radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ނަވަގުރަހާނަ
ނ )ބދ.( ނުވަގުރަހަ )ގުރަހަނާ ގުރަހަ ތަރިބައެއް(
ނަވަގެއްލުން
މ (1) މީޒާނަށް އެރުވުން (2) ގުނަހެޔޮތޯ ބަލާން ގުނަކުރީމާ ލިބުނުބަޔާއި އެއްކުރީމާ ލިބުނުބަޔާ ދެބައިވަކީން ނުވަޔަކުން ކަނޑައިގެން ޢަދަދު ނެރުން
ނަމަވުން
ނ ކަމެއް ހިނގީތީ ހިނގިކަމެއް ނުވަތަ ކަމެއް ހިނގައިފިނަމަ ހިނގާނޭ ކަމެއް ދޭހަކޮށްދޭ ޒަމާން
ނަފީ
ނެތްކަން ނުވަތަ ނޫންކަން ނުވަތަ ނުވާކަން އަންގައިދިނުމަށް ބޭނުންކުރާ އަކުރެއް މިސާލު: )ހ( އެފޮތަކުނެތް )ށ( މުޙައްމަދެއް ނޫން )ނ( އެބައިގެ ތެރޭގައި އޭނާއެއް ނުވެއެވެ
ނަފީކުރުން
މ (1) ނުވާކަން ނުވަތަ ނެތްކަން ނުވަތަ ނޫންކަން އަންގައިދިނުމަށް ބޭނުންކުރެވޭ އަކުރެއްގެ ބޭނުން ކުރުން (2) ބާޠިލުކުރުން
ނަދުރު
ނ (1) ޖެހޭއާފާތަކުން ސަލާމަތް ވުމަށްޓަކައި ނުވަތަ ނިޢުމަތެއް ލިބިގަތުމަށްޓަކައި އެއާފާތެއް ފިލައްޖެއްޔާ ނުވަތަ އެނިއުމަތެއް ލިބިއްޖެއްޔާ ހެޔޮކަމެއްގެ ނިޔަތުގައި ކަމެއް ކުޅައުމަށް ކަނޑައަޅާ ކަނޑައެޅުން (2) އިހުގައި ނަދުރުބުނެގެން ބޮލުމެދުން ދިގުކޮށްފާހުންނަ އިސްތަށިކޮޅު
ނަދުރުބުނުން
މ ޖެހޭ އާފާތަކުން ސަލާމަތްވުމަށްޓަކައި ނުވަތަ ނިޢުމަތެއް ލިބިގަތުމަށްޓަކައި އެއާފަތެއް ފިލައްޖެއްޔާ ނުވަތަ އެނިއުމަތެއް ލިބިއްޖެއްޔާ ހެޔޮކަމެއްގެ ނިޔަތުގައި ކަމެއްކުޅައުމަށް ކަނޑައެޅުން
ނަގޫނަގާފައިދިއުން
މ (1) ދެގެރިދެގެރިއަށް ތަޅައިގެން ބަލިވާގެރި ނަގޫ އުފުލައިގެން ބިރުން ދިއުން (2) މަޖާޒު: ބަލިވެގެން ނުވަތަ ދެރަވެގެން ދިއުން
ނަގޫއެނބުރުން
މ މީހަކާ ދިމާއަށް "ނަގޫބަޅެ" ކޭ ނުވަތަ "ނަގޫކެނޑި" އެކޭ ބުނުން
ނަސުރު
ނ އުނަދަގުލެއް ދުރުކޮށްލުމަށް ނުވަތަ ދުޝްމިނަކު ބަލިކޮށް ލުމަށް ﷲ ދެއްވާ މަދަދު
ނަޖިސް
ނ (1) ކުޑަކަމު ނުވަތަ ބޮޑުކަމުދާ ތަކެތި (2) ގައިގާ ނުވަތަ ފޭރާމުގާ އެހުއްޓައި ނަމާދު ހެއުނުވާ ކޮންމެ އެއްޗެއް މިބަސް ނަންއިތުރެއްގެ ގޮތުންވެސް ބޭނުންކުރެއެވެ މިސާލު: ނަޖިސްތަކެތި
ނާ
ނ (1) ނައު. (2) ނަވު. (3) އކ. ސުވާލާ ދެކޮޅަށް ދޭޒުވާބު. ނުވަތަ ޒުވާބުގެ ކުރީގައި ބުނާ އަކުރެއް. މިސާލު: "ކަލޭނުކާނޫތަ؟" އެހީމާ "ނާ" ބުނެފިނަމަ އެބުނީ ކާނަމެވެ. މިއަކުރު ޒުވާބުގެ ކުރިއަށް ގެންނަ ގޮތަކީ "ކަލޭނުކާނޫތަ؟" އެހީމާ "ނާ" ކާނަންމިއެވެ. (4) ޗާނދާލައިފައި ހުންނަ ހަތަރެސްކަން ރިޔާ ނުވަތަ ގޯސީނަގައިގެން ދުއްވާތަކެތި. (5) ބައެއް ބަސް އެބަހުގެ އިދިކޮޅު މާނައިގައި ބޭނުންކުރާއިރު ބަހުގެ ކުރިއަށް ގެންނަ އަކުރެއް. މިސާލު: ނާއުންމީދު ނާތަހުޒީބު
ނާނާ
ނ (1) ހަމައެކަނި އަޑުން އަޅުވާލާ ރާގު މިސާލު: ނާނަޔޭނާނާ އޫނ އޫނ އޫނ (2) ކުދިން ނިންދަވަން ކިޔާލަވަ (3) އ ނޫނެކޭ ބުނުން ގަދަކުރުމަށް ބުނާގޮތް (4) މަޖާޒު: ކިޔާއެއްޗެއް ނުފިލާގޮތަށް ނުވަތަ އަޑުއަހާމީހުން ފޫހިވާ ގޮތަށް ދައްކާވާހަކަ (5) ކިޔާއެއްޗެއް އޮޅުން ނުފިލާގޮތަށް ކިޔާ އެއްޗެހި
ނާރޮވައްފަލުދަ
ނ )ޏ ( ބަނބުކޭލުގައި ހަދާ ފޮނިކާއެއްޗެއް މިހަދާގޮތަކީ ބަނބުކެޔޮ ފެނުކައްކައި މަޑުކޮށް ފުނޑައި ހިމުންކޮށް ދިޔާހަކުރު އޭގެތެރެއަށް އަޅައިގެން ހިލާ ވެށޭވަރަށް ހިލުމަށްފަހު ގުޅަވަށާ އޭގެ ސިފައަށް ގެނެސް ދޮލަގުގާ އަތުރާ ނުވަތަ ފިނިފެންމާ އަޅައިފައި އަވީލަނީއެވެ މިކެއްކުމުގައި ދޯބުރާލި ހަކުރުކޮޅެއްވެސް އަޅައެވެ
ނާބަ
ނ މަޣްރިބު ނަމާދަށް މާލޭ ހުކުރު މިސްކިތު މުންނާރުން ބަންގި ގޮވާ ނިމުމާއި ވިދިގެން ނާބުސްޚާނުން ޖަހައި އުޅުނު ބެރު. ރަސްމީ ބެރުޖެހުން އޮންނަރޭރެއަށް ނާބަ ޖަހައި އުޅުނީ އެބެރުގެ ފަހުގައެވެ. ބޮޑުދެހިތީގައި ޖަހާއުޅުނީ ހިތިގެދޮށުގައެވެ. ރަޖަބު ރަމްޟާން ޝައްވާލު މިމަސްމަހަށް ހަނދުބަލާރޭރޭ މިބެރުޖަހައި އުޅުނީ ބަޑިޖެހުމުގެ ފަހުގައި ނުވަތަ ހަނދު ފެނުނުކަން އެގުނީމައެވެ
ނިއައު
ނ (1) އެއްޗެއްގެ ނުވަތަ ކަމެއްގެ ނިމޭ ނިމުން (2) މަރުވާ މަރުވުން (3) ކަމެއްގެ މައްޗަށް އަންނަ ހުކުމް (4) ޢަދުލް އިންޞާފު
ނިއާމަ
ނ (1) ފަސޭހަ (2) ނިޢުމަތް މިބަސް ގިނައިން ބުނެއުޅެނީ ދަތުރާއި ވިދިގެންނެވެ މިސާލު: ނިޔާމަ ދަތުރު ނުވަތަ ފަހި ދަތުރު
ނިއުޅުން
މ (1) އޮޅާފައި އޮތް ފޮތި ނުވަތަ ދޫލަ ރޯލެއް ފަތުރައިލުން. (2) އެތައް ފައްތަކެއް ހަރުކޮށް އެއް އުޅިއަކަށް ހަދައިފައިވާ ގޮތް ކެނޑި ފައްތަށް ވަކިވަކިކުރުން (3) އެއްޗެއްގައި ހުންނަ މަޢުނަވީ ބަންދުކަމެއް މޮހެލުމަށް ފަންޑިތަވެރިންކުރާ ކަމެއް
ނިއުޅުންކުރުން
މ އެއްޗެއްގައި ހުންނަ މަޢުނަވީ ބަންދުކަމެއް މޮހައިލުމަށް ފަންޑިތަހެދުން ނުވަތަ ހަދާފައިވާ ފަންޑިތައިގެ ބާރު ކެނޑުވުމަށް ކަމެއް ކުރުން
ނިވައި
ނ (1) ތަނެއްގެ ނުވަތަ އެއްޗެއްގެ ވައިދަށް (2) މަޖާޒު: މީހެއްގެ ފަރާތުން ލިބޭ ރައްކައުތެރިކަން