radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ކޮޅެއްގައިޖެހުން
މ (1) ނިމުމަކަށް އައުން (2) ނިމޭގޮތްވުން (3) ނުފިލައިގެން އުޅުނުކަމެއް ފިލުން
ކޮކާބުރުން
މ މަޖާޒު: އެނބުރުން އަރައިގެން ގޮސް ކުލަކުލައިގެ ކުދިކުދި އެތިކޮޅުތަކެއް މޫނު މަތީގައި އެނބުރޭގޮތަށް ލޮލަށް ފެންނަ ގޮތްވުން
ކޮއި
ނ (1) ދަރިންނަށް ނުވަތަ ކުދިންނަށް ކިޔާ ނަމެއް (2) ލޮލުގެ ކަޅުކަޅީގެ މެދުގައި ވަށްކޮށް ހުންނަ ތަންކޮޅު ލޮލަށް އަލިވަންނަނީ މިތަނުގެ ތެރެއިންނެވެ މިބައި އަލިގަދަވާ ވަރަކަށް ކުޑަވެ އަނދިރިވާ ވަރަކަށް ބޮޑުވެއެވެ
ކޮއިރޮއްވި
ނ މަޖާޒު: ޅަދަރިމައިން އިރުއޮއްސޭއިރު އަޅައި އުޅުނު ދުންގަނޑު
ކޮއިބޮނޑި
ނ އިހުގައި ހަނގުބޭކަލުންގެ އަނބިން ވިހޭމާ އެމީހަކު އަށީބޭކަލުންނަށް ދޭންޖެހޭ ކެއުމެއް. ނުވަރޭ ފެނުން ނުކެނޑެނީސްދޭނަމަ ކޮންމެވެސް ކާއެއްޗެއް ދެނިކޮށް ފުދުނީއެވެ. އޭގެ ފަސްވެއްޖެނަމަ ދޭންވާނީ ހަތަރުނާޅި އަވެއްޔާއި އެޔާވާނެ އެހެން އެއްޗެއްސެވެ
ކޮއިމަލާ
ނ ރާއްޖޭގެ ފުރަތަމަ އިސްލާންވެވަޑައިގަތް ކަމަށްބުނާ ރަސްގެފާނަށް އިސްލާންވެ ވަޑައިގަތުމުގެ ކުރީން ކިޔައި އުޅުނު ނަން
ކޮއްމަސްބުރި
ނ (1) ހަތަރެސްފައި ނެތް އިންސާނާ (2) ޚިޔާލީ ފުރޭތައެއް މިއީ ހަތަރެސްފައި ކަނޑައިލައިފައި އޮތް ހަށިގަނޑެއްހެން އޮންނަ އެއްޗެއް ކަމަށް ބުނެއުޅެއެވެ (3) މަޖާޒު: މަސައްކަތްނުކުރާ ކަންނެތްމީހާ
ކޮއްތަކާއިހެދުމަކާލިބުން
)ގބ ( މަޖާޒު: (1) ދެރަމީހަކަށް ގެދޮރުހުރި މުއްސަނދި އަންހެނަކާ އިނދެވިގެން ބުނެ އުޅޭ ބަހެއް (2) އެއްކަމަކުން ދެބޭނުމެއް ފުދޭގޮތަށް ދިމާވާ ކަންތަކާ ބެހޭގޮތުން ބުނެއުޅޭ ބަހެއް
ކޮއްތު
ނ (1) އިރަކަށް ވަކިވަރަކަށް ކަނޑައަޅައި މީހަކަށް ނުވަތަ ބަޔަކަށް ދޭކާބޯތަކެތި (2) މީހަކު ނުވަތަ ބަޔަކު އެއްފަހަރު ކާން ކައްކައިފައި ހުންނަ ކާނާ
ކޮއްތުގުޑުގުޑާ
ނ ގޭގައިއުޅޭ ނޯކަރުން ދުންބޯން ބޭނުންކުރި ގުޑުގުޑާ ގިނައިން މިކަމަށް ގެންގުޅޭނީ ކަނާ ނޮޅިއެވެ
ކޮއްޓުން
މ (1) މީހެއްގެ ގައިގައި ނުވަތަ އެއްޗެއްގައި އިނގިލިން ނުވަތަ އެއްޗަކުން ކުއްލި ޙަރަކާތަކާއެކު ޖައްސައިލުމަށްފަހު ނައްޓައިލުން (2) ބިއްސާއި މުލިއްސާއި ފޮޅުފަދަ އެއްޗެހީގެ ތުން ތުއްވުން (3) އުކުނޑި ކޮއްޓުން (4) ފުޓުބޯޅައާއި ހޮކީފަދަ ކުޅިވަރު ކުޅޭއިރު ދުރަށް ބޯޅަ ފޮނުވައިނުލައި ގާތުގައި ބާއްވައިގެން މަޑުމަޑުން ޖަހަމުން ޖަހަމުން ގެންދިއުން (5) )ޏ ސ ( ކޮރުން (6) މަޖާޒު: މީހެއްގެ ހަވާލުގައި އޮތްކަމެއް އަވަސް ކުރުމަށް އުޅުން
ކޮއްޔަ
ނ (1) )ޅ ( ފިޔަނުފަޅާ ޅަކާޅު (2) )ސ ( ކުއްޖާ
ކޮއްޕުން
މ (1) ކުރިއަށް ފޮނުވާން ބާރުލުން (2) ވައްޓައިލާން ބާރުލުން (3) އެއްޗެއްގެ ތެރެއަށް އެއްޗެއް ބޭނުން ނުވަތަ ވެއްދުން
ކޮއްޗޭ ބަނޑިޔާ
ނ ކޮއްޗޭން ގެނެސް އުޅުނު މުށި ބަނޑިޔަލެއް މީގައި ކަރެއް ނުހުންނާނެއެވެ މިއީ ވަށް ބަނޑިޔަލެކެވެ
ކޮއްޗޭފަތް
ނ ހުވަނދުބޭހަށް ބޭނުންކުރާ ފަތެއް މިއީ ފަތުގެ ބޭރުގައި ކުދި ކެހެރިތަކެއް ހުންނަ މީރުވަސްދުވާ ފަތެކެވެ ފަތް ހުންނާނީ ތުނޑުތުނޑުލާފައެވެ މިފަތުގެ ތަނޑު ކުރުވާނެއެވެ
ކޮމާކޯޅި
ނ ލިޔުމުގައި ބޭނުންކުރާ ނިޝާނެއް މިނިޝާން ވައްތަރުވާނީ ޖެހިޖެހިގެން ޖަހާ ދެކޮމާއާއެވެ މިނިޝާން ބޭނުންކުރަނީ އެހެން މީހެއްގެ ޢިބާރާތެއް އޭނާ ބޭނުންކޮށްފައިވާ ގޮތަށް ލިޔުމުގެ ތެރޭގައި ބޭނުން ކުރާއިރުއާއި ލަފުޒަކުން ދޭހަވާމާނަނޫން މާނައެއްގައި އެލަފުޒު ބޭނުން ކުރާއިރު އެ ޢިބާރާތެއްގެ ނުވަތަ އެލަފުޒެއްގެ ފެށޭތަނުގައާއި ނިމޭ ތަނުގައެވެ
ކޮފުން
މ ކެއުން ދިއުން އައުން ވަނުން މިލަފުޒުތަކަށް އެންމެ ހުތުރުކޮށް ބޭނުންކުރާގޮތް
ކޮތަނބިރި
ނ ހަވާދުގެ ބާވަތެއް މިއީ އަސޭމިރުސް ފުކެއްވަރަށް ވައްކޮށް މަޑުރީދޫކުލައިގައި ހުންނަ ފުކެކެވެ މީގެ ގަހުގެ ފަތުގެ ކުލަ ހުންނަނީ މަޑުފިޔާތޮށި ނުވަތަ ހުދުކުލައިގައެވެ މިގަހުގެ މާ ހުންނަނީ ބޮނޑިކޮށެވެ
ކޮތަރުކާވިނަ
ނ ވިނައިގެބާވަތެއް މިއީ ފަތް ހިމަކޮށްހެދޭ ހުދުމަލެއް އަޅާ ވަރަށް ފުނަށް މޫހުންނަ ކައިވަތެއްވަރުގެ ވިނައެކެވެ އެއްޗެހީގައި ކުލަޖައްސާން މީގެ މޫ ބޭނުންކުރެއެވެ
ކޮތަޅު
ނ (1) އެއްޗެހި އަޅަން ތިންފަރާތުން ބައްދައިފައި އޮންނަ ކުދިގޯނި ނުވަތަ އުރަ (2) )މ ( މޫދުގައިއުޅޭ ތަތުންފުޅި