radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
ހިލަ
ނ (1) ޤުދުރަތީގޮތުން ބިމުގައި އުފެދޭ މަޢްދަނީ ހަރުއެއްޗެއް މީގެ ކިތަންމެ ބާވަތެއް ހުރެއެވެ ގިނަބާވަތް ބާވަތް ގަލަށްވުރެން ހަރުވެފައި ބަރެވެ މީގެ ބައެއް ޒާތްޒާތަކީ ނުހަނު އަގުބޮޑު އެއްޗިއްސެވެ ބާވަތްބާވަތުގެ ޖަވާހިރަކީވެސް ހިލައިގެ ތެރެއިން ހިމެނޭ އެއްޗެއްސެވެ (2) ބައެއް ފަރުބަދަ އުފެދިފައި ހުންނަ މާއްދާ (3) ހަށިގަނޑުގެ ތެރޭގެ ގުރުދާފަދަތަންތާގައި އުފެދޭ ކަށިނޫން ހަރުއެތިކޮޅުކޮޅު
ހިލަހިތް
ނ (1) އަސަރުނުކުރާހިތް (2) އޯގާވެރިކަމެއްނެތްހިތް
ހިލަކިހުނު
ނ ބައްޔެއްގެ ނަން. މިބަލީގައި ކުޑަކަމުދިއުން ދަތިވެ ބަނޑުގައިރިހި ކުރިމަތި ފަރާތުން ހިލަ ނުވަތަ ވެލިކަހަލަ އެއްޗެއް އަންނާނެއެވެ. އަޞްލުގައި ކިހުނުބައްޔާއި ހިލަ އުފެދޭ ބައްޔާއި މާބޮޑުގުޅުމެއް ނޯވެއެވެ ނަމަވެސް ދެބަލީގައިމެ އަވަސް އަވަހަށް ކުޑަކަމުދާން ޖެހިފައި ކުޑަކަމުދާއިރު ތަދުވާގޮތްވާތީ ހިލަކިހުނޭ ކިޔާފައިވަނީއެވެ
(5) ހިލަންބަލާ! ހިލަވަޅު
ނ (1) ނިޝާން (2) ޢަލާމާތް (3) ކުރިކަމެއްގެ އަސަރު (4) ހިނގާ ދިޔަކަމެއްގެ އަސަރު
ހިލަވާލި
ނ )މ ( ވާލީގެ ބާވަތެއް މިމަހުގެ ބޯކޮޅު އޮންނަނީ ވަށްކޮށެވެ މިމަސް ދިރިދިރި އޮންނައިރު ބޯކޮޅުން ފެށިގެން ބަނޑުދަށް ފަރާތުން މެދަށްވުރެ ތިރިޔަށް ރަންކުލަޔަށްދާ ކުލަޔެއް ހުންނާނެއެވެ ދެފަރާތުގައި ހުންނަ ދެކޮތަރި ހަނދީގެ ކޮތަރިއަށްވުރެ ދިގުވެފައި ކަންފަތުން ބުރިކައްޓާ ގުޅިފައި ހުންނަބައިގެ އެތެރޭގައި ހިލައެއްހެން އޮންނަ ކަށިކޮޅެއް ހުންނާނެއެވެ
ހިލަތޮށި
ނ (1) ގަސްގަހާގެހީގެ ތޮށީގެ އެންމެމަތީފަށް (2) އޮށީގެ އެންމެ ބޭރުތޮށި )ފަށް( (3) ބޮނބީގެ މަތީފަށް
ހިލަގައު
ނ (1) ގަލުގެތެރޭގައި ހުންނަ އެންމެ ހަރުވައްތަރު (2) ކަނޑުގެ އާނުގެ އަޑީގެ ހަރު ހުދު ގައު
ހިލާ
އތ (1) ކަމެއް ނުކުރުމުގެ މައްޗަށް ނުވަތަ ވިޔަނުދިނުމުގެ މައްޗަށް ހުރި ގަދަކަން ދެއްކުމަށް ބުނާބަހެއް މިސާލު: )ހ( ހިލާނުދާނަން )ށ( ހިލާތިއަހެނެއްނުވާނެ (2) ހިލުން މިބަހުގެ އަމުރު
ހިލާލީދަރިކޮޅު
ނ ރާއްޖޭގައި ރަސްކަން ކުރި 7 އާއިލާގެ ތެރެއިން 3 ވަނަ އަށް ރަސްކަންކުރި ދަރިކޮޅު މިދަރިކޮޅަށް "ބަދުރުއްދީން" ދަރިކޮޅޭވެސް ކިޔައެވެ މިދަރިކޮޅުގެ ފުރަތަމަ ރަސްކަލަކީ ހުޅުލޭ ހިލާލީކަލޯއާއި ގޯލާވެހި ކަނބުލޯގެ އައްސުލްތާން ޙަސަނުލް ހިލާލީއެވެ މިދަރިކޮޅަކީ ރާއްޖޭގައި އެންމެ ގިނަރަސްކަލުން ރަސްކަން ކުރެއްވި އެކަމަކު ހަމަޖެހުން ކުޑަދަރިކޮޅެވެ
ހިލާލުން
މ (1) "ހިލުން" ބަލާ! (2) މަޖާޒު: ކަމެއްގެ ހަމަގޮތް ރީތިގޮތް ނުބަލައި ފަސޭހަގޮތަށް ހަދައި ނިންމާލުން
ހިލުން
މ (1) ހަލަމުން ކައްކައި އޮލަކުރުން ނުވަތަ މިގޮތަށް ކައްކައި ހިއްކުން މިސާލު: )ހ( މެޓާހިލުން )ށ( ހަކުރުހިލުން (2) މީހާ އާދައިގައި ހުންނަ ވަރަށްވުރެން އަނގަގަދަވެ ސަމާސާ ބޮޑުވުން (3) ބަޔަކު ސިހިގެން ގޮތްގޮތަށް އުޅެގަތުން (4) ބަޔަކު ޤަވާޢިދާ ޚިލާފަށް ނުކުމެގެން އުޅެގަތުން (5) ނަގިއްޔާއި ފަނާފަދަ ބުރަތަކެތި އޮތްތަނުން ގުޑައިލުން (6) ފާޅުވެގަތުން މިސާލު: )ހ( ލޭނާރު ހިލުން )ށ( ރޯގާ ހިލުން )ނ( ކުރަފިހިލުން (7) ދިރޭބޮލި ފަޅުތެރޭން ހޮވުން (8) އޮށްވަޅު ކުޅުމުގައި ގޮނޑީގެ ވަޅެއް ހުސްކޮށްނެގުން
ހިލޭ
ނއ (1) ތިމާގެކަމުގެ ގުޅުމެއްނެތް (2) އަގަކާނުލައި (3) ކަމަކާނުލައި (4) ހިމޭންކަމުގައި
ހިލޭމީހާ
ނ (1) ތިމާގެކަމުގެ ގޮތުން އެއްވެސް ގާތްކަމެއްނެތް މީހާ (2) އެއްވެސް ގުޅުމެއް ނެތްމީހާ
ހިލޭޖެހުން
މ (1) ފުޓުބޯޅަ އާއި ހޮކީފަދަ ކުޅިވަރުގައި ކުށްކުރާބަޔާއި އިދިކޮޅަށް ދޭޖެހުމެއް މީގައި ސީދާ ހިލޭޖެހުމާ ނުސީދާ ހިލޭޖެހުން ހުރެއެވެ (2) އެއްޗަކަށް ނުވަތަ ތަނަކަށް ކުރިޚަރަދު އަނބުރާލިބި އަގުހަމަވުން
ހިސާބު
ނ (1) ވިޔަ (2) ލޭންދޭނު (3) މިންވަރު (4) އަދަދު (5) ދެމެދުގެ ދުރުމިން (6) ހެޔޮވަރު (7) ހިސާބު ޢިލްމު
ހިޔަނި
ނ (1) އަލީގައި ހުންނަ އެއްޗިއްސާއި ގުޅިގެން އެއެއްޗެއްގެ ސިފައިގާ ހުންނަ އަނދިރިފަށް މިހުންނާނީ އަލިހުންނަ ފަރާތްނޫން އަނެއް ފަރާތުގައެވެ (2) ކޮންމެ އެއްޗެއްމެ އަވީގައި ނުވަތަ އަލީގައި ހުރީމާ އެއެއްޗަކުން އަނެއްފަރާތަށް ގޮސްފައި ހުންނަ އަދިރި (3) މޫނުބަލާ ލޯގަނޑުފަދަ ތަކެތީން އެފެންނަ ސޫރަ (4) އެންދަމާދަލުގެ ވަށައިގެން ކައިރީގައި ތަންކޮޅެއް ގޮޅިބޮޑެތިކޮށް ބަނދެފައި އޮންނަތަން (5) ލޯގަނޑެއްފަދަ އެއްޗަކަށް އަލިއެޅުނީމާ އެއިން އަނބުރާ ފޮނުވައިދޭ އަލި
ހިޔަނިއެޅުން
މ (1) އެއްޗެއްގެ އަނދިރި އަނެކައްޗަކަށް އެރުން. (2) މީހެއްގެ އަނދިރި ނުވަތަ އެއްޗެއްގެ އަނދިރި މީހަކަށް އުނދަގޫވާގޮތަށް ފޯރުން (3) މޫނުބަލާ ލޯގަނޑުފަދަ އެއްޗެއް މެދުވެރިކޮށްގެން ތަނަކަށް ނުވަތަ އެއްޗަކަށް އަލިއެރުވުން (4) ފެންގަނޑެއްގެ ތެރެއިން ނުވަތަ މޫނުބަލާ ލޯގަނޑެއްފަދަ އެއްޗަކުން މީހެއްގެ ނުވަތަ އެއްޗެއްގެ ސޫރަ ފެންނަން ހުރުން
ހިޔަނިދާ
ނ ގޮޅިދެވަރަށް ބަންނަ އެންދަމާ ދަލުގެ ހަތަރުފަރާތުގައި މެދުތެރެއަށް ވުރެން ގޮޅި ނުވަތަ މަޅި ބޮޑުކޮށް އޮންނަބައި
ހިޔަންޏަށްމުޑިނުނަގާށޭ
)ހަރުބަހެއް( ކަމަކަށް ނުވާކަހަލަ ކަމަކާމެދު ބިރުގަތުމަށާ އެއްވެސް ޙަޤީޤަތެއްނެތް ކަންކަމާ ޖެހިލުމުން ދޫކޮށްލުމަށް ބުނެއުޅޭ ބަހެއް
ހިޔަންޏަށްމުޑިނެގުން
މ (1) ބައެއް ޖަނަވާރު ހިޔަންޏެއް ފެނިގެން އެއީ އަސްލޭ ހީކޮށް އެއާ ދިމާއަށް މުޑިނެގުން. (2) މަޖާޒު: ކަމެއް ޙާސިލުވެދާނޭކަމަށް ހީކޮށް އޭގެ އަސްލެއްނެތި އެކަމެއް ލިބިއްޖެނަމަ ކުރަންވީ ަކަންތައްތައް ހޯދައި މީހުން ހިނިއަންނަ ދަރަޖައަށް އެކަމައިގެން އުޅުން މިސާލު: ޖައްރާފައިގެ ވެރިކަން ލިބިދާނެކަމަށް ހީކޮށް ޖައްރާފައިގައި އުޅޭ މީހުންކުރެން އޭގެ ވާހަކައަހައި އަވަސްއަވަހަސް އިންޖީނުގެއަށް ވަދެ މީހުން ހިނިއަންނަ ދަރަޖައަށް އުޅުން