radheef.info
ރަދީފު


ބަ
އ އައްބަ
އަދީބު
ނ ބަހުގެ ޢިލްމު ދަންނަމީހާ
އަތަރުދާން
ނ އެތައް ފުޅިއެއް ބެހެއްޓޭނޭހެން. ލޯއިންހަދައި ފައިޖަހައިފައި ހުންނަ ބާވަތެއްގެ ތަބަކެއް
އަތަރުގޭމީހުން
ނ އަތަރުގެއަށް ދައުލަތުން ލައްވާފައިތިބި މަސައްކަތުމީހުން. މަތިގެފޮޅާ ދުވާލަކު އެއްފަހަރު ފެންފޮތިލާ އަހަރަކު އެއްފަހަރުދޮވެ ގަނޑުވަރުތެރެޔާބެހޭ ހިސާބުގައިހުންނަ ލަންޓަންތައް ބަލަހައްޓައި ހަދާނީވެސް މިމީހުންނެވެ
އަތާއަތާލުން
މ އެކެއްގެ އަތްތިލާގެ އިނގިލިތައް އަނެކެއްގެ އަތްތިލާގެ އިނގިލިތަކު ތެރެއަށްލާ މަހާ ބައްދައިގެން ދެމީހުންމެ ބާރުލައި އެކެއްގެ އަތް އަނެކަކު އަނބުރައިލުމަށް ބާރުލުން
އަތާއަތާޖެހުން
މ (1) ބުނާބަސް ކަށަވަރު ކުރުމުގެ ގޮތުން އެކެއްގެ އަތްތިލައިގެ ބަނޑުފުށުގައި އަނެކެއްގެ އަތްތިލައިގެބަނޑުފުށް ޖައްސައިލުން (2) ކަށަވަރުކޮށް ދިނުން
އަތުބަޑިކުޅި
ނ އަތުން ހިފަހައްޓައިގެން އަރުވާ ބަޑިކުޅި
އަތުކުޅި
ނ (1) އަތުބަޑިކުޅި. (2) ފަޗިސްކުޅޭއިރު ބޮލިގަނޑުން އަޅާ 2 3 4 މިތިން ޢަދަދު (3) މަޖާޒު: ތިމާގެ ޝަހުވާނީ އެދުން ތިމާގެ އަތުން ފުއްދާ ފުއްދުން
އަތުއަކުރު
ނ (1) މީހެއްގެސޮއި (2) އަތުން ލިޔެފައި ހުރި އެއްޗެއް (3) އިނގިރޭސިބަސް ލިޔާއިރު އަތުންލިޔާ އަކުރު
އަތުއޮނު
ނ އަތުން ހިފަހައްޓާފައި ރޯކުރާ ބަޑިބޭހުގެ ކުޅިވަރެއް މިއީ މާޖަހާ އަލިހޮޅިއެކެވެ މިހުންނާނީ އޮނު ކޮޅެއްގައި އައްސައިފައެވެ
އަތުފަތުނޭޅުން
މ (1) ހަލުއިކަމާއެކު ވޭވޭހުރުން (2) ކަމެއް ހުރަހެއްނެތި ހިނގުން މިބަސް ބޭނުންކުރަނީ އެއްޗެހިތަކެއް ލިބުން ނުވަތަ ވިއްކުން ފަދަ ކަމަކާ މެދުގައެވެ
އަތޮޅު
ނ އެތައް ރަށެއްގެ މައްޗަށް އެކުލެވިގެންވާ ބައެއް. މިސާލު: މާލެއަތޮޅު ފާދިއްޕޮޅު
އަތޮޅުބައްތެލި
ނ އަތޮޅުވެރީން އަތޮޅުތެރޭ ދުއްވާން ގެންގުޅޭ ޚާއްޞަ ބައްތެލި
އަތޮޅުވަށި
ނ އަތޮޅުގެ ހުރިހައި ރަށެއްގެ ނަންނަމުން އެކުލަވާފައި އޮންނަ ބަންޖެއް ޒާތު އެއްޗެއް މިއިން އަތޮޅުގެ ހުރިހާ ރަށެއްމެ ހުރިތަރުތީބުން އެނގޭނެއެވެ
އަތް
ނ (1) ދެފަރާތުގެ ކޮނޑުހުޅާ އެކުވެފައިވާ ދެ ގުނަވަން މި ގުނަވަން ވަނީ ތިންބަޔަށެވެ އެއީ މުލަށްދަނޑިޔާ އަތްދަނޑީޔާ އަތްތިލައެވެ (2) ފަރާތް (3) ތާސްކުޅޭއިރު ގަދަވާ ބަޔަށް އެއް ފަހަރުން ނަގާން ލިބޭ ގަނޑުތައް
އަތްބަންތުރަ
ނ ނަކަތްތެރިން ދުވާލު ބަހާފައިވާ ހަތަރުބައިގެ ތެރެއިން އެއްބައިގެ ނަން
އަތްބައްތި
ނ ހޮޅިނުޖަހާ ހިފައިގެން އުޅެވޭނެހެން ހަދާފައިހުންނަ ކުދިބައްތި
އަތްބެލުން
މ އަތްތިލައިގެ ބަނޑުފުށުގެ ނާރުތަކާއި އިނގިލިތަކާއި ނިޔަފަތިތައް ހުންނަގޮތް ބަލައިގެން އެމީހާގެ ދިރިއުޅުމާބެހޭ ކަންތައްތައް ފިލުވުން
އަތްމަތިފޯލި
ނ ބަށިކުޅޭއިރު ސައްޕުޖަހާފައި ދެންޖަހާފޯލިތަކެއް މިފޯލިތައް ހަމަވެއްޖެނަމަ ނުވަތަ މިއިންފޯއްޔެއްގައި އަތްޖެހިފައި ނުހިފުނުނަމަ ދެންޖަހާފޯލި ޖެހުމުން ލަނޑުދެވުނީއެވެ
އަތްމަތީދަތި
ނ އެއްޗެހި ތިއްބައިގެން އަތުން ހިފަހައްޓާން ގެންގުޅޭ ދައްޗެއް
އަތްފައިބިނދުން
މ މަޖާޒު: ތިމާގެބާރު ހިގަމުންއައިކަމަކަށް ޖެހުނު ކޮންމެވެސް ކަމެއްގެ ސަބަބުން ބާރުނުހިގާގޮތްވުން