radheef.info
ރަދީފު


ފަރާ
ނ (1) ފަންސަވީސް ނާޅި (2) )ގ ( ފަރު
ކިބަ
ނ (1) ކައްޓާއި ލުނބޯފަދަ ތަކެތީގެ ދެބުރިކޮށް އެއްބުރި (2) މަހާ އަދި މިނޫންވެސް ބައެއް ތަކެތީގެ ދެފަޅިކޮށް އެއްފަޅި (3) ފަރާތް މިސާލު: ހަކިބައިން ހުސް (4) ދުފާފޯކުގެ އެކައްޗަށް ނިސްބަތްކޮށް ބުނާގޮތް މިސާލު: ފޯއްކިބަ
ކިބަޅި
ނ ކިބަޅިފަރާތް
ކިބަޅިފަރާތް
ނ ގޭގެ މޫނުމަތި ނޫން އަނެއްފަރާތް
ކިބަޅިދޮރު
ނ ގެއިން ތަޅަންމަތީ ފަރާތަށް ނިކުންނަ ދޮރު
ކިއެވެނީން
ނ އިހުގައި ރަސްމީ ކިޔެވުންތައް ކިޔަވާން ދައުލަތުގެ ފަރާތުން އުޖޫރަދެއްވައިފައި ތިބިމީހުން
ކިފާޔަތުގެ ފަރުޟު
ނ ޖަމާޢަތެއްގެ ފަރާތުން އެކަކު ނުވަތަ ބަޔަކު ކުރީމާ ފުދޭ ނުކުރީމާ އެންމެ ފާފަވެރިވާ ފަރުޟު މިސާލު: ބޭސްވެރިކަން ފަދަ ފައިދާ ހުރި ޢިލްމުތައް އުނގެނުމަކީ ކިފާޔަތުގެ ފަރުޟެކެވެ
ކިފާޔަތުގެ ސުންނަތް
ނ ޖަމާޢަތެއްގެ ފަރާތުން އެކަކު ކުރީމާ ސުންނަތް ޙާޞިލުވާ ނުކޮށްފިނަމަ އެންމެން ސަވާބުން މަޙުރޫމުވާ ސުންނަތް މިސާލު: ފަރުޟު ނަމާދަށް ވަގުތުގައި ބަންގިދިނުމަކީ ކިފާޔަތުގެ ސުންނަތެކެވެ
ކިޔަވާގެ
ނ (1) ބޮޑުދެހިތީގައި ހިތީ ކިޔަވަންގެންދާ ފޮތް ފޮށިތައް ބެހެއްޓުމަށާއި ވިއްސާރަވެއްޖެނަމަ ކިޔަވަން ދާމީހުންތިބޭން ފަނުން އަޅާފައި ހުންނަ ގެއެއް (2) ކިޔެވެލިކިޔަވަން ފުއްޓަރު ފަރާތުގައި އަޅައިފައި ހުންނަގެ (3) އެދުރުގެ
ކީސްފިލާ
ނ ގަސްގަނޑުނުލައި ހެދޭ ގަހެއް މިއީ ފަނެއްގެ ދެފަރާތުގައި ފަންވަތްތައް ހުންނަހެން ތަނޑެއްގެ ދެފަރާތުގައި ހިމަދިގު ފަތްތަކެއް ހުންނަ ގަހެކެވެ މިފަތުގެ ދެފަރާތްހުންނާނީ ކީސްތުނޑުބަރިއެއް ހެންނެވެ
ކުށުވެރިކަން
ނ (1) ފަންޑިތައިން ނޫނީ ފަސޭހަނުވާނޭ ކަމަށް ހީކުރާ ބަލިބަލި. (2) ޖިންނި ފުރޭތަ ފަރާތުން ޖެހޭކަމަށް ބުނާ ކަންތައް
ކުނބުކޮށި
ނ އޮޑިދޯނިފަހަރުގެ ކުނބު ނެގުމަށްޓަކައި ކުނބުވަތުގެ ދެތަލުގެ ދޭތެރޭ މެދުގައި ކުނބު އިންނަފަތާއެކު ތިން ފަރާތުގައި ފިލާޖަހައިގެން ހަދައިފައި ހުންނަކޮށި. މިއީ ކުނބުގެ ފޫ ވަނޮޅަށް ފައްތައި ކުނބުނަގާއިރު ފަރާތް ފަރާތަށް ކަސިޔާރުވެގެން ދިޔަ ނުދިއުމަށްޓަކައި ހަދައިފައި ހުންނަ އެއްޗެކެވެ
ކުނިފޭބުން
މ (1) ވިހައި މަސްތުރަ ވުމަށްފަހު ހަޑިތަކެތި އައުން (2) ފުރަގަސް ފަރާތުން ނަޖިސްނޫން އެހެން ހަޑިތަކެތި އައުން
ކުރަހާބޭކަލުން
ނ ރަސްމީ ކުރެހުންތައް ކުރަހާން ދައުލަތުގެ ފަރާތުން އުޖޫރަ ދެއްވައިފައި ތިބޭމީހުން
ކުރަފަތް
ނ (1) އިސްތަށި ބާލަން ގެންގުޅޭ އާލާތެއް މިއީ މިޔަ ތޫނުކޮށް ކެފޭގޮތަށް ހުންނަ އެއްޗެކެވެ (2) ދޯނިފަހަރުގެ ދިރުނބާކޮޅުން ދެފަރާތުގެ މަތިކަނުގައި ކިއްސަރުލާފައި ހުންނަ ފަށްބުރިއެއް
ކުރަފަތްބުރި
ނ (1) ސަތަރު ކުރަހާ ގުޑީގެ ފިންދުނީގެ ކޮޅުގައި ޖަހާ ފަތެއް (2) ދޯނިފަހަރުގެ ދިރުނބާކޮޅުން ދެފަރާތުގެ މަތިކަނުގައި ކިއްސަރުލާފައި ހުންނަ ފަށްބުރި
ކުރިމަތި
ނ (1) މޫނާދިމާ (2) މޫނުހުރިފަރާތް (3) މޫނުމައްޗަށް ވީ ފަރާތް
ކުރުނބާފުޅާދިއުން
މ ދޮށުން ތިބި ޒަމާނުގައި ރަމަޞާންމަހު ކޮންމެ ދުވަހަކު ހަވީރު ގަނޑު ވަރުތެރޭގެ ބޭފުޅުން ތިއްބަވާ ތަންތަނަށް ކުރުނބާފުޅު ހިފައިގެން އެމީހުން ރަސްމީ ހެދުމުގައި ދިއުން މިއީ ދައުލަތުގެ ފަރާތުން އެ ބޭފުޅުންނަށް ކަނޑައަޅައިފައިވާ ކަންތަކުގެ ތެރެއިންކަމެކެވެ
ކުރުމަސް
ނ (1) ދިގުމަސް (2) ފަރުމަހުގެ ބާވަތެއް މިއީ ބޮނޑިމަސްކޮށް ހުންނަ ހިމަދިގު މަހެކެވެ މަހުގެ ކުލައަކީ ގަދަނޫކުލައަކަށްދާ ފެހިކުލައެކެވެ މަހުގެ ދެފަރާތުގައި ހުރަހަށް ކަޅުކުލައިގެ ރޮނގުތަކެއް ހުރެއެވެ މިއީ އެއްބަރިއަކަށް ދަތްތައް ހުންނަ އަނގަބޮޑު މަހެކެވެ
ކުރެހިފާނަ
ނ ފާނައިގެ ބާވަތެއް މިއީ ރާއްޖޭގެ ފަރުފަރާއި ފަޅުތަކުގެ ބޭރުގައި އުޅޭ ވަރަށް މަދުމަދުން ފެންނަ މަހެކެވެ
ކުރެން
އކ (1) ކިބައިން (2) ފުށުން (3) ފަރާތުން