radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ކެމްޕޭން
ނ (1) ވަކި ކަމެއް ޙާޞިލު ކުރުމުގެ މަޤްޞަދުގައި ރާވައިގެން ހިންގާ ޙަރަކާތްތައް (2) ޢަސްކަރީ ނުވަތަ ސިޔާސީ ނުވަތަ އިޖްތިމާޢީ ނުވަތަ ވިޔަފާރީގެ ލަނޑުދަނޑިއެއް ޙާޞިލުކުރުމަށްޓަކައި ރާވައިހިންގާ ޙަރަކާތްތައް
ކެފުން
މ (1) ތުނިކޮށް ފަތިކޮށްހުންނަ އެއްޗެހި ތޫނު ހަތިޔާރަކުން ބައިކުރުން ނުވަތަ ބުރިކުރުން. މިސާލު: )ހ( ކަތުރުން ފޮއްޗާއި ކަރުދާހާއި ޓިނުފަދަ ތަކެތި ކެފުން. )ށ( ފިޔޮއްސާއި ކަޓަރުފަދަ އެއްޗަކުން އެއްޗެއް ކެފުން. )ނ( ގޭސް ނުވަތަ ލޭޒަރު ފަދަތަކެތިން ދަގަނޑުސީޓު ފަދަ ތަކެތިކެފުން )ރ( އަލިމަސްކަށިން ބިއްލޫރި ކެފުން (2) ހަށިގަނޑުން ބޮޑުކޮށްތަނެއް ކެނޑުން
ކެތިބޯދޮށަށްއެޅުން
މ މަޖާޒު: މުސްކުޅިވެގެންގޮސް ވިސްނުމުގެބާރުތައް ކޮށިވުން
ކެތް
ނ (1) ލިބޭވޭންތަކަށް ޝަކުވާ ނުކޮށް ހުންނަ ހުރުން (2) ހިތުގައި އުފެދޭ އަސަރުތައް މަތަކޮށްގެން ހުންނަ ހުރުން
ކެތްނުލެވުން
މ (1) ހުރަހޮޅޭ އުނދަގޫދަތިކަންތަކުގެ މައްޗަށް ޝަކުވާ ނުކޮށް ނުހުރެވުން (2) އެކަމެއް ކުރަންވީގޮތާއި ޚިލާފަށް އަވަސްވެގަތުން
ކެތްކުރިމީހާއަށް ހޫނުބޮނޑިބަތް
)މިސާލުބަހެއް( ކެތްކުރާ މީހާޔަށް ފަހުން މާ ރަނގަޅު ގޮތްގޮތް ވާނެކަން އަންގައި ދިނުމުގެގޮތުން ބުނެއުޅޭބަހެއް
ކެތްކުރުން
މ (1) ޞަބްރުކުރުން (2) ހުށަހެޅޭ އުނދަގޫ ދަތި ކަންތަކުގެ މައްޗަށް ޝަކުވާނުކޮށް ހިތްހަމަޖައްސައިގެން ހުރުން (3) ލިބޭ ވޭނެތް ނުވަތަ ދަތިކަމެއް ބަރުދާސްތު ކުރުން
ކެތްތެރި
ނއ (1) ލިބޭ ވޭންތަކަށް ޝަކުވާ ނުކޮށް ހުންނަ (2) ހިތުގައި އުފެދޭ އަސަރުތައް މަތަކޮށްގެން ހުންނަ
ކެތްތެރިކަން
ނއނ (1) ލިބޭ ވޭންތަކަށް ޝަކުވާނުކޮށް ހުންނަކަން (2)ހިތުގައި އުފެދޭ އަސަރުތައް މަތަކޮށްގެން ހުންނަކަން
ކެތްތެރިވުން
މ (1) ލިބޭ ވޭންތަކަށް ޝަކުވާނުކޮށް ހުރުން (2) ހިތުގައިއުފެދޭ އަސަރުތައް މަތަކޮށްގެން ހުރުން
ކެތްތެރިޔާ
ނ (1) ލިބޭ ވޭންތަކަށް ޝަކުވާ ނުކޮށް ހުންނަ މީހާ (2) ހިތުގައި އުފެދޭ އަސަރުތައް މަތަކޮށްގެން ހުންނަ މީހާ
ކެތްލެވުން
މ ކަންތަކަށް އަވަސްވެނުގެން އުޅުން
ކެލާޖެހުން
މ (1) ފަންޑިތަވެރިކަމުގެ ގޮތުން ކެލާ ގާނައިގެން އެކިގޮތްގޮތަށް ގައިގައްޔާއި އެއްޗެހީގެ ތަންތަންކޮޅުގައި ހޭކުން (2) ކިޔަވާ ފިލާ ދޮވެ މަށިލުމަށްފަހު އެ ފިލައިގެ ތަންތަންކޮޅުގައި ކެލާ އުނގުޅުން މިއީ އީދާ ނުވަތަ ރޯދަޔާ ދިމާކޮށް އާދަކާދައިގެ ގޮތުން ކުރާ ކަމެކެވެ
ކެސެޓް
ނ (1) ކަމެއްގެ އަޑު ނުވަތަ މަންޒަރު ނުވަތަ މަޢުލޫމާތު ފަހުން ބޭނުންކުރެވޭ ފަދަ ގޮތަކަށް ރެކޯޑްކުރެވޭ ފީތާފަށެއް ލައްވާފައި އޮންނަ ފޮށި (2) މިފީތާފަށް އޮންނަ ފޮށި ލައްވައިގެން އަޑު އަހައި ރިކޯޑުކޮށް ހަދާ އާލާތް
ކެޑެބައިދެމުން
ނ )ސ.( ނަނުގަނޑެއް ފަދަ އެއްޗެއްގައި ގޮށްޖެހި އޮޅުން ބޮޅުންވެފައި އޮންނަތަން އެނަނުގަނޑުގެ އެއްކޮޅު ގޮށުގެތެރޭން ދަމައިގެން މޮހުން
ކެޑެބާދެމުން
ނ )ޏ.( ނަނުގަނޑެއްފަދަ އެއްޗެއްގައި ގޮށްޖެހި އޮޅުން ބޮޅުން ވެފައި އޮންނަ ތަން އެނަނުގެ އެއްކޮޅު ގޮށުގެ ތެރޭން ދަމައިގެން މޮހުން
ކެޑެބޯ
ނ )ސ ( (1) ކަންނެޔޮފަދަ އެއްޗެހީގެ އަގުޅި (2) ރޮދުން އެން ހިފާއިރު ދެކޮޅުނުޖެހި އޮންނަ އަނގަމަތި
ކެޔޮބުޑު ބަވާޒީ
ނ ފުރަގަސްފަރާތު ބަލީގެ ބާވަތެއް މިއީ ފަރުވާނުކުރެވި ގިނަދުވަސްވީމާ އަޑިޔަށް މޫލައި ބޭރަށް ނާރުފުއްޕައިފައި ހުންނަހެން ވަށައިގެން ފުއްޕައިފައި ހުންނަ ބައްޔެކެވެ
ކެޔޮޅާ
ނ ކަށިމަލުފެން މިއީ އިހުގައި ބަންގާޅުން ގެނެސްއުޅުނު އެއްޗެކެވެ މިހުންނަނީ ފިނިފެންފުޅިހެން ހަމައެވަރުގެ ފުޅިފުޅީގައެވެ މިބޭނުންކުރަނީ ކާއެއްޗެއްސަށް އަޅާށާއި ބޭހަށެވެ
ކެޔޮޅުކަން ވުން
މ (1) މަސްވެރިކަންވުން މަޖާޒު: (2) ބޭނުންވެގެން އުޅުނުކަމެއް ފުދުން