭގައިވިޔާ ދުރުދުރުގައި ރޮނގުހުންނަ ކުނަލެއް މިއަށް މިނަން ކިއުނީ ވާރުނެގި ޒަމާނުގައި ހަތަރު ފައު ބޮލީގެ ބަދަލުގައި މިކުނާ ޤަބޫލުކުރާތީއެވެ
ހަތަރުދަން
ނ (1) ދުވާލު ނުވަތަ ރޭގަނޑުގެ ހަތަރުބައި (2) މުޅި ދުވާލު ނުވަތަ މުޅި ރޭގަނޑު (3) ސާޅީސްއަށް މޭލުގެ ދުރުމިން
ހަތަރެއް
ނ ގުނުމުގެ ހަތަރުވަނަ ޢަދަދުގެ ނަން
ހަތަރެސްދުވާރަ
ނ (1) އެއްޗެއްގެ ނުވަތަ ތަނެއްގެ ހަތަރުފަރާތް (2) ހަތަރުބިތް
ހަތައިވަރަ
ނ ޤައުމީ އުފެއްދުންތެރިކަމުގެ މިންވަރު. މީގައި ބަލަނީ ވަކި މުއްދަތެއްގެ ތެރޭގައި )މިސާލަކަށް އަހަރު ދުވަހަކަށް( ތަނުގައި އުފައްދާ ހުރިހާ އެއްޗަކާއި ދޭ ޚިދުމަތާއި ތަނުގެ މީހުން ބޭރުގައި ކުރާ ޚިދުމަތަށް ލިބޭ އަގުގެ ޖުމްލައިން ބޭރަށްދާންޖެހޭ ހުރިހާ ޚިދުމަތެއްގެ އަގު ކެނޑީމާ ނުކުންނަ އަދަދެވެ
ހަތާ
ނ (1) މޫދުގައި ތުނިކޮށް ފަތިކޮށް ފެތުރި ހެދޭ ގައު (2) ތުނިގައު ފޮތި ފޮތި (3) ކުޅަނދުރު އުޅޭން އެ އެއްޗިހި ހަދާގެ (4) ދިރޭއެއްޗެއްގައި ދިރުންހުންނަ އެންމެ ކުޑަބައި ހުރިހާ ދިރޭއެއްޗެހި އެއެއްޗަކުން އުފެދިގެންވާ އަސާސީމާއްދާ މައިކްރޯބްފަދަ ސާދާ ދިރޭއެއްޗެހި އުފެދިފައިވަނީ އެންމެ ހަތަޔަކުންނެވެ އިންސާނުންފަދަ އޮޅުން ބޮޅުން ބޮޑުއެއްޗެހި އުފެދިގެންވަނީ އެތައް މިލިޔަން ހަތާތަކަކުންނެވެ
ހަތާވީސް ކިޔެވުން
މ އިހުގައި ކޮންމެ ރޯދަމަހެއްގެ 72 ވިލޭރޭ ދަރުމަވަންތަ ރަސްގެފާނު މިސްކިތުގަޔާއި ދެގެދޭތެރެގަޔާއި ކުޑަކިބާ ބޭރު ގެކޮޅުތެރޭގައި ޤުރްއާން ކިޔެވުން. މިކަން ކުރަން ފަށަނީ ތަރާވީސްކޮށް ނިމުނީމާ ދަރުމަވަންތަ ރަސްގެފާނު މިސްކިތުގައި ބޮޑުކިޔެވެނިންނާއި ކުދިކިޔެވެނިންނެވެ. އޭރު 72 ފުކުގައި ދިއްލާފައި ހުންނާނެއެވެ. ކިޔަވާނީ ފޮތް ފޮއްޓެކެވެ. އެއަށްފަހު ގަނޑުވަރުތެރެއަށް ދުރުވެ ދެގެ ދޭތެރޭގައެވެ. މިވަގުތު ކުޑަކިބާ ބޭރުގެކޮޅު ތެރޭގައި ޚަތީބުބޭކަލަކު ފޮތް ފޮށިކޮޅެއް ބެހެއްޓެވީމާ. "ތިންމަހުރޯދަކިޔަވަން" އަށްޓަށް ދުރުވި ބޭކަލުން ނައްކާރަ ޖަހަންދެން ކިޔަވާނެއެވެ. ފަހަކަށް އައިސް މިކިޔެވުން ކިޔެވީ ހުކުރު މިސްކިތު ހަރުގޭގައެވެ
ހަތާތަޅައިލުން
މ (1) ކުޅަނދުރުގެހަތާ ހަލާކު ކޮށްލުން (2) މަޖާޒު: ތިމާއުޅޭގެ ނުވަތަ ތިމާ އެތަނަކާ ގުޅިފައިވާތަނެއް ތިމާގެ ކިބައިން ނިގުޅައިގަތުން ނުވަތަ ނައްތައިލުން
ހަތިކޮޅު
ނ (1) މަޑައިގައި ހަރުކޮށްފައި އޮންނަ ހެތުރު މަޑަދަނޑީގައި ކުޑަގޮތަކަށް ހަރުކޮށްލުމަސް ބޭނުންކުރާ ބަލިބަލި ވަކަފަށްފަދަ ތަކެތި. (2) ކުރުމަހަށް ބުޅިންޖެހުމަށް ބުޅީގައި ހަރުކޮށްފައި އޮންނަ ހެތުރު ދޮށްދަނޑީގައި އައްސާލުމަށް ގެންގުޅޭފަށް. (3) ފައްތައިގެން މަސްވެރިކަން ކުރާއިރު އެންގަނޑު އަޅާފައި އޮންނަ ބުޅި އަޑިއަށް ފޮނުވުމަށް ބުޅިގައިލާ ބަރު އައްސާފައި އޮންނަ ފަށް. އެ ބަރު އަޑީގައި ޖެހުމުން މައްޗަށް ނަގައި ނަނު ތަޅުވާލީމާ ހަތިފަށް )ހަތިކޮޅު( ކަނޑައިގެން ހިގައިދާނެއެވެ. (4) މާލެ އަތޮޅު ހުޅަނގު ދެކުނު ކަންގައި އޮންނަ ކަނޑުއޮޅިއެއް މިކަނޑުއޮޅި ވަރަށް ދުރުން ހޭލަމުން ގޮސް ވަރަށް ތިލަވާނެއެވެ
ހަތިފަށް
ނ (1) ބައެއް ޒާތުގެ ކެޔޮޅުކަމުގޮސް ނަނު ނުވަތަ ހެތުރު ފައްތައިފައި އޭގައިޖަހާ ހިމަ އެތިފަށް މިހުންނާނީ ދޯނިން ބޭރަށް ދަނޑިބުރިއެއް ދިއްކޮށްފައި އޭގައި އެއްކޮޅު ބައްދައިފައި އަނެއްކޮޅު ހެތުރުގައި ބައްދައިފައެވެ (2) ރޯނުގަނޑެއްގެ އެއްކޮޅު ބޮޑުގަލެއް ނުވަތަ ތުން ބަނދެފައި އޮންނަ ވެލިގޯންޏެއްގައި ބައްދައި އަނެއްކޮޅު ދޯނިއަޅާ ވަލުގައި ބައްދާ އެތިފަށް