radheef.info
ރަދީފު


އުން
ނ (1) ގަދަމަސައްކަތް ކުރާއިރު ބާރުލާން އިއްވާއަޑެއް (2) ލިބޭވޭނަކުން ކުކުރުމުގައި އިއްވޭއަޑެއް (3) ރުޅިވެރިކަމާއެކު ނުރުހުން ފައުޅުކުރާން އިއްވޭ އަޑެއް މިއީ ކަމެއްގެ ނަމެކެވެ
ކެއުން
މ (1) ކާއެއްޗެހި ހަފައިގެން ނުވަތަ ނަހަފާ އަރުން އެތެރެކުރުން (2) ފަޅުރަށްރަށާއި ގޮއިފާލައްބަ ފަދަ ތަންތަން ވަރުވާއަށް ލިއުއްވައިގެން ގެންގުޅުން (3) ހެފުން މަޖާޒު: (4) އެހެން މީހެއްގެ މުދަލުގައި ސިއްރުން ޖެހުން (5) ވަކިވައްތަރެއްގެ ތަކެތި ޤަބޫލުކުރުން މިސާލު: )ހ( ރިޝްވަތުކެއުން )ށ( ރިބާކެއުން
ކެއުޅުކަމުދިއުން
މ (1) ފަރުމަހުގެ މަސްވެރިކަން ކުރަންދިއުން (2) ޝިކާރަވެރިކަން ކުރަންދިއުން
ކެވުން
މ (1) ކައިއަވަދިވުން (2) ބަނޑު ފުރުން (3) އަރުން އެތެރެއަށް އެއްޗެއްދިއުން (4) ބަޔަކުމީހުން ނުވަތަ ދިރޭ އެއްޗެހިތަކެއް އެއްފަރާތަށް އެރުން (5) ދޯންޏަށް ނުވަތަ ލަގަރިއަށް އެންދާ ހުސްކޮށްލުން (6) އެއްތާކަށް ކޮށިކުރުން (7) ފަރުމާނުގައި ހަންޖާ ބެއްދުން
ކޭންބެއްލެވުން
ނ (1) މާތްކޮށް ވާހަކަދެއްކުމުގައި ކެއުން (2) ކެއުން މިބަހުގެ މާތްގޮތް
ކޮނެކެއުން
މ މަޖާޒު: (1) މަސައްކަތެއް ނުކޮށް އެކިމީހުން އަތުން އެކިދުވަހު ކެއުން (2) ދިރިއުޅޭނެ ޚާއްސަގޮތެއްނެތި އެގޮތް މިގޮތުން ކައި އުޅުން
ކޮރުން
މ އެއްފައިން ފުމެމުން ދިއުން
ކޮޅުމަގަށް އެރުން
މ މަޖާޒު: (1) ނިމޭން ކައިރިވުން (2) ނިމޭތަނަށް އައުން (3) ގޮތް ހުސްވުން
ކޮޅުމުގުލަށް އެރުން
މ (1) ވަލުގެ ކޮޅަށް ދިއުން (2) ދޫކުރާނެ ތަންހުސްވުން (3) ކޮޅުންލުން (4) މައްސަލައެއް ނުވަތަ ކަމެއް އެންމެ މައްޗަށް ދިއުން (5) މަޖާޒު: ހަދާނެ އެއްވެސް ގޮތެއް ނެތުން
ކޮޅެއްގައިޖެހުން
މ (1) ނިމުމަކަށް އައުން (2) ނިމޭގޮތްވުން (3) ނުފިލައިގެން އުޅުނުކަމެއް ފިލުން
ކޮއްޓުން
މ (1) މީހެއްގެ ގައިގައި ނުވަތަ އެއްޗެއްގައި އިނގިލިން ނުވަތަ އެއްޗަކުން ކުއްލި ޙަރަކާތަކާއެކު ޖައްސައިލުމަށްފަހު ނައްޓައިލުން (2) ބިއްސާއި މުލިއްސާއި ފޮޅުފަދަ އެއްޗެހީގެ ތުން ތުއްވުން (3) އުކުނޑި ކޮއްޓުން (4) ފުޓުބޯޅައާއި ހޮކީފަދަ ކުޅިވަރު ކުޅޭއިރު ދުރަށް ބޯޅަ ފޮނުވައިނުލައި ގާތުގައި ބާއްވައިގެން މަޑުމަޑުން ޖަހަމުން ޖަހަމުން ގެންދިއުން (5) )ޏ ސ ( ކޮރުން (6) މަޖާޒު: މީހެއްގެ ހަވާލުގައި އޮތްކަމެއް އަވަސް ކުރުމަށް އުޅުން
ކޮފުން
މ ކެއުން ދިއުން އައުން ވަނުން މިލަފުޒުތަކަށް އެންމެ ހުތުރުކޮށް ބޭނުންކުރާގޮތް
ކޮލި
ނ (1) ބޯޅައެއްހެން ބަނޑު ފުފިފައި ހުންނަ މަހެއް މިމަހުގެ ހަމުގައި ތޫނު ނުވަތަ ރާޅު އުންތަކެއް ހުރެއެވެ (2) އެއްޗެހީގެ އަރިމަތިންނާއި މެދުތެރޭން ފުފިފައި އޮންނަ ފުފުން ނުވަތަ ފުފިފައި އޮންނަ ތަން (3) އިހުގައި ރަސްމީ ބައެއް ލަގަބު އިއުލާނުކުރުމަށްޓަކައި ކުރާ ރަސްމީ ކަމެއްގެ ނަން
ކޯރިގަތުން
މ (1) ދިޔާއެއްޗެއް ފައިބައިގަތުން (2) ގިނަ މީހުންތަކެއް ނުވަތަ ޖަނަވާރުތަކެއް އެއްމަގަކުން ބޮނޑިބޮނޑިއަށް ގިނައިން އައުން
ކޯރުން
މ ދިޔާ އެއްޗެއް ބާރަކާ އެކު ކެނޑިނޭޅި އައުން
އަރަބިކަރާދިއުން
މ މަޖާޒު: ޙައްޖަށްދިއުން
އަރިހަށްގެންދެވުން
މ މަހުއެއްޗެތިކޮޅު ދެއްވައިފައިވާ ބޭފުޅުންގެ އަރިހުގައި އުޅޭން ގެންދިއުން
އަރުވާހިފުން
މ (1) ހިފުމުގައި ބައްދާފައި ހުރިތަނުން ކުރިޔަށްގެންގޮސް ހިފުން (2) ތިމާގެ ބާރުގަދަ ކުރަމުން ކުރިއަރުވަމުން ގެންދިއުން (3) ބައްޔެއް ފަދަ ކަމެއް ފެތުރެމުން ދިއުން
އަޅައިކިއުން
މ ލިޔެފައިވާ ނަކަލެއް އޭގެ އަޞްލާއި އެއްގޮތްތޯ ބަލާން ކިއުން
އައިންހިފައިގެންވައިމައްޗަށްއެރުން
މ (1) މަސްއައިނެއްގައި އެތައް ދޯންޏެއް އޮއްވާ އެތަނުން ވަކިދޯންޏެއް އެންކަވައިގެން އެހެން މީހުންނަށް ކެހިދިނުމަށް އައިން ގޮވައިގެން ވައިމައްޗަށް ދިއުން (2) މަޖާޒު: އަނެކަކަށް ލިބޭން އަންނަމޮޅެއް ނުވަތަ ރީއްޗެއް އެފަރާތަކަށް ލިބުނަނުދީ ތިމާ އަތުލުން
އައުންސުތަށި
ނ ބޭސްމިނާން އައުންސު ގަވާއިދުން މިންކަނޑާފައި ހުންނަ ބިއްލޫރިތަށި