radheef.info
ރަދީފު


ހަމަ
ނ (1) އިންސާފު (2) އެއްވަރު (3) ތިންހަމަ ކުޅޭއިރު އެއްކަހަލަ ތިންފުށްވާދިމާ (4) ބެރާލަވަޔާވާއެކު (5) އކ އެއްވެސް ބޭނުމެއްނެތް ކަމުގެ މައްޗަށް ދަލީލުކުރާ ބަހެއް މިސާލު )ހ( ހަމައައީ )ށ( ހަމައިނީ (6) ވުމުގެ މައްޗަށް ނުވަތަ ނުވުމުގެ މައްޗަށް ބަސްގަދަކުރުމަށްބުނާ ބަހެއް މިސާލު: )ހ( ހަމަނުފެނުނޭ )ށ( ހޯދީވިއްޔާ ހަމަފެންނާނެއޭ
އަދާވުން
މ (1) ދޭން އޮތް އެއްޗެއްދީ ޚަލާޞްވުން (2) ހަމަވުން (3) ފުރިހަމަވުން
އަދާލަތް
ނ (1) ޢަދުލުވެރިކަން (2) ހަމަހަމަކަން (3) ޢަދުލު އިންސާފު ހިންގާ ތަން (4) ރަސްރަސްކަލުންނާއި ވެރިން ޢަދުލުއިންސާފުން ކަންތައް ހަމަޖެއްސުމަށް ނުކުމެވަޑައިގެން އިންނަވާ މަޖިލިސް (5) އަމުރު މަޢުރޫފު ހިންގަވާތަން
އަތުންއަތަށް
ކއ މެދުވެރިއެއްނެތި އެކަކު އަތުން އަނެކަކުއަތަށް ހަމަ އެ ތަންވަޅު އަގު ދިނުމަށް ބުނާ ގޮތެއް
އަތުބާރުއެޅުން
މ ދެމީހުން ދެފަރާތުގައި ތިބެގެން ދެމީހުންގެ އަތުގެ އުޅަނބޮށި ހަމަތާކުޖައްސައިގެން އެކަކު އަނެކަކުގެ އަތްތިލާގައި ހިފައިގެން އަތްތިލަގެންގޮސް އެތާ ޖައްސާފައި ހިފަހައްޓާން އުޅުން
އަތުލުން
މ (1) އަތްދަށުލުން (2) އަނެކެއްގެ އަތުގައި އޮތްއެއްޗެއް ދަމައިގަތުން (3) ލިބިގަތުން މަޖާޒު: (4) ކުރީގައިވާ މީހަކާ ނުވަތަ އެއްޗަކާ އަރައި ހަމަކުރުން (5) ދޭހަކުރުން
އަތްމަތިފޯލި
ނ ބަށިކުޅޭއިރު ސައްޕުޖަހާފައި ދެންޖަހާފޯލިތަކެއް މިފޯލިތައް ހަމަވެއްޖެނަމަ ނުވަތަ މިއިންފޯއްޔެއްގައި އަތްޖެހިފައި ނުހިފުނުނަމަ ދެންޖަހާފޯލި ޖެހުމުން ލަނޑުދެވުނީއެވެ
އަގުބޮޑު
ނއ (1) ހަމައަގަށްވުރެ ބޮޑު (2) އަގުހެޔޮކަމުގެ އިދިކޮޅު (3) މަޖާޒު: މޮޅު
އަގުބޮޑުކުރުން
މ ހަމައަގަށްވުރެ އިތުރުކުރުން
އަގުބޮޑުވުން
މ އެއްޗެއްގެ އަގު ހަމައަގަށްވުރެ މައްޗަށް ދިއުން
އަގުމަގުކުރުން
މ އަގުހަމަޖެއްސުން
އަގުދިންހިސާބު
ނ (1) އެއްޗެއް ފުރިސިކާރަވާ ހިސާބު (2) މައްޗާއި މަތިހަމަވާ ހިސާބު
އަގުޖެހުން
މ (1) އެއްޗެހިތަކެއްގެ އަގުލިއުން (2) ހަމައަގަށް އައުން
އަސްކަރު
ނ އައްސުލްޠާނުލް ޣާޒީ މުޙައްމަދު ތަކުރުފާނުލް އަޢުޒަމް ސިރީސަވާދީއްތަ މަހާރަދުން ރާއްޖެ އިސްލާމު ކުރެއްވުމަށްފަހު ބައެއް ރަށްރަށު މީހުން ނުކިޔަމަންތެރިވެގެން އެކަން ހަމަޖައްސަވާން ހަވަރުގެ ތެރެއިން އެކިބައިމީހުން އެކިރަށްރަށް ފޮނުއްވިއިރު އުތުރުގެ ރަށްރަށަށް ފޮނުއްވި މީހުންެ. އެމީހުން ދިޔަ ރަށްރަށް އެމީހުންނަށް ދެއްވީއެވެ. އަސްކަރުންގެ އޮންނަނީ ދޮށިމޭނާގެ ހަކުރާގެ މާފަތްގެ ވެލާނާގެ ދަހަރާގެ މިފަސްގެއެވެ ފަސްގެ އެކުގައިނަމަ ކިޔަނީ "ފަހޮޅި" އެވެ ވަކިވަކީންނަމަ "ގެ" އެވެ އެހެނިހެން އޮޅިމެދެކޭ އެއްފަދައިން އަސްކަރުންނަށްވެސް މާލޭގައި ކުރަންޖެހޭ ވަކިވަކި ކަންތައްތައް ހުރެއެވެ
އަޑި
ނ (1) ހަމައަށްހުރި އެއްޗެއްގައި ހުންނަ ވަޅުކޮޅު. (2) ފުންކޮށް ހުންނަ އެއްޗެއްގެ ނުވަތަ ތަނެއްގެ އެތެރޭގެ ތިރީބައި. މިސާލު: (ހ) ފޮށީގެ އަޑި (ށ) ވަޅުގެ އަޑި (ނ) ކަދާ އަޑި (ރ) ރުނބާ ގޯނި ފަދަ އެއްޗެތީގެ އަޑި (3) ފޯއްކިބައެއް ކޮށަމުން ގޮސް ފުލުގައި އޮންނަ ތަންކޮޅު (4) ބިމުގެ ސަޠުޙުން ތިރި (5) މަޖާޒު: ކަންކަމުގެ ފޮރުވިފައިވާ ޙަޤީޤަތް
އަޑިވުން
މ (1) ހަމަތަނަށްވުރެ ތިރިވުން (2) އެއްޗަކަށް އަޅާފައިހުރި އެއްޗެއް މަދުވުން
އާކޯރިޖެހުން
މ )ހ ( ހިތާންކޮށް ފަސޭހަވުމަށްފަހު ފުރަތަމަ އަންހެނަކާއެކު ނަހަމަ ގޮތުގައި އުޅުން
އާމީން
އ (1) ދުޢާ އިޖާބަކުރައްވާ ދޭވެއެވެ. (2) ތިމާއަށް ލިބޭ އުނދަގުލެއް ފިލައިގެން ދިޔައިމާ ނުވަތަ ތިމާގެ އެދުމެއް ފުރިހަމަވީމާ ބުނެއުޅޭ ބަހެއް (3) ޤަބޫލުވުމާއެކު ވާއެއްބަސް
އާޔަތް
ނ ޤުރުއާނުގެ ސޫރަތަކުން ބައެއް ޤުރުއާން ލިއުމުގައި ކޮންމެހުއްޓުމެއް ގެނެސްފައިވަނީ އާޔަތެއް ފުރިހަމަވީމައެވެ
އިހަށްއެދުރު ދެއްކިގޮތަށްފަހުން އެދުރުކަން ކުރުން
)މިސާލުބަހެއް( ކުރިން ހުރިމީހާކަންތައް ކުޅަގޮތަށޭ ފަހުން ހުންނަމީހާ ކަންތައްކުރާނީ މިބަސް ގިނައިން ބުނެއުޅެނީ ކުރީގައި ހުރި މީހާކޮށްފައި އޮތް ނޭދެވޭ ކަމެއް ފަހުން ހުރިމީހަކު ހަމައެގޮތަށް ކޮށްގެން އުޅޭ ވަގުތުގައެވެ
އިންސާފު
ނ (1) ހަމަގޮތް (2) ސީދާމަގު (3) ޢަދުލު