radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ވޮށިމަސްމިޔަރު
ނ ވޮށިމަހާ ގާތްކުރާ ސިފަޔަކަށް ހުންނަ ނުލަފާ މިޔަރެއް މީގެ އަނގައިގައި ދަތް ހުންނާނީ ދެބަރިއަށެވެ
ވޮށުފިލާ
ނ ކުދިންނަށް އަކުރު ދަސްކޮށްދިނުމަށްޓަކައި އަކުރު އަޅައިދޭން ވެލިއަޅައިފައި ހުންނަ ތަބައްފަދަ އެއްޗެއް ގިނައިން މިހުންނަނީ ލަކުޑިން ހަދައިފައެވެ
ވޮށް
ނ ރަންވަށްލޮއިން ހަދައިފައި ހުންނަ ބާވަތެއްގެ އެލުވާ ބައްތިއެއް. ޢާންމުގޮތެއްގައި މިހުންނާނީ ދެތަބައްލައި މަތީ ތަބަކަށް ކަފައިން އަނބުރައިފައި ހުންނަ ފުއްލައި ކާށިތެޔޮ އަޅައިގެން ދިއްލޭނެ ގޮތަށެވެ ކިތަންމެފުކެއް ދިއްލޭނެހެންވެސް ވޮށް ހަދައިފައި ހުރެއެވެ
ވޮށްފިލާ
ނ ވޮށާ ދިމާމަތީގައި އޮންނަ ފިލާގަނޑު މިފިލާގަނޑު އޮންނާނީ ވަށްކޮންނެވެ
ވޮލީބޯޅަ
ނ ދާގަނޑެއްގެ މަތިން ދެފަރާތަށް ބޯޅަޖަހައިގެން ބިމުގައި ބޯޅަނުޖައްސައި އަތުން ކުލޭ ކުޅިވަރެއް މިކުޅެނީ ކޯޓެއްގައެވެ
ހޯނު
ނ (1) ކުޑަކުޑަބޮނޑެއްގެ ސިފައިގައި އޮންނަ ބޮނޑަށްވުރެ އަނގުނުތައް ކުރު ހަން އޮމާން ސޫތްޕެއް ޢާންމުކޮށް މިއުޅެނީ ބިތްބިތާއި ފާރު ފާރުގައެވެ (2) )ބދ ( މަހާނަ
ހޯރަ
ނ ފިޔައިގައި ބާރުގަދަ ބޮޑު ދޫންޏެއް މިއީ މާބޮޑަށް ފިޔަ ނުތަޅުވައި ވަރަށް މަތީން އުދުހޭ ދޫންޏެކެވެ މިދޫނި ނިދަނީ ގަސްގަހުގައެވެ
ހޯދީދަނޑި
ނ )ހ.( ކަތި ރިޔަލުދޯނި ފައްސިޔަށް ދާއިރު ކަނީގައި ޖަހާފައި ދޯންޏާ ދުރަށް ނެރެފައި ހުންނަ ވައުހަރުކޮށްފައި އޮންނަ ދަނޑި
ހޯގުޅާ
ނ ކަނޑުމަތީ ދޫންޏެއް މިނިދައި ބިސްއަޅައި ވިހައި އުޅެނީ އެއްގަމުގައި ހަރުކޮނެގެންނެވެ މީގެ ދެބާވަތެއްވެއެވެ އެއީ ބަނޑުދޮން ހޯގުޅާއާއި ބޮޑު ހޯގުޅާއެވެ
ހޯސާމުގުރާން
ނ މުގުރާމުގެ ބާވަތެއް މިއުޅެނީ ހުދެންކިޔާ އެމުގެ ތެރޭގައެވެ
ހޯސް
ނ އެއްޗެއް އޮހުމުގެ ބާރުކަމާއި ގިނަކަމުގެ އަޑު ހޯސްލައިފައި ފެން އަންނަނީއޭ ބުނެފިނަމަ އެއީ މާގިނައިން ފެން އަންނަނީއެވެ
ހޯޖާ
ނއ (1) އުރަވަޅީގެ އޮށްނަގައިފައިވާ (2) ކާސި (3) މަޖާޒު: ޝަހުވާނީ އެދުންނެތް
ހޯޖާވުން
މ (1) ޝަހުވާނީ އެދުންކެނޑުން (2) ކާސިވުން
ނަ
އކ (1) ނަފީކުރަން ބޭނުންކުރާ އަކުރެއް މިއަކުރު އާއްމުކޮށް އަންނާނީ ބަހުގެ ކުރިޔަށެވެ މިސާލު ނަހަމަ (2) ނޫން
ނަށާމައު
ނ ކަނޑާއި މޫދާއި ފަޅުގައި ދިރިއުޅޭ އެއްޗެއް މީގައި ކައްޓެއް ނުހުންނާނެއެވެ މިއީ ވަރަށް މަޑު އެއްޗެކެވެ މިހުންނާނީ މުރަކަ ގައު ފަދަ ތަކެތީގައި ހިއްޕައިލައިގެންނެވެ މީގެ ބައެއް ވައްތަރުގައި ބާރުގަދަ ވިހައެއް ހުންނާނެއެވެ މީގެ މަތީގައި ފަށްތަކެއްހެން ހުންނަ ބައި އަބަދު ހުންނާނީ ހުޅުވިލެއްޕި ވާގޮތަށް ޙަރަކާތް ކޮށްކޮށެވެ
ނަނުބަރަނި
ނ ބޮނޑިބަރަނީގެ ސިފައިގައި އޮޅައިފައި ހުންނަ ނަނު
ނަނުއުކުނު
މ ގޮނޑުދޮށުގައި ނުވަތަ ތޮށި މަތީގައި ހުރެގެން މަސްބާނަން ނަނުއެއްލުން. މިކަން ކޮށްއުޅޭގޮތަކީ މުގޫކޮޅު ހަރުކޮށް ބަހައްޓައިގެން އެންގަނޑު އޮންނަކޮޅު އެއްލަނީއެވެ
ނަންނުގަތިދުލި
ނ ނަންނުގަތި ބާލާދުލި މިއީ ނަންނުގަތީގެ ބޭރުހަމުގެ މަތީގެ ދުލިފަށެވެ މިދުލި ހުންނަނީ ވަރަށް މަޑުމަޑުކޮށް ހުދުކުލައިގައެވެ
ނަންކިއުން
މ (1) ކުއްޖާއަށް ނަންދިނުން އާއްމުކޮށް ނަން ކިޔައިއުޅެނީ ކުއްޖާގެ އުމުރުން ހަތް ވަނަ ދުވަހުއެވެ (2) އެއްޗަކަށް ނުވަތަ ތަނަކަށް ކިޔާނޭ ވަކިނަމެއް ކަނޑައަޅައި ފާޅުކޮށް އިއްވުން
ނަރު
ނ (1) މަޢުދަނީ ބާވަތަކުން އުފައްދާ ހިމަފަށް. (2) ބޮނބި، ކަށިކެޔޮ، ތޮރާ، މިފަދަތަކެތީގައި ހުންނަ ހިމަ ހަރު ފަށް. (3) މިއުޒިކު ކުޅޭސާމާނުގައްޔާއި ކުޅިވަރުކުޅޭ ބައެއް ކަހަލަ ރެކެޓްގައި ފުރާފައި ހުންނަ ފަށް (4) ހިމަ ފަށްފަށަށް ވާގޮތަށް ތައްޔާރުކޮށްފައި ހުންނަ ބައެއް ކާތަކެތި މިސާލު: (ހ) ހަލުއިދާނަރު (ށ) ފަޅޮލު އަސާރައިގެ ނަރު (5) ވެޔޮވެލުގެ ފަތްވަޅުން ފަޅައިފައި ހުންނަ ހިމަފަށް (6) ފުރާދުއްވާތަކެތީގެ ހުންގާނުގައި މާދާއަޅުވަން މައްޔަލުގައި ހަރުކޮށްފައިހުންނަ ލޯފޯލި (7) (ބދ) ހިމަކަން