radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ކުއްލާބުތެލި
ނ އިހުގައި ރޯދަމަހު ކޮންމެ ދުވަހަކު އިރު އޮއްސޭއިރަށް ގަނޑުވަރުތެރޭ ކުއްލާބުގެއަށް ފޮނުވާ ކަލިޔާ ބިރިންޖީތެލި. މިތެލީގައި ވިހިނާޅި ހަނޑުލުގެ ބަތާއި އެޔާވާނެ ގުޅަމަހާއި ހަކުރާއި ލޮނުލުނބޯ ހުންނާނެއެވެ. މިއީ އަތޮޅު އަތޮޅު ދެއްވައިފައި ތިއްބަވާ ބޭކަލުންނާއި ބޮޑެތި ފަޅު ރަށްރަށް ދެއްވައިފައި ތިއްބަވާ ބޭކަލުން ފޮނުވަންޖެހޭ ކެއުމެކެވެ. މިފޮނުވާނީ އެކިދުވަހު އެކި ބޭކަލުންނެވެ. މިއީ ގަނޑުވަރުތެރޭގައި އުޅޭ މީހުންނަށް ދޭ ކެއުމެކެވެ މިކެއުން ގެންދާއިރު ލިބުނު އެންމެ ބޮޑު ކުރުނބާ އިހަލެއް ގެންދާނެއެވެ މިކުރުނބާއިހާ ދަނޑި މާރުލައިގެން ގެންދަނިކޮށް ފަގީރުކުދިން މިއިހާ ކަނޑައިލައިގެން ބަހައިލުމީ ހުއްދަކަމަކަށްވާތީ ވަރަށް މަދު އިހަލެއްނޫނީ ގަނޑުވަރުތެރެޔަށް ގެންދެވޭ ކަމަކަށް ނުވެއެވެ
ކުއްލާބުގެ
ނ ގަނޑުވަރުތެރޭ ބޭފުޅުން ޚިތާނުފުޅު ކުރެއްވުމާއި ރަސްމީ ފެހުންތައް ފަހައި ފޯއްކޮށައި ބިލެތް ކަފައި ހެދުމަށް ގަނޑުވަރު ތެރޭގައި ހުންނަ ގެއެއް ކުއްލާބުތެލި ބަހައި ހަދަނީވެސް މިގޭގައެވެ
ކުއްލިރާޅު
ނ ދުރުން ނުފެނި ކައިރިން ކުއްލިއަކަށް އުފުލައިލާ ރާޅު
ކުއްލިރޯޅި
ނ (1) ކުއްލިއަކަށް އަންނަ ވައިރޯޅި (2) މަޖާޒު: މަތީ މަޤާމެއްގައި ހުރިމީހަކު ކުއްލިއަކަށް މާދަށަށް ދިއުމަށް ނުވަތަ ކަމުން ދުރުކުރުވުމަށް މެދުވެރިވާ ސަބަބު
ކުއްޔަށްދިނުން
މ (1) އުޖޫރައަށްދިނުން (2) ކިރިއްޔާއަށް ދިނުން
ކުވާ
ނ (1) ބައެއްމީހުން ނިދާ ތެދުވާއިރު މޫނުމަތީގައި ނިދިކުޅާއެކު ބުރައިފައި ހުންނަފޫ (2) ބައެއްމީހުން ގައި ކަހާލީމާ އެޅިފައި ހުންނަ ފުސްރޮނގު
ކުވާބުރުން
މ (1) ގައިގައި ރޮނގުއެޅި ފުސްވެފައިހުރުން (2) މޫނުގައި ނިދިކުޅާއެކު ފޫބުރުން
ކުމުންޒާނި
ނ ހުވަނދު ބޭހުގެ ބާވަތެއް. މިއީ ގަހެއްގެ ކިރެކެވެ. މިހުންނަނީ ނީކުނޑި ކުލައިގައެވެ. ދުންއަޅާށާއި އަތަރު ހަދަންވެސް ބޭނުންކުރެއެވެ މީގެ ދުމުގައި މީރުވަސް ދުވައެވެ
ކުފީރު
ނ (1) ދަތިތަންތަން ސާފުކުރާން ބޮނބިނަރުން ބަނދެގެން ގެންގުޅޭ ފިހި (2) އެކިއެކ ބޭނުމަށްޓަކައި ބަނދެފައި އޮންނަ ފިހިގަނޑު
ކުފުރު
ނ (1) ކަލާނގެ ރަސްކަން ފުޅު ވޮޑިގެންވާކަން ޤަބޫލުނުކުރާ ނުކުރުން (2) ކަލާނގެ ރަސްކަންފުޅާމެދު އިހާނެތިކޮށްބުނާ ބުނުން (3) ލިބޭ ނިއުމަތަށް ދެކޮޅުހަދާ ހެދުން (4) މަޖާޒު: ކަމަކާހެދި މާބޮޑަށް އެދިގަނެގެން އުޅޭ އުޅުން
ކުފުރުބޮނޑި
ނ (1) ގަބުޅި ހުނި ދިވެހި ހަކުރު އަޅައިގެން ހިލައި ހިކެންފެށީމާ ހިއްތަލަފުށްއަޅައި ރަނގަޅަށް ހިލުނީމާ ކުރުއްޕަތަށް އަޅައި ބަދަބަދައަށް ވާގޮތަށް ބަނދެ ފެނުކައްކާފައި ދުމަށްޓަށްލައި ހިއްކައިފައި ހުންނަ ބޮނޑި (2) މަޖާޒު: ފާޑެއްނެތި ބަނދެފައި އޮންނަ ފޮތިބޮނޑި
ކުފުރުވަޅު
ނ ޤުރުއާން ކިޔެވުމުގައި މަޖުބޫރުވެގެން މެނުވީ ހުއްޓައިގެން ނުވާނެ ތަންތަން
ކުފުރުވުން
މ (1) ކަލާނގެ ރަސްކަންފުޅު ވޮޑިވާކަން ގަބޫލުނުކުރުން (2) ކަލާނގެ ރަސްކަންފުޅާމެދު އިހާނެތި ކޮށް ބުނުން (3) ލިބޭ ނިޢުމަތަށް ދެކޮޅު ހެދުން (4) މަޖާޒު: ކަމަކާ ހެދި މާބޮޑަށް އެދިގަނެގެން އުޅުން
ކުދި
ނއ (1) ބޮޑެތީގެ އިދިކޮޅު. (2) ހުރިހައި މިނަކުން އުނި މިބަސް ބޭނުންކުރަނީ ގިނައެއްޗެހި ތަކަކާއި މެދުގައެވެ. މިސާލު: ކުޑަޖަޒީރާއެއް ކުދިޖަޒީރާތަކެއް (3) ހިތާނުވެގެން މަޑުމަޑުން ކިޔާއެއްޗެހި
ކުދިންކުޅޭކަރަންފޫ
ނ ނަނުބެއްދިގަހުގެތޮޅި
ކުދިރާޅުފަށް
ނ ސާލު ނުވަތަ ސާލުރުމާ ބަންނަވަރުގެ އެދުރުބޭކަލުންގެ އައްޑަނައިގެ ބޭރުކައިރީގައި އަޅާ ކުރެހުމެއް
ކުދިރުވާލި
ނ ފީނިކޮށް ދަނޑިތައް ވަކިވަކިން ވާކޮށްހެދޭ ގަހެއް މީގެ ދަނޑިވަރަށް ވަރުގަދަވާނެއެވެ މިގަހުގެފަތުގައި ވަރަށްނުބައި ހިތިވަހެއް ހުންނާނެއެވެ މާހުންނާނީ އުނިއޮށެއްގެ ބޮޑުމިނުގައި އެތެރެހުސްކޮށެވެ މަލުގެ ސިފައަކީ އާފަލެއްގެ ސިފައެވެ ކުލައަކީ ފެހިކުލައެވެ މީގެވަކި ލަބަރިބަންނަން ބޭނުންކުރެއެވެ މީގެފަތަކީ ބޭހަށް ބޭނުންކުރާ އެއްޗެކެވެ
ކުދިކިޔުން
މ ކޮންމެވެސް ކަމަކާ ނުރުހިގެން މަޑުމަޑުން އެއްޗެހި ކިޔުން
ކުދިފާތިހާ
ނ މަޖާޒު: ކޮންމެވެސް ކަމަކާ ނުރުހިގަނެގެން އޮޅުންނުފިލާނެހެން މަޑުމަޑުން ކިޔާ ފަތިވަރު
ކުދިދުންފަތް
ނ (1) ދުންފަތުގެ ބާވަތެއް މިއީ ބޮޑުދުންފަތާ ޚިލާފަށް ފަތްބޯ ދުންފަތެކެވެ ފަތްހުންނާނީ ވަށްކޮށް ކުދިކޮށެވެ މިއީ ޢާންމުކޮށް ދުފަން ބޭނުންކުރާ ދުންފަތެކެވެ މީގެރަހަ ގަދަވާނެއެވެ (2) ދުފާފަތް (3) ކުދިފަތް