radheef.info
ރަދީފު


ސާލު
ނ ކެހެރި ފޮތި ނުވަތަ މަޚްމާ ފާޑުގެ ފޮތިން ތައްޔާރު ކޮށްފައި އޮންނަ ފޮތިގަނޑެއް މީގައި ފަށުވިން މާޖަހައި ވަށައިގެން ކުރެހުންތައް އަޅައިފައި ހުރެއެވެ
ކިޔުން
މ (1) ލިއެފައިވާއެއްޗެއް ދުލުން ފާޅުކުރުން (2) ބަސްތަކެއް އަނގައިންއެކުލެވުން މިސާލު: )ހ( ރައިވަރެއް ކިޔުން )ށ( ހިތުދަސްވެފައި ހުރިއެއްޗެއް ދުލުން ފާޅުކުރުން (3) މީހަކަށް ނުވަތަ ބަޔަކަށް ވަކިތަނަކަށް އަންނާން އެންގުން ނުވަތަ ދަޢުވަތުދިނުން (4) އެއްޗަކުން އަޑެއް ގޮވުން މިސާލު: އުނދޯލީގެ ވަހުން އަޑެއް ކިޔައިފިއެވެ (5) ލިޔެފައިވާ އެއްޗެއް ދެނެގަތުމަށްޓަކައި އެއެއްޗެއްބެލުން
ކީހާޅެންފަރިއްސަށްވުން
)މިސާލުބަހެއް( ހުރިހާ ކަމެއް ތާކުންތާކުނުޖެހި ދިއުން
ކީރުއްޕުން
)މަލިކު( ވަކިއެޅުން މިސާލު: ބުޅާ ކީރުއްޕައިފި
ކުނޑި
ނ (1) ހިމުންއެތިއެތިކޮޅު މިސާލު: )ހ( ހަނޑުލުކުނޑި )ށ( ދަގަނޑު ކުނޑި )ނ( ކީސްކުނޑި (2) )ސ ( މޫނުގައި ޖަހާފުށް
ކުރާ
ނ (1) ބިންބިއާއި އުރައާއި ކުދިބަތްފަދަ ގަސްގަހާއި އަދި މިގޮތަށް ހެދޭ ބައެއް ވިނަގަސްގަހުގެ އޮށް ހުންނަ މާގަނޑު (2) މިސްކިތު ލާގެ ފަދަ ތަންތާނގައި ނަމޫނާ ކުރައެއްގެ ސިފައިގައި ވައްގަޑު ނެތި ލިޔެފައި ހުންނަ ކުޑަ ތަނބެއް (3) ވައްގަޑުން އެއްޗެހި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު މިސާލު: )ހ( ނަމޫނާކުރާ )ށ( ސައިކުރާ
ކުޅި
ނ (1) އެއްގަމުގައި ހެދިފައި ހުންނަ ފެންގަނޑު. (2) ހެވިކަން ފަރިތަ ކުރުމަށް ކުރާކަންތައް މީގެ ކިތަންމެ ބާވަތެއް ހުރެއެވެ. (3) ބައެއްކުޅިވަރު ތަކުގައި ވަކި ހަމަތަކެއްގެ މަތިން ބަދަލުކުރަމުން ގެންދާ ފިޔަވަޅުތަކުގެ ތެރެއިން ފިޔަވަޅެއް މިސާލު: ލަނގިރި ޖެހުމުގައި މާފަތިން ކުޅިހަދައި ނިމިގެން ކުރުދަނޑިއަށް ބަދަލުކުރުން. (4) ރާޒުވާއާއި ފަޗިސްފަދަ ކުޅިވަރުކުޅޭން ހަދައިފައި ހުންނަ އެއްޗެހީގެ ތެރެއިން އެކަތި (5) އެކި ބާވަތުގެ ބަޑިކުޅި ހަދާން ތައްޔާރުކޮށްފައި ހުންނަ ބޭސްގަނޑު (6) ނއ މިރުހުގައި ހުންނަ ރަހަ
ކުޅިވަރަކަށްހެދުން
މަޖާޒު: އެކަމެއްގެ ޙަޤީޤީ ބޭނުމަށް ނުވިސްނައި މަޖަލެއްގެ ގޮތުގައި ވަގުތު ދުއްވައިލުމަށް އެކަމެއް ކުރުމުން ބުނެއުޅޭ ގޮތެއް މިސާލު: ކިޔެވުން ކުޅިވަރަކަށް ހަދައިގެން ދެކޮޅެއް ނުޖެއްސޭނެއެވެ
ކުޅިވަރު
ނ މުނިފޫހި ފިލުވުމަށް ނުވަތަ ހަށިގަނޑަށް ކަސްރަތު ހޯދުމަށް ވަކި ހަމައެއްގެ މަތިން ކުރާ ބައެއް ކަހަލަ ކަންތައްތައް މިސާލު: މިޔުޒިކްކުޅުން ފުޓްބޯޅަކުޅުން
ކުޅިވަރުދެއްކުން
މަޖާޒު: ލިބިހުރި ބާރު ދައްކައިލާނަމޭ ބުނުމަށް ނުރުހިގެން ބުނާ ބަހެއް މިސާލު: ނިކަން ދެކެން ހުންނާށެވެ ރަށަށް ދެވުނީމައި ކުޅިވަރު ދައްކައިލާނަމެވެ
ކުޅިމީރު
ނ އަހުވަ )މިސާލު: (1) މިހާރު ހުންނާނީ އޭނާއަށް ކުޅިމީރު ފެނިފައެވެ (2) މިހާރު ތިޔަކަމުގެ ކުޅިމީރު އަހަންނަށްވެސް ފެނިއްޖެއެވެ (3) ބަލަން ހުންނާށެވެ! ނިކަންރަގަޅަށް އޭނާއަށް ކުޅިމީރު ދައްކާލާނަމެވެ
ކުޅިސަމާ
ނ (1) ކުޅިޖަހާ ސަމާ. މިއީ ސަމާގެ މަތީ ދަރަޖައެވެ. އާދަކާދައިގެ ގޮތުން ކުޅިހުއްޓާރޭ ކުޅި ޖައްސަވާނީ ކޮށިކޮށީގެ ވެރިންނަށް ތިއްބަވާ ބޭފުޅުންނާއި ކޮށިކޮށީގެ މަތީ ދަރަޖައިގެ ބޭފުޅުންނެވެ (2) މަޖާޒު: ކުޅިވަރާ މަޖަލުގެ ފޯރިގަދަކަން ބަޔާންކުރުމަށް ބޭނުންކުރާ ބަހެއް މިސާލު: އެގޭގައި މިރޭ ކުޅިސަމާ އެބަހުއްޓެވެ
ކުކުޅަށްވުރެ ބިސްދޮށިވުން
)މިސާލުބަހެއް( ތިމާޔަށް ވުރެ ކަމަށް އެކަށީގެންވާ މީހުން ތިއްބާ އެކަމަށް އިސްވެގަނެގެން އުޅުން
ކުކުޅުފައިދޮށުވެފިޔޮކެއް މަރެއްނުވާނެ
)މިސާލުބަހެއް( ކަމެއް ރަނގަޅަށް ދަންނަ މީހަކު އަތުން ކަމެއް ގޯސްނުވާނެކަން ދެއްކުމަށް ބުނެއުޅޭ ބަހެއް
ކުއްޅަވައްފަލުރަނިންނަށްވުން
މ )މިސާލުބަހެއް( މީހަކު ދެރަކޮށް ހުރިއިރު ބޭނުންކުރި އެއްޗެއް އެމީހަކު މޮޅުވީމާ ނޭނގޭކަމަށް ހެދިގެން އުޅެން ފެށީމާ ބުނާބަހެއް
ކުދި
ނއ (1) ބޮޑެތީގެ އިދިކޮޅު. (2) ހުރިހައި މިނަކުން އުނި މިބަސް ބޭނުންކުރަނީ ގިނައެއްޗެހި ތަކަކާއި މެދުގައެވެ. މިސާލު: ކުޑަޖަޒީރާއެއް ކުދިޖަޒީރާތަކެއް (3) ހިތާނުވެގެން މަޑުމަޑުން ކިޔާއެއްޗެހި
ކުދިރާޅުފަށް
ނ ސާލު ނުވަތަ ސާލުރުމާ ބަންނަވަރުގެ އެދުރުބޭކަލުންގެ އައްޑަނައިގެ ބޭރުކައިރީގައި އަޅާ ކުރެހުމެއް
ކުޑަބޭރުއެރުން
މ (1) ގާތްކޮށްލުން (2) ކައިރިކޮށްލުން މިސާލު: )ހ( އަހަރެން އެގެއާ ކުޑަބޭރު އަރާކަށްވެސް ބޭނުމެއްނޫނެވެ )ށ( އަހަރެން ދުވަހަކުވެސް އޭނާއާ ކުޑަބޭރުވެސް ނާރާނަމެވެ
ކުޑަކިލެގެ
ނ ކިލަގެއެއްގެ ދެވަނަ ދަރަޖަ މިސާލު )ހ( ކުޑަދޮށިމޭނާ ކިލެގެ )ށ( ކުޑަރަންނަބަނޑޭރިކިލެގެ
ކުޑަފަރީ އޮޑިއެއްރަށްމަތިވުން
)މިސާލުބަހެއް( އެކަކު އަނެކަކު ކިޔާނުކިޔާ އެއްޗެއް ނޭނގޭވަރަށް ޒުވާބުކޮށް އަޑުގަދަކޮށްގަތީމާ ދީއުޅޭ މިސާލުބަހެއް
ކޫސް
ނ މަޑުމަޑު ގޮތަކަށް އިއްވާލާ އަޑެއް. މިބަސް ބޭނުންކޮށް އުޅެނީ ހިތްވަރުގަދަކަމުން ނުވަތަ ފިނޑިކަމުން އަޑެއް އިއްވައިނުލައި ހުންނަ ހުރުމާ މެދުގައެވެ. މިސާލު: )ހ( އެވަރަށްތެޅިއިރު ކޫސްވެސް ކިޔައެއް ނުލައެވެ. )ށ( ގެޔަށްވަދެ ހިތުހުރިގޮތަކަށް އުޅެފައި ދިޔައިރު ކޫސްކިޔައިލަން ކެރުނު މީހަކުވެސްނެތެވެ