radheef.info
ރަދީފު


ވީ
ނ )ވީ( (1) ތޮއްޓާއެކު އޮންނަ ހަނޑޫފުއް (2) ނނކ "ވުން" މިބަހުގެ ނިމިނިމުނުކަން
އަސާހަނޑޫ
ނ ފުރަމާލޭގެ ދެޚަތީބުންނާއި މީރުބަޙުރާއި ރަނަހަމާންތި ބޭކަލަކާއި މިނޫން ދެންތިއްބެވި އަސާދެއްވާ ބޭބޭކަލުންެކުރެ ކޮންމެ ބޭކަލަކަށް ވީއްލަވައިފައިތިބޭ ހަނގުބޭކަލުންގެ ދެމީހުންނަށް އޮންނަހަނޑޫ މިއީ އެބޭކަލުން އަންގަވާ ކަމެއްކުރާން ތިބޭ ދެމީހުނެވެ މި މީހުނަށް ހަނގުކަމުގެ ތަކެތި އޮވެފައި ވަރުތެރޭގެ މަސައްކަތެއް ނޯންނާނެއެވެ
އަސީދާގުޅަ
ނ އިހު ޒަމާނުގައި ރޯދަވީއްލުމަށްޓަކައި ގަނޑުވަރުތެރޭގައި ހަދާގުޅައެއް މިގުޅަ ހަދާނީ ކުދި ބޭކަލުންނެވެ
އަސުރުދަން
ނ މެންދުރާ ހަވީރާ ދެމެދު
އަސްކަރު
ނ އައްސުލްޠާނުލް ޣާޒީ މުޙައްމަދު ތަކުރުފާނުލް އަޢުޒަމް ސިރީސަވާދީއްތަ މަހާރަދުން ރާއްޖެ އިސްލާމު ކުރެއްވުމަށްފަހު ބައެއް ރަށްރަށު މީހުން ނުކިޔަމަންތެރިވެގެން އެކަން ހަމަޖައްސަވާން ހަވަރުގެ ތެރެއިން އެކިބައިމީހުން އެކިރަށްރަށް ފޮނުއްވިއިރު އުތުރުގެ ރަށްރަށަށް ފޮނުއްވި މީހުންެ. އެމީހުން ދިޔަ ރަށްރަށް އެމީހުންނަށް ދެއްވީއެވެ. އަސްކަރުންގެ އޮންނަނީ ދޮށިމޭނާގެ ހަކުރާގެ މާފަތްގެ ވެލާނާގެ ދަހަރާގެ މިފަސްގެއެވެ ފަސްގެ އެކުގައިނަމަ ކިޔަނީ "ފަހޮޅި" އެވެ ވަކިވަކީންނަމަ "ގެ" އެވެ އެހެނިހެން އޮޅިމެދެކޭ އެއްފަދައިން އަސްކަރުންނަށްވެސް މާލޭގައި ކުރަންޖެހޭ ވަކިވަކި ކަންތައްތައް ހުރެއެވެ
އަޑުކިއުން
މ (1) ދެއެއްޗެއް ކޭއްތުމުގެ ސަބަބުން އަޑުއިވުން. )މިސާލު: އުނދޯލި ހެއްލާއިރު ރޮނގަލިން އަޑުކިޔުން.( (2) އެއްޗެއް ބިދޭ ވަގުތު ނުވަތަ އެއްޗެއް ވީދޭ ވަގުތު އަޑުއިވޭ އިވުމަށްވެސް ކިޔަނީ އަޑު ކިއުމެވެ (3) ވާންއުޅޭ ކަމެއްގެ ވާހަކަ ސިއްރު ސިއްރުންދެކެވޭ އަޑު އިވުން
އާނޅެޔޯ
އ މީހަކު ރަށަކަށް އައިމާ ނުވަތަ ކަމެއްގައި ކާމިޔާބު ވީމާ މަރުޙަބާގެގޮތުގައި ގޮވައިލާ ބަހެއް ސާބަހުގެ މާނައިގައި ވެސް މިބަސް ބޭނުންކުރެއެވެ
އާނޅޭ
އ (1) ޢަޖާއިބުކަން ފައުޅުކުރުމަށާއި އުފައު ފައުޅުކުރުމަށް ބައެއް މަޤާމުގައި ބުނާ ބަހެއް. (2) އިންތިޒާރުކޮށްހުރިކަމެއް ތިމާއެދޭ ގޮތަށް ނުވަތަ އެއަށްވުރެވެސް ރަނގަޅަށް ވީމާ ބުނާ ބަހެއް
އާއޮޑިކުރުން
މ (1) ދޯނިފަހަރު މަސްބޭނުން ދަށްވީމާ އެހެލައިފައި ދޯނި ބަނދެގެން އަލަށް ބާލާއިރު ކުރާ ކަންތައް ކޮށްފައި ބޭލުން (2) މަޖާޒު: އަނބިމީހާ ވަރިކޮށްފައި އަނެއްކާ އިނުން
އާވާރާވުން
ވިޔާނުވާގޮތުގައި ވީއްލިގެންވުން
އާވި
ނ (1) އުދާސް. (2) ދިޔާއެއްޗިއްސާއި މިނޫން ތަކެއްޗަށް ހޫނުވީމާ އެއިން އުހެދޭގޭސް. (3) ބައެއް ތަކެތީން ނަގާ ލުއިތެލެއް. މިސާލު: ބޮޑު އާވި ފޮނިތޮށި އާވި
އާމީން
އ (1) ދުޢާ އިޖާބަކުރައްވާ ދޭވެއެވެ. (2) ތިމާއަށް ލިބޭ އުނދަގުލެއް ފިލައިގެން ދިޔައިމާ ނުވަތަ ތިމާގެ އެދުމެއް ފުރިހަމަވީމާ ބުނެއުޅޭ ބަހެއް (3) ޤަބޫލުވުމާއެކު ވާއެއްބަސް
އާލަވަބައި
ނ ދަނޑިބެރުގެ ލަވަބައެއް މިލަވަބައިގެ ފުމޭލަވަ ހެއްދެވީ މާވާގަނޑުވަރު ޙުސައިންދީދީ ކަމަށާއި ޖަހާލަވަ ހެއްދެވީ މާންދޫގެ މޫސާދީދީކަމަށް ބުނެއުޅެއެވެ
އާޔަތް
ނ ޤުރުއާނުގެ ސޫރަތަކުން ބައެއް ޤުރުއާން ލިއުމުގައި ކޮންމެހުއްޓުމެއް ގެނެސްފައިވަނީ އާޔަތެއް ފުރިހަމަވީމައެވެ
އިންސާފުމަގު
ނ (1) ވަކިފަރާތަކަށް ބޮޑުނުވެ ދެމީހެއްގެ ދެމެދުގައި ކަންތައް ކުރާންވީގޮތް (2) ޝަރީއަތުގައި ކަނޑައެޅިފައި އޮންނަގޮތް
އިންޖީނު
ނ (1) މެޝީން (2) ބިޖިލީގެ ނުވަތަ އާވީގެ ބާރުން ހިންގާ މެޝިން
އިރަށްދޮންކޮށްލުން
މ އިރުއަރާން ކައިރިވީމާ އިރުގެ އަލި އުދަރެހުން ފައުޅުވެލުން
އިރައިލުން
މ (1) ވީދައިލުން (2) ފަޅައިލުން
އިރާސާޢަތާހަމަވުން
މ އެކަމެއްވާންވީ ވަގުތު އައުން
އިރުން
މ (1) ފެޅުން (2) ވީދުން
އިރުވައިބަތް
ނ އިހުގައި ދެއްވާ ރަސްމީ ބޮނޑިބަތެއް. މިކަން އޮންނަނީ އިރުވައި ފެށުނީމައެވެ. މިކަން ކުރާނީ ފުރަތަމަ ރޭ އިސްދެވަރަށް ދޮށިމޭނާ ބޭކަލަކު ދެވަނަ ރޭ ހަކުރާދެވަރަށް ހަކުރާ ބޭކަލަކު ތިންވަނަރޭ ވެލާނާ ދެވަރަށް ވެލާނާ ބޭކަލަކު ހަތަރުވަނަރޭ އިސްދެވަރަށް މާފަތް ބޭކަލަކު ފަސްވަނަ ރޭ ހަކުރާ ދެވަރަށް ފާމުދޭރި ބޭކަލަކު ހަވަނަރޭ ވެލާނާ ދެވަރަށް ދަހަރާ ބޭކަލަކު މިޤަވާއިދުންނެވެ. ބަތެއްގައި ހުންނާނީ ނުވަ ގައު ބައެވެ. ހުންނާނީ ހަތަރުމަލާފަތުގައި މަލާފަތެއްގައި ފަންސަވީސް ބަތެވެ. ބަތް ބަލާދާ ކަލާސީއަކަށް ބަތެއް ބުރުޒު ބަނޑޭރިއަކަށް ދެބަތް އޮންނާނެއެވެ. އެގެންދާ ބަތުގެ ތެރެއިން އެކިއެކި ބޭފުޅުންނަށާއި ދައުލަތުގެ މަތީ މަޤާމުތަކުގައި ތިއްބަވާ ބޭބޭކަލުންނަށް ފޮނުވާނެއެވެ. މިބަތް ކައްކާނީ ބޮޑު ބޭކަލުންގެ ގޭގޭގައެވެ. ބޮޑުބޭކަލަކު ނެތްނަމަ ބަނޑޭރިގޭގައެވެ. އަދި މިބަތް ކައްކާނީ ވަރަށް މޮޅަށް ކިރާ ހަނޑުލުގައި ފޮނިތޮށި ކާފޫރުތޮޅި އަޅައިގެންނެވެ