radheef.info
ރަދީފު


މުގަ
ނ )ބދ ( މޫނު
ކޮރުކޭއްތުން
މ ކޮރުކޮށް ހިނގޭއިރު ފައިގެ ކޮންމެވެސް ތާކުން ބިމުގައި ރޮނގެއް އެޅުން
ކޮރުވުން
މ (1) އެއްފައި ކުރުވުން (2) ހިނގުމުގައި އެއްފައި ހަމައަށް ނޭޅޭ ގޮތްވުން (3) މަޖާޒު: ބައެއް ތަކެއްޗާއި ކަންތައް ހަމައިން ނައްޓައިލުން
ކޮރުދެމުން
މ ކުޅިޖެހުމުގައި ފައިން ހަދާގޮތެއް. މިކަން ކުރާގޮތަކީ ތިރިވެ ދާނޑުގައި އޮވެފައި ފަހަތުލައި ކުރިއަށް ގެންނަމުން ތެދުވެ ކުރީގައި ހުރި ފައިގެ އިނގިލިތައް ވަށައިލައި ރޮނގެއް އަޅައިފައި އިހުއޮތް ގޮތަށް ފަހަތަށް ގެންދަނީއެވެ
ކޮޅުވެށުން
މ ދިގުދައު އެޅުމުގައްޔާއި ރޮދުއެޅުމުގައި ދެކޮޅުޖައްސައި ފުށުއަރުވައިލުން
ކޮޅުމަތިޖެހުން
މ (1) ވިޔުމުގައި ކޮޅުމައްޗަށް ވާތަން ހެދުން (2) މަޖާޒު: ކަމެއް ފެށުމުގެ އަލާމާތް ފެނުން
ކޮއްބޯވިލާ
ނ )މ.( ފަށަލަ ފަށަލައަށް ބޯކޮށް ހުންނަ ވިލާ މިކަހަލަ ވިލާތަކުގެ ކައިރިފަށް ހުދުވާނެއެވެ މިއީ ވިއްސާރައެއް ގާތްވެއްޖެކަމުގެ ނިޝާނެއް ކަމުގައި ބުނެއެވެ
ކޮމާކޯޅި
ނ ލިޔުމުގައި ބޭނުންކުރާ ނިޝާނެއް މިނިޝާން ވައްތަރުވާނީ ޖެހިޖެހިގެން ޖަހާ ދެކޮމާއާއެވެ މިނިޝާން ބޭނުންކުރަނީ އެހެން މީހެއްގެ ޢިބާރާތެއް އޭނާ ބޭނުންކޮށްފައިވާ ގޮތަށް ލިޔުމުގެ ތެރޭގައި ބޭނުން ކުރާއިރުއާއި ލަފުޒަކުން ދޭހަވާމާނަނޫން މާނައެއްގައި އެލަފުޒު ބޭނުން ކުރާއިރު އެ ޢިބާރާތެއްގެ ނުވަތަ އެލަފުޒެއްގެ ފެށޭތަނުގައާއި ނިމޭ ތަނުގައެވެ
ކޮތަޅުހެދުން
މ އެތެރޭގައި ހުރިއެއްޗެއް މަދުވެގެން ދޫވެ އެލުން މިސާލު: ގައިގެހަންދޫވެ ހަމުގައި ކޮތަޅު ހެދުން
ކޮލި
ނ (1) ބޯޅައެއްހެން ބަނޑު ފުފިފައި ހުންނަ މަހެއް މިމަހުގެ ހަމުގައި ތޫނު ނުވަތަ ރާޅު އުންތަކެއް ހުރެއެވެ (2) އެއްޗެހީގެ އަރިމަތިންނާއި މެދުތެރޭން ފުފިފައި އޮންނަ ފުފުން ނުވަތަ ފުފިފައި އޮންނަ ތަން (3) އިހުގައި ރަސްމީ ބައެއް ލަގަބު އިއުލާނުކުރުމަށްޓަކައި ކުރާ ރަސްމީ ކަމެއްގެ ނަން
ކޯރު
ނ (1) ފެންދެމޭނެހެން ބިމުން އަޑިކޮށް ހުންނަ މަގު (2) ބިމުގައި ހަނިދިގުކޮށް ކޮނެފައި ހުންނަމަގު (3) ފެންއާރު
އަށި
ނ (1) އިށީނދެ އޮށޯވެހަދާން ލަކުޑީން ނުވަތަ އެހެން އެއްޗަކުން ހަތަރު ކަނަށް ހަދައިފައި ޖަހައިފައި ފަޑިނާޅާ ހުންނަ އެއްޗެއް (2) މިބޭނުމުގައި ރާނައިފައި ހުންނަ ތަންތަން (3) އެކިއެކިކަންތަކު މައްޗަށް އަރައި ތިބޭށާއި އަދިވެސް ބައެއް ބޭނުމުގައި ހަދާތަންތަން (4) މާލޭ ހުކުރު މިސްކިތުގެ ދެފަރާތު ފެންޑާޔަށް އޮންނަތަން
އަށިގެ
ނ ގޭގެ ބޮޑުމިނަށް އައްޓެއް ލައިފައި ހުންނަގެ މިއީ އިހުގައި ފިރިހެނުން މަޖިލިސްކުރުމާއި އަންހެނުން ނަމާދުކުރުން ފަދަ ބޭނުމުގައި ހަދައިއުޅުނު ގެއެކެވެ ރަށްފުށުގައި ފަރުދޭސީން ނިދާންވެސް މިކަހަލަ ތަންތަންހުރެއެވެ
އަށު
ނ (1) ހިސާބުކުރާއިރު އެއްކޮށް ގުނަކޮށް ގެއްލުމުގައި އަށަކަށް ކިޔާ ގޮތެއް (2) އަށެއް
އަށްބޮނޑިންހަތަރުބޮނޑިޖެހުން
މ ބިލެތް ފައްތަރުލައި ކަފައިގެން ދެގަނޑު ބިލެތުން އެއްގަނޑު މަގުން ހަދައި ދަތްޕެއްގައި ޖެހުން މިގޮތަށް ޖަހާނީ އަށްބޮނޑިބިލެތް ކަފައިގެން ހަތަރު ބޮނޑިކަމުގައެވެ
އަނހާފަހެ
އ ތިމާކުރިކަމެއް ނުވަތަ ކުރާނޭކަމެއް ނޫނީ ބުނިބަހެއް ރަނގަޅުކަމުގައި ތައުކީދެއްގެ ގޮތުން ބުނެއުޅޭ ބަހެއް
އަނބުކޯރާތަށި
ނ ކޭމުގައި މަސާލައަނބު ޖަހާންގެންގުޅޭތަށި
އަނދިރިއަނދިރީން
ނ ދިވެހިރާއްޖެ ޕޯޗްގީޒުން ހިފައިގެން އުޅުނު ދުވަސްވަރު ރަސްކަމުގައި ހުރި މަޝްހޫރު ގޯވާ ކަޅުފަރަންޖީ. އެއީޚާންޒީދިކަމަނާގެ ބޮޑުމުޙައްމަދެވެ. މީނާވިހައި ބޮޑުވީ ގާފަރު ކަޅުފާށިނާ ތަކުރުފާނުންގެ ބެލުންދަށުގައި ހުވަދޫ އަތޮޅުގައެވެ. އެދުވަސްވަރު ރަސްކަމުގައި އިންނެވީ މަޝްހޫރު ބުރަކިރަނީންނެވެ. ބޮޑުވިފަހުން މާލެއަންނަމުން ފިލައިގެން ގޯވާ އަށްގޮސް އިސްލާމްދީން ދޫކޮށް ޣައިރުދީނުގައިހުރެ ދިވެހިރާއްޖެއާތޮޅޭން ތިންފަހަރުމަތީން އައިސް އެއިރު ރާއްޖޭގެ ރަސްކަމުގައި ހުންނެވި އައްސުލްޠާން ޢަލީ )6 ވަނަ( އިބުނު އަލްވަޒީރުލް އައުޒަމް ޢަބްދުއްރަޙުމާން ސިރީ އައުދަސިޔާކަ ކައްތިރިމަހާރަދުން ޝަހީދުކޮށް ރަސްކަމަށް ވެރިވީއެވެ މީނާމަރުއްވައި ރާއްޖެ އިސްލާމް ކުރެއްވީ އައްސުލްޠާނުލްޣާޒީ މުޙައްމަދު ތަކުރުފާނުލް އަޢުޡަމް ސިރީ ސަވާދީއްތަ މަހާރަދުންނެވެ މީނާ ރަސްކަންކުރީ 569ހ އިން 189ހ އަށެވެ އެއީ ގާތްތަނޑަކަށް ސޯޅައަހަރުވާދެނެވެ
އަނގަފުރައިފައިބުނުން
މ އެއްޗެއް ބުނުމުގައި ތަނެއް ނުބަހައްޓައި ބުނުން
އަނަ
ނ (1) އެކިއެކި ބޭނުމުގައި ދަނޑިއެއްގެ ކުރީގައި ކަނިފަށެއްހެން ބަންނަ ދަނޑިކޮޅު (2) ފަންޑިތަވެރިންކުރަހާ ވަކިވައްތަރެއްގެ އަޒީމަ
އަނަގަނޑު
ނ އެކިއެކި ބޭނުމުގައި ދިގު ދަނޑިއެއްގެ ކުރީގައި ކަނިފަށެއްހެން ބަނދެފައި އޮންނަ ދަނޑިކޮޅެއް